அடேங்கப்பா.. 200MP கேமராவா.. கலக்கலாக வரும் Redmi Note 12 Pro Plus 5G! அறிமுக தேதி அறிவிப்பு!!

ரெட்மி பிரியர்கள் நீண்ட நாட்களாக எதிர்பார்த்துக் கொண்டிருந்த நோட் 12 சீரிஸ் குறித்த அதிகாரப்பூர்வ விவரங்கள் அறிவிக்கப்பட்டுள்ளன. அதன்படி, ரெட்மி நோட் 12 சீரிஸ் ஜனவரி முதல் வாரத்தில் இந்தியாவில் அறிமுகம் செய்யப்பட உள்ளது. அறிமுகம் விழா குறித்த அழைப்பை ரெட்மி நிறுவனம் வெளியிட்டுள்ளது. அதில், ரெட்மி நோட் 12 ப்ரோ பிளஸ் இந்தியாவில் அறிமுகமாகும். அத்துடன் நோட் 12 சீரிஸில் உள்ள இன்னும் சில ஸ்மார்ட்போன்கள் அறிமுகம் செய்யப்படும் என்றும் தெரிவிக்கப்பட்டுள்ளது. Redmi Note 12 Pro Plus ஆனது 200-மெகாபிக்சலுடன் கூடிய பிரைமரி கேமரா கொண்டுள்ளது. இது கிட்டத்தட்ட சீனாவில் அறிமுகமான மாடலைப் போலவே இருப்பதாக கூறப்படுகிறது. அதாவது, இதற்கு முன்பு சீனாவில் Redmi Note 12 சீரிஸ் அறிமுகம் செய்யப்பட்டுத, தற்போது விற்பனைக்கும் கிடைக்கிறது. அந்த ஸ்மார்ட்போனிலும் 200 மெகாபிக்சல் பிரைமரி கேமரா, இன்னும் சில தோற்றங்கள் ஒத்துபோகும் வகையில் உள்ளன. ரெட்மி நோட் 12 ப்ரோ பிளஸ் ஸ்மார்ட்போனில் வேறு என்னென்ன சிறப்பம்சங்கள் உள்ளன என்பது குறித்த தகவலை ரெட்மி நிறுவனம் வெளியிடவில்லை. இருப்பினும் சீனாவில் அறிமுகமான ஸ்மார்ட்போனிலுள்ள அம்சங்கள் தான் இதிலும் எதிர்பார்க்கப்படுகிறது.

শেয়ার করুন