கரும்பு வெட்டிய விவசாயிகளுக்கு கரும்புக்கு உண்டான கிரைய தொகையை ஆலை நிர்வாகம் மூலம் தங்கு தடையின்றி குறித்த நேரத்தில் வழங்குவது சம்பந்தமாக கரும்பு ஆலைக்கு பயிரிட்டுள்ள விவசாயிகள் மற்றும் விவசாய சங்க பிரதிநிதிகள் அனைவரையும் ஆலை நிர்வாகம் மூலம் அழைத்து ஆலை அரவைக்கு முன்பு கலந்தாய்வு கூட்டம் நடந்த வேண்டும். உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் சார்பில் கோரிக்கை..

நாமக்கல்,

S.K.சுரேஷ்பாபு.

கரும்பு வெட்டிய விவசாயிகளுக்கு கரும்புக்கு உண்டான கிரைய தொகையை ஆலை நிர்வாகம் மூலம் தங்கு தடையின்றி குறித்த நேரத்தில் வழங்குவது சம்பந்தமாக கரும்பு ஆலைக்கு பயிரிட்டுள்ள விவசாயிகள் மற்றும் விவசாய சங்க பிரதிநிதிகள் அனைவரையும் ஆலை நிர்வாகம் மூலம் அழைத்து ஆலை அரவைக்கு முன்பு கலந்தாய்வு கூட்டம் நடந்த வேண்டும். உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் சார்பில் கோரிக்கை..

இது குறித்து உழவர் பெருந்தகை நாராயணசாமி நாயுடுவின் தமிழக விவசாயிகள் சங்க மாநில தலைவர் R. வேலுச்சாமி வெளியிட்டுள்ள செய்தி குறிப்பில், 

சேலம் கூட்டுறவு சர்க்கரை ஆலையில் 2026-2027 ஆம் ஆண்டிற்கான கரும்பு அரவை பருவம் துவங்குவதை முன்னிட்டு, ஆலை நிர்வாகம் மூலம், இந்த ஆண்டு கரும்பு அரவை தங்கு தடையின்றி நடைபெறுவது குறித்து, ஆலை அரவைக்கு முன்பு விவசாயிகள் சங்க பிரதிநிதிகள் மற்றும் ஆலைக்கு 637017 கரும்பு பயிரிட்டுள்ள விவசாயிகளை அழைத்து ஆலை நிர்வாகம் மூலம் கலந்தாய்வு கூட்டம் நடந்த கோருதல் சம்பந்தமாக.

ஆலைக்கு  கரும்பு பதிவு செய்து அங்கத்தினராக இருக்கும் விவசாயிகளின் நிலத்தில் உள்ள‌ கரும்பை வெட்டி கிடப்பில் போடாமல், கரும்பு அரவை திறனுக்கு ஏற்ப கரும்பை ஆலை நிர்வாகம் மூலம் அரைப்பது குறித்தும் ஆலைக்கு கரும்பு வெட்டிய விவசாயிகளுக்கு கரும்புக்கு உண்டான கிரைய தொகையை ஆலை நிர்வாகம் மூலம் தங்கு தடையின்றி குறித்த நேரத்தில் வழங்குவது சம்பந்தமாக கரும்பு ஆலைக்கு பயிரிட்டுள்ள விவசாயிகள் மற்றும் விவசாய சங்க பிரதிநிதிகள் அனைவரையும் ஆலை நிர்வாகம் மூலம் அழைத்து ஆலை அரவைக்கு முன்பு கலந்தாய்வு கூட்டம் நடந்த வேண்டும் என உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் சார்பில் தங்களை நான் அன்புடன் கேட்டுக்கொள்கிறேன். என்று ப உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநில தலைவர் ஆர் வேலுச்சாமி, நாமக்கல் மாவட்ட ஆட்சியரை கேட்டுக் கொண்டு உள்ளார்.

Read more

சேலம் ரயில்வே கோட்ட ஆலோசனைக் குழு உறுப்பினராக, பசுமைத் தாயகம் அமைப்பின் மாநில இணை செயலாளர் சத்ரிய சேகர் நியமனம். பாமக தலைவர் போற்றுதலுக்குரிய டாக்டர் அன்புமணி ராமதாஸுக்கும், தர்மபுரி சட்டமன்ற உறுப்பினர் திருமதி சௌமியா அன்புமணிக்கும் மனமார்ந்த நன்றி..

சேலம், 

S.K. சுரேஷ்பாபு.

சேலம் ரயில்வே கோட்ட ஆலோசனைக் குழு உறுப்பினராக, பசுமைத் தாயகம் அமைப்பின் மாநில இணை செயலாளர் சத்ரிய சேகர் நியமனம். பாமக தலைவர் போற்றுதலுக்குரிய டாக்டர் அன்புமணி ராமதாஸுக்கும், தர்மபுரி சட்டமன்ற உறுப்பினர் திருமதி  சௌமியா அன்புமணிக்கும் மனமார்ந்த நன்றி..

பசுமைத்தாயகம் அமைப்பின் மாநில இணை செயலாளர் சத்திரிய சேகர் சேலம் ரயில்வே கோட்ட ஆலோசனைக் குழு உறுப்பினராக மத்திய அரசு ரயில்வே துறை நிர்வாகம் நியமித்துள்ளது. இதற்கு புதிதாக சேலம் கோட்ட ரயில்வே ஆலோசனைக் குழு உறுப்பினராக பொறுப்பேற்றுள்ள சத்திரிய சேகர், இதற்கு

பாசமிகு பாமக தலைவரும், வழிகாட்டியுமான அண்ணன் சின்னையா அவர்களுக்கும், தருமபுரி சட்டமன்ற உறுப்பினரும் பசுமை தாயகம் தலைவருமான, அன்பிற்குரிய அண்ணியார் அவர்களுக்கும் எனது பணிவான வணக்கங்கள்.

சேலம் கோட்ட ரயில்வே ஆலோசனைக் குழு உறுப்பினராகச் (Salem Division DRUCC Member) செயல்படும் ஒரு சிறப்பான வாய்ப்பையும், பொறுப்பையும் எனக்கு வழங்கிய தங்களுக்கு எனது இதயம் கனிந்த நன்றிகளையும், பணிவான நன்றியையும் தெரிவித்துக் கொள்கிறேன்.

என்மீது தாங்கள் வைத்துள்ள நம்பிக்கையையும், அளித்துள்ள இந்தப் பொறுப்பையும் மிகுந்த மரியாதையுடனும், கடமையுணர்வுடனும் ஏற்றுக்கொள்கிறேன். இந்தப் பொறுப்பை வெறும் பதவியாகக் கருதாமல், சேலம் மாவட்ட மக்களின் ரயில்வே தொடர்பான தேவைகள், பயணிகளின் நலன் மற்றும் சேலம் ரயில்வே கோட்டத்தின் வளர்ச்சிக்கான கோரிக்கைகளை உரிய இடத்தில் எடுத்துரைத்து, மக்கள் நலனுக்காக நேர்மையுடனும், முழு அர்ப்பணிப்புடனும் செயல்படுவேன் என்று உறுதியளிக்கிறேன். தாங்கள் என் மீது வைத்துள்ள நம்பிக்கைக்கு எனது செயல்பாடுகளின் மூலமாக நிச்சயம் பெருமை சேர்ப்பேன்.

சேலம் கோட்ட ரயில்வே ஆலோசனைக் குழு உறுப்பினராக எனக்கு வாய்ப்பு வழங்கிட பரிந்துரை செய்த முன்னாள் சட்டமன்ற உறுப்பினர் அண்ணன் கார்த்தி அவர்களுக்கும்,

மீண்டும் ஒருமுறை எனது நெஞ்சார்ந்த நன்றிகளை உரித்தாக்கிக் கொள்கிறேன்.

அன்புடனும் நன்றியுடனும்,

சத்ரியசேகர். சி. பெ.

மாநில இணை செயலாளர். பசுமைத்தாயகம்.

உறுப்பினர்,

சேலம் கோட்ட ரயில்வே ஆலோசனைக் குழு உறுப்பினர் தனது செய்தி குறிப்பில் குறிப்பிட்டுள்ளார்.

Read more

தெய்வ வழிபாட்டில் முக்கிய பங்கு வகிக்கும் பம்பை இசையை, டெடி பேர் அணிவித்து இழிவுபடுத்திய செயலுக்குக் கண்டனம். சம்பந்தப்பட்டவர்கள் மீது மாவட்ட ஆட்சியர் உரிய நடவடிக்கை எடுக்க சேலம் மாவட்ட கோவில் பூசாரிகள் கோரிக்கை.

சேலம், 

S.K.சுரேஷ்பாபு.

தெய்வ வழிபாட்டில் முக்கிய பங்கு வகிக்கும் பம்பை இசையை, டெடி பேர் அணிவித்து இழிவுபடுத்திய செயலுக்குக் கண்டனம். சம்பந்தப்பட்டவர்கள் மீது மாவட்ட ஆட்சியர் உரிய நடவடிக்கை எடுக்க சேலம் மாவட்ட கோவில் பூசாரிகள் கோரிக்கை. 

போட்டி மிகுந்த இந்த சமுதாயத்தில் தங்களது தொழில் துறையை மேம்படுத்த பல்வேறு புதிய யுக்திகளை கையாள்வது வழக்கம். அந்த வகையில் கோவில் விழாக்களில் முக்கிய அங்கமாக திகழ்ந்துவரும் பம்பை மேளம் தொழிலை மேம்படுத்தும் விதமாக குழந்தைகளுக்கு பிடித்தமான டெடி பேர் உடை அணிந்து பம்பை இசை கலைஞர் இசைப்பது போன்ற ஒரு சம்பவம் சேலம் மாவட்டத்தில் அரங்கேரி வைரல் ஆகி வருகிறது. 

இது காலம் காலமாக ஆன்மீகப் பணியில் ஈடுபட்டிருக்கும் கோவில் பூசாரிகள் இடையே அதிர்ச்சியை ஏற்படுத்தியுள்ளதோடு மட்டுமல்லாமல் பம்பை தொழிலை இழிவுபடுத்தும் விதமாக உள்ளது என்று கண்டன குரலும் எழுந்து வருகிறது. இது குறித்து சேலம் மாவட்ட கோவில் பூசாரிகள் சார்பாக சேலம் கிச்சி பாளையத்தை சேர்ந்த ஸ்ரீ அங்கு அங்காளம்மன் திருக்கோவில் நிர்வாகி பன்னீர்செல்வம் நம்மிடையே கூறுகையில், 

நாங்கள் சேலம் மாவட்டத்தைச் சேர்ந்த கோயில் பூசாரிகள். தெய்வ வழிபாட்டிலும் அம்மன் கோவில் திருவிழாக்களிலும் பம்பை இசை மிகவும் புனிதமான முக்கியத்துவம் வாய்ந்ததாகும். இத்தகைய தெய்வீக இசையை டெடி பேர் கழுத்தில் அணிவித்து இழிவுபடுத்தும் வகையில் சித்தரித்திருப்பது எங்களது ஆன்மீக உணர்வுகளையும், பாரம்பரிய வழிபாட்டு மரபுகளையும் புண்படுத்தியுள்ளது. எனவே, இச்செயலை வன்மையாகக் கண்டிப்பதுடன், சம்பந்தப்பட்டவர்கள் மீது விசாரணை மேற்கொண்டு சட்டப்படி நடவடிக்கை எடுக்குமாறு பணிவுடன் கேட்டுக்கொள்கிறோம். பம்பை இசை எங்கள் தெய்வீக வழிபாட்டு மரபு. எங்கள் பாரம்பரியத்தை இழிவுபடுத்துவதை ஒருபோதும் ஏற்க மாட்டோம். இப்படிக்கு, சேலம் மாவட்ட கோயில் பூசாரிகள் சார்பாக கூறினார் பன்னீர்செல்வம்.

அப்பொழுது தனது ஆதங்கத்தை கண்டனமாக பதிவிட்டு கொண்டிருக்கும்போது அருகில் இருந்த ஸ்ரீ அங்கு அங்காளம்மனின் விக்கிரகத்தின் தலையில் இருந்த பூ கீழே விழுந்து, அம்மனே இந்த சம்பவத்திற்கு கண்டனமும் எதிர்ப்பும் தெரிவிப்பதாகவே அமைந்திருந்தது. 

இது குறித்து சேலம் இளம்பிள்ளையை சேர்ந்த ஸ்ரீ மகாகாளியம்மன் பம்பை குழு நிர்வாகி பாலாஜி என்பவரை அணுகி இதுகுறித்து கேட்டபோது அவர் என் தொழிலை மேம்படுத்த நான் என்ன வேண்டுமானாலும் செய்வேன் எங்கு வேண்டுமானாலும் பார்த்துக் கொள் என்ற மிரட்டும் தோணியில் பேசியதாக வேதனை தெரிவித்ததோடு மட்டுமல்லாமல் இதுகுறித்து மூத்த பம்பை கலைஞர்களிடம் பேசியபோது இந்த செயலுக்கு பல்வேறு மூத்த கலைஞர்கள் தங்களது கண்டனத்தை தெரிவித்துள்ளதாகவும் குறிப்பிட்டார்.

Read more

மேச்சேரி காந்தி சிலை முன்பு உண்ணாவிரதம் மேற்கொண்ட மாற்றுத் திறனாளி வழக்கறிஞரை கைது செய்த காவல்துறை. கைது செய்த வழக்கறிஞர் உண்ணாவிரதத்தில் இருந்து வருகிறார்

சேலம்,

S.K. சுரேஷ்பாபு.

மேச்சேரி காந்தி சிலை முன்பு உண்ணாவிரதம் மேற்கொண்ட மாற்றுத் திறனாளி வழக்கறிஞரை கைது செய்த காவல்துறை. கைது செய்த வழக்கறிஞர் உண்ணாவிரதத்தில் இருந்து வருகிறார் 

சேலம் சேலம் பகுதிகளில் வாகனத்தில் அதிக அளவு  மாடு  ஏற்றி செல்லும் வாகனத்தில்

அதிக அளவில் ஏற்றி செல்லப்படுவதால் விலங்குகள் துன்புறுத்தப்படுவதாக சொல்லப்படுகிறது இந்த நிலையில் கர்நாடகா பகுதியில் இருந்து கேரளாவுக்கு சேலம் மேட்டூர் மேச்சேரி பவானி வழியாக தினந்தோறும் நூற்றுக்கு மேற்பட்ட வாகனங்கள் செல்கிறது இதனை தடுக்க வேண்டும் விலங்குகள் வதைப்படுவதை தடுக்க நிறுத்தப்பட வேண்டும் என மாற்றுத்திறனாளி வழக்கறிஞர் செந்தில் தொடர்ந்து போராடி வருகிறார். தொடர்ந்து புகார்களை சேலம் மேச்சேரி காவல் நிலையத்திலும் வழங்கி வருகிறார் தொடர்ந்து மாவட்ட கண்காணிப்பாளர் அலுவலகம் உள்ளிட்ட இடங்களிலும் புகார்கள் தந்த வந்தமாக உள்ளார். இந்த புகார் மீது நடவடிக்கை எடுக்காத காரணத்தால் இன்று காலை மாற்றுத்திறனாளி வழக்கறிஞர் சமூக ஆர்வலர் செந்தில் மேச்சேரி பிரதான சாலையில் உள்ள காந்தி சிலை முன்பு காந்திக்கு மனு கொடுக்கும் உண்ணாவிரத போராட்டத்தில் ஈடுபட முயன்றார். இதனை அறிந்த மேச்சேரி காவல்துறையினர்

மேச்சேரி காவல் ஆய்வாளர் அங்கப்பன் தலைமையில் 50க்கும் மேற்பட்டோர் 

காவல் துறையினர் சமாதான பேச்சுவார்த்தை ஈடுபட்டனர். 

இந்த சமாதான பேச்சு வார்த்தையை ஏற்க மறுத்த வழக்கறிஞர் செந்தில் காவல்துறையால் கைது செய்யப்பட்டு தனியார் மண்டபத்தில் அடைக்கப்பட்டுள்ளார். நீதி மன்றத்தில் அரசு அறிவித்துள்ள திட்டத்தின்படியே மாடுகள் வாகனத்தில் ஏற்ற வேண்டும் இதனை முறையாக செயல்படுத்திட வேண்டும் என பலமுறை காவல் நிலையத்திலும் புகார் அளித்தும் நடவடிக்கை எடுக்க வில்லை இதன் காரணமாக இன்று நான் காந்தி சிலை முன்பு உண்ணாவிரத போராட்டத்தில் ஈடுபட்ட முயன்ற போது, காவல் துறையினர் என்னை கைது செய்து  நியாயம் கேட்டு காந்தியிடம் மனு கொடுக்க வந்த என்னை நியாயமே இல்லாமல் காவல் துறையின என்னை கைது செய்தது வருத்தமடைய செய்கிறது.

விலங்குக்கு ஏற்படும் பாதிப்பை குறைக்க வேண்டும் என கேட்ட எனக்கு இந்த நிலைமை காந்தியை வழியில் போரடிய என்னை கைது செய்த காவல்துறை என்ன செய்கிறது என்பது கேள்விக்குறி. அகிம்சை வழியில் போராடிய என்னை காவல்துறை கைது செய்துள்ளது நான் சாலை மறியலோ போராட்டமோ எதுவும் செய்யவில்லை அகிம்சை வளியில் காந்தியிடம் மனு வழங்கவே வந்தேன். ஆனால் காவல்துறை என்னை கைது செய்து வேதனை அளிப்பதாக வழக்கறிஞர் மாற்றுத்திறனாளி செந்தில் தெரிவித்தார்.

Read more

பணியாளர்களுக்கு பணிச்சுமையை ஏற்படுத்தும் இச்சுற்றறிக்கைகள் ரத்து செய்யப்படாத பட்சத்தில், 01.11.2026 முதல் காலி மதுப்புட்டிகளைத் திரும்பப் பெறும் திட்டத்தைச் செயல்படுத்த மாட்டோம். சேலம் மாவட்ட டாஸ்மாக் அனைத்து தொழிற்சங்கங்கள் தமிழக அரசுக்கு அறிவிப்பு.

சேலம், 

S.K. சுரேஷ்பாபு.

பணியாளர்களுக்கு பணிச்சுமையை ஏற்படுத்தும் இச்சுற்றறிக்கைகள் ரத்து செய்யப்படாத பட்சத்தில், 01.11.2026 முதல் காலி மதுப்புட்டிகளைத் திரும்பப் பெறும் திட்டத்தைச் செயல்படுத்த மாட்டோம். சேலம் மாவட்ட டாஸ்மாக் அனைத்து தொழிற்சங்கங்கள் தமிழக அரசுக்கு அறிவிப்பு. 

 

இது குறித்து சேலம் மாவட்ட டாஸ்மாக் அனைத்து தொழிற்சங்கங்கள் சார்பில், மாவட்ட மேலாளர், டாஸ்மாக் (TASMAC) அவர்களுக்கு கடிதம் ஒன்றை அனுப்பி உள்ளது. 

அந்த கடிதத்தில், வரும் 01.11.2026 முதல் காலி மதுப்புட்டிகளைத் திரும்பப் பெறும் மற்றும் மறுசுழற்சி செய்யும் திட்டத்தைச் செயல்படுத்துவது தொடர்பாக டாஸ்மாக் நிர்வாகம் புதிய சுற்றறிக்கை ஒன்றை வெளியிட்டுள்ளது. டாஸ்மாக் நிர்வாகம் வெளியிட்டுள்ள இச்சுற்றறிக்கைகள், பணியாளர்களுக்கு மிகுந்த பணிச்சுமையை ஏற்படுத்துகின்றன. எனவே, டாஸ்மாக் பணியாளர்களை ஈடுபடுத்தாமல், தனியார் முகமை (Private Agency) மூலம் பணியாளர்களை நியமித்து, காலி மதுப்புட்டிகளைத் திரும்பப் பெறும் திட்டத்தைச் செயல்படுத்த வேண்டும் என்றும், தற்போது வெளியிடப்பட்டுள்ள சுற்றறிக்கைகளைச் செயல்படுத்துவதை நிறுத்த வேண்டும் என்றும் டாஸ்மாக் அனைத்து தொழிற்சங்கங்களின் சார்பாகக் கேட்டுக்கொள்கிறோம். 

பணியாளர்களுக்குத் தொடர்ந்து பணிச்சுமையை ஏற்படுத்தும் இச்சுற்றறிக்கைகள் ரத்து செய்யப்படாத பட்சத்தில், 01.11.2026 முதல் காலி மதுப்புட்டிகளைத் திரும்பப் பெறும் திட்டத்தைச் செயல்படுத்த மாட்டோம் என்பதைத் தெரிவித்துக்கொள்கிறோம் என்று சேலம் மாவட்ட

டாஸ்மாக் அனைத்து தொழிற்சங்கங்கள் தெரிவித்துள்ளனர். இது ஒரு புறம் இருக்க சேலம் மாவட்ட அனைத்து டாஸ்மாக் தொழிற்சங்க நிர்வாகிகள் தங்களது கோரிக்கைகள் குறித்த மனுவை வழங்குவதற்காக சேலம் சந்தியூரில் உள்ள மாவட்ட மேலாளர் அலுவலகத்திற்கு சென்று இருந்த நிலையில் அந்த கோரிக்கை மனுவை ஏற்க மறுக்காத சேலம் மாவட்ட மேலாளர், ஜம்பு என்கின்ற தொழிற்சங்க நிர்வாகியை வலுக்கட்டாயமாக கெங்கவல்லி பகுதிக்கு மாற்றம் செய்யப்பட்டுள்ளார். இது குறித்து தகவல் அறிந்த டாஸ்மாக் தொழிற்சங்கத்தினர் மாவட்ட மேலாளர் அலுவலகம் முன்பாகவே தற்பொழுது வரை காத்துக் கொண்டிருக்கின்றனர். தங்களது கோரிக்கைகள் ஏற்காத வரை குறிப்பாக ஜம்பு என்பவரை மீண்டும் சேலத்திலேயே பணி மாற்றம் செய்யும் வரை தங்களது காத்திருப்பு போராட்டத்தை கைவிடப் போவதில்லை என்றும் எச்சரிக்கை விடுத்துள்ளனர்.

Read more

வடகிழக்கு பருவமழையின் தீவிரம் எதிரொலி. வரும் இரண்டாம் தேதி நடக்க விருந்து கள்ளிறக்கும் போராட்டம் தற்காலிக ஒத்திவைப்பு. போராட்ட தேதி பின்னர் அறிவிக்கப்படும் என தமிழக விவசாயிகள் சங்க மாநில தலைவர் வேலுச்சாமி தெரிவித்துள்ளார்.

நாமக்கல்,

S.K.சுரேஷ்பாபு.

வடகிழக்கு பருவமழையின் தீவிரம் எதிரொலி. வரும் இரண்டாம் தேதி நடக்க விருந்து கள்ளிறக்கும் போராட்டம் தற்காலிக ஒத்திவைப்பு. போராட்ட தேதி பின்னர் அறிவிக்கப்படும் என தமிழக விவசாயிகள் சங்க மாநில தலைவர் வேலுச்சாமி தெரிவித்துள்ளார். 

இதுகுறித்து, மறைந்த மாபெரும் விவசாயத் தலைவர் நாராயணசாமி நாயுடு அவர்களின் வழிகாட்டுதலில் இயங்கும் தமிழ்நாடு விவசாயிகள் சங்கம் சார்பாக மாநிலத் தலைவர் ஆர்.வேலுச்சாமி வெளியிட்டுள்ள அறிக்கையில்,  

தமிழ்நாட்டில் உள்ள விவசாயிகளின் நிலங்களில் வளரும் தென்னை மற்றும் பனை மரங்களிலிருந்து பெறப்படும் 'கள்' விற்பனை மீதான தடையை நீக்கக் கோரி, வரும் 02.11.2026 அன்று தமிழ்நாடு முழுவதும் உள்ள மாவட்டக் காவல் கண்காணிப்பாளர்  அலுவலகங்களுக்கு முன்பாக 'கள்' விற்பனை செய்யும் போராட்டம் நடத்தப்படும் என்று நான் அறிவித்திருந்தேன் என்றும் தற்போது வடகிழக்குப் பருவமழை தீவிரமாகப் பெய்து வருவதால், தென்னை மரங்களில் தேங்காய்கள் முதிர்ச்சியடைவதற்குத் தேவையான சீரான வெப்பநிலை கிடைக்காத சூழல் நிலவுகிறது ஆகையால், உழவர் பெருந்தலைவர் நாராயணசாமி நாயுடுவின் வழிகாட்டுதலில் இயங்கும் தமிழ்நாடு விவசாயிகள் சங்கம் சார்பாக, திங்கட்கிழமை, 02.11.2026 அன்று காலை 10.00 மணிக்கு நடத்தப்படவிருந்த, தென்னை மற்றும் பனை மரங்களிலிருந்து பெறப்படும் 'கள்' விற்பனை செய்யும் போராட்டம் தற்காலிகமாக ஒத்திவைக்கப்படுகிறது என்று தெரிவித்துள்ளார். 

மேலும்  இந்தப் போராட்டம் நடைபெறும் புதிய தேதி குறித்து பின்னர் அறிவிக்கப்படும் என்பதைத் தமிழ்நாட்டு விவசாயிகளுக்கு தெரிவித்துக் கொள்வதாக தமிழக விவசாயிகள் சங்க மாநில தலைவர் ஆர். வேலுச்சாமி குறிப்பிட்டுள்ளார்.

Read more

படி ஏறு பாட்டி வயதான பெண்களின் மூட்டு ஆரோக்கியத்திற்காக சேலம் காவேரி மருத்துவமனையில் புதிய விழிப்புணர்வு திட்டம். மருத்துவ குழுவினர் தகவல்.

சேலம், 

S.K. சுரேஷ்பாபு. 

படி ஏறு பாட்டி வயதான பெண்களின் மூட்டு ஆரோக்கியத்திற்காக சேலம் காவேரி மருத்துவமனையில் புதிய விழிப்புணர்வு திட்டம். மருத்துவ குழுவினர் தகவல். 

திட்டம் குறித்து காவேரி மருத்துவமனையின் மூட்டு மாற்று அறுவை சிகிச்சை நிபுணர் குழுவினர் செய்தியாளர்களை சந்தித்தனர். அப்போது இது குறித்து கருத்து தெரிவித்த டாக்டர் எஸ். அருண், "எங்கள் மருத்துவமனையின் 'ரன் அண்ட் பிளே கிராண்ட்பா' (Run and Play Grandpa) பிரச்சாரத்திற்கு கிடைத்துள்ள வரவேற்பு, முதியவர்களிடையே முழங்கால் ஆரோக்கியம் மற்றும் நடமாட்டத்திறன் குறித்த விழிப்புணர்வை அதிகரித்துள்ளது. இந்த அனுபவத்தின் அடிப்படையில், முதிய பெண்கள் தங்கள் முழங்கால் தொடர்பான பிரச்சினைகளுக்கு முறையான சிகிச்சையைப் பெறுவார்கள் என்று நாங்கள் உறுதியாக நம்புகிறோம்" என்று கூறினார். மேலும், சரியான நேரத்தில் மருத்துவ ஆலோசனையைப் பெறுவதை ஊக்குவிக்கும் நோக்கில், 'படி ஏறு பாட்டி' (Step Up Grandma) என்ற திட்டத்தைத் தொடங்குகிறோம். முழங்கால் தேய்மானத்தை முதுமையின் தவிர்க்க முடியாத ஒரு பிரச்சினையாகக் கருத வேண்டிய அவசியமில்லை. "முறையான பரிசோதனை மற்றும் சிகிச்சையின் மூலம், பாதிக்கப்பட்ட பெண்கள் மீண்டும் இயல்பாக நடக்கவும், சுறுசுறுப்பாகச் செயல்படவும் முடியும் என்ற செய்தியை அவர்களுக்குக் கொண்டு சேர்ப்பதே இதன் நோக்கம்" என்று அவர் கூறினார். சுமார் ஆறு முதல் ஏழு ஆண்டுகளாகக் கடுமையான முழங்கால் மூட்டுவலியால் (arthritis) பாதிக்கப்பட்ட 77 வயது மூதாட்டி ஒருவரின் அனுபவத்தைப் பகிர்ந்துகொண்ட டாக்டர் மணிவண்ணன், "இந்த மூட்டுவலி, அந்தப் பெண்ணின் நடக்கும் திறன், படிக்கட்டுகளில் ஏறுவது, நாற்காலியிலிருந்து எழுவது மற்றும் அன்றாட வீட்டு வேலைகளைச் செய்வது போன்ற செயல்பாடுகளைப் படிப்படியாகப் பாதித்தது. பல்வேறு சிகிச்சைகளை மேற்கொண்ட பிறகும், அவருக்கு 'முழு முழங்கால் மாற்று அறுவை சிகிச்சை' (total knee replacement) மட்டுமே ஒரே தீர்வாக இருந்தது. விரிவான ஆலோசனைகளுக்குப் பிறகு, ரோபோடிக் உதவியுடன் முழங்கால் மாற்று அறுவை சிகிச்சையை மேற்கொண்டோம். அதன் பின்னர், பிசியோதெரபி நிபுணர்கள் அவருக்குத் தினசரி உடற்பயிற்சிகளை வழங்கினர். இப்போது அவர் தனது அன்றாடச் செயல்பாடுகளைத் தானே சுயமாகசசெய்யத் தொடங்கிவிட்டார்" என்று தெரிவித்தார்.

தொடர்ந்து, காவேரி மருத்துவமனை குழுமத்தின் நிறுவனர் மற்றும் நிர்வாக இயக்குநர் டாக்டர் மணிவண்ணன் செல்வராஜ் கூறுகையில், "சுறுசுறுப்பான மற்றும் சுதந்திரமான வாழ்க்கையை வாழ்வதற்கு வயது ஒரு தடையாக இருக்கக்கூடாது என்று நாங்கள் நம்புகிறோம். 'படி ஏறு பாட்டி' திட்டத்தின் மூலம், முதிய பெண்கள் மற்றும் அவர்களது குடும்பத்தினர், இத்தகைய உடல்நலப் பிரச்சினைகளின் தன்மையைப் புரிந்துகொண்டு, தகுந்த மருத்துவ சிகிச்சையைப் பெற ஊக்குவிக்கிறோம். சரியான நேரத்தில் மருத்துவ ஆலோசனை பெறுவது மற்றும் சிகிச்சை விருப்பங்கள் குறித்த விழிப்புணர்வு அதிகப் பெண்களைச் சென்றடையும் என்றும், இது அவர்கள் தங்கள் அன்றாடச் செயல்பாடுகளைச் செய்யவும், மீண்டும் சுதந்திரமாவாழ்க்கையைப் பெறவும் உதவும் என்றும் நாங்கள் நம்புகிறோம்" என்று கூறினார். மேலும் இந்த ரோபோடிக்கு அறுவை சிகிச்சையின் மூலம் கடந்த மூன்று மாதங்களில் மட்டும் 10 முதல் 15 அறுவை சிகிச்சைகள் மேற்கொள்ளப்பட்டுள்ளதாகவும், மருத்துவ குழுவினரால் மேற்கொள்ளப்படும் அறுவை சிகிச்சைகளுக்கு மட்டும் முதலமைச்சர் இன் காப்பீடு திட்டத்தின் கீழ் கொண்டுவரப்பட்டுள்ளதாகவும் தற்பொழுது இந்த ரோபோடிக் அறுவை சிகிச்சை தற்பொழுது வரை இந்த திட்டத்தில் கொண்டுவரப்படவில்லை என்று கூறியதோடு மட்டுமல்லாமல் இந்த அறுவை சிகிச்சை மேற்கொள்ள சுமார் மூன்று லட்சம் ரூபாய் வரை செலவு பிடிக்கும் என்றும் அறுவை சிகிச்சை முடிந்த பிறகு அறுவை சிகிச்சை மேற்கொண்டவர்கள் அதிகபட்சமாக ஒரு மாத காலத்தில் தங்களது அன்றாட பணிகளை தொடரலாம் என்றும் தெரிவித்தனர்.

இந்த செய்தியாளர் சந்திப்பின்போது, டாக்டர் எஸ். ரவிக்குமார், அறுவை சிகிச்சை இரைப்பை-குடல் நிபுணர் மற்றும் மேம்பட்ட லேப்ராஸ்கோபிக் அறுவை சிகிச்சை நிபுணர்; டாக்டர் என். கார்த்திக் குமார், எலும்பியல் மற்றும் முதுகெலும்பு அறுவை சிகிச்சை நிபுணர்; டாக்டர் எஸ். அருண், எலும்பியல், முதுகெலும்பு மற்றும் சிக்கலான காயங்களுக்கான மூத்த அறுவை சிகிச்சை நிபுணர்; டாக்டர் மணிவண்ணன், எலும்பியல், ஆர்த்ரோஸ்கோபி (மூட்டு உட்புற அறுவை சிகிச்சை) மற்றும் மூட்டு மாற்று அறுவை சிகிச்சை நிபுணர்; டாக்டர் ராஜ்சிரிஷ் பெல்லால் ஸ்ரீதரன், எலும்பியல் அறுவை சிகிச்சை நிபுணர்; மற்றும் திரு. செல்வம், சேலம் காவேரி மருத்துவமனையின் நிர்வாக இயக்குநர் (Facility Director). ஆகியோர் உடன் இருந்தனர்.

Read more