தை திங்கள் திருவிழாவிற்கு 25 சதவீதம் வெள்ளி கொலுசுகளுக்கு ஆர்டர். சேலம் வெள்ளி கொலுசு உற்பத்தியாளர் கைவினை கைவினைஞர்கள் நலச்சங்க தலைவர் ஸ்ரீ ஆனந்தராஜன் தகவல்.

சேலம். 

S.K. சுரேஷ்பாபு. 

தை திங்கள் திருவிழாவிற்கு 25 சதவீதம் வெள்ளி கொலுசுகளுக்கு ஆர்டர். சேலம் வெள்ளி கொலுசு உற்பத்தியாளர் கைவினை கைவினைஞர்கள் நலச்சங்க தலைவர் ஸ்ரீ ஆனந்தராஜன் தகவல். 

தமிழர்களின் பாரம்பரிய திருவிழாவான தை திருவிழாவை முன்னிட்டு வெள்ளி கொலுசு, அரைஞான்கோடி மற்றும் மெட்டிகள் உள்ளிட்ட வெள்ளி பொருட்கள் விற்பனை அதிக அளவில் இருக்கும். இதற்காக சேலம் மாவட்டம் சிவதாபுரம் பனங்காடு உள்ளிட்ட 50க்கும் மேற்பட்ட கிராமங்களில் ஆயிரத்திற்கும் மேற்பட்ட வெள்ளி பட்டறைகளுக்கு தமிழகம் உட்பட பல்வேறு மாநிலங்களில் இருந்து வெள்ளிப் பொருட்களுக்கான ஆர்டர்கள் பெறப்பட்டுள்ளன. 

இது குறித்து சேலம் வெள்ளி கொலுசு உற்பத்தியாளர் கைவினைஞர்கள் நல சங்கத் தலைவர் ஸ்ரீ ஆனந்தராஜன் கூறுகையில், 

தமிழகம் கர்நாடகா ஆந்திரா மற்றும் கேரளம் உள்ளிட்ட மாநிலங்களிலிருந்து வெள்ளிப் பொருட்களுக்கான ஆர்டர்கள் வருகின்றன. இந்த ஆர்டர்களை தயாரிக்கும் பணியில் பட்டறைகளில் தொழிலாளர்கள் ஈடுபட்டு வருகின்றனர். பொங்கல் பண்டிகையை முன்னிட்டு 25% வெள்ளி பொருட்களுக்கான ஆர்டர்கள் பெறப்பட்டுள்ளன. பண்டிகைக்கு ஒரு மாதத்திற்கு முன்பு 75% ஆர்டர்கள் கிடைத்துவிடும். தற்பொழுது 25 சதவிகித ஆர்டர்கள் மட்டுமே வந்துள்ளன. அதாவது ஒரு லட்சம் வெள்ளி கொலுசுகள் தயாரிக்கும் பணிக்கு ஆர்டர்கள் கிடைக்கும் என எதிர்பார்த்து இருந்த நிலையில், தற்பொழுது 25 ஆயிரம் வெள்ளி கொலுசுகள் தயாரிக்கும் பணிக்கு மட்டுமே ஆர்டர்கள் கிடைத்துள்ளது. 

மழையின் காரணமாக ஆர்டர்கள் குறைந்து உள்ளது என்றாலும் எதிர்வரும் காலங்களில் மீதமுள்ள ஆர்டர்கள் கிடைக்கும் என நம்பிக்கை தெரிவித்தார். வெள்ளி ஒரு கிராம் 110 ரூபாய்க்கு சமீபத்தில் சென்று இருந்த நிலையில் தற்பொழுது விலை குறைந்து 95 ரூபாய்க்கு விற்கப்பட்டு வருகிறது. இதன் காரணமாக பொதுமக்கள் வெள்ளிப் பொருட்களை அதிக அளவில் வாங்க வாய்ப்பு உள்ளது. கால் கொலுசுகள் சிறியவர்கள் முதல் பெரியவர்கள் வரை 2000 ரூபாய் முதல் 30000 ரூபாய் வரையும், அரைஞான்கொடி 1500 ரூபாய் முதல் 30 ஆயிரம் ரூபாய் வரையிலும், மெட்டி 200 ரூபாய் முதல் 1500 ரூபாய் வரையிலும், தண்டை 3000 ரூபாய் முதல் 5000 ரூபாய் வரை விற்கப்படுகிறது. தற்போது வெள்ளி ஒரு கிராம் 95 ரூபாய்க்கும் பார்வள்ளி 95 ஆயிரம் ரூபாய்க்கும் விற்பனை செய்யப்பட்டு வருவதாகவும் வெள்ளி கொலுசு கைவினைகள் நல சங்கத்தின் தலைவர் ஸ்ரீ ஆனந்த ராஜன் தெரிவித்துள்ளார்.

শেয়ার করুন