தமிழக முதலமைச்சரின் பிறந்தநாள் விழா கராத்தே விளையாட்டு போட்டிகள். சுற்றுலா துறை அமைச்சர் ராஜேந்திரன் துவக்கி வைப்பு.

சேலம். 

S.K. சுரேஷ்பாபு. 

தமிழக முதலமைச்சரின் பிறந்தநாள் விழா கராத்தே விளையாட்டு போட்டிகள். சுற்றுலா துறை அமைச்சர் ராஜேந்திரன் துவக்கி வைப்பு. 

திமுக தலைவரும் தமிழக முதலமைச்சர் முத்துவேல் கருணாநிதி ஸ்டாலின் 72வது பிறந்தநாள் விழா அந்த கட்சியினரால் விமர்சையாகவும் உற்சாகமாகவும் தொடர்ச்சியாக கொண்டாடப்பட்டு வருகிறது. விளையாட்டுப் போட்டிகள் கோலப்போட்டிகள் ஏழை எளியவர்களுக்கு நலத்திட்ட உதவிகள் வழங்குவது என எண்ணற்ற நல உதவிகளை திமுகவினர் தொடர்ச்சியாக மேற்கொண்டு வருகின்றனர். இதன் ஒரு பகுதியாக சேலம் மத்திய மாவட்ட அம்மா பேட்டை பகுதி திமுக சார்பில் பள்ளி மாணவ மாணவிகளுக்கான கராத்தே மற்றும் குத்துச்சண்டை போட்டியில் சேலம் அம்மாபேட்டை நகரவை ஆண்கள் மேல்நிலைப்பள்ளி வளாகத்தில் நடைபெற்றது. சேலம் மத்திய மாவட்ட திமுக அம்மாபேட்டை பகுதி திமுக செயலாளரும், அம்மாபேட்டை மண்டல குழு தலைவர் மாநாடு தனசேகரன் தலைமையில் நடைபெற்ற இந்த விழாவில், தமிழக சுற்றுலாத்துறை அமைச்சர் வழக்கறிஞர் ராஜேந்திரன் சிறப்பு விருந்தினராக கலந்து கொண்டு போட்டிகளை துவக்கி வைத்து வீரர் மற்றும் வீராங்கனைகள் இடையே தமிழக அரசின் சாதனைகளை குறித்து பட்டியலிட்டார். தொடர்ந்து நடைபெற்ற போட்டியில் பள்ளி கராத்தே பையிலும்  மாணாக்கர்கள் ஓடுகளை உடைத்தும், குத்துச்சண்டை வீரர் மற்றும் வீராங்கனைகள் தங்களது முழு திறமைகளையும் வெளிப்படுத்தி விளையாடியது பார்வையாளர்களை வெகுவாக கவரும் விதமாகவே அமைந்திருந்தது. பல சுற்றுகளாக நடைபெற்ற இந்த போட்டியில் வெற்றி பெற்ற வீரர் மற்றும் வீராங்கனைகளுக்கு முதல் பரிசாக பத்தாயிரம் ரூபாயும் இரண்டாம் பரிசாக 7000 ரூபாயும் மூன்றாம் பரிசாக ஐந்தாயிரம் ரூபாயும் மற்றும் நான்காம் பரிசாக 3 ஆயிரம் ரூபாயும் வழங்கி பரிசு கோப்பை மற்றும் சான்றிதழ் வழங்கி திமுகவினரால் வாழ்த்தி பாராட்டுகள் தெரிவிக்கப்பட்டன. இந்த நிகழ்வில் சேலம் மத்திய மாவட்ட திமுக அவை தலைவர் ஜிகே சுபாஷ், சேலம் மாநகர திமுக செயலாளர் ரகுபதி, மாமன்ற உறுப்பினர்கள் தெய்வலிங்கம், மஞ்சுளா, திருஞானம் மற்றும் அசோகன் உட்பட திமுக நிர்வாகிகள் முருகன் சுரேந்தர் ஜீவா சரவணன் மற்றும் ரவி உள்ளிட்ட பலர் கலந்து கொண்டனர்.

শেয়ার করুন