சேலம்.
S.K. சுரேஷ்பாபு.
பாமக கௌரவ தலைவர் ஜிகே மணி இல்ல திருமண விழா. புதுவை முதல்வர் ரங்கசாமி மணமக்களுக்கு வாழ்த்து.
பாட்டாளி மக்கள் கட்சியின் கௌரவத் தலைவரும், முன்னாள் மேட்டூர் சட்டமன்ற உறுப்பினருமான ஜி கே மணி அவர்களின் இல்லத் திருமண விழா சேலம் மூன்று ரோடு பகுதியில் உள்ள தனியார் திருமண மஹாலில் நடைபெற்றது. இந்த திருமண விழாவில் பல்வேறு கட்சிகளின் முக்கிய தலைவர்கள் மற்றும் நிர்வாகிகள் திரைப்பட பிரபலங்கள் என ஏராளமான நேரில் வந்து மணமக்களை வாழ்த்தி சென்றனர். இந்த நிலையில் என் ஆர் காங்கிரஸ் தலைவரும் புதுச்சேரி மாநில முதலமைச்சருமான ரங்கசாமி இன்று மணமக்களை நேரில் சந்தித்து பூங்கொத்து கொடுத்து வாழ்த்துகளை தெரிவித்தார். புதுவை மாநில முதல்வர் மிகவும் எளிமையானவர் என்பது அனைவரும் அறிந்ததே அதன் அடிப்படையில், மணமக்களை வாழ்த்திய புதுவை முதல்வர் திருமணத்திற்கு வந்திருந்த அவர்களது சொந்த பந்தங்களுக்கு இடையே அமர்ந்து மதிய உணவினை அருந்தி மகிழ்ந்தார்.
உணவருந்தி விட்டு வெளியே வந்த புதுவை முதல்வரிடம் ஏராளமானோர் செல்பி எடுக்க ஆர்வம் காட்டியது திருமண மண்டபத்தில் சிறிது நேரம் ஒரு பரபரப்பான சூழ்நிலையை ஏற்படுத்தியது என்றே கூறலாம்.
