உங்களைத் தேடி உங்கள் ஊரில்: ஈரோடு வட்டத்தில் உள்ள அரசு அலுவலகங்களில் ஆட்சியர் ஆய்வு

ஈரோடு மாவட்டம் ஈரோடு வட்டத்திற்கு உட்பட்ட பகுதிகளில் உங்களைத் தேடி உங்கள் ஊரில் திட்டத்தின் கீழ், பல்வேறு அரசு அலுவலகங்களில் நடைபெற்று வரும் பணிகளை மாவட்ட ஆட்சியர் ராஜ கோபால் சுன்கரா நேரில் சென்று பார்வையிட்டு ஆய்வு மேற்கொண்டார்.

தமிழ்நாடு முதலமைச்சர் மக்களை நாடி, மக்கள் குறைகளைக் கேட்டு, உடனுக்குடன் தீர்வு காண அரசு இயந்திரம் களத்திற்கே வரும் உங்களைத் தேடி, உங்கள் ஊரில் என்ற புதிய திட்டத்தினை அறிவித்தார். இந்த திட்டத்தின்படி மாவட்ட ஆட்சியர் ஒவ்வொரு மாதமும் ஒரு நாள் வட்ட அளவில் தங்கி, மக்களின் சேவைகள், தங்கு தடையின்றி மக்களைச் சென்றடைவதை உறுதி செய்திடும் வகையில், கள ஆய்வில் ஈடுபட்டு, அரசு அலுவலகங்களை ஆய்வு செய்து வருகிறார்.

அந்த வகையில், இன்று (18ம்‌ தேதி) ஈரோடு வட்டத்திற்கு உட்பட்ட மண்டலம் 4 மோகன் தோட்டம் பகுதியில் உள்ள கழிவு நீர் சுத்திகரிப்பு நிலையத்தில் ஆய்வு மேற்கொண்டார். ஈரோடு மாநகராட்சிக்கு உட்பட்ட 52 வார்டுகளில் இருந்து பெறப்படும் வீட்டு கழிவுநீர்களை சுத்திகரிப்பு செய்யப்படும் கழிவுநீர் சுத்திகரிப்பு நிலையமானது 50.54 எம்.எல்.டி கொள்ளளவு கொண்டுள்ளது.

தற்பொழுது 25.60 எம்.எல்.டி கழிவுநீர் பெறப்பட்டு சுத்திகரிப்பு செய்யப்பட்டு வருகிறது. மேலும், கழிவு நீரின் தரம் மற்றும் சுத்திகரிக்கப்பட்ட பின்னர் வெளியேறும் நீரின் தரம் ஆகியவற்றை பார்வையிட்டு, ஆய்வு மேற்கொண்டார். தொடர்ந்து, ஈரோடு பாரத வங்கி முக்கிய கிளை சாலையில் உள்ள அனைத்து மகளிர் காவல் நிலையத்தில் ஆய்வு மேற்கொண்டு, அங்கு பராமரிக்கப்பட்டு வரும் பதிவேடுகள் மற்றும் கிளை சிறையில் பராமரிக்கப்பட்டு வரும் பதிவேடுகளை பார்வையிட்டு, ஆய்வு மேற்கொண்டார்.

அதனைத் தொடர்ந்து, ஈரோடு வட்டார வளர்ச்சி அலுவலகத்தில் மூலம் மேற்கொள்ளப்படும் பணிகள், பராமரிக்கப்பட்டு வரும் பதிவேடுகள், அலுவலக பதிவறை ஆகியவை குறித்து ஆய்வு மேற்கொண்டார். தொடர்ந்து, நசியனூர் தொடக்க வேளாண்மை கூட்டுறவு கடன் சங்கத்தில் ஆய்வு மேற்கொண்டு, அங்கு பராமரிக்கப்பட்டு வரும் பதிவேடுகளை பார்வையிட்டு ஆய்வு மேற்கொண்டார்.

மேலும், ஈரோடு அரசு பல்நோக்கு உயர் சிகிச்சை மருத்துவமனையில் இயன்முறை சிகிச்சை துவக்க நிலை இடையீட்டு அறை, செவித்திறன் சோதனை அறை, அவசர சிகிச்சை பிரிவு, விபத்து மற்றும் அவசர சிகிச்சை பிரிவு ஆகியவற்றை பார்வையிட்டு ஆய்வு மேற்கொண்டார்.

இந்த ஆய்வுகளின்போது, மாவட்ட காவல் கண்காணிப்பாளர் ஜவகர், உதவி ஆட்சியர் (பயிற்சி) ராமகிருஷ்ணசாமி, இணை இயக்குநர் (மருத்துவம்) அம்பிகா, மாவட்ட ஆட்சியரின் நேர்முக உதவியாளர் (வளர்ச்சி) செல்வராஜ், ஈரோடு வட்டார வளர்ச்சி அலுவலர் நடராஜ், மாநகராட்சி பொறியாளர் விஜயகுமார், உதவி பொறியாளர் சிவக்குமார் உட்பட தொடர்புடைய துறை அலுவலர்கள் உடனிருந்தனர்.

Read more

சித்தோடு அருகே தீப்பிடித்து எரிந்த ஆம்னி பேருந்து

சென்னையில் இருந்து கோவைக்கு ஒரு ஆம்னி பேருந்து இன்று (18ம் தேதி) அதிகாலை சென்று கொண்டிருந்தது. சென்னையைச் சேர்ந்த டிரைவர் கார்த்திக் பேருந்தை ஓட்டிச் சென்றார். சித்தோடு சத்தி சாலை பாலம் அருகே சென்ற போது பேருந்தின் எஞ்சினில் இருந்து புகை வந்துள்ளது‌.

இதைக் கண்ட டிரைவர் கார்த்திக் பேருந்தை சாலையின் ஓரமாக நிறுத்தியுள்ளார். உடனடியாக பேருந்தில் சென்ற 15 பயணிகளும் உடைமைகளுடன் வெளியேறுமாறு எச்சரிக்கப்பட்டனர். பயணிகள் அடுத்தடுத்து பேருந்தில் இருந்து வெளியேறும்போது பேருந்துக்குள் கரும்புகை சூழ்ந்து தீப்பிடித்து எரிய தொடங்கியது.

இதுகுறித்து, பவானி தீயணைப்பு நிலையத்துக்கு தகவல் தெரிவிக்கப்பட்டது. சம்பவ இடத்திற்கு விரைந்த தீயணைப்பு படையினர் பஸ்ஸில் தண்ணீரை பீச்சி அடித்து தீயை அணைத்தனர். இதில் பேருந்தின் பெரும்பகுதி எரிந்து சேதம் அடைந்தது.

இதுகுறித்து சித்தோடு காவல்துரைய்ஹினர் வழக்கு பதிவு செய்து விசாரித்து வருகின்றனர். தேசிய நெடுஞ்சாலையில் சென்றபோது ஆம்னி பஸ் தீப்பிடித்து இருந்த சம்பவம் பரபரப்பை ஏற்படுத்தியுள்ளது.

Read more

பள்ளிக் குழந்தைகளை நல்வழிப்படுத்த கல்வியாளர்கள் பங்கேற்ற வட்டமேசை நிகழ்வு

சேலம்.

S.K. சுரேஷ்பாபு.

UNODC மற்றும் ஸ்ரீ சேஷாஸ் இன்டர்நேஷனல் பப்ளிக் பள்ளி ஆகியவற்றின் சார்பில் கல்வியாளர்கள் கலந்து கொண்ட வட்ட மேசை கலந்துரையாடல்.

அமைதி, உலகளாவிய இலக்குகள் மற்றும் வகுப்பறைகளில் சட்டத்தின் ஆட்சி பற்றிய முதன்மை ஸ்ட்ரீமிங் கல்வி பற்றிய கல்வியாளரின் வட்ட மேசை உரையாடல் நிகழ்ச்சி நடைபெற்றது. இந்த நிகழ்ச்சியில், 

சேலம் கொண்டப்ப நாயக்கன்பட்டி அருகில் உள்ள ஸ்ரீ சேஷா பள்ளியின் முதல்வர் சைலஜா முன்னிலையில் நடைபெற்ற இந்த நிகழ்வில், திரு. சமர்த் பதக், தெற்காசியா UNODC, தகவல் தொடர்பு அதிகாரி, 

டாக்டர் சத்ய பூஷன், 

உதவி பேராசிரியர் (சர்வதேச உறவுகள் பிரிவு), NCERT மற்றும் திரு.ஏ.என்.ராமச்சந்திரா, முன்னாள் இணை ஆணையர் (கல்வித்துறை), நவோதயா வித்யாலயா கமிட்டி ஆகியோர் கலந்து கொண்டு சிறப்புரையாற்றினர். இவர்களை தவிர குழு உறுப்பினர்கள்

Dr. வசந்தி தங்கராஜன்,  சிஷ்யா பள்ளியின் நிறுவனர், முதல்வர் மற்றும் நிருபர், ஓசூர், டாக்டர் சி.ராமசுப்ரமணியன், பரணி பார்க் இன்ஸ்டிடியூஷன்ஸ் ஆஃப் எக்ஸலன்ஸ் நிறுவனத்தில் இயக்குநர் மற்றும் மூத்த முதல்வர், கருர் உள்ளிட்டோரும் கலந்துகொண்டு தங்களது கருத்துக்களை தெரிவித்தனர்.

இந்த வட்டமேசை நிகழ்ச்சியில் சேலம் மாவட்டத்தின் பல்வேறு பகுதிகளை சேர்ந்த  கல்வியாளர்கள், கொள்கை வகுப்பாளர்கள் மற்றும்  மாணவர்களுடன் வட்டமேசை உரையாடல் நிகழ்ச்சி நடைபெற்றது. 

தொடர்ந்து, நியாயமான, அமைதியான மற்றும் உள்ளடக்கிய சமூகங்களை ஊக்குவித்தல் குறித்தும் விவாதிக்கப்பட்டன.

Read more

ஈரோடு ஆட்சியரின் மனைவி நீலகிரி மாவட்ட ஆட்சியராக பொறுப்பேற்பு

ஈரோடு மாவட்ட ஆட்சியராக ராஜ கோபால் சுன்கரா பணியாற்றி வருகிறார். இவரது மனைவி லட்சுமி பவ்யா தண்ணீரு. இவர் ஈரோடு வணிக வரித்துறையின் இணை ஆணையராக பணியாற்றி வந்தார்.

தற்போது அவர் நீலகிரி மாவட்ட ஆட்சியராக நியமனம் செய்யப்பட்டு நேற்று (17ம் தேதி) பொறுப்பேற்றுக் கொண்டார். இவர் நீலகிரி மாவட்டத்தின் 116வது ஆட்சியரும், 7வது பெண் ஆட்சியரும் ஆவார். இவர் கடந்த 2015ம் ஆண்டு ஐஏஎஸ் தேர்ச்சி பெற்றவர்.

ஆட்சியராக பொறுப்பேற்றுக் கொண்ட லட்சுமி பவ்யா தண்ணீரு செய்தியாளர்களிடம் கூறியதாவது, நீலகிரியில் பணியாற்றுவதில் எனக்கு மகிழ்ச்சி. மாவட்டத்தின் பிரச்னைகளை அறிந்து, அரசின் நலத்திட்டங்களை கடைக்கோடி மக்கள் வரை சென்றடைய நடவடிக்கை எடுக்கப்படும்.

மாவட்டத்தில் தற்போது கனமழை பெய்து வருவதால் பொதுமக்களுக்கு பாதிப்பு ஏற்படாமல் தடுக்க நடவடிக்கை எடுக்கப்படும். அத்தியாவசிய தேவைகள் பொதுமக்களுக்கு தங்கு தடையின்றி கிடைக்கவும் நடவடிக்கை மேற்கொள்ளப்படும். இவ்வாறு அவர் கூறினார்.

Read more

அந்தியூர் குருநாதசுவாமி கோயிலில் பூச்சாட்டுதலுடன் ஆடித் தேர்த்திருவிழா துவக்கம்

தென்னிந்தியாவில் மிகவும் பிரசித்தி பெற்ற குருநாதசுவாமி கோயில் ஈரோடு மாவட்டம் அந்தியூர் அருகே புதுப்பாளையத்தில் உள்ளது. இந்த கோவிலில் ஆடித் தேர்த்திருவிழா ஆண்டுதோறும் வெகு விமரிசையாக நடைபெறும். இதையொட்டி, தென்னிந்திய அளவில் கால்நடை சந்தை கூடும்.

நடப்பாண்டு விழா இன்று (17ம் தேதி) காலை பூச்சாட்டுதலுடன் தொடங்கியது. முன்னதாக, புதுப்பாளையத்தில் உள்ள மடப்பள்ளியில் இருந்து குருநாதசுவாமி கோயில் வனத்துக்கு சுவாமி சிலை, கொண்டு செல்லப்பட்டது. அங்கு பூச்சாட்டுதல் வழக்கமான உற்சாகத்துடன் நடந்தது. 

இதையடுத்து வரும் 25ம் தேதி கொடியேற்றம் நடக்கிறது. 31ம் தேதி முதல் வனபூஜை நடக்கிறது. முக்கிய நிகழ்வான தேரோட்டம் அடுத்த மாதம் ஆகஸ்ட் 7ம் தேதி நடக்கிறது. அன்று முதல், தென்னிந்திய அளவில் புகழ் பெற்ற மாட்டுச் சந்தை, குதிரைச்சந்தை தொடங்கி 10ம் தேதி வரை நடக்கிறது. ஆகஸ்ட் 14ம் தேதி பால் பூஜையுடன் ஆடித் தேர்த்திருவிழா நிறைவடைகிறது.

Read more

சேலம் ஜான்சன் நகரில் ஏழை எளியவர்களுக்கு தொழிலாளர் விடுதலை முன்னணியின் சார்பில், ஆடிப் பண்டிகையை ஒட்டி இலவச தேங்காய் பொருட்கள்....

சேலம். 

S.K. சுரேஷ்பாபு.

ஆடி முதல் நாள் தேங்காய் சுடும் பண்டிகையை ஒட்டி ஏழை எளியவர்களுக்கு இலவச தேங்காய் குச்சி தேங்காய் மற்றும் இனிப்புகளை தமிழ்நாடு கூட்டு நடவடிக்கை குழுவின் சார்பில் வழங்கப்பட்டது.

தமிழ் மாதங்களில் ஆடி மாதம் தெய்வீக மாதமாக கருதப்பட்டு வருகிறது. அதன் அடிப்படையில் ஆடி பண்டிகை என்று தேங்காய் சுட்டு விநாயகர் விநாயகப் பெருமானுக்கு படையல் இட்டு இந்துக்கள் வழிபடுவது வழக்கம். 

அதன் அடிப்படையில் ஆடி முதல் நாளான என்று சேலம் ஜான்சன் நகர் பகுதியில் தமிழ்நாடு கூட்டு நடவடிக்கை குழு மற்றும் தமிழ்நாடு தொழிலாளர் விடுதலை முன்னணி சார்பில், ஆடிப் பண்டிகையை ஒட்டி தனது சொந்த செலவில் ஆண்டுதோறும் தேங்காய் சுடுவதற்கான மூலப்பொருட்கள் இலவசமாக வழங்கப்பட்டு வருகின்றன. அதன் அடிப்படையில், 300 நபர்களுக்கு தேங்காய் குச்சி தேங்காய் மற்றும் தேங்காய் வினுள் செலுத்தப்படும் தின்பண்டங்கள் ஆகியவை இலவசமாக வழங்கப்பட்டன. தமிழ்நாடு கூட்டு நடவடிக்கை குழு சார்பில் நடைபெற்ற நிகழ்ச்சிக்கு அதன் முதன்மை ஒருங்கிணைப்பாளர் சரசுராம் ரவிதலைமை தாங்கினார். 

நிகழ்ச்சியில் தமிழ்நாடு கூட்டு நடவடிக்கை குழு முதன்மை ஒருங்கிணைப்பாளர் சரஸ்ராம் ரவி உள்ளிட்டோர் கலந்து கொண்டு ஏழை எளிய மக்களுக்கு தங்களுக்கு சொந்த செலவில் இலவசமாக தேங்காய் சுடுவதற்கான மூலப் பொருட்களை வழங்கினர்.

நிகழ்ச்சியில், அமைப்பின் முக்கிய நிர்வாகிகள் விடுதலை சிறுத்தைகள் கட்சியை சேர்ந்த பிரமுகர்கள் என திரளானோர்  கலந்து கொண்டனர்.

Read more

தலித் இன தலைவர்கள் படுகொலை உண்மை குற்றவாளிகளை கைது செய்ய வேண்டும். தவரும் பட்சத்தில் தமிழக காவல்துறைக்கு சரியான பாடம் புகட்டப்படும். சேலத்தில் நடைபெற்ற ILU மற்றும் தமிழ்நாடு டாக்டர் அம்பேத்கர் கட்டிட தொழிலாளர்கள் நல சங்கத்தின் அவசர ஆலோசனை கூட்டத்தில் முடிவு..

சேலம். 

S.K.சுரேஷ் பாபு.

சென்னை ஆர்ம்ஸ்ட்ராங் படுகொலை உண்மை குற்றவாளிகளை கண்டுபிடிக்காத பட்சத்தில் தமிழக அரசுக்கு பாடம் புகட்டப்படும்.... சேலத்தில் நடைபெற்ற ILU மற்றும் தமிழ்நாடு டாக்டர் அம்பேத்கர் கட்டிட தொழிலாளர்கள் நலச் சங்கத்தின் அவசர ஆலோசனை கூட்டத்தில் முடிவு. 

சேலத்தில் தேசிய சுதந்திர தொழிலாளர்கள் சங்கத்தின் இணைப்பு சங்கமான தமிழ்நாடு பாரத ரத்னா டாக்டர் அம்பேத்கர் கட்டிட தொழிலாளர்கள் நல சங்கத்தின் மாநில நிர்வாகிகள் ஆலோசனைக் கூட்டம் சேலத்தில் நடைபெற்றது. சேலம் நான்கு ரோடு பகுதியில் உள்ள இலக்குமி அருகில் நடைபெற்றது. இந்த ஆலோசனை கூட்டத்திற்கு தமிழ்நாடு பாரத ரத்னா டாக்டர் அம்பேத்கர் கட்டிட தொழிலாளர்கள் நலச் சங்கத்தின் நிறுவன தலைவர் ராம்ஜி தலைமையில் நடைபெற்றது, இந்த ஆலோசனை கூட்டத்தில், தேசிய சுதந்திர தொழிலாளர்கள் சங்கத்தின் மாநில பொது செயலாளர் முனைவர் செல்வ. செல்வகுமார் மற்றும் தேசிய சுதந்திர தொழிலாளர்கள் சங்கத்தில் தேசியத் துணைத் தலைவர் முனைவர் சுவாமிநாதன் உள்ளிட்டோர் சிறப்பு விருந்தினர்களாக கலந்து கொண்டனர். தொடர்ந்து நடைபெற்ற கூட்டத்தில் சென்னையில் படுகொலை செய்யப்பட்ட பகுஜன் சமாஜ் கட்சியின் மாநில தலைவர் ஆம்ஸ்ட்ராங் அவர்களின் திருவுருவப்படத்திற்கு மலர் தூவி மரியாதை செலுத்தப்பட்டது. 

தொடர்ந்து நடைபெற்ற கூட்டத்தில் அமைப்புகளின் செயல்பாடுகள் குறித்தும் மேற்கொள்ளப்பட வேண்டிய நடவடிக்கைகள் குறித்தும் ஆலோசிக்கப்பட்ட இந்த அவசர ஆலோசனை கூட்டத்தில், தமிழக முழுவதும் இருந்து பல்வேறு அமைப்புகளை சேர்ந்து மாநில நிர்வாகிகள் கலந்து கொண்டு தங்களது கருத்துக்களை வெளிப்படுத்தினர். 

குறிப்பாக அமைப்பின் இணைச் செயலாளர் முனைவர் செல்வ. செல்வகுமார் நிகழ்ச்சியில் பேசும்போது, பகுஜன் சமாஜ் கட்சியின் மாநில தலைவர் ஆம்ஸ்ட்ராங் படுகொலை சம்பவம் வன்மையாக கண்டிக்கத்தக்கது என்றும், தமிழகத்தில் தலித் இன மக்கள் தலை எடுக்கக் கூடாது என நினைக்கும் என்னும் தமிழக அரசுக்கும் தமிழக மக்களுக்கும் அடியோடு மறந்து விட வேண்டும் என்றும், இல்லை என்ற பட்சத்தில் வரும் காலங்களில் அவர்களுக்கு பாடம் புகட்டுவது மட்டுமல்லாமல் தற்சமயம் இந்த சம்பவத்தை முழுமையாக ஆராய்ந்து உண்மை குற்றவாளிகளுக்கு மிகக் கடுமையான தண்டனை வழங்க வேண்டும் என்று கேட்டுக்கொண்டார். தொடர்ந்து பேசிய அவர் அக்டோபர் 7ஆம் தேதி தங்களது அமைப்பின் சார்பில் மாண்புமிக்க நாளாக கருதப்பட்டு தேசிய நிர்வாகிகள் கலந்து கொள்ளும் கூட்டம் சேலம் அல்லது வேலூர் ஆகிய இடங்களில் நடைபெற உள்ளதாகவும், அதற்கு தேசிய தலைவர்கள் வரவழைக்கும் சூழல் உருவாக்கப்பட்டுள்ளது என்றும் அந்த நாளில் ஆயிரத்திற்கும் மேற்பட்டவர்கள் கலந்து கொண்டு தமிழக உட்பட  நாடு முழுவதும் உள்ள தொழிலாளர்களின் உரிமைகளுக்காகவும் தேசிய அளவில் உள்ள பிரச்சனைகள் குறித்து கலந்து ஆலோசித்து மத்திய மாநில அரசுகளுக்கு கோரிக்கை வைக்க உள்ளதாக தெரிவித்தார். 

தொடர்ந்து தமிழ்நாடு பாரத ரத்னா டாக்டர் அம்பேத்கர் கட்டிட தொழிலாளர்கள் நலச்சங்கத்தின் நிறுவனரும் மாநில தலைவருமான ராம்ஜி பேசுகையில் பகுஜன் சமாஜ் கட்சியின் மாநில தலைவர் படுகொலை செய்யப்பட்ட சம்பவம் கண்டனத்திற்கு உரியது என்றும் ஒரு தேசிய கட்சியின் மாநில தலைவர் படுகொலை செய்யும் அளவிற்கு இயல்பான சூழ்நிலை உருவாக்கிய தமிழக அரசுக்கு வன்மையான கண்டனத்தை பதிவிடுவதாக தெரிவித்தார். மேலும் தமிழக அரசு காவல்துறையை முழுமையாக தனது கட்டுப்பாட்டில் கொண்டு வர வேண்டும் என்றும் தெரிவித்தவர், தமிழகத்தில் நிகழ்ந்து வரும் தலித் இன  சமுதாய தலைவர்களின் படுகொலைக்கு போராடி வரும் தங்களை போன்ற போராளிகளின் போராட்டத்திற்கு செவி சாய்க்காத தமிழக காவல்துறையின் ஏகபோகத்தை கட்டுப்படுத்த வேண்டும் என்றும் உண்மை குற்றவாளிகளை கண்டுபிடித்து கைது செய்ய வேண்டும் இல்லையெனில் காவல் துறைக்கு பாடம் கற்பிக்க வேண்டிய சூழல் உருவாகும் என எச்சரிக்கை விடுத்தார். 

தொடர்ந்து நடைபெற்ற கூட்டத்தில் தமிழ்நாடு டாக்டர் அம்பேத்கர் கட்டிட தொழிலாளர்கள் நல சங்கத்தின் சார்பில் பல்வேறு முக்கிய தீர்மானங்களும் நிறைவேற்றப்பட்டன. 

இந்த ஆலோசனை கூட்டத்தில் சங்க நிர்வாகிகள் சுதாகர், துரைமுருகன், முருகேசன், பாண்டியன், அஸ்மத் அலி, நந்தகுமார், மனோகரன், ராஜாமணி, ஜெகராபி என முக்கிய நிர்வாகிகள் பங்கேற்றனர். 

Read more