ஈரோடு ஊராட்சி ஒன்றிய அலுவலகத்தில் ஆட்சியர் ஆய்வு

ஈரோடு ஊராட்சி ஒன்றிய அலுவலகத்தில் மாவட்ட ஆட்சியர் ராஜ கோபால் சுன்கரா இன்று (மார்.1) ஆய்வு மேற்கொண்டார்.

ஈரோடு ஊராட்சி ஒன்றிய அலுவலகத்தில் மாவட்ட ஆட்சியர் ராஜ கோபால் சுன்கரா திட்டப்பணிகளின் செயல்பாடுகள் குறித்தும், அலுவலகத்தில் பராமரிக்கப்பட்டு வரும் பதிவேடுகளையும் பார்வையிட்டு, ஆய்வு மேற்கொண்டார்.

இந்த ஆய்வின்போது, கலைஞரின் கனவு இல்லம், குடிநீர் திட்டப்பணிகள், சாலை மற்றும் தெருவிளக்கு உள்ளிட்ட அனைத்து திட்டப்பணிகளின் செயல்பாடுகள் குறித்தும் மேலும் நீண்ட கால நிலுவையில் உள்ள அலுவலக கோப்புகள் மற்றும் முக்கிய அலுவலக நடைமுறை கோப்புகள் உள்ளிட்ட பதிவேடுகளை அவர் பார்வையிட்டு ஆய்வு மேற்கொண்டார்.

தொடர்ந்து, பொதுமக்கள் குறைதீர்க்கும் நாள் கூட்டம் கோரிக்கை மனுக்கள் குறித்த பதிவேடு, விவசாயிகள் குறைதீர்க்கும் நாள் கோரிக்கை மனுக்கள் குறித்த பதிவேடு, முடிவுற்ற திட்டப்பணிகளுக்கு பட்டியல் சமர்ப்பித்தல் குறித்த பதிவேடு, வரிவசூல் குறித்து நிலுவையில் உள்ள இனங்கள் குறித்த ஆய்வு, இணையதளத்தின் மூலம் கட்டிட அனுமதி நிலுவை குறித்த விபரங்கள், 2025 - 2026 ஆம் ஆண்டுக்கான கலைஞரின் கனவு இல்லம் பயனாளிகள் தேர்வு குறித்த பட்டியல் விபரங்கள் குறித்து ஆய்வு மேற்கொண்டு, நிலுவையில் உள்ள பணிகளை உடனடியாக முடிக்குமாறு அலுவலர்களுக்கு அறிவுறுத்தினார்.

இந்த ஆய்வின்போது, ஈரோடு வட்டார வளர்ச்சி அலுவலர் (வட்டார ஊராட்சி) ரவிச்சந்திரன், தனலட்சுமி (கிராம ஊராட்சி) வருவாய் வட்டாட்சியர் முத்துகிருஷ்ணன், உதவி பொறியாளர் பிரகாஷ் உட்பட துறை சார்ந்த பணியாளர்கள் உடன் இருந்தனர்.

Read more

ஈரோட்டில் அரசு அதிகாரியின் பெயரில் போலி கடிதம் தயாரித்து பள்ளிகளில் குறும்படம் காண்பித்து பணம் வசூல்: 3 பேர் கைது

ஈரோடு மாவட்டத்தில் உள்ள பல்வேறு அரசு மற்றும் தனியார் பள்ளிகளில் 4 பேர் கொண்ட குழுவினர் சென்று விழிப்புணர்வு குறும்படம் போடுவதாக கூறி வந்துள்ளனர். ஆனால், பள்ளிகளில் இதுபோன்ற நிகழ்ச்சிகள் நடத்தக்கூடாது என்று உத்தரவு உள்ளதாக தலைமை ஆசிரியர்கள் அவர்களிடம் கூறியுள்ளனர்.

அதற்கு, அவர்கள் தாங்கள் ஈரோடு மாவட்ட செய்தி மக்கள் தொடர்பு அதிகாரி (பி.ஆர்.ஓ.) அனுமதி பெற்று வந்திருப்பதாக ஒரு கடிதத்தை கொடுத்துள்ளனர். அதில், மக்கள் தொடர்பு அதிகாரியின் கையொப்பமிடப்பட்டு இருந்ததால், அவர்கள் நிகழ்ச்சி நடத்த ஒப்புதல் அளித்துள்ளனர். அந்த குழுவினர் திரையிடும் விழிப்புணர்வு குறும்படத்தை பார்க்க விரும்பும் மாணவ-மாணவிகளிடம் தலா ரூ.10 வசூல் செய்து வந்துள்ளனர்.

இந்த நிலையில், பள்ளிகளில் சென்று விழிப்புணர்வு நிகழ்ச்சிகள் நடத்தும் குழுவினர் குறித்து ஈரோடு மாவட்ட மக்கள் தொடர்பு அதிகாரி சுகுமாருக்கு தகவல் கிடைத்தது. இதுகுறித்து, அவர் ஈரோடு சூரம்பட்டி போலீசில் ஒரு புகார் மனு கொடுத்தார். அதில், பள்ளிகளில் தனியார் மூலம் நிகழ்ச்சிகள் நடத்த அரசு தடை விதித்துள்ளது. ஆனால் எனது கையொப்பத்தை போலியாக பயன்படுத்தி மோசடியில் ஈடுபட்டு வருபவர்கள் மீது நடவடிக்கை எடுக்க வேண்டும் என கூறி இருந்தார்.

அதன்பேரில் சூரம்பட்டி போலிசார் வழக்குப்பதிவு செய்தனர். இன்ஸ்பெக்டர் வைரம் தலைமையில் போலீசார் விசாரணை நடத்தினர். அப்போது, நாமக்கல் மாவட்டம் திருச்செங்கோடு சிந்தாம்பாளையம் பகுதியை சேர்ந்த பிரசன்னராஜ் (வயது 45), சின்னபாவடியை சேர்ந்த கார்த்திகேயன் (44), சேலம் மாவட்டம் சங்ககிரியை சேர்ந்த கோவிந்த ராஜ் (44), சங்ககிரியை சத்தியநாராயணன் (45) ஆகிய 4 பேரை பிடித்தனர்.

அவர்கள் அரசு அதிகாரியான மாவட்ட மக்கள் தொடர்பு அதிகாரியின் போலி கையொப்பத்தை வைத்து போலியாக கடிதம் தயாரித்து பள்ளிக்கூடங்களில் விழிப்புணர்வு குறும்படம் ஒளிபரப்பி வந்தது தெரியவந்தது. இதற்காக மாணவ-மாணவிகளிடம் தலா ரூ.10 கட்டணமாக வசூலித்ததும் தெரியவந்தது.

அதைத்தொடர்ந்து, நேற்று பிரசன்னராஜ், கோவிந்தராஜ், கார்த்திகேயன் ஆகிய 3 பேரையும் போலீசார் கைது செய்து ஈரோடு நீதிமன்றத்தில் ஆஜர்படுத்தி, சிறையில் அடைத்தனர். இந்த வழக்கில் தலைமறைவாக உள்ள சத்திய நாராயணன் என்பவரை போலீசார் வலைவீசி தேடி வருகின்றனர்.

Read more

சேலம் நாலெட்ஜ் பொறியியற் கல்லூரியின் 12-வது ஆண்டு பட்டமளிப்பு விழா.

சேலம். 

S.K. சுரேஷ்பாபு. 

சேலம் நாலெட்ஜ் பொறியியற் கல்லூரியின் 12-வது ஆண்டு பட்டமளிப்பு விழா. 

சேலத்தை அடுத்துள்ள ராக்கி பட்டி அருகே உள்ள நாலேஜ் பொறியியற் கல்லூரியின் 2025 ஆம் ஆண்டிற்கான 12-வது பட்டமளிப்பு விழா கல்லூரி வளாகத்தில் நடைபெற்றது. நாலெட்ஜ் குழுமத்தின்  அறக்கட்டளை செயலாளர் முனைவர் குமார் தலைமையில் நடைபெற்ற பட்டமளிப்பு விழாவில், சதீஷ் தவான் விண்வெளி மையத்தின் இயக்குனர் ஸ்ரீ ராஜராஜன் மற்றும் மிஸ்டர் கூப்பர் இந்தியா நிறுவனத்தின் நிர்வாக இயக்குனர் ஆனந்த் மோகன்ராம் ஆகியோர் சிறப்பு விருந்தினர்களாக பங்கேற்று சுமார் 750 பொறியியற் மற்றும் மேலாண்மை துறை களுக்கு இளங்கலை மற்றும் முதுகலை பட்டங்கள் வழங்கி பாராட்டுகளை தெரிவித்தனர்.

அது மட்டுமில்லாமல் வகுப்பில் முதல் மூன்று இடங்களை பிடித்த 29 மாணவர்களுக்கு பதக்கங்களும் வழங்கி பாராட்டினர். தொடர்ந்து நடைபெற்ற விழாவை பேசிய  சிறப்பு விருந்தினர்கள், உலகின் தலைசிறந்த விஞ்ஞானியும், உலகமே அஞ்சி நடுங்கும் இந்தியாவின் பிரமோஸ் ஏவுகணையின் நாயகருமான Dr.A.P.J அப்துல் கலாம் அவர்களின் கூற்றான மாணவ மாணவியர் ஒவ்வொருவரும் கனவு கண்டு தங்களது லட்சியத்தை அடையும்வரை இந்த போட்டி மிகுந்த சமுதாயத்தில் போராட வேண்டும் என்று கேட்டுக்கொண்ட சிறப்பு விருந்தினர்கள் பெற்றோர்கள் தங்களது பிள்ளைகளின் ஆசை என்னவோ அதனை தடுத்து தங்களது எதிர்பார்ப்பை திணிப்பதை தயவு செய்து கைவிட்டு அவர்களின் எண்ணத்தை பூர்த்தி செய்ய ஒவ்வொருவரும் முன்வர வேண்டும் என்றும் பெற்றோர்களுக்கு கோரிக்கை விடுத்தனர். 

இந்த நிகழ்ச்சியில் கல்லூரிய ில் அறக்கட்டளை நிறுவனர் மற்றும் கல்லூரியில் செயல் தலைவர் மான முனைவர் சீனிவாசன் அவர்கள் பேசுகையில் பொறியாளர்கள் தங்களது பணியில் சமூக பொறுப்புடன் மற்றும் நெறிமுறைகளுடன் செயல்பட வேண்டும் என்று எடுத்துரைத்தார். கல்லூரியின் முதல்வர் முனைவர் விசாகவேல் அவர்கள் 2024 2025 வாசித்து கல்லூரி பேராசிரியர்கள் மற்றும் மாணவர்களின் சாதனைகளையும் சிறப்புகளையும் எடுத்துரைத்தார். அறக்கட்டளையின் செயலாளர் சுரேஷ்குமார் அறக்கட்டளை உறுப்பினர்கள் இயக்குனர்கள் துறை தலைவர்கள் பேராசிரியர்கள் மற்றும் பெற்றோர்கள் என ஆயிரக்கணக்கானோர் கலந்துகொண்டு விழாவினை சிறப்பித்தனர்.

Read more

தமிழக முதலமைச்சர் மு க ஸ்டாலின் பிறந்தநாள் விழாவையொட்டி 500 ஏழை எளியவர்களுக்கு, புதிய அறக்கட்டளையை துவக்கி உள்ள திமுக மாமன்ற உறுப்பினர் தெய்வலிங்கம். காலை சிற்றுண்டி வழங்கி மகிழ்ச்சி...

சேலம்.

S.K. சுரேஷ்பாபு. 

தமிழக முதலமைச்சர் மு க ஸ்டாலின் பிறந்தநாள் விழாவையொட்டி 500 ஏழை எளியவர்களுக்கு, புதிய அறக்கட்டளையை துவக்கி உள்ள  திமுக மாமன்ற உறுப்பினர் தெய்வலிங்கம். காலை சிற்றுண்டி வழங்கி மகிழ்ச்சி...

சேலம்  பொன்னம்மாபேட்டை புத்து மாரியம்மன் கோவில் பகுதியை சேர்ந்தவர் வழக்கறிஞர் தெய்வலிங்கம். இவர் 9-வது கோட்ட திமுக மாமன்ற உறுப்பினராகவும், இலவச அமரர் ஊர்தி சேவை உள்ளிட்ட ஏராளமான நற்பணிகளை செய்து வருகின்றார். 

பன்முகம் கொண்ட இவரது பொதுநல சேவைக்கு முத்தாய்ப்பாக அறக்கட்டளை ஒன்றையும் துவக்கி உள்ளார். தெய்வா என்ற பெயரில் புதிய அறக்கட்டளை துவக்கி உள்ள மாமன்ற உறுப்பினரும் வழக்கறிஞருமான தெய்வ லிங்கம், 16-வது நாளான இன்று திமுக தலைவரும், திராவிட மாடலின் நாயகரும் தமிழக முதலமைச்சருமான முத்துவேல் கருணாநிதி ஸ்டாலின் அவர்களின் 72 ஆவது பிறந்தநாள் விழாவையொட்டி,  பொன்னம்மாபேட்டை புத்து மாரியம்மன் கோவில் அருகே 500க்கும் மேற்பட்ட ஏழை எளிய முதியவர்களுக்கு, தெய்வா அறக்கட்டளையின் தலைவரும் மாமன்ற உறுப்பினருமான தெய்வ லிங்கம் மற்றும் அவரது குடும்பத்தார் சார்பில் காலை சிற்றுண்டி வழங்கி மகிழ்ந்தார். 

இந்த நிகழ்வில் அறக்கட்டளையின் நிர்வாகிகள்,  நண்பர்கள் மற்றும் கட்சியினர் என பலர் கலந்து கொண்டனர்.

Read more