ஈரோட்டில் எஸ்டிபிஐ கட்சியினர் மெழுகுவர்த்தி ஏந்தி போராட்டம்

வக்ஃப் திருத்த சட்டத்தை நிராகரிப்போம், வக்ஃப் திருத்த சட்டத்தை 

ஏற்க மாட்டோம், பள்ளிவாசல், மாதரஸா, கபர்ஸ்தானை விட்டுத்தரமாட்டோம் என்று கோரிக்கைகளை வலியுறுத்தியும், பாராளுமன்றத்தில் வக்ஃப் மசோதா தாக்கல் செய்ததை கண்டித்தும் ஈரோடு தெற்கு மாவட்ட எஸ்டிபிஐ கட்சியின் சார்பில் கருங்கல்பாளையம் காந்தி சிலை அருகில் மெழுகுவர்த்தி ஏந்தி போராட்டம் நடைபெற்றது.

 மாவட்ட தலைவர் எஸ்.அப்துல் ரகுமான் தலைமையில் நடைபெற்ற போராட்டத்தில் மாவட்ட பொதுச்செயலாளர் அ.சாகுல் ஹமீது வரவேற்புரையாற்றினார். சிறப்பு அழைப்பாளராக கலந்து கொண்ட எஸ்டிபிஐ கட்சியின்  கோவை மண்டல செயலாளர் ப.முகமது லுக்மானுல் ஹக்கீம் அவர்கள் கண்டன உரையாற்றினார்.

இப்போராட்டத்தில் மாவட்ட செயலாளர் க.முனாப், பொருளாளர் எச்.முகமது ஜாபீர், செயற்குழு உறுப்பினர்கள் ஏ.எஸ்.முகமது மன்சூர் எம்.முகமது ஹசன் அலி, ஈரோடு கிழக்கு தொகுதி தலைவர் கேபிள் எம்.சபீர் அஹமது, செயலாளர் ப.முகமது பர்மானுல்லா, பவானி தொகுதி தலைவர் ஜே.ஜாஹிர் உசேன், செயலாளர் நிஹார் (எ) எஸ்.ஜன்னத்துல் பிர்தௌஸ் உள்ளிட்ட தொகுதி, வார்டு நிர்வாகிகள், செயல்வீரர்கள் திரளாக கலந்து கொண்டனர்.

Read more

சேலம் சோனா கலை மற்றும் அறிவியல் கல்லூரியின்8-வது ஆண்டு விழா

சேலம்.

S.K. சுரேஷ்பாபு.

சேலம் சோனா கலை மற்றும் அறிவியல் கல்லூரியின்

8-வது ஆண்டு விழா

சேலம் சோனா கலை மற்றும் அறிவியல் கல்லூரியின் 8-வது ஆண்டு விழா கல்லூரியின் ஶ்ரீ வள்ளியப்பா கலையரங்கக் கூடத்தில் நடைபெற்றது. பெருமைமிக்க சோனா கலை மற்றும் அறிவியல் கல்லூரி மாணவர்களின் கல்வி மற்றும் ஆராய்ச்சி சாதனைகளை வெளிப்படுத்தும் விதமாக நடைபெற்ற இந்த ஆண்டு விழாவிற்கு  கல்லூரியின் தலைவர் ஶ்ரீ வள்ளியப்பா அவர்கள் தலைமை தாங்கினார். துணைத் தலைவர்கள் திரு.சொக்கு வள்ளியப்பா, திரு. தியாகுவள்ளியப்பா ஆகியோர் முன்னிலை வகித்து, சோனா கலை மற்றும் அறிவியல் கல்லூரியின் ஆண்டு விழா கொண்டாட்டங்களைத் துவக்கி வைத்தார். கல்லூரியின் துணைத் தலைவர்கள் சொக்கு வள்ளியப்பா மற்றும் தியாகு வள்ளியப்பா உள்ளிட்டோர் முன்னிலை வகித்தனர்.

அனைவரையும் வரவேற்ற கல்லூரியின் முதல்வர் முனைவர் கு.மை.காதர் நவாஸ் அவர்கள் மாணவர்களின் சாதனைகள் அடங்கிய படத்தொகுப்புடன்  கூடிய ஆண்டறிக்கையைச் சமர்ப்பித்தார். கல்லூரியின் துறை சார்ந்த நடவடிக்கைகள் மற்றும் பேராசிரியர்களின் ஆராய்ச்சிகள் பங்களிப்பு மாணவர்களின் ஆராய்ச்சிகள், விளையாட்டுகள் மற்றும் பிற துறைகளில் சாதனைகள் என கல்லூரியின் சாதனைகளைப் பட்டியலிட்டார். பெருமைக்குரிய திரு. என்.சந்தான கிருஷ்ணன் Chartered Accountant அவர்கள் மற்றும் திரு. ஜனார்தன் வெங்கடேசன் CEO @ GEIM HUB CEO @GLOBALINK IMMIGRATION 3D ANIMATION/ VFX CONTENT CREATION ஆகியோர் சிறப்பு விருந்தினராக கலந்து கொண்டு சிறப்புரையாற்றினர். மேலும்  கல்வியில் முதலிடம் பெற்ற மாணவர்களுக்கு ரூபாய் 4,00,000  வழங்கப்பட்டது. கல்வியாண்டில் கல்வியில் முன்னிலை வகித்து படித்து முடித்து வெளியேறிய சிறந்த  மாணவர்களுக்கு ரூபாய்  75000 வழங்கப்பட்டது.  விளையாட்டு துறையில் சிறந்து விளங்கும் மாணவர்களுக்கு ஒரு பருவ கட்டணமாக தலா 28,000 வீதம் ரூபாய் 1,68,000 வழங்கி கௌரவிக்கப்பட்டது. கல்லூரியில் மாற்றுத்திறனாளி மாணவர்களுக்கு ரூபாய் 60,000 , சிறந்த நாட்டு நலப்பணி திட்டம் (NSS) இளைஞர் செஞ்சிலுவை சங்கம் (YRC) செஞ்சூருள்(RRC) மற்றும் தேசிய மாணவர் படை (NCC) மாணவர்களுக்கு ரூபாய் 24000,  மாணவர்களில் சிறந்த தமிழ் மற்றும் ஆங்கில  பேச்சாளர்களுக்கு ரூபாய் 10,000,  தொடர்ந்து நூலகத்தை நன்முறையில் பயன்படுத்திய மாணவர்களுக்கு 2000 மதிப்புள்ள புத்தகமும் வழங்கப்பட்டது. பொருளாராதார அளவில் பின்தங்கிய மாணவர்களுக்கு நிர்வாக உதவித் தொகையாக ரூபாய்  4,15,000 மற்றும் பல்கலைக்கழக அளவில் மாணவர்களைத் தரவரிசையில் இடம்பெறச் செய்த துறைகளுக்கு ரூபாய் 310,000 வழங்கி சிறப்பித்தனர். ஏறத்தாழ ரூபாய் 15,00,000  கல்லூரியின் நிர்வாகத்தின் சார்பாக மாணவர்களுக்கு வழங்கி கௌரவிக்கப்பட்டது. இந்த விழாவில் கல்லூரியின் இயக்குனர் முனைவர் வீ.கார்த்திக்கேயன், சோனா கல்விக் குழுமத்தின் முதல்வர்கள் முனைவர். ஏ. கனகராஜ், முனைவர் எஸ்.ஆர். ஆர். செந்தில்குமார், திருமதி .இ.ஜெ. கவிதா ,பேராசிரியர்கள் மற்றும் ஏராளமான மாணவர்கள் கலந்துக்கொண்டனர். காட்சித் தொடர்பியல் துறைத் தலைவர் முனைவர். ஆ.சாந்தி அவர்கள் நன்றி உரை வழங்க விழா இனிதே நிறைவுற்றது.

Read more

கோடைகாலத்தில் பறவைகளுக்கும் உணவு மற்றும் குடிநீர் வழங்க தொடங்கிய மனிதநேயம் கொண்ட மாமன்ற உறுப்பினர்கள்.

சேலம்.

S.K. சுரேஷ்பாபு.

கோடைகாலத்தில் பறவைகளுக்கும் உணவு மற்றும் குடிநீர் வழங்க தொடங்கிய மனிதநேயம் கொண்ட மாமன்ற உறுப்பினர்கள். 

தமிழகத்தில் கோடை காலம் தொடங்கிய ஆரம்ப கட்டத்தில் இருந்து வெயிலின் தாக்கம் தாங்க முடியாமல் சிறியவர்கள் முதல் பெரியவர்கள் வரை பரிதவித்து வருகின்றனர். தொடக்கத்திலேயே 100 டிகிரி வெப்பநிலையை கடந்த சேலம் மாநகரம், எதிர்வரும் கத்திரி வெயில் காலகட்டத்தை எவ்வாறு சமாளிக்க போகிறோம் என்று தற்போதே விழி பிதுங்கி உள்ளனர் மாநகர மக்கள். அதுமட்டுமல்லாமல் கோடை காலம் துவக்கத்திலேயே சுட்டெரிக்கும் வெயிலின் தாக்கம் அதிகரித்துள்ள நிலையில் குடி நீருக்கான தேவையும் தற்பொழுது அதிகரித்துக் காணப்படுகிறது. பொதுமக்கள் இளநீர் நுங்கு உள்ளிட்ட  இயற்கை பானங்களை அருந்தி தங்களது உடற் சூட்டினை தடுத்துக் கொண்டு, தங்களது அன்றாட பயணத்தை மேற்கொண்டு வருகின்றனர். மனிதர்களுக்கே இந்த நிலை என்று உள்ள நிலையில், பறவைகள் பாவம் என்ன செய்யும். பறவைகளின் பசி மற்றும் குடிநீர்தாகத்தை போக்க மனிதநேயத்துடன் தனது வீட்டில் பறவைகளுக்கான குடிநீர் தேவையை பூர்த்தி செய்ய அதற்கான குவலையை வைத்து பறவைகளுக்கான தேவையை பூர்த்தி செய்ய நீர் ஊற்றிய மாமன்ற உறுப்பினர் தெய்வலிங்கம். அதுமட்டுமல்லாமல், கோடை வெயிலால் தவிக்கும் பறவைகளுக்கு நீரும் உணவும் கொடையளிப்போம் சொல்லிற்கு எடுத்துக்காட்டாக நான் எனது வீட்டில் வைத்துவிட்டேன்  அப்ப நீங்க வினவி உள்ள சில மாநகராட்சி ஒன்பதாவது போட்ட மாமன்ற உறுப்பினர் வழக்கறிஞர் தெய்வலிங்கம்,கோடைகால வெயில் கொடுமையை சமாளிக்க பரவைகளுக்கான BOWL.. Water for Voiceless.com என்ற வெப்சைட்ல பாருங்க ,BOWL இலவசமாக கிடைக்கிறது என்ற தகவலையும் பகிர்ந்துள்ளார்.

Read more

அந்தியூர் அருகே பர்கூர் மலைப்பகுதியில் சந்தன மரக் கடத்தல் கும்பலை சேர்ந்த வாலிபர் எரித்து கொலை!

அந்தியூர் அருகே உள்ள பர்கூர் மலைப் பகுதியில் சந்தன மரக் கடத்தல் கும்பலை சேர்ந்த வாலிபர் எரித்து கொலை செய்யப்பட்டது குறித்து போலீசார் விசாரணை நடத்தி வருகின்றனர்.

ஈரோடு மாவட்டம் அந்தியூர் அருகே உள்ள பர்கூர் வனப்பகுதியில் தமிழக-கர்நாடக எல்லையான கர்கேகண்டி கிழக்கு பீட், போதமலை தெற்கு பீட் வனப்பகுதியில் வனத்துறை ஊழியர்கள் ரோந்துப் பணியில் ஈடுபட்டனர்.

அப்போது, கூட்டரை சரகம் எம்மட்டி பள்ளத்தில் முற்றிலும் எரிந்து சாம்பலான நிலையில் மண்டை ஓடு மற்றும் எலும்புக்கூடு கிடந்துள்ளது. இதைக் கண்ட வனத்துறையினர் அதிர்ச்சி அடைந்து, பர்கூர் போலீசாருக்கு தகவல் தெரிவித்தனர்.

பின்னர் , சம்பவ இடத்திற்கு வந்த பவானி போலீஸ் துணை சூப்பிரண்டு ரத்தினகுமார், அந்தியூர் இன்ஸ்பெக்டர் செந்தில்குமார், பர்கூர் போலீசார் ஆகியோர் பாதி எரிந்த நிலையில் கிடந்த எலும்புக்கூடை பார்வையிட்டனர்.

இதனையடுத்து, போலீசார் முதலில் ஈரோடு மற்றும் அருகே உள்ள மாவட்ட போலீஸ் நிலையங்களில் யாராவது மாயமானதாக புகார் வந்துள்ளதா? என்று விசாரணையை தொடங்கினர். 

இந்நிலையில், கிருஷ்ணகிரி மாவட்டம், சூளகிரி, பேரிகையை அடுத்த சின்னக்குட்டி கிராமத்தைச் சேர்ந்த சக்திவேல் (24) என்பவர் கடந்த மார்ச் மாதம் 24ம் தேதி முதல் காணாமல் போனதாக போலீசாருக்கு தகவல் கிடைத்தது.

இதன்பேரில் நடத்திய விசாரணையில், அதே கிராமத்தைச் சேர்ந்த வெங்கடேஷ், ராஜேந்திரன், குமார் ஆகியோருடன் சக்திவேல் சந்தன மரம் வெட்டுவதற்கு பர்கூர் வனப் பகுதிக்கு வந்ததது தெரியவந்தது.

மேலும், மரம் வெட்டும் போது துப்பாக்கி சத்தம் கேட்டு நால்வரும் ஆளுக்கொரு திசையில் ஓடினர். இதில், சக்திவேலை மட்டும் தனியே விட்டுவிட்டு மூவரும் தப்பிச் சென்றதும் தெரியவந்தது.

இந்நிலையில், எம்மம்பட்டி பள்ளம் பகுதியில் பாதி எரிந்த நிலையில், தலை, எலும்புத்துண்டு கிடந்ததை, வெங்கடேஷ், ராஜேந்திரன் இறந்து கிடந்தது காணாமல் போன சக்திவேல் என உறுதி செய்தனர்.

இதையடுத்து, சந்தன மரம் வெட்டிய போது, மற்றொரு கும்பலிடம் சிக்கிக் கொண்டதில் சக்திவேல் எரித்து கொல்லப்பட்டாரா அல்லது இவர்களுக்குள் ஏற்பட்ட தகராறில் எரிக்கப்பட்டாரா என்ற பல கோணத்தில் பர்கூர் போலீசார் வழக்குப்பதிவு செய்து விசாரணை நடத்தி வருகின்றனர்.

பர்கூர் வனப்பகுதியில் மரம் வெட்ட வந்த வாலிபர் பாதி எரிந்த நிலையில் எலும்புக்கூடாக கிடந்த இந்த சம்பவம் அந்த பகுதியில் பரபரப்பை ஏற்படுத்தி உள்ளது.

Read more

ஆசிரியை வீட்டை அபகரிக்க முயன்ற ஈரோடு அரசு பள்ளி தலைமையாசிரியர் பணியிடை நீக்கம்

வீட்டை அடமானம் வைத்துப் பெற்ற கடன் தொகையை திரும்பச் செலுத்தியும் ஆசிரியை வீட்டை அபகரிக்க முயன்று, வீட்டை சூறையாடி எஸ்சி, எஸ்டி வழக்கில் சிக்கிய ஈரோடு அரசுப் பள்ளித் தலைமையாசிரியர் பணியிடை நீக்கம் செய்யப்பட்டார். 

ஈரோடு சொட்டையம்பாளையத்தை சேர்ந்தவர் முத்துராமசாமி (வயது 57). இவர் ஈரோடு பெரியார் வீதியில் உள்ள அரசு தொடக்க பள்ளியில் தலைமையாசிரியராக பணியாற்றி வருகிறார்.

இவரிடம் கோபியை அடுத்த நாகர்பாளையம் நஞ்சப்பாநகரை சேர்ந்த ஈஸ்வரமூர்த்தி முத்துராமசாமியின் மனைவியான அரசு பள்ளி ஆசிரியை பிரபா (48) கடந்த 2015-ம் ஆண்டு தனது குடும்ப செலவுக்காக வீட்டு பத்திரத்தை அடமானம் வைத்து ரூ.15 லட்சம் கடன் வாங்கினார்.

வாங்கிய கடனை செலுத்திய பிறகும், தலைமையாசிரியர் முத்துராமசாமி வீட்டு பத்திரத்தை திரும்ப தராமல் வீட்டை அபகரிக்க முயன்றதாகவும், தனது ஆதரவாளர்களுடன் வந்து வீட்டில் உள்ள பொருட்களை சூறையாடியதாகவும் ஆசிரியை பிரபா ஈரோடு மாவட்ட போலீஸ் சூப்பிரண்டு அலுவலகத்தில் புகார் கொடுத்தார்.

புகாரின்பேரில், விசாரணை நடத்த கோபி போலீசாருக்கு உத்தரவிடப்பட்டது. இதைத்தொடர்ந்து, கோபி போலீசார் தலைமையாசிரியரான முத்துராமசாமி உள்பட அவரது ஆதரவாளர்கள் மீது எஸ்.சி., எஸ்.டி. வன்கொடுமை தடுப்பு சட்டம் உள்பட மொத்தம் 8 பிரிவுகளின் கீழ் வழக்குப்பதிவு செய்து விசாரணை நடத்தி வந்தனர்.

இந்தநிலையில், துறை ரீதியான நடவடிக்கை எடுக்க மாவட்ட முதன்மை கல்வி அதிகாரி சுப்பாராவ் உத்தரவிட்டார். அதன்பேரில் மாவட்ட தொடக்க கல்வி அதிகாரி பரமசிவம் உரிய விசாரணை நடத்தி தலைமையாசிரியர் முத்துராமசாமியை பணியிடை நீக்கம் செய்து உத்தரவிட்டார்.

இந்த உத்தரவு நகலை முத்துராமசாமியிடம் நேரில் சென்று கொடுக்க முயன்றபோது அவர் வாங்க மறுத்ததாகவும், இதனால் பதிவு தபால் மூலமாக அனுப்பி வைத்ததாகவும் பள்ளிக்கல்வித்துறை அதிகாரிகள் தெரிவித்தனர்.

பணியிடை நீக்கம் செய்யப்பட்ட முத்துராமசாமி ஜாக்டோ-ஜியோ மாநில ஒருங்கிணைப்பாளராகவும், தமிழ்நாடு தொடக்கப்பள்ளி ஆசிரியர்கள் கூட்டணி மாவட்ட செயலாளராகவும் பதவி வகித்து வருகிறார் என்பது குறிப்பிடத்தக்கது.

Read more

ஈரோடு மாவட்ட ஆட்சியரகத்தில் செயல்பட்டு வரும் அலுவலகங்களில் ஆட்சியர் ஆய்வு!

ஈரோடு மாவட்ட ஆட்சியரகத்தில் செயல்பட்டு வரும் அலுவலகங்களில் மாவட்ட ஆட்சியர் ராஜ கோபால் சுன்கரா ஆய்வு மேற்கொண்டு, பராமரிக்கப்பட்டு வரும் பதிவேடுகளை பார்வையிட்டார்.

ஈரோடு மாவட்ட ஆட்சியர் அலுவலகத்தில், மாவட்ட வழங்கல் அலுவலகம், தனித்துணை ஆட்சியர் (சமூக பாதுகாப்பு திட்டம்) அலுவலகம் மற்றும் ஆதிதிராவிடர் மற்றும் பழங்குடியினர் நல அலுவலகங்கள் செயல்பட்டு வருகின்றன. இந்த அலுவலகங்களில் மாவட்ட ஆட்சியர் ராஜ கோபால் சுன்கரா இன்று (ஏப்ரல் 1) ஆய்வு மேற்கொண்டு கொண்டு, பராமரிக்கப்பட்டு வரும் பதிவேடுகளை பார்வையிட்டு ஆய்வு மேற்கொண்டார்.

இந்த ஆய்வின்போது, மாவட்ட வழங்கல் அலுவலகத்தில் புதிய குடும்ப அட்டைக்கு விண்ணப்பிக்கும் முறை, விண்ணப்பங்களை தகுதியின் அடிப்படையில் பரிசீலிக்கும் முறை மற்றும் தகுதியான நபர்களுக்கு குடும்ப அட்டை அச்சிட்டு வழங்குவது குறித்து அவர் ஆய்வு மேற்கொண்டார்.

மேலும், புதிய குடும்ப அட்டைக்கு விண்ணப்பிக்கப்பட்டுள்ள மனுக்களின் தற்போதைய நிலையினை ஜி2ஜி என்ற இணையதளத்தின் மூலம் ஆய்வு மேற்கொண்டார். மேலும், நியாயவிலைக்கடைகளில் குடும்ப அட்டைதாரர்களுக்கு வழங்கப்படும் அத்தியாவசிய பொருட்களின் இருப்புகள் மற்றும் ஒதுக்கீடுகள் குறித்த விபரங்களை கேட்டறிந்தார்.

அதனைத் தொடர்ந்து, தனித்துணை ஆட்சியர் (ச.பா.தி) அலுவலகத்தில் முதியோர் உதவித்தொகை, மாற்றுத்திறனாளிகள் உதவித்தொகை, கணவனால் கைவிடப்பட்டோர் மற்றும் முதிர்கன்னி உதவித்தொகை உள்ளிட்ட சமூக பாதுகாப்பு திட்டத்தின் கீழ் வழங்கப்பட்டு வரும் உதவித்தொகை குறித்த மனுக்கள், மக்கள் குறைதீர்க்கும் நாள் முகாம், உங்களைத் தேடி உங்கள் ஊரில் திட்டம் மற்றும் மனுநீதிநாள் முகாம் மூலம் பெறப்பட்ட மனுக்கள் மீது மேற்கொள்ளப்பட்ட நடவடிக்கைகள் குறித்து கேட்டறிந்தார்.

மேலும், முதல்வரின் முகவரி இணையதளத்தில் மனுக்கள் பதிவேற்றம் செய்யப்படுவதை பார்வையிட்டார். மேலும், தகுதியான மனுக்கள் மீது உரிய நடவடிக்கை மேற்கொள்ளுமாறு அலுவலர்களுக்கு அறிவுறுத்தினார்.

இதனையடுத்து, ஆதிதிராவிடர் மற்றும் பழங்குடியினர் நல அலுவலகத்தில் ஆய்வு மேற்கொண்டு, பயனாளிகளுக்கு வன உரிமை சட்டம் மூலம் வழங்கப்பட்டு வரும் பட்டா மற்றும் இலவச தையல் இயந்திரம் குறித்து கேட்டறிந்தார். மேலும், அலுவலகத்தில் பராமரிக்கப்பட்டு வரும் பதிவேடுகளை பார்வையிட்டார்.

இந்த ஆய்வின்போது, மாவட்ட ஆட்சியரின் நேர்முக உதவியாளர் (பொது) முஹம்மது குதுரத்துல்லா, தனித்துணை ஆட்சியர் (ச.பா.தி) செல்வராஜ், மாவட்ட வழங்கல் அலுவலர் ராம்குமார், மாவட்ட ஆதிதிராவிடர் மற்றும் பழங்குடியினர் நல அலுவலர் ராஜ கோபால், அலுவலக மேலாளர் பாலசுப்பிரமணியம் உட்பட துறை சார்ந்த அலுவலர்கள் உடனிருந்தனர்.

Read more

வரி வசூலில் ஈரோடு மாநகராட்சிக்கு 3வது இடம்: ஆணையாளர் தகவல்!

தமிழ்நாட்டில் வரி வசூலித்த மாநகராட்சி பட்டியலில் ஈரோடு 3வது இடத்தை பிடித்துள்ளதாக ஆணையாளர் தனலட்சுமி தெரிவித்துள்ளார். 

ஈரோடு மாநகராட்சியில் 2024-25ம் ஆண்டில் சொத்துவரி, காலியிடவரி, தொழில்வரி, குடிநீர் கட்டணம், குத்தகை இனங்கள், திடக்கழிவு மேலாண்மை கட்டணம் மற்றும் பாதாள சாக்கடை இணைப்பு கட்டணம் ஆக மொத்தம் 4,27,338 வரி வதிப்புகள் உள்ளது.

அதற்கான வருடாந்திர நடப்புக் கேட்புத் தொகை ரூ.106.87 கோடி ஆகும். அதில் ரூ.87.19 கோடி வசூல் செய்யப்பட்டுள்ளது. மொத்த வசூல் சதவீதம் 81.58 ஆகும். தமிழ்நாட்டில் உள்ள நகராட்சி நிர்வாக இயக்குநரகத்தின் கீழ் உள்ள 24 மாநகராட்சிகளில், ஈரோடு மாநகராட்சி சிறப்பான முறையில் வரி வசூல் செய்து 3-ம் இடத்தை பிடித்துள்ளது குறிப்பிடத்தக்கதாகும்.

ஈரோடு மாநகராட்சிக்கு குறிப்பிட்ட காலக்கெடுவிற்குள் வரி செலுத்திய அனைத்து வரிதாரர்களுக்கும் மாநகராட்சி நிர்வாகத்தின் சார்பாக நன்றி தெரிவித்துக் கொள்ளப்படுகிறது.

மேலும், 2025-26ம் ஆண்டிற்குரிய சொத்துவரித் தொகையினை வரும் 30.04.2025க்குள் செலுத்தி 5 சதவீத ஊக்கத் தொகை பெற்றுக் கொள்ளுமாறு ஈரோடு மாநகராட்சி ஆணையாளர் (பொ) தனலட்சுமி தெரிவித்துள்ளார்.

Read more