பண்ணாரி கோவில் குண்டம் திருவிழாவில் போலீசாரை கண்டித்து செய்தியாளர்கள் தர்ணா போராட்டம்!

பண்ணாரி மாரியம்மன் கோவில் குண்டம் திருவிழாவில் செய்தி சேகரிக்க செய்தியாளர்களை கோவிலுக்குள் விட மறுத்து, அவமதித்து பேசிய போலீசாரை கண்டித்து, செய்தியாளர்கள் தர்ணா போராட்டத்தில் ஈடுபட்டனர்.

ஈரோடு மாவட்டம் சத்தியமங்கலம் அடுத்த பண்ணாரியில் உள்ள பண்ணாரி மாரியம்மன் கோவில் குண்டம் திருவிழாவில் செய்தி சேகரிக்கும் பணிக்காக 50க்கும் மேற்பட்ட செய்தியாளர்கள் நேற்று நள்ளிரவு வந்தனர்.

ஈரோடு மாவட்ட செய்தி மற்றும் மக்கள் தொடர்பு அலுவலர்களுடன் ஈள்ளே செல்ல வேண்டுமென கூறி, அவர்களுக்கு அனுமதி மறுத்ததால் போலீசாரிடம் வாக்குவாதம் செய்த அனைவரும் கோவில் வளாகத்தின் முன்பகுதியை அடைந்தனர்.

தொடர்ந்து, அங்கிருந்து குண்டம் இறங்கும் இடத்திற்கு செல்லும் வழியில் இருந்த போலீசார் செய்தியாளர்களை நிற்க வைத்துவிட்டு, உயர் அதிகாரிகளை வந்து பார்த்து அனுமதி பெற்ற பின் உள்ளே விடுவதாக தெரிவித்தனர்,

இதனால் சோர்வடைந்த செய்தியாளர்கள் அனைவரும் ஒன்றிணைந்து, உள்ளே விட மறு மறுத்த அதிகாரிகளை கண்டித்து, தரையில் அமர்ந்து போராட்டத்தில் ஈடுபடுவோம் என கூறினர். இதனை கண்காணிப்பு மேடையிலிருந்து பார்த்த பெண் போலீஸ் அதிகாரி அவரிடமிருந்த மைக்கில் செய்தியாளர்கள் பார்த்து "ஓவராக சீன் கிரியேட் பண்ணாதீங்க"என பேசினார்.

இதைக்கேட்டு அதிர்ச்சியடைந்த முப்பதுக்கும் மேற்பட்ட செய்தியாளர்கள், கோவில் நுழைவாயிலில் அமைக்கப்பட்டிருந்த தடுப்பு கம்பிகளுக்கு எதிரில் அமர்ந்து தர்ணா போராட்டத்தில் ஈடுபட்டனர்.

இதைத் தொடர்ந்து, 15 நிமிடம் நடைபெற்ற போராட்டத்திற்கு பின்னர் செய்தியாளர்களை உள்ளே அனுமதித்தனர். இருந்தபோதிலும், செய்தி சேகரிக்க சென்ற செய்தியாளர்களை ராணுவ முகாமிற்குள் அனுப்புவது போல ஆயிரம் கேள்விகளை கேட்ட துன்புறுத்திய போலீசார், மற்றும் அறநிலையத்துறை அதிகாரிகளின் செயல் மிகுந்த மன உளைச்சலை ஏற்படுத்துவதாக இருந்தது.

ஆனால், குண்டம் இறங்கும் பகுதியை சுற்றி எந்த துறையிலும் இல்லாத நூற்றுக்கணக்கான நபர்கள் செல்போன் மற்றும் கேமராவில் போட்டோ எடுத்தபடியே செய்தியாளர்களை செய்தி சேகரிக்க இடையூறாக நின்றனர். 

வழக்கம் போல் செய்தியாளர்கள் நிற்பதற்கு கூட இடம் இல்லாமல் அங்கிருந்த கம்பத்தை பிடித்து அந்தரத்தில் தொங்கிய படியே வீடியோ மற்றும் போட்டோவை எடுத்தனர்.

Read more

ஈரோட்டில் இன்று அதிவேகமாக சென்ற கார் கட்டுப்பாட்டை இழந்து தள்ளுவண்டி கடையின் மீது மோதி விபத்து!

ஈரோடு கருங்கல்பாளையம் போலீஸ் நிலையத்திற்கு உட்பட்ட மாவட்ட எல்லை பகுதியான சோதனைச்சாவடி அருகே நாமக்கல் மாவட்டம் பள்ளிபாளையம் செல்லும் காவிரி ஆற்றின் குறுக்கே உள்ள பழைய பாலத்தின் அருகில் சாலையோர வியாபாரிகள் கடை வைத்து வியாபாரம் செய்து வருகின்றனர்.

இந்தநிலையில், நாமக்கல் மாவட்டம் திருச்செங்கோடு அருகே உள்ள காடச்சநல்லூர் பகுதியைச் சேர்ந்த ஆதித்யா என்பவர் தனது காரில் ஈரோட்டில் உள்ள கோவில் ஒன்றில் சாமி தரிசனம் செய்துவிட்டு இன்று மதியம் திரும்ப சென்று கொண்டிருந்தார்.

அப்போது கருங்கல்பாளையம் காவிரி ஆற்றின் பாலம் வழியாக கார் சென்றபோது திடீரென கார் கட்டுப்பாட்டை இழந்து தாறுமாறாக ஓடியது. அப்போது அங்கு சாலையோரம் குமார் என்பவர் வைத்திருந்த தள்ளுவண்டி கடையின் மீது மோதியது.

இதில், தள்ளுவண்டி மற்றும் கடையில் இருந்த கண் கண்ணாடி, தலைக் கவசம் உள்ளிட்ட ரூ.2 லட்சம் மதிப்பிலான பொருட்கள் சேதமானது. இந்த விபத்தில் காரை ஓட்டி வந்த ஆதித்யா லேசான காயங்களுடன் உயிர் தப்பினார்.

கார் தாறுமாறாக ஓடி வருவதை முன்பே பார்த்து சுதாரித்த கடையின் உரிமையாளர் விலகிக் கொண்டதால் அவரும் அதிர்ஷ்டவசமாக உயிர் தப்பினார். இந்த விபத்து குறித்து கருங்கல்பாளையம் போலீசார் விசாரணை நடத்தி வருகின்றனர். 

Read more

வக்பு வாரிய சட்டத்தை திரும்ப பெற வலியுறுத்தி சேலத்தில் மாபெரும் கண்டன ஆர்ப்பாட்டம். விசிக தோழமைக் கட்சி நிர்வாகி ஒருவர் பேசிய பேச்சுக்கு மார்ச் கம்யூனிஸ்ட் கட்சி நிர்வாகி குறுக்கிட்டதால் ஆர்ப்பாட்டத்தில் பெரும் சலசலப்பு.

சேலம். 

S.K. சுரேஷ்பாபு. 

வக்பு வாரிய சட்டத்தை திரும்ப பெற வலியுறுத்தி சேலத்தில் மாபெரும் கண்டன ஆர்ப்பாட்டம். விசிக தோழமைக் கட்சி நிர்வாகி ஒருவர் பேசிய பேச்சுக்கு மார்ச் கம்யூனிஸ்ட் கட்சி நிர்வாகி குறுக்கிட்டதால் ஆர்ப்பாட்டத்தில் பெரும் சலசலப்பு. 

நாடு முழுவதும் வக்பு வாரிய சட்ட திருத்த மசோதாவை அமல்படுத்தக் கூடாது என்பதை வலியுறுத்தி நாடு முழுவதும் பல்வேறு பலகட்ட போராட்டங்கள் நடைபெற்றுக் கொண்டிருக்கும் நிலையில் மத்திய அரசு வக்பு வாரிய திருத்தச் சட்டத்தை நாடாளுமன்றத்தில் இந்திய குடியரசுத் தலைவர் ஒப்புதலும் நிறைவேற்றியது. இதற்கு நாடு முழுவதும் தற்பொழுதும் எந்தவித குறையும் இல்லாமல் ஆங்காங்கே போராட்டங்கள் நடைபெற்று தான் கொண்டிருக்கின்றன திரும்ப பெற வேண்டும் என்பதை வலியுறுத்தி. இந்த நிலையில் சேலம் ஒருங்கிணைந்த மாவட்ட விடுதலை சிறுத்தைகள் கட்சியின் சார்பில் மத்திய அரசு கொண்டுவந்துள்ள இந்த வக்பு வாரிய சட்டத்தை மத்திய அரசு திரும்பப் பெற வேண்டும் என்பதை வலியுறுத்தி சேலம் கோட்டை மைதானம் பகுதியில் கண்டன ஆர்ப்பாட்டம் நடைபெற்றது. சேலம் ஒருங்கிணைந்த மாவட்டத்தின் மாவட்ட செயலாளர்கள் காஜா மைதீன், மொழி அரசு, டாக்டர் சுந்தர் உள்ளிட்டோர் முன்னிலை வகித்த இந்த ஆர்ப்பாட்டத்தில் விடுதலை சிறுத்தைகள் கட்சியின் மண்டல செயலாளர் வழக்கறிஞர் இமயவர்மன் உள்ளிட்ட மாநிலம் மற்றும் மாவட்ட நிர்வாகிகள் உள்ளிட்ட ஒரு முன்னிலை வகித்தனர். தொடர்ந்து நடைபெற்ற ஆர்பாட்டத்தில் இந்த வகுப்பு வாரிய சட்டத்தினால் இஸ்லாமியர்களுக்கு உண்டான சொத்துக்களை சூறையாடும் அரசாக மத்திய அரசு திகழ்ந்து வருவதாகவும் குற்றம் சாட்டியதோடு அதனை அந்த சட்டத்தை திரும்ப பெற வேண்டும் என்று பல்வேறு கோரிக்கைகளை வலியுறுத்தி முழக்கங்களை எழுப்பினர். இது ஆர்ப்பாட்டத்தை பொருத்தவரை விடுதலை சிறுத்தைகள் கட்சியில் தோழமைக் கட்சிகள் என மார்க்சிஸ்ட் கம்யூனிஸ்ட் கட்சி இந்திய கம்யூனிஸ்ட் கட்சி மனிதநேய மக்கள் கட்சி மற்றும் ஐ எம் யு எல் போலிட்ட பல்வேறு கட்சி நிர்வாகிகள் கலந்து கொண்டு தங்களது கருத்துக்களை வெளிப்படுத்தினர்.  அப்போது விடுதலை சிறுத்தைகள் கட்சியின் தொலைவின் கட்சி நிர்வாகி ஒருவர் நாடு முழுவதும் வக்பு வாரிய சட்ட திருத்தத்திற்கு எதிர்ப்பு தெரிவித்து போராட்டங்கள் மேற்கொண்டு வரும் நிலையில் கேரள அரசு மட்டும் இந்த சட்டத்தை முதல் மாநிலமாக இன்று செயல்படுத்த உள்ளதாக தகவலை வெளிப்படுத்தினார், அப்போது குறிப்பிட்ட மார்க்சிஸ்ட் கம்யூனிஸ்ட் கட்சியை சேர்ந்த சேலம் மாநகர் மாவட்ட நிர்வாகி பிரவீன் என்பவர் இதற்கு கடும் எதிர்ப்பு தெரிவித்து அங்கு வாக்குவாதத்தில் ஈடுபட்டதால் ஆர்ப்பாட்டக் களத்தில் பெரும் பரபரப்பு காணப்பட்டது. ஒரே ஒரு செய்தி நாளிதழ் மற்றும் செய்தி சேனலில் வெளியிட்ட செய்தியை வைத்துக்கொண்டு சம்பந்தப்பட்ட நிர்வாகி பேசியது வருத்தம் ஏற்படுவதாக உள்ளதாகவும் அதற்கான விளக்கத்தை மட்டுமே நான் கொடுத்தேன் என்றும் இந்திய மார்க்சிஸ்ட் கம்யூனிஸ்ட் கட்சியின் சேலம் மாநகர் மாவட்ட நிர்வாகி பிரவீன் விளக்கம் அளித்தார்.

 

Read more

தங்களது பல்வேறு கோரிக்கைகளை வலியுறுத்தி, தமிழ்நாடு அரசு நியாய விலைக் பணியாளர்கள் கருப்பு சட்டை அணிந்து ஆர்ப்பாட்டம்.

சேலம்.

S.K. சுரேஷ்பாபு.

தங்களது பல்வேறு கோரிக்கைகளை வலியுறுத்தி, தமிழ்நாடு அரசு நியாய விலைக்  பணியாளர்கள் கருப்பு சட்டை அணிந்து ஆர்ப்பாட்டம்.

தமிழ்நாடு அரசு நியாய விலை கடை பணியாளர்கள் சங்கம் சார்பில் 30 அம்ச கோரிக்கைகளை குறித்து ஒரு நாள் வேலை நிறுத்தம் செய்து கருப்பு நிற ஆடை அணிந்து தமிழ்நாடு அரசு நியாய விலைக்கடை பணியாளர்கள் சங்கம் சார்பில் கார்த்தி, நாகராஜ் தலைமையில் சேலம் கோட்டை மைதானத்தில் மாபெரும் ஆர்ப்பாட்டத்தில் ஈடுபட்டனர்.கல்வித் தகுதிக்கேற்ப ஊதியம் வழங்க வேண்டும்.விரல் ரேகை பதிவு, ஆதார் சரிபார்ப்பு 40% மீண்டும் நடைமுறைப் படுத்துதல்,போன்ற பல்வேறு விதமான கோரிக்கைகளை முன்னிறுத்தி கண்டன கோஷங்கள் எழுப்பினர்.

இதில் சுந்தர்ராஜ்,ராஜீ வரவேற்புரை ஆற்றினர்.அரசு பணியாளர்கள் சங்க மாநில தலைவி சுகமதி முன்னிலை வகித்தார்.மேலும் இதில் நாகேந்திரன்,ஹரிகரன், சுப்பிரமணி,ரவிக்குமார், சரவணன்,சசிகலா,சிலம்பு, அருண்குமார்,பாரதிராஜா, ஜெயக்குமார்,சிவபாரதி, முருகேசன்,விக்கி, சுப்பிரமணி உள்ளிட்ட பலர் கலந்து கொண்டனர்.

Read more

ஈரோடு | அம்மாபேட்டையில் சுங்கச்சாவடி அமைப்பதை எதிர்த்து வழக்கு: மத்திய, மாநில அரசுகள் பதிலளிக்க உத்தரவு!

சென்னை உயர் நீதிமன்றத்தில், பவானி சட்டமன்ற தொகுதி எம்எல்ஏ கே.சி.கருப்பண்ணன் தாக்கல் செய்துள்ள மனுவில், ஈரோடு மாவட்டம், அம்மாபேட்டையில் சுங்கச்சாவடி அமைப்பதை கடுமையாக எதிர்த்து உள்ளூர் பொதுமக்கள் போராட்டம் நடத்தி வருகின்றனர்.

ஆனால், அந்த போராட்டத்தை மத்திய, மாநில அரசுகள் கண்டுக்கொள்வது இல்லை. இந்த சுங்கச்சாவடி அமைக்கப்பட்டால் உள்ளூர் மக்கள் கடுமையாக பாதிக்கப்படுவார்கள்.

தங்களது விவசாயப் பொருட்களை வாகனத்தில் கொண்டு செல்வதில் பல்வேறு சிரமம் ஏற்படும். அதுமட்டுமல்ல, இந்த சாலை பணிகள் முறையாக செய்யப்படவில்லை. இதனால், விபத்து ஏற்படுவதற்கான வாய்ப்புகள் அதிகம் உள்ளது.

ஏற்கனவே 7 மீட்டர் அகலமாக இருந்த இரு வழிச்சாலை 10 மீட்டராக அதிகப்படுத்தி, சுங்கச்சாவடியை அமைக்கின்றனர். குறுகலான வளைவுகள் உள்ளதால், வாகன ஓட்டிகளுக்கு சிரமம் ஏற்படும். குறிப்பிட்ட இந்த வழித்தடத்தை சுங்கச்சாவடி சாலையாக மாற்றுவது தேவையற்றது. இதனால் மக்களுக்கு எந்த நன்மையும் இல்லை.

எனவே அம்மாபேட்டையில் சுங்கச்சாவடி அமைப்பதற்கு தடை விதிக்க வேண்டும் என்று கூறியிருந்தார். இந்த மனு நீதிபதி டி.பரதசக்கரவர்த்தி முன்பு விசாரணைக்கு வந்தது.

அப்போது மனுதாரர் சார்பில் வக்கீல் நர்மதா சம்பத் ஆஜராகி, இருவழிச் சாலையை குறிப்பிட்ட பகுதியில் மட்டும் நான்கு வழிச்சாலையாக மாற்றி சுங்கச்சாவடி அமைக்கப்பட்டுள்ளது. இதற்காக 4 ஆயிரத்துக்கும் அதிகமான மரங்கள் வெட்டப்பட்டுள்ளன என்றார்.

தமிழ்நாடு அரசு சார்பில் ஆஜரான கூடுதல் அட்வகேட் ஜெனரல் ரவீந்திரன், சுங்கச்சாவடி அமைப்பது தொடர்பாக கடந்த 2023-ம் ஆண்டு அறிவிப்பு வெளியிடப்பட்டது. 2 ஆண்டுகளுக்கு பின்னர் இந்த வழக்கு தொடரப்பட்டுள்ளது என்று வாதிட்டார்.

அதற்கு நீதிபதி, சாலை விரிவாக்கப் பணிக்காக 4 ஆயிரம் மரங்கள் வெட்டப்பட்டுள்ளதாக மனுதாரர் தரப்பில் குற்றம் சாட்டப்படுகிறது. இதை தீவிரமாக கவனத்தில் கொள்ளப்படும். எனவே. இந்த வழக்கில், தேசிய நெடுஞ்சாலை ஆணையத்தை எதிர்மனுதாரராக சேர்க்கிறேன்.

இந்த வழக்கிற்கு மத்திய, மாநில அரசுகள் பதில் மனு தாக்கல் செய்யவேண்டும் என நோட்டீஸ் அனுப்ப உத்தரவிட்டார். மேலும் விசாரணையை வருகிற 28ம் தேதிக்கு தள்ளி வைத்தார்.

Read more

ஈரோடு மாவட்டத்தில் நிலுவையில் உள்ள பணிகளை விரைந்து முடிக்க ஆட்சியர் அறிவுறுத்தல்!

ஈரோடு மாவட்ட ஆட்சியர் அலுவலக கூட்டரங்கில், ஈரோடு மாவட்ட வளர்ச்சி திட்டப்பணிகள் தொடர்பாக அனைத்துத்துறை அலுவலர்களுடனான மாவட்ட உயர்மட்ட குழுக் கூட்டம் மாவட்ட ஆட்சியர் ராஜ கோபால் சுன்கரா தலைமையில் நேற்று (ஏப்ரல் 7ம் தேதி) நடைபெற்றது.

இந்த கூட்டத்தில், ஊரக வளர்ச்சி மற்றும் ஊராட்சித் துறையின் சார்பில் சத்தியமங்கலம், அந்தியூர், தாளவாடி ஒன்றியங்களுக்குட்பட்ட மலைகிராமங்களில் சாலை வசதி இல்லாத குக்கிராமங்களுக்கு சாலைவசதி மேற்கொள்ளுதல், மின்கம்பங்கள் மாற்றி அமைத்தல், சுகாதாரத்துறையின் சார்பில் புதிய துணை சுகாதார நிலையங்கள் அமைத்தல் குறித்தும் அதிகாரிகளிடம் மாவட்ட ஆட்சியர் கேட்டறிந்தார்.

தொடர்ந்து, பிறப்பு, இறப்பு பதிவில் தாய் மற்றும் தந்தையின் ஆதார் விபரங்களை மென்பொருளி இணைத்திடும் பணிகளின் முன்னேற்றம், ஆரம்ப சுகாதார நிலையங்களுக்கு பேருந்து வசதி, வேளாண்மை மற்றும் உழவர் நலத்துறையின் சார்பில் வாணிப்புத்தூர் பகுதியில் ஒருங்கிணைந்த வேளாண் விரிவாக்க மையம் அமைத்தல், சத்தியமங்கலம் வட்டாரம் மாநில அரசு விதைப்பண்ணைக்கு முள்வேலி அமைத்தல் குறித்தும் கேட்டறிந்தார்.

இதைத் தொடர்ந்து, பள்ளிகளுக்கு செல்லும் வழியில் உள்ள ஆக்கிரமிப்புகள் அகற்றுதல், அரசு பள்ளிகளில் கழிப்பறை கட்டும் பணிகள், பெருந்துறை அரசு மருத்துவ கல்லூரி மருத்துவமனை வரை பேருந்து வழித்தடம் நீட்டிப்பு செய்தல் உள்ளிட்ட பல்வேறு நடவடிக்கைககள் தொடர்பாக சம்பந்தப்பட்ட துறை அலுவலர்களுக்கு விரிவாக ஆய்வு மேற்கொண்டு, நிலுவையில் உள்ள பணிகளை விரைந்து முடித்திட அலுவலர்களுக்கு அறிவுறுத்தினார்.

இக்கூட்டத்தில், கூடுதல் ஆட்சியர் (வளர்ச்சி) மற்றும் மாவட்ட ஊரக வளர்ச்சி முகமை அர்பித் ஜெயின், கோபிசெட்டிபாளையம் சார் ஆட்சியர் சிவானந்தம், மாவட்ட வன அலுவலர் குமிலி வெங்கட அப்பால நாயுடு (ஈரோடு), மாவட்ட ஆட்சியரின் நேர்முக உதவியாளர் (பொது) ஹம்மது குதுரத்துல்லா உட்பட அனைத்துத்துறை உயர் அலுவலர்கள் கலந்து கொண்டனர்.

Read more

ஈரோட்டில் உயிரிழந்த மயிலுக்கு தேசிய கொடி போர்த்திய பொதுமக்கள்!

ஈரோடு வெண்டிபாளையம் பகுதியில் டிரான்ஸ்பார்மரில் அடிபட்டு உயிரிழந்த மயிலுக்கு பொதுமக்கள் தேசியக்கொடி போர்த்தி அஞ்சலி செலுத்தினர்.

ஈரோடு மாநகராட்சிக்கு உட்பட்ட வெண்டிபாளையம் பகுதியில், ரயில்வே நுழைவு பாலம் அருகே இருக்கும் டிரான்ஸ்பார்மர் மீது இன்று இரவு மயில் ஒன்று வேகமாக பறந்து வந்து மோதியது. அந்த டிரான்ஸ்பார்மர் மீது மோதிய வேகத்தில் தீப்பொறி பறக்க மிகுந்த சத்தத்துடன் மயில் தூக்கி வீசப்பட்டு உயிரிழந்தது.

டிரான்ஸ்பார்மரில் தீ பொறியியுடன் ஒரு சில நொடிகள் மின்சாரம் கட்டாகி மீண்டும் வந்தது. இந்த டிரான்ஸ்பார்மர் அருகே வசித்து வந்த பொதுமக்கள் உடனடியாக டிரான்ஸ்பார்மர் மீது மோதியது என்ன? என்று சென்று பார்த்தனர். அப்போது, பெரிய ஆண் மயில் ஒன்று டிரான்ஸ்பார்மர் மீது மோதி உயிரிழந்தது தெரிய வந்தது. தனை அடுத்து உடனடியாக ஈரோடு வனத்துறையினருக்கு பொதுமக்கள் தகவல் தெரிவித்தனர்.

இதனைத் தொடர்ந்து, நடந்த சம்பவம்தான் மிகுந்த நெகிழ்ச்சியை ஏற்படுத்தியது. வழக்கம்போல பொதுமக்கள் இது போன்ற சம்பவங்கள் நடந்தால் சம்பந்தப்பட்ட காவல்துறையினர் மற்றும் சம்பந்தப்பட்ட துறை சார்ந்த அதிகாரிகளுக்கு தகவல் கூறிவிட்டு அவரவர் வேலையை பார்க்க சென்று விடுவார்கள்.

அதற்கு நேர் மாறாக, இந்தப் பகுதியை சேர்ந்த பொதுமக்கள் வனத்துறையினருக்கு தகவல் தெரிவித்தது மட்டுமின்றி, உயிரிழந்து கிடப்பது நமது தேசிய பறவை என்பதால், அதற்கு உரிய மரியாதை செலுத்தும் விதமாக, தேசிய கொடியை அதன் மீது போர்த்தி அஞ்சலி செலுத்தினர்.

இந்நிலையில், நமது ஊரில் உள்ள மக்களுக்கு தேசிய உணர்வு எந்த அளவிற்கு இருக்கிறது என்பது இந்த சம்பவத்தின் மூலம் வெளியாகி உள்ளது என்பது குறிப்பிடத்தக்கது.

Read more