பொதுமக்களின் அனைத்து தேவைகளிலும் நிறைவடைந்த பேரூராட்சியாக மல்லூர் திகழ்கிறது. எரிவாயு தகனமேடை அர்ப்பணிப்பு விழாவில் மல்லூர் பேரூராட்சி தலைவர் வேங்கை அய்யனார் பெருமிதம்.

சேலம். 

S.K. சுரேஷ்பாபு. 

பொதுமக்களின் அனைத்து தேவைகளிலும் நிறைவடைந்த பேரூராட்சியாக மல்லூர் திகழ்கிறது. எரிவாயு தகனமேடை அர்ப்பணிப்பு விழாவில் மல்லூர் பேரூராட்சி தலைவர் வேங்கை அய்யனார் பெருமிதம். 

சேலம் மாவட்டம் மல்லூர் முதல் நிலை பேரூராட்சி நிர்வாகத்தின் சார்பில் மல்லூர் பேரூராட்சிக்கு உட்பட்ட அனைத்து கிராம மக்களுக்கும் தேவையான அனைத்து அத்தியாவசிய உதவிகள் நல்ல பட திட்டங்கள் ஆகியவற்றை தொடர்ச்சியாக செயல்படுத்தி வருகிறது. இந்த நிலையில் பேரூராட்சி மக்களின் ஒட்டுமொத்த கோரிக்கையான மென்மையான அமைக்க வேண்டும் என்ற கோரிக்கை கடந்த 60 ஆண்டுகளாக இருந்து வந்த நிலையில், இதனை ஏற்றுக் கொண்ட பேரூராட்சித் தலைவர் வேங்கை அய்யனார் தமிழக அரசிடம் முறையிட்டு அதற்கான நிதியை பெற்று சேலம் மாவட்டம் மல்லூர் அருகே உள்ள பெரம்பலூர் பகுதியில் அதற்கான பணிகளை துவக்கி இன்று பொதுமக்களுக்கான மின்மயான தினை அர்ப்பணித்தார். இதுகுறித்து வேங்கை அய்யனார் அப்படியே கூறுகையில் மல்லூர் பேரூராட்சி மக்களின் அனைத்து தேவைகளையும் நிறைவேற்றி பூர்த்தி அடைந்த பேரூராட்சியாக மல்லூர் திகழ்ந்து வருவதாகவும் இந்த நிலையில் தற்பொழுது பொதுமக்களுக்கு அர்ப்பணிக்கப்பட்டுள்ள நவீன எரிவாயு தகனம் என வேங்காம்பட்டி கைக்குத்தல் குப்புசாமி நினைவு அறக்கட்டளை சார்பாக பிரேதும் எரியூட்டும் பணிகளை மேற்கொள்ளப்பட உள்ளதால், மல்லூர் பேரூராட்சியின் வார்டு எண் 1 முதல் 15 வரையில் உள்ள பொதுமக்களுக்கு மட்டும் குளிர்சாதன பெட்டி, அமரர் ஊர்தி மற்றும் சடலங்காய் ஏறியூட்டுவதற்கான தொகையை சம்பந்தப்பட்ட அறக்கட்டளையே ஏற்கும் என்று தெரிவித்த அவர் சம்பந்தப்பட்ட எரியூட்டும் தொகையினை தமிழக அரசுக்கு அறக்கட்டளையின் வாயிலாக செலுத்தப்படும் என்றும் பெருமிதம் தெரிவித்தார். 

இந்த நிகழ்ச்சியில் வியாபாரிகள் சங்க தலைவர்கள் மற்றும் ஊர் பெரியவர்கள் உட்பட பலர் கலந்து கொண்டனர்.

Read more

ஈரோடு மாவட்டத்தில் ஜமாபந்தி: மே.22ம் தேதி முதல் தொடக்கம்!

ஈரோடு மாவட்டத்தில் 1434ம் பசலிக்கான வருவாய் தீர்வாயம் எனப்படும் ஜமாபந்தி ஈரோடு மாவட்டத்திற்கு உட்பட்ட அனைத்து வட்டங்களிலும் வரும் மே.22ம் தேதி முதல் தொடங்கப்பட்டு 29ம் தேதி வரை நடைபெறவுள்ளது.

அதன்படி, கோபிசெட்டிபாளையம், சத்தியமங்கலம் மற்றும் பெருந்துறை ஆகிய வட்டங்களில் 22ம் தேதி முதல் 29ம் தேதி வரையிலும், அந்தியூர் வட்டத்தில் 22ம் தேதி முதல் 28ம் தேதி வரையிலும், பவானி, நம்பியூர், ஈரோடு, மொடக்குறிச்சி, மற்றும் கொடுமுடி ஆகிய வட்டங்களில் 22ம் தேதி முதல் 27ம் தேதி வரையிலும் நடைபெற உள்ளது.

அதேபோல், தாளவாடி வட்டத்தில் 22ம் தேதி அன்றும், (சனி, ஞாயிறு விடுமுறை நாட்கள் மற்றும் திங்கள்கிழமை நீங்கலாக) அந்தந்த வருவாய் வட்டாட்சியர் அலுவலகங்களில் நடைபெற உள்ளது. எனவே, பொது மக்கள் தங்கள் கோரிக்கை மனுக்களை அந்தந்த வருவாய் தீர்வாய அலுவலர்களிடம் சமர்ப்பித்து உரிய நிவாரணம் தேடிக்கொள்ளலாம் என்று மாவட்ட ஆட்சியர் ராஜ கோபால் சுன்கரா தெரிவித்துள்ளார்.

Read more

தாளவாடி அருகே ஆசனூரில் லாரி கவிழ்ந்து விபத்து: போக்குவரத்து பாதிப்பு!

தாளவாடி அருகே ஆசனூரில் லாரி கவிழ்ந்து விபத்துக்குள்ளானது. இதனால் அந்த பகுதியில் பல மணி நேரம் போக்குவரத்து பாதிக்கப்பட்டது.

 ஈரோடு மாவட்டம் தாளவாடி மலைப்பகுதி கர்நாடக மற்றும் தமிழ்நாடு மாநில எல்லைக்குள் அமைந்துள்ளது. தற்போது தாளவாடி மலைப்பகுதி சுற்றுவட்டார பகுதிகளில் பரவலாக கனமழை பெய்து வருகிறது. இதனால் அப்பகுதியை சுற்றியுள்ள நீர் நிலைகள் மற்றும் குட்டைகள் மழை நீரால் நிரம்பி சாலைகளில் பெருக்கெடுத்து ஓடுகிறது. 

 இந்த நிலையில், ஈரோட்டில் இருந்து கர்நாடக மாநிலம் சாம்ராஜ் நகருக்கு புண்ணாக்கு பாரம் ஏற்றிய லாரி ஒன்று நேற்று சென்று கொண்டிருந்தது. இந்த லாரி மாலை 5 மணி அளவில் ஆசனூரை அடுத்த கர்நாடக மாநில எல்லையில் புளிஞ்சூர் சோதனைச்சாவடி அருகே வந்து கொண்டிருந்தது.

அப்போது, லாரி திடீரென கட்டுப்பாட்டை இழந்து சாலையில் கவிழ்ந்து விபத்துக்குள்ளானது. இந்த விபத்தில் லாரியின் டிரைவர் லேசான காயத்துடன் உயிர் தப்பினார். இதனால் அந்த பகுதியில் போக்குவரத்து பாதிக்கப்பட்டது.

அதேபோல், மற்றொரு லாரி சாலையோரம் சேற்றில் சிக்கிக் கொண்டது. இவ்விபத்தால் தமிழகம் மற்றும் கர்நாடக தேசிய நெடுஞ்சாலையில் முற்றிலுமாக போக்குவரத்து பாதிப்புக்கு உள்ளாகியது.

இதனால் அவ்வழியாக சுமார் 4 கிலோ மீட்டர் தூரம் அளவிற்கு இருபுறமும் வாகனங்கள் அணிவகுத்து நிற்கின்றன. அவசர சிகிச்சைக்காக செல்லும் ஆம்புலன்ஸ் வாகனம் கூட செல்ல முடியாத சூழ்நிலை ஏற்பட்டது.

பின்னர், இதுகுறித்து தகவல் கிடைத்து வந்த புளிஞ்சூர் போலீசார் சம்பவ இடத்துக்கு விரைந்து சென்று போக்குவரத்தை சீர் செய்யும் பணியில் ஈடுபட்டனர். மேலும் சம்பவ இடத்துக்கு டிராக்டர்கள் கொண்டு வரப்பட்டு லாரியை அகற்றும் பணி நடைபெற்றது.

எனினும், இரவு 9.30 மணி ஆகியும் லாரியை அங்கிருந்து அகற்ற முடியவில்லை, இதனால் அந்த பகுதியில் பல மணி நேரம் போக்குவரத்து பாதிக்கப்பட்டதால் நீண்ட வரிசையில் வாகனங்கள் அணிவகுத்து நின்றதால் வாகன ஓட்டிகள் கடுமையாக அவதியடைந்தனர்.

Read more

ஈரோடு பூம்பூகாரில் பித்தளை, செம்பு கலை பொருட்கள் கண்காட்சி, விற்பனை துவக்கம்!

ஈரோடு அரசு தலைமை மருத்துவமனை ரவுண்டானா அருகே மேட்டூர் சாலையில் உள்ள பூம்புகார் விற்பனை நிலையத்தில் பித்தளை மற்றும் செம்பு கலைப்பொருட்கள் கண்காட்சி மற்றும் விற்பனை நேற்று துவங்கியது.

ஈரோடு அரசு தலைமை மருத்துவமனை ரவுண்டானா அருகே மேட்டூர் சாலையில் அரசு நிறுவனமான பூம்புகார் விற்பனை நிலையம் உள்ளது. இந்த நிலையத்தில், பித்தளை மற்றும் செம்பு கலைப்பொருட்கள் கண்காட்சி மற்றும் விற்பனை நேற்று துவங்கியது.

இதுகுறித்து பூம்புகார் விற்பனை நிலைய மேலாளர் அருண் கூறியதாவது, தமிழகம் மற்றும் தென்னிந்திய அளவிலான கலையழகு மிக்க பித்தளை சுவாமி சிலைகள், விளக்கு கள் விளக்குகள், உருளி, புத்தர் சிலைகள், கோமாதா சிலைகள், வீரவாள், முக்காலிகள், செம்பினால் ஆன சிலைகள், தண்ணீர் பாட்டில்கள், டம்ளர், தட்டுகள், செம்பு போன்றவை விற்பனைக்கு உள்ளன.

பஞ்சலோகம் மரம், கற்களால் ஆன சிற்பங்கள், மொராதாபாத் கலைப்பொருட்கள், ஜெய்பூர் ஓவியங்கள், தஞ்சை ஓவியம், தஞ்சை கலைத் தட்டு, ஆயில் பெயிண்டிங், வலம்புரி சங்கு,அகர்பத்தி, வாசனை திரவியங்கள்,ரோஸ்மரத்தில் பதிக்கப்பட்ட சுவர் அலங்கார அலங்கார பேனல்கள், சந்தனக்கட்டை, கலைப்பொருட்கள் போன்றவை விற்பனைக்கு உள்ளன.

இங்கு ரூ.50 முதல் ரூ.1 லட்சம் வரையிலான கைவினை பொருட்கள் இக்கண்காட்சியில் இடம் பெற்றுள்ளன. குறிப்பிட்ட பொருட்களுக்கு 10 சதவீத தள்ளுபடி உண்டு. இக்கண்காட்சி வருகிற 30ம் தேதி வரை நடைபெற உள்ளது. இவ்வாறு அவர் கூறினார்.

Read more

பவானிசாகர் அருகே வனத்துறை - விவசாயி இடையே தகராறு: இருதரப்பு மீதும் வழக்குப்பதிவு!

பவானிசாகர் அருகே வனத்துறை - விவசாயி இடையே ஏற்பட்ட தகராறில் இருதரப்பு மீதும் போலீசார் வழக்கு பதிவு செய்துள்ளனர்.

ஈரோடு மாவட்டம் பவானிசாகர் அருகே உள்ள வெள்ளாளபாளையத்தை சேர்ந்தவர் விவசாயி மாணிக்கம். இவர், கடந்த 13ம் தேதி இவர் வனப்பகுதியில் உள்ள மாசி கருவண்ணராயர் கோவிலுக்கு சென்று விட்டு திரும்பி வந்து கொண்டிருந்தார்.

பவானிசாகர் காராச்சிகொரை வன சோதனைச்சாவடி அருகே வந்தார். அப்போது, அங்கிருந்த வனச்சரகர் சதாம் உசேன், வனத்துறை ஊழியர்கள் தன்னை தாக்கியதாகவும், அதில் காயமடைந்து மருத்துவமனையில் சிகிச்சை பெற்று வருவதாகவும் , என்னை தாக்கியவர்கள் மீது நடவடிக்கை எடுக்க வேண்டும் என்று பவானிசாகர் போலீசில் புகார் அளித்திருந்தார்.

அதேபோல், வனக்காப்பாளர் குப்புசாமி, மாணிக்கம் இருசக்கர வாகனத்தை ஓட்டி வந்து, தகாத வார்த்தைகளால் பேசியதோடு, கொலை மிரட்டல் விடுத்தார். மேலும், அரசு பணி செய்யவிடாமல் தடுத்ததாக பவானிசாகர் போலீசில் புகார் அளித்தார். 

இதைத் தொடர்ந்து, இருதரப்பினரும் தனித்தனியாக அளித்த புகாரின் அடிப்படையில் போலீசார் வனச்சரகர் சதாம் உசேன், வனத்துறை ஊழியர்கள் 6 பேர் மீதும் மற்றும் விவசாயி மாணிக்கத்தின் மீதும் வழக்குப் பதிவு செய்து விசாரணை நடத்தி வருகின்றனர்.

Read more

ஈரோடு மக்கள் குறைதீர் நாள் கூட்டத்தில் பொதுமக்களிடம் இருந்து கோரிக்கை மனுக்களை பெற்று, குறைகளைக் கேட்டறிந்து, பயனாளிகளுக்கு அரசு நலத்திட்ட உதவிகளை வழங்கிய ஆட்சியர்!

ஈரோடு மாவட்ட ஆட்சியரக கூட்டரங்கில், வாராந்திர மக்கள் குறைதீர்க்கும் நாள் கூட்டம் மாவட்ட ஆட்சியர் ராஜ கோபால் சுன்கரா தலைமையில் இன்று (மே.19) நடைபெற்றது. இக்குறைதீர்க்கும் நாள் கூட்டத்தில் மாற்றுத்திறனாளிகளுக்கு கல்வி உதவித்தொகை, கலைஞரின் கனவு இல்லம், அடுக்குமாடி குடியிருப்பில் வீடு, இலவச வீட்டுமனை பட்டா, பட்டா மாறுதல், ஆக்கிரமிப்பு மற்றும் காவல் துறை நடவடிக்கை உள்ளிட்ட பல்வேறு கோரிக்கைகள் என மொத்தம் 250 மனுக்கள் வரப்பெற்றன.

பொதுமக்கள் அளித்த பல்வேறு கோரிக்கை மனுக்களை மாவட்ட ஆட்சியர் பெற்று உரிய துறை அலுவலர்களிடம் வழங்கி அவற்றின் மீது உடனடி நடவடிக்கை எடுத்திட உத்தரவிட்டார். மேலும், முதலமைச்சர் தனிப்பிரிவு மனுக்கள், மக்கள் குறைதீர்க்கும் நாள் கூட்டத்தில் பெறப்பட்ட மனுக்கள் மீது மேற்கொள்ளப்பட்ட நடவடிக்கைகள் குறித்து ஆய்வு மேற்கொண்டார்.

தொடர்ந்து, வருவாய் மற்றும் பேரிடர் மேலாண்மைத்துறையின் சார்பில், அந்தியூர் வட்டம், கெட்டிசமுத்திரம் ஜெ.ஜெ.நகர் பகுதியைச் சேர்ந்த பார்த்திபன் நீரில் மூழ்கி இறந்தமைக்கு, அவரின் தாயாருக்கு முதலமைச்சரின் பொது நிவாரண நிதியிலிருந்து ரூ.1 லட்சத்திற்கான காசோலையினை வழங்கினார்.

அதனைத் தொடந்து, தமிழ் வளர்ச்சித் துறையின் சார்பில் பாரதிதாசன் அவர்களின் பிறந்தநாளை முன்னிட்டு ஏப்ரல் 30 முதல் மே 05 வரை அரசு அலுவலர்களிடையே நடைபெற்ற தமிழ் வார விழா போட்டியில் கையெழுத்து, அறிவியல் தமிழ், கணினித்தமிழ் குறித்த வினாடி வினா, பேச்சுப்போட்டி, கவிதை வாசிப்பு, படம் பார்த்து கதை சொல்லும் போட்டி, அலுவலகக் குறிப்புகள் வரைவுகள் எழுதுதல் உள்ளிட்ட பல்வேறு பிரிவுகளில் பங்கேற்று வெற்றி பெற்ற 27 அலுவலர்களுக்கு பாராட்டுச் சான்றிதழ்களை வழங்கி, வாழ்த்து தெரிவித்தார்.

இக்கூட்டத்தில், மாவட்ட வருவாய் அலுவலர் சாந்த குமார், தனித்துணை ஆட்சியர் (ச.பா.தி) செல்வராஜ், மாவட்ட வழங்கல் அலுவலர் ராம்குமார், மாவட்ட ஆதிதிராவிடர் மற்றும் பழங்குடியினர் நல அலுவலர் ராஜகோபால், மாவட்ட மாற்றுத்திறனாளிகள் நல அலுவலர் பூபதி உட்பட அனைத்துத்துறை அலுவலர்கள் கலந்து கொண்டனர்.

Read more

ஈரோடு அருகே சிவகிரியில் முதிய தம்பதியை கொன்ற கொலையாளிகள் தான் பல்லடத்திலும் 3 பேரை கொன்றனர்: ஐ.ஜி. செந்தில்குமார் பேட்டி!

ஈரோடு மாவட்டம் சிவகிரி முதிய தம்பதி கொலை வழக்கில் கைது செய்யப்பட்ட கொலையாளிகள் குறித்து ஈரோடு மாவட்ட காவல் கண்காணிப்பாளர் அலுவலகத்தில் மேற்கு மண்டல ஐ.ஜி. செந்தில்குமார் இன்று (மே.19) செய்தியாளர்களுக்கு பேட்டியளித்தார்.

அப்போது, அவர் கூறியதாவது, சிவகிரி அருகே உள்ள மேகரையான் தோட்டத்து வீட்டில் தனியாக வசித்து வந்த வயதான தம்பதியினர் ராமசாமி (வயது 72) - பாக்கியம் (63) ஆகியோரை கொலை செய்து 10¾ நகைகள் கொள்ளை போனது. இச்சம்பவம் குறித்து விசாரிக்க 12 தனிப்படை அமைத்து பழங்குற்றவாளிகள், சிசிடிவி போன்றவை கொண்டு விசாரணை நடத்தி வந்தோம்.

அறச்சலூர் பகுதியை சேர்ந்த ஆச்சியப்பன் 48), ரமேஷ் (52), மாதேஸ்வரன் (54) ஆகியோர் சேர்ந்து இக்கொலையை செய்தது தெரியவந்தது. இவர்களிடம் இருசக்கர வாகனங்கள், மரக்கைப்பிடி, கையுறை போன்றவை பறிமுதல் செய்யப்பட்டது. மேலும், ராமசாமி செல்போன் இவர்களிடம் தொலைப்பேசி இருந்தது.

கால் தடங்கள் அடிப்படையில் கொலை குற்றவாளிகளுடன் ஒப்பிட்டு பார்த்தோம். கொலை சம்பவம் முன்பு 15 நாட்கள் நோட்டமிட்டது தெரியவந்தது. கொலையாளிகள் மூன்று பேரும் கொள்ளையடித்த நகைகளை சென்னிமலைபாளையத்தை சேர்ந்த ஞானசேகரன் உருக்கி கொடுத்து உள்ளார். அவரையும் கைது செய்து அவரிடம் இருந்து 82 கிராம் தங்க நகைகள் பறிமுதல் செய்துள்ளோம்.

திருப்பூர் மாவட்டம் பல்லடம் அருகே உள்ள அவிநாசிபாளையம், சேமலைகவுண்டன் பாளையத்தில் வசித்து வந்த தெய்வசிகாமணி (78), அவரது மனைவி அலமாத்தாள் (74) மற்றும் அவரது மகன் செந்தில்குமார் (44) ஆகியோரை இதே பாணியில் கொலை செய்து அவர்களிடமிருந்து 5½ பவுன் நகையை கொள்ளையடித்ததையும் இவர்கள் ஒப்புக்கொண்டனர். 

மேலும், கொலையுண்டவர்களின் செல்போன் வைத்திருந்தனர். அதையும், பறிமுதல் செய்துள்ளோம். தற்போது இந்த வழக்கு சிபிசிஐடியிடம் உள்ளது. மேலும், இவர்களிடம் நடத்தி விசாரணையில் பல்வேறு வழக்குகளில் தொடர்பு இருப்பது தெரியவந்துள்ளது. அதுகுறித்த ஆதாரங்களை திரட்டி வருகிறோம். விசாரணை முடிவில் முழுமையான தகவல் வெளிவரும்.  

இவர்கள் 2015ம் ஆண்டு திருட்டு வழக்கில் கைதாகி 9 மாதங்கள் சிறையிலிருந்து தெரியவந்துள்ளது. ஆச்சியப்பன் தேங்காய் உரிப்பது தோட்டத்தில் வேலை செய்வது போன்றவை போன்று நோட்டமிட்டு செய்து வந்துள்ளார். அதில் தனியாக வசிக்கும் தம்பதிகளை தேர்ந்தெடுத்து கூட்டாளிகளுடன் சதி திட்டங்களில் ஈடுபட்டுள்ளார்.

கடந்த 28ம் தேதி இரவு 12 மணி அளவில் இவர்கள் மூவரும் ராமசாமி-பாக்கியம் ஆகியோரை கொலை செய்து நகைகளை கொள்ளையடித்து உள்ளனர். கைதானவர்கள் மீது ஈரோடு, திருப்பூர், கோவை உள்பட பல்வேறு காவல் நிலையத்தில் பத்துக்கும் மேற்பட்ட திருட்டு வழக்குகள் நிலுவையில் உள்ளது. 

தற்போது நான்கு பேரும் கைது செய்யப்பட்டு எழுமாத்தூர் நீதிமன்றத்தில் ஆஜர்படுத்தப்பட்டு கோபியில் உள்ள மாவட்ட சிறையில் அடைக்கப்பட்டுள்ளனர். வரும் இரண்டாம் தேதி வரை நீதிமன்ற காவலில் நடக்க நீதிபதி உத்தரவிட்டுள்ளார். இவர்களிடம் மேலும் பல வழக்கு தொடர்பாக விசாரிக்க உள்ளதால் நீதிமன்ற அனுமதியுடன் இவர்களை காவலில் எடுத்து விசாரிக்க உள்ளோம். இவ்வாறு அவர் கூறினார்.

இந்த பேட்டியின் போது கோவை சரக டி.ஐ.ஜி சசிமோகன், ஈரோடு மாவட்ட போலீஸ் சூப்பிரண்டு சுஜாதா, ஏடிஎஸ்பி விவேகானந்தன் உள்பட பலர் உடன் இருந்தனர்.

Read more