ஈரோடு மாவட்டத்தில் நடந்த ஜமாபந்தியில் 899 மனுக்கள் பெறப்பட்டன: நம்பியூரில் மாவட்ட ஆட்சியர் பங்கேற்பு!

ஈரோடு மாவட்டத்தில் இன்று (மே.22) வியாழக்கிழமை நடந்த ஜமாபந்தியில் 899 மனுக்கள் பெறப்பட்டன. நம்பியூரில் நடந்த ஜமாபந்தியில் மாவட்ட ஆட்சியர் ராஜ கோபால் சுன்கரா கலந்து கொண்டார்.

ஈரோடு மாவட்டத்தில் உள்ள 10 வட்டாட்சியர் அலுவலகங்களிலும் இன்று (மே.22) வருவாய் தீர்வாய கணக்கு சரிபார்த்தல் முகாம் எனப்படும் ஜமாபந்தி நிகழ்ச்சி தொடங்கியது. அதன்படி, நம்பியூர் வட்டாட்சியர் அலுவலகத்தில் ஜமாபந்தி நடந்தது. வருவாய் தீர்வாய அலுவலரும், மாவட்ட ஆட்சியருமான ராஜ கோபால் சுன்கரா தலைமை தாங்கினார். 

தொடர்ந்து, நம்பியூர் உள்வட்டத்தைச் சேர்ந்த புலவபாளையம், ஒலாலக்கோவில், எம்மாம்பூண்டி, நம்பியூர், நிச்சாம்பாளையம், சாந்திபாளையம், கோஷணம், சின்னாரிபாளையம் ஆகிய கிராமங்களைச் சேர்ந்த பொதுமக்களிடம் இருந்து 108 மனுக்களை பெற்றுக்கொண்டு, அனைத்து மனுக்களையும் சம்பந்தப்பட்ட துறை அலுவலர்களிடம் வழங்கி உரிய நடவடிக்கை மேற்கொள்ளுமாறு, அலுவலர்களுக்கு அறிவுறுத்தினார். 

அதைத் தொடர்ந்து, ஜமாபந்தி தீர்வாயத்தில் நம்பியூர் உள்வட்டத்திற்கு உட்பட்ட கிராமங்களுக்கான வருவாய் பதிவேடுகள், பட்டா சிட்டா பதிவேடு, வரிவசூல் பதிவேடு, நில அளவை பதிவேடு, வருவாய் வரைபட பதிவேடு, ஏ-பதிவேடு, சிறப்பு பதிவேடு, நத்தம் அடங்கல் பதிவேடு, கிராம கணக்குகள் ஆகியவற்றை பார்வையிட்டு, ஆய்வு செய்தார்.

பின்னர், இதுகுறித்து அவர் கூறியதாவது, ஈரோடு மாவட்டத்திற்கு உட்பட்ட அனைத்து வட்டங்களிலும் 1434-ம் பசலிக்கான ஜமாபந்தி இன்று (மே.22) தொடங்கப்பட்டு வருகிற 29ம் தேதி வரை நடைபெறவுள்ளது. அந்தந்த வட்டாட்சியர் அலுவலகங்களில் நடைபெறுகிறது. எனவே, பொது மக்கள் தங்கள் கோரிக்கை மனுக்களை அந்தந்த வருவாய் தீர்வாய அலுவலர்களிடம் சமர்ப்பித்து உரிய நிவாரணம் தேடிக்கொள்ளலாம்.

இன்று அனைத்து வட்டங்களிலும் நடைபெற்ற ஜமாபந்தி நிகழ்ச்சியில், 899 மனுக்கள் பெறப்பட்டுள்ளது. மேலும், நாளை (மே.23) நம்பியூர் வட்டம், ஏலத்தூர் உள்வட்டத்திற்கு உட்பட்ட ஏலத்தூர், சுண்டக்காம்பாளையம், கூடக்கரை, கரட்டுப்பாளையம், குருமந்தூர், கடத்தூர், ஆண்டிபாளையம் ஆகிய கிராமங்களுக்கான ஜமாபந்தி நிகழ்ச்சி நடைபெறுகிறது. இவ்வாறு அவர் கூறினார்.

இந்நிகழ்ச்சியில், மாவட்ட ஆட்சியரின் நேர்முக உதவியாளர்கள் முஹம்மது குதுரத்துல்லா (பொது), லோகநாதன் (வேளாண்மை), நம்பியூர் வரு

Read more

அந்தியூர் வனப்பகுதியில் நோய் தாக்கி ஆண் யானை உயிரிழப்பு!

ஈரோடு மாவட்டம் அந்தியூர் வனப்பகுதியில் ஏராளமான யானைகள் உள்ளன. தற்போது வனப்பகுதியில் மழை பெய்துள்ளதால் பசுந்தீவனங்களை தின்று, ஓடைகளில் யானைகள் தண்ணீர் பருகி வருகின்றன.

இந்தநிலையில், அந்தியூர் வனச்சரகர் முருகேசன் தலைமையில் வனஊழியர்கள் நேற்று காலை அந்தியூர் வனப்பகுதியில் ரோந்து சென்றனர். அப்போது, கொம்புதூக்கியம்மன் கோவில் பகுதியில் துர்நாற்றம் வீசியது. அதனால், அந்த இடத்துக்கு சென்று பார்த்தனர்.

அங்கு, ஒரு ஆண் காட்டு யானை இறந்து கிடந்தது. உடல் அழுகிய நிலையில் காணப்பட்டது. உடனே வனச்சரகர் முருகேசன் மாவட்ட வன அதிகாரிக்கு தகவல் கொடுத்தார்.

இதையடுத்து சத்தியமங்கலம் கால்நடை டாக்டர் சதாசிவம் சம்பவ இடத்துக்கு வந்து யானையின் உடலை பிரேத பரிசோதனை செய்தார். அதன்பின்னர் அவர் கூறும்போது, இறந்தது சுமார் 12 வயதுடைய ஆண் யானை, நுரையீரலில் நோய் தாக்கி யானை இறந்துள்ளது என்றார்.

அதன்பின்னர், யானையின் உடலில் இருந்து தலா 1 மீட்டர் நீளமுள்ள 2 தந்தங்களையும் வனத்துறையினர் வெட்டி எடுத்தனர். பின்னர் மற்ற விலங்குகளுக்கு உணவாக யானையின் உடல் அங்கேயே விடப்பட்டது.

இந்தநிலையில், வெட்டி எடுக்கப்பட்ட தந்தங்கள் பத்திரமாக அந்தியூர் வனத்துறை அலுவலகத்துக்கு கொண்டு செல்லப்பட்டன.

Read more

ஈரோடு மாவட்டத்தில் நாளை (மே.23) மின்தடை ஏற்படும் பகுதிகள் அறிவிப்பு!

ஈரோடு மாவட்டத்தில் நாளை (மே.23) வெள்ளிக்கிழமை மின்தடை ஏற்படும் பகுதிகளின் விவரம் குறித்து மின்வாரியம் சார்பில் அறிவிக்கப்பட்டுள்ளது. 

ஈரோடு மாவட்டம் வில்லரசம்பட்டி, வெண்டிபாளையம் மற்றும் புன்செய் புளியம்பட்டி ஆகிய துணை மின் நிலையங்களில் பராமரிப்பு பணிகள் நாளை (மே.23) வெள்ளிக்கிழமை நடக்கிறது. இதனால், நாளை கீழ்க்கண்ட இந்த பகுதிகளில் குறிப்பிட்ட நேரம் மின்சார விநியோகம் இருக்காது என தெரிவிக்கப்பட்டுள்ளது. 

வில்லரசம்பட்டி துணை மின் நிலையம் (காலை 9 மணி முதல் மாலை 5 மணி வரை):- 

மின்தடை ஏற்படும் பகுதிகள்:- ஈரோடு பாரதியார் நகர், வீரப்பம்பாளையம் பிரதான சாலை, ஐஸ்வர்யா கார்டன், சுப்பிரமணியன் நகர், வெட்டுக்காட்டுவலசு, ஈகிள் கார்டன், கருவில்பாறை வலசு, அடுக்கம்பாறை, சூளை, அன்னை சத்யா நகர், முதலி தோட்டம், மல்லி நகர், ஈ.பி.பி.நகர், கந்தையன் தோட்டம், வி.ஜி.பி.நகர், தென்றல் நகர், பொன்னி நகர், சீனாங்காடு, ராசாம்பாளையம், முத்து மாணிக்கம் நகர், ரோஜா நகர், அருள் வேலன் நகர், எல்.வி.ஆர்.காலனி, பழையபாளையம், குமலன்குட்டை, பாரி நகர், செல்வாநகர், கீதா நகர், கணபதி நகர், முருகேசன் நகர், இந்திரா காந்தி நகர், இந்து நகர், எம்.எல்.ஏ. அலுவலகம் பின்புறம், வில்ல ரசம்பட்டி. 

வெண்டிபாளையம் துணை மின் நிலையம் (காலை 9 மணி முதல் மதியம் 2 மணி வரை):- 

மின்தடை ஏற்படும் பகுதிகள்:- சோலார், இரணியன் வீதி, பாலுசாமி நகர், சி.எஸ்.ஐ., காலனி, எஸ்.அன்ட்.எஸ். வில்லேஜ் பகுதி, வசந்தம் நகர், ஈ.பி.காலனி, கிரீன் பார்க் பகுதி, ஜல்லகிருஷ்ணன் நகர், போக்குவரத்து நகர் , சோலார் புதூர், நகராட்சி நகர், லக்காபுரம், புதுவலசு, பரிசல் துறை, கருங்கல்பாளையம், முத்துகவுண்டன் பாளையம், சாணார்மேடு

புன்செய் புளியம்பட்டி துணை மின் நிலையம் (காலை 9 மணி முதல் மாலை 5 மணி வரை):- 

மின்தடை ஏற்படும் பகுதிகள்:- புன்செய்புளியம்பட்டி, மாதம்பாளையம், கள்ளிப்பாளையம், டாணாபுதூர், ஆலத்தூர், காராப்பாடி, வெங்கநாயக்கன் பாளையம் , பொன்னம்பாளையம், நல்லூர், செல்லம்பாளையம், தாசம்பாளையம், ஆலம்பாளையம், கணுவக்கரை மற்றும் ஆம்போதி.

Read more

ஈரோடு கனி மார்க்கெட் வணிக வளாகத்தில் பொழுதுபோக்கு நிகழ்ச்சிகள்: மாநகராட்சி ஆணையாளர் தகவல்!

ஈரோடு கனி மார்க்கெட் வணிக வளாகத்தில் பொதுமக்களின் வருகையை அதிகரிக்க பொழுதுபோக்கு நிகழ்ச்சிகள் நடத்த திட்டமிடப்பட்டு உள்ளதாக மாநகராட்சி ஆணையாளர் தகவல் தெரிவித்துள்ளார். 

இதுகுறித்து மாநகராட்சி ஆணையாளர் (பொறுப்பு) தனலட்சுமி கூறியதாவது, கனிமார்க்கெட் வணிக வளாகத்தில் ஜவுளி கடைகள் மட்டுமின்றி அனைத்து வகையான வணிக நிறுவனங்களையும் அமைத்துக் கொள்ள மாநகராட்சி கூட்டத்தில் தீர்மானம் நிறைவேற்றப்பட்டு உள்ளது.

எனவே உணவகங்கள், ஸ்டேசனரி பொருட்கள் விற்பனையகம், அழகு நிலையங்கள் போன்ற பல்நோக்கு திட்டத்துடன் வணிக வளாகத்தை பயன்படுத்த திட்டமிடப்பட்டு உள்ளது.

பல்வேறு நவீன வசதிகளுடன் வணிக வளாகம் கட்டப் பட்டு உள்ளதால், பொதுமக்களின் வருகை அதிகரிக்க புதிதாக பொழுதுபோக்கு நிகழ்ச்சிகள் நடத்த திட்டமிடப்பட்டு உள்ளது. வணிக வளாகத்தில் உள்ள திறந்தவெளி பகுதியில் விடுமுறை நாட்களில் பல்வேறு வகையான கலை நிகழ்ச்சிகள் நடத்தப்படும். இவ்வாறு அவர் கூறினார்.

Read more

ஈரோடு மாவட்டத்தில் நாளை (மே.22) முதல் ஜமாபந்தி!

ஈரோடு மாவட்டத்தில் ஜமாபந்தி நிகழ்ச்சி நாளை (மே.22ம் தேதி) முதல் 29ம் தேதி வரை நடைபெற உள்ளது என மாவட்ட ஆட்சியர் ராஜ கோபால் சுன்கரா தெரிவித்துள்ளார்.

பொதுமக்களின் குறைகளை மனுக்களாக பெற்று தீர்வு காண ஈரோடு மாவட்டத்தில் உள்ள அனைத்து வட்டங்களிலும் ஜமாபந்தி நடைபெற உள்ளது. அதன்படி, கோபி வட்டாட்சியர் அலுவலகத்தில் நாளை (வியாழக்கிழமை) ஜமாபந்தி தொடங்கி வருகிற 29ம் தேதி (வியாழக்கிழமை) வரை நடைபெறுகிறது.

22ம் தேதி காசிபாளையம் உள்வட்டத்துக்குட்பட்ட தடபள்ளிக்கரை, சிங்கிரிபாளையம், அக்கரைகொடி வேரி, உடையகவுண்டன்பாளையம், சோழமாதேவிகரை, அளுக்குளி, போடிசின்னாம்பாளையம் உள்ளிட்ட கிராமங்களுக்கு நடக்கிறது.

23ம் தேதி கோபி உள்வட்டத்துக்குட்பட்ட கோட்டுபுள்ளாம்பாளையம், வீரபாண்டி, பாரியூர், மொடச்சூர். குள்ளம்பாளையம், கலிங்கியம், லக்கம்பட்டி, அக்ரஹாரக்கரை உள்ளிட்ட பகுதிகளுக்கு நடக்கிறது.

27ம் தேதி சிறுவலூர் உள் வட்டத்துக்குட்பட்ட நாதிபாளையம், நாகதேவன் பாளையம். கொளப்பலூர், வெள்ளாங்கோவில், சிறுவலூர், கடுக்காம்பாளையம், சந்திராபுரம் பொலவக்காளிபாளையம் உள்ளிட்ட கிராமங்களுக்கும் நடக்கிறது.

28ம் தேதி கூகலூர் உள்வட்டத்துக்குட்பட்ட அம்மாபாளையம், சவுண்டப்பூர், மேவாணி, கூகலூர், புதுக்கரைபுதூர், வெள்ளாளபாளையம் கிராமங்களுக்கும், 29ம் தேதி வாணிப்புத்தூர் உள்வட்டத்துக்குட்பட்ட கணக்கம்பாளையம், கொண்டையம்பாளையம், புஞ்சை துறையம்பாளையம், நஞ்சை துறையம்பாளையம், பேட்டைகரை, கொங்கர்பாளையம், அரக்கன்கோட்டை, வாணிபுத்தூர், பெரிய கொடிவேரி, பெருமுகை உள்ளிட்ட கிராமங்களுக்கும் நடைபெறுகிறது.

இதேபோல் சத்தியமங்கலம், பெருந்துறை ஆகிய வட்டங்களில் நாளை (வியாழக்கிழமை) முதல் வருகிற 29ம் தேதி வரையும், அந்தியூர் வட்டத்தில் நாளை முதல் வருகிற 28ம் தேதி வரையும், பவானி, நம்பியூர், ஈரோடு, மொடக்குறிச்சி, கொடுமுடி வட்டங்களில் நாளை முதல் 27ம் தேதி வரையும், தாளவாடி வட்டத்தில் நாளையும் ஜமாபந்தி நடக்கிறது.

சனி, ஞாயிறு, திங்கட்கிழமை தவிர மற்ற நாட்களில் ஜமாபந்தி நடைபெறும். எனவே பொதுமக்கள் அந் தந்த தாலுகா அலுவலகங்களில் கோரிக்கை மனுக்களை கொடுத்து பயன்பெறலாம் என்று ஈரோடு மாவட்ட ஆட்சியர் ராஜ கோபால் சுன்கரா தெரிவித்துள்ளார்.

Read more

ஈரோடு மாவட்டத்தில் நாளை (மே.22) மின்தடை ஏற்படும் பகுதிகள் அறிவிப்பு!

ஈரோடு காசிபாளையம் துணை மின் நிலையத்தில் மாதாந்திர பராமரிப்பு பணி நாளை மே.22ம்‌ தேதி வியாழக்கிழமை நடக்கிறது. இதனால் நாளை காலை 9 மணி முதல் மாலை 5 மணி வரை கீழ்க்கண்ட பகுதிகளில் மின் விநியோகம் இருக்காது என ஈரோடு மின் பகிர்மான வட்ட நகரிய செயற்பொறியாளர் சண்முகசுந்தரம் தெரிவித்துள்ளார்.

ஈரோடு காசிபாளையம் துணை மின் நிலையம் (காலை 9 மணி முதல் மாலை 5 மணி வரை):- 

மின்தடை ஏற்படும் பகுதிகள்:- சூரம்பட்டிவலசு, அணைக்கட்டு ரோடு, சங்கு நகர், சேரன் நகர், மாதவி வீதி, டாக்டர் ராதாகிருஷ்ணன் சாலை, கோவலன் வீதி, காமராஜர் வீதி 1, 2, 3, நேரு வீதி, தாதுக்காடு, நேதாஜி வீதி 1, 2, 3, சாஸ்திரி சாலை 1, 2, ரயில் நகர், கே.கே.நகர், சென்னிமலை ரோடு, ரங்கம்பாளையம், இரணியன் வீதி, பெரிய சடையம்பாளையம், சிவம் நகர், அண்ணாநகர், சேனாதிபதி பாளையம், இண்டஸ்ரியல் எஸ்டேட், காசிபாளையம், சாஸ்திரி நகர், ஜீவா நகர், மூலப்பாளையம், நாடார்மேடு, கொல்லம்பாளையம், பச்சப்பாளி, செந்தில்நகர், காந்திஜி ரோடு, ஈ.வி.என்.ரோடு, முத்தம்பாளையம் வீட்டுவசதி வாரியம் 1 முதல் 8 வரை, அம்பிகை நகர், அன்னை நகர், நல்லியம்பாளையம், லட்சுமி கார்டன், பாலாஜி கார்டன், லட்சுமி நகர், தெற்குபள்ளம், சுத்தானந்தன்நகர், ஜீவானந்தம் ரோடு, தங்கப்பெருமாள் வீதி, ஈஸ்வரன்பிள்ளை வீதி, பழைய ரெயில் நிலையம் பகுதி மற்றும் கள்ளுக்கடைமேடு.

Read more

பெருந்துறை அருகே இளம்பெண்களை விபசாரத்தில் ஈடுபடுத்திய வாலிபர் கைது!

ஈரோடு மாவட்டம் பெருந்துறை வாய்க்கால்மேடு பாலாஜி நகரில் ஒரு வீட்டில் விபசாரம் நடப்பதாக போலீசாருக்கு ரகசிய தகவல் வந்தது. அதன்பேரில், பெருந்துறை போலீசார் அங்கு திடீரென சென்று சோதனை நடத்தினர்.

இதில், அங்கு 3 இளம் பெண்களை வைத்து விபசாரம் நடப்பதை உறுதி செய்தனர். இதையடுத்து இளம் பெண்களை விபச்சாரத்திற்கு ஈடுபடுத்திய திருப்பூர் மாவட்டம் தாராபுரம் மணக்கடவு தேர்பட்டியை சேர்ந்த சீனிவாசன் மகன் பாலமுருகன் (வயது 25) என்பவரை கைது செய்தனர்.

பின்னர், அவரை நீதிமன்றத்தில் ஆஜர்படுத்தி பெருந்துறை கிளை சிறையில் அடைத்தனர். மேலும், அங்கு இருந்த 22 வயது, 24 வயது, 27 வயதுடைய 3 பெண்கள் மீட்கப்பட்டனர்.

Read more