புரட்டாசி 2-வது சனிக்கிழமை. சேலம் பெரிய புதூர் ஸ்ரீ வெங்கடேச பெருமாள் ஆசிரமத்தில் மூலவருக்கு 100 கிலோ பழ வகைகளால் சிறப்பு அலங்காரம்.

சேலம். 

S.K. சுரேஷ்பாபு. 

புரட்டாசி 2-வது சனிக்கிழமை. சேலம் பெரிய புதூர் ஸ்ரீ வெங்கடேச பெருமாள் ஆசிரமத்தில் மூலவருக்கு 100 கிலோ பழ வகைகளால் சிறப்பு அலங்காரம்.

தமிழ் மாதங்களில் வரும் புரட்டாசி மாதம் திருவேங்கடமுடையானுக்கு உகந்த மாதம் ஆக கருதப்படுகிறது. இதனை ஒட்டி தமிழ் மாதங்களில் புரட்டாசி 2-வது சனிக்கிழமை ஆனது இன்று  சேலம் அருகே உள்ள பெரிய புதூர் ஸ்ரீ பாலாஜி டிரஸ்ட் வெங்கடேச பெருமாள் ஆலயத்தில் புரட்டாசி இரண்டாம் வார சிறப்பு பூஜைகள் பக்த கோடிகள் ஆசீர்வாதத்துடன் வெகு விமர்சையாக நடைபெற்றது. 

2-வது சனிக்கிழமையை  ஒட்டி ஸ்ரீதேவி பூதேவி சமேத ஸ்ரீ வெங்கடேச பெருமாள் உற்சவருக்கு மங்களப் பொருட்களைக் கொண்டு அதிகாலை முதலில் சிறப்பு அபிஷேக ஆராதனைகள் நடைபெற்றன. தொடர்ந்து மூலவருக்கு சுமார் 100 கிலோ பழ வகைகளால் சிறப்பு அலங்காரம் மேற்கொள்ளப்பட்டு, பல்வேறு மலர்களால் அலங்கரிக்கப்பட்டு எம்பெருமான் வெங்கடேச பெருமாள் பக்தர்களுக்கு அருள் பாலித்தார். தொடர்ந்து மகா தீபாராதனைகள் நடைபெற்றன.

இந்த புரட்டாசி மாத 2-வது சனிக்கிழமை சிறப்பு பூஜையில் பெரிய புதூர் சின்ன புதூர் அழகாபுரம் நான்கு ரோடு 5 ரோடு உள்ளிட்ட சேலம் மாநகரின் முக்கிய பகுதிகளை சேர்ந்த ஏராளமான பக்தர்கள் திருக்கோவிலில் சுவாமி தரிசனம் மேற்கொண்டனர்.

சேலம் பெரிய புதூர் ஸ்ரீ பாலாஜி டிரஸ்ட் வெங்கடேச பெருமாள் ஆலயத்தில் நடைபெற்ற இந்த இரண்டாவது சனிவார பூஜையில் டிரஸ்ட் நிர்வாகிகள், சிறப்பாக செய்திருந்தனர்.

Read more

பெருந்துறையில் ரூ.1.90 லட்சம் மதிப்புள்ள குடிநீர் குழாய்களை திருடிய வாலிபர் கைது

ஈரோடு மாவட்டம் பெருந்துறை பேரூராட்சி பகுதியில் மத்திய அரசின் அம்ரூத் 2.0 திட்டத்தின் கீழ் குடிநீர் குழாய் பதிக்கும் பணி நடைபெற்று வருகிறது. இதில், பெருந்துறை - சென்னிமலை சாலையில் எல்லைமேடு பேருந்து நிறுத்தம் அருகில் தனியார் ஒப்பந்த நிறுவனத்தினர் குடிநீர் குழாய்கள் பதிக்கும் பணியில் ஈடுபட்டு வருகிறார்கள். 

இதற்காக அப்பகுதியில் குழாய்களை இருப்பு வைத்திருந்தனர். இந்நிலையில், அவற்றில் 288 மீட்டர் நீளமுள்ள 72 துண்டு பைப்புகள் திருடு போனது. இவற்றின் மதிப்பு ரூ.1.90 லட்சம் ஆகும். இதுபற்றி அறிந்த அந்த நிறுவன மேலாளரான பவானி செம்பாண்டம்பாளையம் ராமன் நகரைச் சேர்ந்த ரகு (வயது 46) பெருந்துறை காவல் நிலையத்தில் புகார் செய்தார். 

இதனையடுத்து, போலீசார் வழக்குப்பதிவு செய்து விசாரணை நடத்தினர். விசாரணையில், அங்கு குழாய் பதிக்கும் பணியில் வேலை செய்த சேலம் மாவட்டம் மேட்டூர் புதுசாம்பள்ளி மின்நகரைச் சேர்ந்த மாதையன் மகன் கார்த்திக் (வயது 25) என்பவர் குடிநீர் குழாய்களை திருடியது தெரியவந்தது. 

இதனையடுத்து, கார்த்திக்கை காவல்துறையினர் தேடி வந்த நிலையில், பெருந்துறையில் பவானி சாலையில் வாகன சோதனையில் ஈடுபட்ட போது, அப்போது அங்கு வந்த கார்த்திக்கை காவல்துறையினர் கைது செய்தனர். பின்னர், ஈரோடு விரைவு நீதிமன்றத்தில் ஆஜர்படுத்தி பெருந்துறை கிளைச் சிறையில் அடைத்தனர்.

Read more

ஈரோட்டில் நாளை (செப்.29) இரண்டு மணி நேர மின்தடை அறிவிப்பு

ஈரோடு துணை மின் நிலையத்தில் இருந்து செல்லும் கலெக்டர் அலுவலக மின் பாதையில் நெடுஞ்சாலை துறை சார்பில் பராமரிப்பு பணிகள் நாளை (ஞாயிற்றுக்கிழமை) நடக்கிறது. 

அதனால் அன்று காலை 10 மணி முதல் மதியம் 12 மணி வரை  ஈரோடு குமலன்குட்டை பஸ் நிறுத்தம், பாலக்காடு, பெருந்துறை ரோடு, வி.ஐ.பி. காலனி, திரு.வி.க. வீதி, ராணாலட்சுமணன் நகர், ஆசிரியர் காலனி பகுதிகளில் மின் வினியோகம் இருக்காது.

Read more

ரயில்வே துறை அமைச்சருக்கு ஈரோடு மாவட்ட காங்கிரஸ் சிறுபான்மை பிரிவு துணைத் தலைவர் கே.என்.பாஷா கடிதம்

கொரோனா காரணமாக நிறுத்தி வைக்கப்பட்ட ரயில்களை இயக்கவும் கோவையில் இருந்து தூத்துக்குடி, கன்னியாகுமரி முதல் புனே வரை இயக்கப்படும் ரயிலை மும்பை வரை இயக்கவும் கோவையில் இருந்து திருப்பூர், ஈரோடு, சேலம் வரை தினசரி பயணிகள் ரயில் கடந்த ஓராண்டாக இயக்கப்படவில்லை. ரயில் சேவையை மீண்டும் தொடங்க வேண்டும் என ரயில்வே அமைச்சர் அஷ்வினி வைஷ்ணவ்-க்கு  ஈரோடு மாவட்ட காங்கிரஸ் சிறுபான்மை பிரிவு துணைத் தலைவர் கே.என்.பாஷா கடிதம் எழுதியுள்ளார்.

ரயில் எண். 22668 கோயம்புத்தூர் - நாகர்கோவில் மற்றும் ரயில் எண். 22669

கோயம்புத்தூரில் இருந்து தூத்துக்குடி லிங்க் எக்ஸ்பிரஸ் தொற்றுநோய்களின்

போது நிறுத்தப்பட்டது. இதனால் கோவை, திருப்பூர், ஈரோடு, மதுரை

மாநகராட்சி நகர மக்கள், தூத்துக்குடிக்கு செல்ல சிரமப்படுகின்றனர். எனவே,

மேற்கண்ட மாநகர பயணிகளின் கருத்தில் கொண்டு, கோவையில் இருந்து தூத்துக்குடிக்கு, இரவு நேர ரயிலை உடனடியாக இயக்க வேண்டும்.

ரயில் எண். 16382 (ஜெயந்தி, ஜனதா எக்ஸ்பிரஸ்) கடந்த 70 ஆண்டுகளாக கன்னியாகுமரியிலிருந்து மும்பைக்கு இயக்கப்பட்டது. கொரனா பெருந்தொற்று காலத்தில் இந்த ரயில் புனே வரை இயக்கப்பட்டது, அது மிகவும் சிரமமாக உள்ளது.

ஆகவே இந்த ரயில் கன்னியாகுமரியில் இருந்து புறப்பட்டு கோயம்புத்தூர் திருப்பூர், ஈரோடு, சேலம் காட்பாடி திருப்பதி மந்திராலயம் சாலை சோலாப்பூர் மற்றும் புனே ஆகிய இடங்களில் இருந்து இரவு 10.20 மணிக்கு புனே சென்று அடைகிறது. இதனால் மும்பை செல்லும் பயணிகள் அந்த தாமதமான நேரத்தில் தங்கள் சாமான்கள் மற்றும் குழந்தைகளை ஏற்றிக்கொண்டு ரயிலை மாற்ற வேண்டும் எனவே அந்த ரயிலை மும்பை வரை நீட்டிக்க வேண்டும் என்று கேட்டுக்கொள்கிறேன்.

ரயில் எண் 16187, ரயில் எண் 16188, ரயில் எண் 12084 ரயில் எண் 12083. ரயில் எண் 22688, ரயில் எண் 22669, ரயில் எண் 16321, ரயில் எண் 16232 மேலே குறிப்பிடப்பட்ட ரயில்கள் கொடுமுடி ரயில் நிலையங்களில் நின்று சென்றிருந்தது. ஆனால் கோவிட்க்குப் பிறகு, கொடுமுடி ரயில் நிலையத்தில் இந்த ரயில் நின்று செல்வதில்லை. கொடுமுடியில் பழங்கால ஆலயமான அருள்மிகு மகுடேஸ்வரர் கோயில் பிரபலமானது, மேலும் மாநிலம் முழுவதிலுமிருந்து மக்கள் இந்த கோயிலுக்கு வருவார்கள் எனவே அவர்களின் வசதிக்காக மேற்கண்ட ரயில்களை கொடுமுடி ரயில் நிலையத்தில் நின்று செல்ல நடவடிக்கை எடுக்குமாறு கேட்டுக் கொள்கிறேன்.

கோவையிலிருந்து திருப்பூர் மாநகராட்சி, ஈரோடு மாநகராட்சி சேலம் மாநகராட்சி மக்களுக்கு மிகவும் பயன் உள்ளதாக இருந்த கோவை to சேலம் பாசஞ்சர் ரயில் தண்டவாள பராமிப்பு பணிக்காக கடந்த ஓராண்டு காலமாக நிறுத்தப்பட்டது பயணிகள் மிகவும் சிரமப்படுகிறார்கள். மருத்துவமனைக்கு செல்பவர்கள், வேலைக்கு பயணிகள் கோயில்களுக்கு செல்பவர்கள் நான்கு மாவட்ட பயணிகள் மிகவும் கடுமையாக சிரமப்படுகிறார்கள். ஆகவே கோவை, சேலம் பாசஞ்சர் ரயிலையும் உடனடியாக இயக்க நடவடிக்கை எடுக்க வேண்டும் என்று கடிதத்தில் குறிப்பிட்டுள்ளார்.

Read more

சேலம் மாவட்ட துணை இயக்குனர் (நில அளவை) அவர்களின் கவனத்திற்கும் காலதாமதத்தை கண்டித்தும் விடுதலை சிறுத்தைகள் கட்சியின் தமிழ்நாடு தொழிலாளர் விடுதலை முன்னணியின் மாநில இணை செயலாளர் சரஸ்ராம் ரவி அறிக்கை.

சேலம்.

S.K. சுரேஷ்பாபு.

சேலம் மாவட்ட துணை இயக்குனர் (நில அளவை) அவர்களின்  கவனத்திற்கும்  காலதாமதத்தை கண்டித்தும் விடுதலை சிறுத்தைகள் கட்சியின் தமிழ்நாடு தொழிலாளர் விடுதலை முன்னணியின் மாநில இணை செயலாளர் சரஸ்ராம் ரவி அறிக்கை. 

பாதிக்கப்பட்ட பட்டியல் சாதிக் குடும்பமான திரு மாணிக்கம் எஸ்/ ஓ கந்தன் - பிஎன் பட்டி- தென்கால்வார்சி - மேட்டூர் தாலுக்கா- சேலம் மாவட்டம் என்று ஒரு பரிதாபகரமான குறையை விசிக தமிழ்நாடு தொழிலாளர் விடுதலை முன்னணியின் மாநில இணை செயலாளர் சரஸ்ராம் ரவி அவர்களிடம் வரப்பெற்றது.

அவர்களின் புராதன சொத்து சர்வே எண் 810/2 சுற்றி 204 சென்ட் ஆகும், இது 1986 ஆம் ஆண்டு உங்கள் யுடிஆர் பட்டா அமலாக்கத்தில் 149 சென்ட்கள் தவறாகக் குறிக்கப்பட்டது.

அவர்களிடம் 1974 முதல் அனைத்து அசல் ஆவணங்களும் உள்ளன. மறைந்த கந்தன் பெயரில் உள்ள அசல் பட்டா நிலத்தை சரிசெய்வதற்கு தீர்வு காணுமாறு சேலம் மாவட்டம் மற்றும் மேட்டூர் ஆர்.டி.ஓ.விடம் பல்வேறு புகார்களை அவர்கள் அளித்துள்ளனர். 1986 ஆம் ஆண்டு பல்வேறு வருவாய் மற்றும் நில அளவைத் துறை அதிகாரிகள் மூலம் நில அளவை மூலம் UDR பட்டாவின் பிழை அளவீட்டை மாற்ற முயற்சித்தாலும், 5 ஆண்டுகளுக்கும் மேலாக காலதாமத தந்திரங்களைக் கடைப்பிடிப்பது வீண் என்பதை உங்கள் கவனத்திற்குக் கொண்டுவருவதற்கு வருந்துகிறோம்.  வன்மையாக கண்டிக்கின்றோம்.

பாதிக்கபட்டவரின் , புகார் / மேல்முறையீட்டு ஆவணங்கள் ஒப்புதல் மற்றும் ஒப்புதலுக்காக AD (நில அளவை) சேலம் அவர்களின் அலுவலகத்தில் நிலுவையில்  உள்ளன. தயவு செய்து, அவர்களின் அசல் ஆவணங்களின்படி நிலப்பரப்பைத் திருத்துவதற்கான அவர்களின் உண்மையான கோரிக்கையை வரிசைப்படுத்தி, அவர்களுக்கு விரைவில் நீதி வழங்கவும். தவறும் பட்சத்தில், எங்கள் LLF அமைப்பு விரைவில் உங்கள் அலுவலக வளாகத்தின் முன் ஆர்ப்பாட்டம் நடத்தப்படும். என்று விசிக தமிழ்நாடு தொழிலாளர் விடுதலை முன்னணியின் மாநில இணை செயலாளர் சரஸ்ராம் ரவி எச்சரிக்கை விடுத்துள்ளார்.

 

 

Read more

ஊட்டியில் இருந்து ஈரோட்டுக்கு 2 மணி நேரத்தில் கொண்டு வரப்பட்ட சிறுநீரகம், கல்லீரல்

நீலகிரி மாவட்டம் ஊட்டி அருகே உள்ள நஞ்சநாடு கிராமத்தை சேர்ந்தவர் அர்ஜூனன். தேயிலை பறிக்கும் தொழிலாளி. இவர் உடல் நலம் பாதிக்கப்பட்டு ஊட்டி அரசு மருத்துவ கல்லூரி மருத்துவமனையில் அனுமதிக்கப் பட்டு இருந்தார். அங்கு அவருக்கு மூளைச்சாவு ஏற்பட்டது. அவரது குடும்பத்தினர் அர்ஜூனனின் உடல் உறுப்புகளை தானம் செய்ய முன் வந்தனர்.

இதைத்தொடர்ந்து மருத்துவ குழுவினர் அறுவை சிகிச்சை மூலம் அவரது உடல் உறுப்புகளை பிறருக்கு பொருத்தும் வகையில் பாதுகாப்பாக எடுத்தனர். அர்ஜூனனின் ஒரு சிறுநீரகம் மற்றும் கல்லீரல் ஈரோட்டில் உள்ள அபிராமி கிட்னி கேர் மருத்துவமனையில் சிகிச்சைக்காக காத்திருக்கும் ஒரு பெண் உள்பட 2 நோயாளிகளுக்கு வழங்க அனுமதிக்கப்பட்டது.

நீலகிரியில் இருந்து ஈரோட்டுக்கு சாலை வழியாக வர போக்குவரத்து நெரிசல் இருந்தால், குறிப்பிட்ட நேரத்தில் உடல் உறுப்புகளை கொண்டு வர சிரமம் ஏற்படும் என்பதால் காவல்துறையின் உதவியுடன் உடல் உறுப்புகள் கொண்டு வரப்பட்டன. இது தொடர்பாக முன்கூட்டியே நீலகிரி, கோவை, திருப்பூர், ஈரோடு ஆகிய மாவட்ட போலீசாருக்கு பாதுகாப்பு வழிமுறைகள் வழங்கப்பட்டன.

அதன்பேரில் போலீஸ் பாதுகாப்பு வாகன உதவியுடன் உடல் உறுப்புகள் பாதுகாப்பு பெட்டியில் வைக்கப்பட்டு கார் மூலம் 2 மணிநேரத்தில் ஈரோடு கொண்டு வரப்பட்டது. அங்கு கரூரை சேர்ந்த பெண்ணுக்கும், உத்தரபிரதேச மாநிலத்தை சேர்ந்த ஒருவருக்கும் உடல் உறுப்புகள் பொருத்தும் அறுவை சிகிச்சை வெற்றிகரமாக நடந்து முடிந்தது.

இதுகுறித்து, ஈரோடு அபிராமி கிட்னி கேர் மருத்துவமனை சிறுநீரக சிறப்பு நிபுணரும், இந்திய மருத்துவ சங்க ஈரோடு மாவட்ட தலைவருமான டாக்டர் டி.சரவணன் கூறியது, எங்கள் மருத்துவமனையில் உறுப்பு மாற்று அறுவை சிகிச்சையை வெற்றிகரமாக செய்து உள்ளோம்.

இதற்கு காரணமான அர்ஜூனன் குடும்பத்தினருக்கும், பாதுகாப்பு பணி களை செய்த காவல் துறையினருக்கும் நன்றியை தெரிவித்து கொள்கிறோம். இவ்வாறு அவர் கூறினார்.

Read more

ஈரோட்டில் நாளை மறுநாள் (செப்.29) செங்குந்த மகாஜன சங்கம் சார்பில் ஐம்பெரும் விழா

ஈரோடு மாவட்ட செங்குந்த மகாஜன சங்கம் சார்பில் ஐம்பெரும் விழா நாளை மறுநாள் (செப்டம்பர் 29) பெருந்துறை துடுப்பதியில் நடைபெற உள்ளது.

ஈரோடு மாவட்ட செங்குந்த மகாஜன சங்கம் சார்பில் ஐம்பெரும் விழா நாளை மறுநாள் (செப்டம்பர் 29) ஞாயிற்றுக்கிழமையன்று காலை 10 மணிக்கு பெருந்துறை அருகே துடுப்பதியில் உள்ள ஈரோடு செங்குந்தர் பொறியியல் கல்லூரியில் நடைபெற உள்ளது.

விழாவிற்கு, சங்க மாநில புரவலரும், மாவட்ட கௌரவ ஆலோசகருமான கே.கே.பாலுசாமி தலைமை தாங்குகிறார். சங்கத்தின் மாவட்டத் தலைவர் என்.நந்தகோபால் வரவேற்று பேசுகிறார். மாவட்டச் செயலாளர் எம்.ஆசைத்தம்பி முன்னிலை வகிக்கிறார். மாவட்டப் பொருளாளர் கிருஷ்ணசாமி நன்றி கூறுகிறார்.

விழாவில், ஜெ.சுத்தானந்தன், ஆர்.ஏ.என்.முத்துசாமி, சுதந்திரப் போராட்டத்தில் கொடி காத்த தியாகி குமரன், முன்னாள் முதலமைச்சர் அண்ணாதுரை ஆகியோரின் திருவுருவப் படத்துக்கு மாலை அணிவித்து மரியாதை செலுத்தப்படுகிறது.

சங்கத்தின் மாநிலத் தலைவர் கே.பி.கே.செல்வராஜ் அதிக மதிப்பெண்கள் பெற்ற மாணவ மாணவிகளுக்கு கல்வி ஊக்கத்தொகை வழங்கி பேசுகிறார். மேலும், விழாவில் சமுதாய சான்றோர்களுக்கு விருது வழங்கும் விழா, 17ம் நூற்றாண்டில் ஈரோட்டை ஆண்ட மன்னர் சந்திரமதி முதலியார் உருவப்படம் வெளியிட்டு விழா, சங்கத்தின் 41ம் ஆண்டு விழா, போன்ற ஐம்பெரும் விழா நடைபெற உள்ளது.

முன்னதாக, காலை 10 மணிக்கு சிலம்பு, துடும்பு ஆட்டங்கள், வள்ளி கும்மி நிகழ்ச்சிகள் நடைபெற உள்ளது. விழாவில் அனைவரும் கலந்து கொண்டு சிறப்பிக்க வேண்டுமென மாவட்ட தலைவர் என்.நந்தகோபால், செயலாளர் எம்.ஆசைத்தம்பி ஆகியோர் கேட்டுக் கொண்டுள்ளனர்.

Read more