ஈரோடு: சட்ட விரோதமாக செயல்படும் ஸ்பின்னிங் ஆலையை மூட வலியுறுத்தி, மில்லின் அருகே வசித்து வருபவர் குடும்பத்துடன் தற்கொலைக்கு முயற்சி!

சென்னிமலை அருகே சட்ட விரோதமாக செயல்படும் ஸ்பின்னிங் ஆலையை மூட வலியுறுத்தி, மில்லின் அருகே வசித்து வருபவர் குடும்பத்துடன் தற்கொலைக்கு முயன்றவர்களை போலீசார் தடுத்து நிறுத்திய சம்பவம் பெரும் பரபரப்பை ஏற்படுத்தியது.

ஈரோடு மாவட்டம் சென்னிமலை வட்டம் அம்மாபாளையம், கிருஷ்ணா நகர் பகுதியைச் சேர்ந்தவர் ராமநாதன், இவரது மனைவி ராஜம்மாள் இவர்களது மகன் சீனிவாசன்.  இவர்கள் அனைவரும் நெசவு கூலித் தொழிலாளியாக வேலை செய்து வருகின்றனர். 

இந்த நிலையில், கடந்த நான்காண்டுகளுக்கு முன்பு வீட்டின் அருகே தனியார் நபர் பஞ்சில் இருந்து நூல் தயாரிக்கும் ஸ்பின்னிங் மில்லை இரவு பகல் பாராமல் 24 மணி நேரமும் செயல்பட துவங்கியது.

இங்கிருந்து வெளியேறும் பஞ்சு கழிவுகளால்,அருகில் வசிக்கும் இந்த குடும்பத்தாருக்கு மூச்சு திணறல், ஆஸ்துமா, நுரையீரல் பிரச்சனை போன்றவர்கள் ஏற்பட்டதால் இந்த ஆலையை மூட வேண்டும் என ஈரோடு மாவட்ட ஆட்சித்தலைவர் அலுவலகத்தில் கடந்த மூன்று மாதங்களுக்கு முன்பு மனு அளித்துள்ளனர்.

இது தொடர்பாக, மாவட்ட நிர்வாகம் நடவடிக்கை எடுத்து மாசுக்கட்டுப்பாட்டு வாரிய அதிகாரிகளுக்கு, இந்த ஸ்பின்னி மில் தொடர்பாக ஆய்வு நடத்தவேண்டுமென அறிவுறுத்தி இருந்தனர். 

பின்னர் மாசுக்கட்டுப்பாட்டு வாரிய அதிகாரிகள் ஸ்பின்னிங் மில்லில் ஆய்வு மேற்கொண்டு கடந்த ஜனவரி 1ம் தேதி அன்று பாதிப்பு உள்ளது என்று தகவலை மாவட்ட நிர்வாகத்தில் வழங்கினர். 

இதனையெடுத்து மாவட்ட ஆட்சியர் மற்றும் வட்டார வளர்ச்சி அலுவலர் முன்னிலையில் கடந்த மார்ச் மாதம் 17ம் தேதி அன்று ஸ்பின்னிங மில்லை மூட வேண்டும் என உத்தரவிட்டார்.  

இதனை பொருட்படுத்தாத ஸ்பின்னிங் மில் ஆலை உரிமையாளர் கடந்த ஏப்ரல் 11ம் தேதி முதல் இரவு பகல் பார்க்காமல் 24 மணி நேரம் ஆலையை செயல்படுத்தி வருகிறார். 

இதனால் மீண்டும் தங்களுக்கு உடல் உபாதை பாதிப்புகள் ஏற்பட்டுள்ளது என இன்று ஈரோடு மாவட்ட ஆட்சியர் அலுவலகத்திற்கு பாதிக்கப்பட்ட குடும்பத்தினரான ராமநாதன்அவரது மனைவி ராஜமாள், மகன் சீனிவாசன் ஆகியோர் விஷம் அருந்தி தங்களது உயிர்களை மாய்த்துக் கொள்வதாக கூறி திடீர் போராட்டத்தில் ஈடுபட்டனர்.

மாவட்ட ஆட்சியர் அலுவலகத்தில் இருந்த போலீசார் மற்றும் தீயணைப்பு துறை அதிகாரிகள் முன்னிலையில், அவர்கள் தடுக்கப்பட்டு முறைப்படி ஆட்சியரிடம், இது சம்பந்தமாக தெரிவித்து, அந்த ஆலை மீது உரிய நடவடிக்கை எடுக்கப்படும் என சம்பந்தப்பட்ட துறை சார்ந்த அதிகாரிகள் காமராசர் பேச்சுவார்த்தை நடத்தியதால், ராமநாதன் குடும்பத்தினர் திரும்பச் சென்றனர், இந்தச் சம்பவம் ஈரோடு மாவட்ட ஆட்சியர் அலுவலகத்தில் பெரும் பரபரப்பை ஏற்படுத்தியது.

Read more

சித்திரை முழு நிலவு மாநாட்டிற்கு அழைப்பிதழ்களை வழங்கிய பாமக மாணவர் சங்கத்தினர்.

சேலம். 

S.K. சுரேஷ்பாபு

மே 11 சித்திரைமுழுநிலவு. 

வன்னியர்இளைஞர்பெருவிழா

பாட்டாளி மக்கள் கட்சியினர் பிரச்சாரம்

வருகின்ற 11.5.2025 அன்று மாமல்லபுரத்தில் பாட்டாளி மக்கள் கட்சியின் தலைவரும் மாநாட்டு குழு தலைவருமான மருத்துவர் அன்புமணி ராமதாஸ் அவர்கள் தலைமையிலும்    பாமக நிறுவனர்  சமூகநீதி காவலர் மருத்துவர் இராமதாஸ் அய்யா அவர்கள் சிறப்புரையிலும் நடைபெற இருக்கின்ற , பாட்டாளி மக்கள் கட்சி மற்றும் வன்னியர் சங்கத்தின் .சமூக  நீதி, சாதிவாரி கணக்கெடுப்பிற்கான  மாநாட்டிற்க்கு பெருந்திரளான பொதுமக்களை குடும்பத்தோடு பங்கேற்க செய்திட  பாட்டாளி மக்கள் கட்சி சார்பில்  அயோத்தியாபட்டணம் பேருந்து நிலையத்தில் நூற்றுக்கணக்கான பொதுமக்கள், வணிகர்கள், பேருந்து நிலையத்திற்கு வந்த கல்லூரி மாணவ மாணவிகள் இளைஞர்களுக்கு, பாட்டாளி மக்கள்கட்சின் மாநில மாணவர் சங்க செயலாளர் வழக்கறிஞர். இரா.விஜயராசா,சேலம்  வடக்குமாவட்ட துணைத் தலைவர் குமாரசாமி,நிர்வாகிகள் வெங்கடாசலம், கிருஷ்ணன், ராகுல்,சேட்டு ஆகியோர் அயோத்தியாபட்டணம் பேருந்து நிலையத்தில் நூற்றுக்கணக்கான பொதுமக்கள், வணிகர்கள், பேருந்து நிலையத்திற்கு வந்த கல்லூரி மாணவ மாணவிகள் இளைஞர்களுக்கு,  வழங்கி மாநாட்டின் நோக்கத்தை விளக்கி அழைத்தனர்.

Read more

காஷ்மீர் பகல்கம் துப்பாக்கி சூட்டில் பலியானவர்களுக்கு SDCBA சார்பில் மெழுகுவர்த்தி ஏந்தி அஞ்சலி.

சேலம்.

S.K. சுரேஷ்பாபு.

காஷ்மீர் பகல்கம் 

துப்பாக்கி சூட்டில் பலியானவர்களுக்கு SDCBA சார்பில் மெழுகுவர்த்தி ஏந்தி அஞ்சலி. 

காஷ்மிர் மாநிலம் பகல்கம் பயங்கரவாதிகளால் நிகழ்த்தப்பட்ட துப்பாக்கி சூடு சம்பவம் நாட்டையே உலுக்கியது. இந்த சம்பவத்தில்  உயிரிழந்தவர்களுக்கு அஞ்சலி செலுத்தும் நிகழ்வு சேலம் மாவட்ட குற்றவியல் வழக்கறிஞர்கள் சங்கம் சார்பில் நடைபெற்றது. சேலம் மாவட்ட ஒருங்கிணைந்த நீதிமன்ற வாயிலில் நடைபெற்ற இந்த நிகழ்விற்கு சேலம் மாவட்ட குற்றவியல் வழக்கறிஞர்கள் சங்க தலைவர் ஜெ.மு. இமயவரம்பன் தலைமை தாங்கினார். செயலாளர் முருகன் மற்றும் பொருளாளர் கண்ணன் உள்ளிட்டோர் முன்னிலை வகித்த இந்த நிகழ்வில்,

தீவிரவாதிகளால் படுகொலை செய்யப்பட்டவர்களின் புகை படத்திற்கு மெழுகுவர்த்தி ஏந்தி தலைவர் இமயவரம்பன் உட்பட நிர்வாகிகள் அனைவரும் அஞ்சலி செலுத்தினர்.

இந்த நிகழ்ச்சியில் SDCBA நிர்வாகிகள் உட்பட குற்றவியல் வழக்கறிஞர்கள் என திராளானோர் கலந்து கொண்டனர்.

Read more

ஈரோட்டில் கிணற்றில் குதித்து ஐடி நிறுவன ஊழியர் தற்கொலை!

ஈரோடு வாய்க்கால் மேடு இந்தியன் நகர் முதலாவது வீதியை சேர்ந்தவர் சீராளன் மகன் பிரவீன் (வயது 35). என்ஜினீயரிங் பட்டதாரி. திருமணம் ஆகாதவர். இவர் பெங்களூருவில் உள்ள ஐடி நிறுவனத்தில் வேலை பார்த்து வந்த நிலையில், கடந்த சில நாட்களாக வீட்டில் இருந்தே வேலை பார்த்து வந்தார்.

இதற்கிடையே கடந்த சில நாட்களாக மன உளைச்சல் ஏற்பட்டு யாருடனும் பேசாமல் இருந்து வந்தார். நேற்று முன்தினம் மாலை பிரவீன் நடைபயிற்சி செல்வதாக வீட்டில் கூறிவிட்டு சென்றவர், நீண்ட நேரமாகியும் அவர் வீடு திரும்பவில்லை.

இதையடுத்து, அவர் அதே பகுதியில் உள்ள கிரிக்கெட் மைதானம் அருகே இருக்கும் கிணற்று பகுதியில் பிரவீனின் செருப்பு கிடந்தது. இதை பார்த்த உறவினர்கள் சந்தேகத்தின் பேரில் ஈரோடு தாலுகா போலீசாருக்கு தகவல் கொடுத்தனர்.

அதன்பேரில் போலீசார், தீயணைப்பு வீரர்கள் கிணற்றில் இறங்கி அவரை தேடிப் பார்த்தனர். அப்போது, பிரவீன் பிணமாக மீட்கப்பட்டார். பின்னர், பிணத்தை பிரேத பரிசோதனைக்காக போலீசார் ஈரோடு அரசு தலைமை மருத்துவமனைக்கு அனுப்பி வைத்தனர்.

இதுகுறித்து போலீசார் நடத்திய விசாரணையில் திருமணமாகாத ஏக்கத்தில் இருந்த பிரவீன் கிணற்றில் குதித்து தற்கொலை செய்து கொண்டது தெரியவந்தது. மேலும், இதுகுறித்து போலீசார் வழக்குப் பதிவு செய்து விசாரிக்கின்றனர்.

Read more

ஈரோடு அருகே சாராயம் காய்ச்சியவர் கைது: 20 லிட்டர் ஊறல் பறிமுதல்!

ஈரோடு அருகே நரிப்பள்ளம் பகுதியில் சாராயம் காய்ச்சப்படுவதாக ஈரோடு மதுவிலக்கு பிரிவு போலீசாருக்கு ரகசிய தகவல் கிடைத்தது. அதன்பேரில் போலீஸ் துணை சூப்பிரண்டு சண்முகம் தலைமையிலான போலீசார் அங்கு விரைந்து சென்று சோதனை நடத்தினர்.

அப்போது அங்குள்ள தோட்டத்தில் பேரல்கள் வைக்கப்பட்டு சாராயம் காய்ச்சப்பட்டு வந்தது கண்டுபிடிக்கப்பட்டது. இதையடுத்து சாராயம் காய்ச்சியதாக நரிப்பள்ளம் பகுதியை சேர்ந்த ரவி (வயது 50) என்பவரை போலீசார் கைது செய்தனர்.

மேலும், விற்பனைக்காக வைக்கப்பட்டு இருந்த 8 லிட்டர் சாராயம் மற்றும் சாராயம் காய்ச்சுவதற்காக வைக்கப்பட்டு இருந்த 20 லிட்டர் சாராய ஊறல் ஆகியவற்றை போலீசார் பறிமுதல் செய்தனர்.

Read more

ஈரோடு மாவட்டத்தில் நாளை (ஏப்.,29ம்‌ தேதி) மின்சாரம் நிறுத்தப்படும் இடங்கள் அறிவிப்பு!

ஈரோடு மாவட்டத்தில் வில்லரசம்பட்டி துணை மின் நிலைய மின் பாதை மற்றும் சென்னம்பட்டி துணை மின் நிலையத்தில் பராமரிப்பு பணிகள் நாளை (ஏப்ரல் 29ம் தேதி) நடக்கிறது. இதனால், நாளை கீழ்க்கண்ட இந்த இடங்களில் குறிப்பிட்ட நேரம் மின்சாரம் விநியோகம் இருக்காது என தெரிவிக்கப்பட்டுள்ளது.

வில்லரசம்பட்டி துணை மின் நிலைய கருவில்பாறைவலசு மின் பாதை (காலை 9 மணி முதல் மதியம் 2 மணி வரை):- 

மின்சாரம் நிறுத்தப்படும் இடங்கள்:- ஈரோடு ஒண்டிக்காரன்பாளையம், இந்திராநகர், சானார்பாளையம், சன்கார்டன், ஐஸ்வர்யாபார்க், சத்யாநகர், கிரீன்சிட்டி பாய்ஸ் கார்டன், தொட்டம்பட்டி, கவுரிசங்கர்மில் மற்றும் கோ-ஆப்டெக்ஸ் குடோன்.

அம்மாபேட்டை சென்னம்பட்டி துணை மின் நிலையம் (காலை 9 மணி முதல் மாலை 5 மணி வரை):- 

மின்சாரம் நிறுத்தப்படும் இடங்கள்:- ரெட்டிபாளையம், மலையம்பறைகாடு, விராலிகாட்டூர், மூலையூர், சென்றாயனூர், குரும்பனூர்காடு மற்றும் வெள்ளக்கரட்டூர்.

Read more