சேலம் மாநகராட்சி ஏழாவது கோட்டத்திற்கு உட்பட்ட அய்யந்திருமாளிகை பகுதியில் ஹாண்ட் ஃபாகிங் இயந்திரம் கொண்டு கொசு மருந்து அடித்து டெங்கு பரவலை கட்டுப்படுத்தும் பணிகளை மேற்கொண்ட துணை மேயர்.... பொதுமக்களுக்கும் சுகாதாரப் பணியாளர்களுக்கும் பல்வேறு அறிவுரைகள் வழங்கிய சாரதாதேவி மாணிக்கம்.....

சேலம்,

S.K. சுரேஷ்பாபு.

சேலம் மாநகராட்சி ஏழாவது கோட்டத்திற்கு உட்பட்ட அய்யந்திருமாளிகை பகுதியில் ஹாண்ட் ஃபாகிங் இயந்திரம் கொண்டு கொசு மருந்து அடித்து டெங்கு பரவலை கட்டுப்படுத்தும்  பணிகளை மேற்கொண்ட துணை மேயர்.... பொதுமக்களுக்கும் சுகாதாரப் பணியாளர்களுக்கும் பல்வேறு அறிவுரைகள் வழங்கிய சாரதாதேவி மாணிக்கம்.....

தமிழகத்தில் தற்போது அதி தீவிரமாக பருவநிலை மாற்றத்தின் காரணமாக டெங்கு காய்ச்சல் பரவி வருகிறது. இதில் ஏராளமானோர் பாதிக்கப்பட்டு அரசு மற்றும் தனியார் மருத்துவமனைகள் சிகிச்சை பெற்று வருகின்றனர். இந்த நிலையில் 60 கோட்டங்களை  உள்ளடக்கிய சேலம் மாநகராட்சியில் மேற்கொள்ளப்பட்டு வரும் தடுப்பு நடவடிக்கைகள் மேற்கொள்ளப்பட்டு வருகின்றன. 

இதன் ஒரு பகுதியாக சேலம் மாநகர துணை மேயரும், சேலம் மாநகராட்சி 7 வது கோட்ட மாமன்ற உறுப்பினருமான திருமதி சாரதாதேவி மாணிக்கம், தனது கோட்டத்திற்கு உட்பட்ட பகுதிகளில் தீவிர டெங்கு பணிகளை மேற்கொண்டு வருகின்றார். இந்த நிலையில், டெங்கு பாதிப்புக்கு உள்ளான பகுதியான சேலம் அய்யந்திரு மாளிகை மற்றும் அதன் சுற்றுவட்டார பகுதிகளில் தீவிர டெங்கு கண்காணிப்பு பணியினை மேற்கொண்டார்.

அப்பொழுது சேலம் மாநகராட்சி சுகாதார அலுவலர்கள் மற்றும் சுகாதார பணியாளர்கள் இருக்கும் பொழுது யாரும் எதிர்பாராத வகையில், கொசு மருந்து புகை அடிக்கும் இயந்திரமான ஹேண்ட் பாகிங் இயந்திரத்தை தானே இயக்கி, கொசுக்களை ஒழிக்கும் இயந்திரத்தை கையில் எடுத்து புகையை அடித்தார். இது சுகாதார அலுவலர்கள் மற்றும் பணியாளர்களை மட்டுமல்லாது அந்தப் பகுதி பொதுமக்களையும் ஆச்சரியத்திற்கு உள்ளாக்கியது. 

இது குறித்து சேலம் மாநகராட்சி துணை மேயர் திருமதி சாரதாதேவி மாணிக்கம் நம்மிடையே கூறுகையில், எங்கு பரவலை கட்டுப்படுத்த தனது ஏழாவது கோட்டத்திற்கு உட்பட்ட அனைத்து பகுதிகளிலும் தீவிர சுகாதாரப் பணிகள் மேற்கொள்ளப்பட்டு வருவதாகவும், போதுமான பணியாளர்களைக் கொண்டு காலை மற்றும் மாலை என இரு நேரங்களிலும் கொசு மருந்து வெளிப்படுத்தும் இயந்திரம் மற்றும் வாகனங்களை கொண்டு பாதிப்புக்கு உள்ளான பகுதிகளில் சுகாதாரப் பணிகள் மேற்கொள்ளப்பட்டு வருவதாகவும், தனது கூட்டத்திற்கு உட்பட்ட பகுதிகளில் இருக்கும் ஆரம்ப சுகாதார நிலையங்களில் இதற்கென போதுமான மருத்துவர்களும் மருந்து பொருட்களும் தேவையான அளவு இல்லை இருப்பு உள்ளதோடு, பொதுமக்களுக்கு துண்டு பிரசுரங்கள் மூலமாகவும் பல்வேறு விழிப்புணர்வுகள் ஏற்படுத்தப்பட்டு வருவதாகவும் திருமதி சாரதா தேவிமாணிக்கம் தெரிவித்தார்.

Read more

பௌர்ணமி தினத்தில் சேலம் திருமணிமுத்தாற்றின் புனிதத்தை மீட்டெடுக்க, அனைத்து திருக்கோவில் பாதுகாப்பு சங்கத்தினர் சிறப்பு வழிபாடு.

சேலம்,

S.K. சுரேஷ்பாபு.

பௌர்ணமி தினத்தில் சேலம் திருமணிமுத்தாற்றின் புனிதத்தை மீட்டெடுக்க, அனைத்து திருக்கோவில் பாதுகாப்பு சங்கத்தினர் சிறப்பு வழிபாடு.

சேலம் மாநகரின் ஊடாகப் பாய்ந்து, நாமக்கல் மாவட்டம் நஞ்சை எடையார் கிராமத்தில் காவிரியில் கலக்கும் ஒரு முக்கிய துணை நதியே திருமணிமுத்தாறு ஆகும். சேலம் மாவட்டம் சேர்வராயன் மலைத்தொடர் ( ஏற்காடு மலை ) பகுதியில் திருமணிமுத்தாறு உருவாகிறது. 

சேலம்  மாநகர் மற்றும் பல ஊர்கள் வழயாகப் பாய்ந்து, சுமார் 120 கிலோமீட்டர் தூரப் பயணத்திற்குப் பிறகு நாமக்கல் மாவட்டம் பரமத்தி வேலூர் அருகே நஞ்சை எடையார் என்னும் இடத்தில் காவிரி ஆற்றில் கலக்கிறது. வரலாற்றுச் சிறப்பு மிக்க  திருமணிமுத்தாற்றின் கரையில் புகழ்பெற்ற, கோட்டை அருள்மிகு ஸ்ரீ பெரிய மாரியம்மன்,  உத்தமசோழபுரம் கரபுரநாதசுவாமி கோயில் போன்ற பழமையான வரலாற்றுச் சிறப்புமிக்க கோயில்கள் அமைந்துள்ளன. 

இப்பகுதியில் உள்ள சாய ஆலை மற்றும் தொழிற்சாலைக் கழிவுகள் ஆற்றில் கலப்பதால், மழைக்காலங்களிலும் சரி, மற்ற காலங்களிலும் ஆற்று நீர் மாசடைந்து வெள்ளை நிற நுரை பொங்கும் சூழல் ஏற்பட்டுள்ளது. இதனால் நிலத்தடி நீர் மாசடைவதுடன், பொதுமக்களின் சுகாதாரமும் பாதிக்கப்படுவதாகக் கிராம மக்கள் தொடர் வேதனை தெரிவித்து வருகின்றனர். இதைக் கட்டுப்படுத்த பல்வேறு சமூக ஆர்வலர்கள் கோரிக்கைகளும் மனுக்களும் அளித்து வருகின்றனர். இந்த நிலையில் திருமணிமுத்தாற்றின் பெருமைகளை மீட்டெடுக்கவும், ஆட்டின் புனித தன்மையை காக்கவும் மற்றும் இனி வரும் காலங்களில் குப்பையில் மற்றும் கழிவுகளை கொட்டுவதை தடுத்து நிறுத்தவும் சேலம் மாவட்ட திருக்கோவில் பாதுகாப்பு சங்கத்தின் சார்பில் சேலம் கோட்டை பெரிய மாரியம்மன் கோவில் வளாகத்தில் பௌர்ணமி சிறப்பு பூஜைக்கு ஏற்பாடு செய்யப்பட்டிருந்தது. சங்கத்தின் மாநில இணை செயலாளர் சண்முகவேல் தலைமையில் நடைபெற்ற இந்த சிறப்பு வழிபாட்டில் மாவட்ட செயலாளர் சண்முகம், மாநில வழக்கறிஞர் பிரிவு செயலாளர் சத்ய சுதன், கோக் ரவி, மாவட்டத் துணைச் செயலாளர் நேதாஜி, மாநில மகளிர் அணி இணைச் செயலாளர் சர்மிளா சரவணன், கவிதா பேபி ரமணி உள்ளிட்ட பலர் கலந்து கொண்டு மணிமுத்தாற்றின் கரையில் ஆகம விதிமுறைப்படி அகழ்விளக்குகளை இயக்கியும் கைகளில் அகல் விளக்குகளை ஏற்றியும் புனித வழிபாட்டில் ஈடுபட்டனர். 

இதனை அடுத்து சிறப்பு பூஜையில் கலந்து கொண்ட அனைவருக்கும் பிரசாதங்களும் வழங்கப்பட்டன. இந்த நிகழ்வு குறித்து அனைத்து திருக்கோவில் பாதுகாப்பு சங்கத்தின் மாநில இணை செயலாளர் சண்முகவேல் நமது கூறுகையில், பல்வேறு வரலாற்றுச் சிறப்புகளைக் கொண்டது இந்த மணிமுத்தாறு என்றும் இந்த புனித ஆற்றில் முத்து குளித்து எடுக்கப்பட்ட முத்து இன்றும் சுகவனேஸ்வரர் திருக்கோவிலில் உள்ள ஸ்வர்ணாம்பிகை அம்மனின் மூக்கில் இருப்பதாகவும் இப்படி பெருமைமிகு முத்தாறு இன்று இந்த பகுதியில் உள்ள மார்க்கெட்டில் மிகுதியாகும் கழிவுகளை கொட்டும் குப்பை தொட்டியாகவும் சாயக்கழிவு நீர் கலந்து மாசடைந்து துர்நாற்றம் வீசும் பகுதியாக மாறியுள்ளது வேதனைக்குரியதாக உள்ளது என்றும் குறிப்பிட்டார். 

மேலும் இந்த புனித ஆரை பாதுகாக்க இனிவரும் காலங்களில் மணிமுத்தாறு செல்லும் பகுதியில் உள்ள மார்க்கெட் வர்த்தக வணிக நிறுவனங்களில் இருந்து கொட்டப்படும் கழிவுகளை தடுக்க அமைப்பின் சார்பில் முயற்சி மேற்கொள்ள உள்ளதோடு இது சம்பந்தமாக கூடிய விரைவில் தமிழக போக்குவரத்து துறை அமைச்சரை சந்தித்து கோரிக்கை மனு வழங்க உள்ளதாகவும் சண்முகவேல் தெரிவித்தார்.

Read more

சேலம் அருகே வைரலாகும் வேலியே பயிரை மேய்ந்த கதை. கோவில் நிலத்தை போலி பட்டா மூலம் அபகரித்த நபரே, சிவன் கோவில் கட்ட எதிர்ப்பு தெரிவித்து கொலை மிரட்டல்.

சேலம், 

S.K. சுரேஷ்பாபு. 

சேலம் அருகே வைரலாகும் வேலியே பயிரை மேய்ந்த கதை. கோவில் நிலத்தை போலி பட்டா மூலம் அபகரித்த நபரே,  சிவன் கோவில் கட்ட எதிர்ப்பு தெரிவித்து கொலை மிரட்டல். 

சேலத்தை அடுத்துள்ளது காரிப்பட்டி. இங்குள்ள அண்ணாநகர் பகுதியில் பல தரப்பு மக்கள் வாசித்து வருகின்றனர். இந்த பலதரப்பட்ட மக்களால் கலந்த 36 ஆண்டுகளுக்கு முன்பு அக்னி மாரியம்மன் திருக்கோவில் கட்டப்பட்டது. பல தரப்பு மக்கள் வசித்து வரும் அண்ணா நகர் பகுதியில் அதே பகுதியை சேர்ந்த சம்பத் குமார் என்பவரும் வசித்து வருகிறார். இவரும் இந்த பலப்பட்டறை ஸ்ரீ அக்னி மாரியம்மன் திருக்கோவிலில் நிர்வாகியாகவும் இருந்து வந்துள்ளார். நிலைமையை எப்படி இருக்க, மீதமுள்ள கோவிலுக்கு சொந்தமான பட்டா நிலத்தில் சிவன் கோவிலையும் கட்ட அந்த பகுதி பலதரப்பட்ட  மக்களால் முடிவு செய்யப்பட்டு, அங்குள்ள பல பட்டறை ஸ்ரீ அக்னி மாரியம்மன் கோவிலுக்கு பின்புறமாக சிவன் கோவில் கட்ட முடிவு செய்யப்பட்டது. 

அதன்படி கட்டுமான பணிகளும் கடந்த நான்கு ஆண்டுகளுக்கு முன்பு தொடங்கப்பட்டது. பலதரப்பட்ட மக்கள் மற்றும் அவர்கள் சார்ந்த உற்றார் உறவினர்களிடம் நன்கொடை வசூலித்து திருக்கோவில் கட்டும் பணிகளும் சிறப்பாகவே நடைபெற்றுக் கொண்டிருந்தது. இதனிடையே அதே பகுதியை சேர்ந்த சம்பத்குமார் என்பவர் திருக்கோவிலுக்கு சொந்தமான பட்டா நிலத்தில் சுமார் 200 சதுர அடி நிலத்தை ஆக்கிரமித்து, அவருக்கு சொந்தமான நிலத்தையும் சேர்த்து பிரம்மாண்டமான முறையில் வீட்டைக் கட்டி உள்ளார். இது குறித்து தகவல் அறிந்த திருக்கோவிலுக்கு சம்பந்தப்பட்ட நிர்வாகிகள் அனைவரும் போர் கொடி உயர்த்தி பல்வேறு எதிர்ப்புகளை தெரிவித்துள்ளனர். இது தொடர்பாக காரிப்பட்டி காவல் நிலையத்திலும், சேலம் மாவட்ட ஆட்சியர் அலுவலகத்திலும் பலமுறை புகார் மனு அளித்தும் எந்த விதமான நடவடிக்கையும் எடுக்கவில்லை என்பது அந்த பகுதி ஒட்டுமொத்த மக்களின் வேதனை குரலாகவே உள்ளது. இதனை அடுத்து செய்வது அறியாது தவித்த பொதுமக்கள் அதிமுக பொதுச்செயலாளர் எடப்பாடி பழனிச்சாமி அவர்களின் நெருங்கிய தொடர்புடைய மெடிக்கல் ராஜா என்பவரை அனுப்பியுள்ளனர். 

ஆனாலும் அவரிடமும் திருக்கோவிலை கட்ட வேண்டும் என்று முயற்சித்த பொதுமக்களுக்கு விரக்தியே பதிலாக கிடைத்தது. காரணம் சம்பந்தப்பட்ட சம்பத்குமார் அரசுத்துறை அதிகாரிகளை கட்டுப்படுத்துவதோடு மட்டுமல்லாமல் அரசியல் கட்சி பிரமுகரையும் கட்டுப்படுத்தும் அளவிற்கு வல்லமை படைத்தவரா என்பது கேள்விக்குறியாகவே உள்ளது. யாரை வைத்து திருக்கோவில் நிலத்தை போலி பட்டா மூலம் தயார் செய்து தனது நிலம் என்று கோவில் நிலத்தை அபகரித்த சம்பத்குமாருக்கு உதவிய நபர் யார் என்பது தங்களுக்கு தெரிய வேண்டும் என்பது மட்டுமே தற்பொழுது பாதிக்கப்பட்டுள்ள பொதுமக்களின் ஒட்டுமொத்த குற்றச்சாட்டாகவே உள்ளது. இந்த நிலையில், நேற்றைய தினம் சிவபெருமானுக்கு உகந்ததாக கருதப்படும் பிரதோஷ தினம் என்பதால் விட்டு வரும் சிவன் கோவிலுக்கு முன்பாக நன்றி சிலையை பிரதிஷ்டை செய்ய ஊர் பொதுமக்கள் எடுத்துள்ளனர். 

இதற்கு கடும் எதிர்ப்பு தெரிவித்துள்ள அதே பகுதியை சேர்ந்தவரும் அதே கோவிலுக்கு நிர்வாகக் குழுவில் இருந்த வருமான சம்பத்குமார் என்பவர், கடும் எதிர்ப்பு தெரிவித்துள்ளதோடு ஊர் பொதுமக்களுக்கு கொலை மிரட்டலும் விடுத்துள்ளது கடும் அதிர்ச்சியை ஏற்படுத்தியுள்ளது பாதிக்கப்பட்டுள்ள மக்களுக்கு. இது குறித்து தகவல் அறிந்து நமது செய்திகளும் அங்கு பயணித்து பாதிக்கப்பட்ட மக்களிடம் கேட்டபோது, சம்பத்குமார் ஆக்கிரமித்துள்ளது திருக்கோவிலுக்கு சொந்தமான இடமே தவிர வேறு ஒன்றும் இல்லை என்பதற்கு உண்டான அனைத்து ஆதாரங்களையும் வெளிப்படுத்தியதோடு மட்டுமல்லாமல், சிவன் கோவில் சொத்தை அபகரிக்க உடந்தையாக இருந்தவர் யார் என்பது தங்களுக்கு தெரிய வேண்டும் என்ற கோரிக்கையையும் முன் வைத்தனர். சிவன் கோவில் கட்டும்போது இருந்த மணமகழ்ச்சி தற்பொழுது கோவில் கட்டுமான பணி தொடங்கி நான்கு வருடங்கள் ஆகியும் தற்போது வரை நிறைவு பெறவில்லை என்று வேதனை தெரிவிக்கும் அந்த பகுதி பொதுமக்கள் தமிழக முதலமைச்சர் தனிவனம் செலுத்தி இந்த பிரச்சனையில் தலையிட்டு தங்களுக்கு உரிய தீர்வை ஏற்படுத்தி தர வேண்டும் என்பது மட்டுமே அந்த பகுதி மக்களின் ஒட்டுமொத்த எதிர்பார்ப்பாக உள்ளது. 

சிவன் சொத்து கொலை நாசம் என்பது அனைவரும் அறிந்த உண்மை. சிவன் கோவில் சொத்தை அபகரித்ததோடு மட்டுமல்லாமல் எதிர்த்த போது மக்களுக்கு கொலை மிரட்டல் விடுத்துள்ள சம்பந்தப்பட்ட சம்பத்குமார் என்பவர் மீது மாவட்ட நிர்வாகமோ அல்லது மாவட்ட காவல் துறையோ கூடுதலாக தமிழக முதலமைச்சரோ நடவடிக்கை எடுக்கிறார்களோ இல்லையோ ?????. சிவன் சொத்தை கொள்ளை அடித்தவன் ஒருபோதும் கிட்ட சொத்துடன் அவன் நிம்மதியாக வாழ்ந்ததில்லை என்பதற்கு பல ஆதாரங்கள் உள்ளன சேலத்திலேயே. உதாரணம் 1008 சிவலிங்கம் திருக்கோவில் கட்டுவதற்காக, சிவன் சொத்தையே கொள்ளையடித்த  விநாயகா மிஷன் தலைவரின் நிலை தற்பொழுது என்ன என்பது சேலம் மாநகரம் உட்பட இந்த நாடே அறியும்.

பொறுத்திருந்து பார்ப்போம்.

Read more

An invitation has been issued for registration regarding the 'Indian Open Chessboxing National Championship,' the General Council meeting, and the election of the new executive committee and office bearers for the 'Chessboxing India' organization, scheduled to take place in Tamil Nadu during the last week of November 2026. R. Faiz Ahmed, General Secretary of the Tamil Nadu State Chessboxing Association, has requested interested parties to contact the email addresses tnscbaoffice@gmail.com or chessboxingtn@gmail.com.

SALEM, 

SK SURESH BABU, 

An invitation has been issued for registration regarding the 'Indian Open Chessboxing National Championship,' the General Council meeting, and the election of the new executive committee and office bearers for the 'Chessboxing India' organization, scheduled to take place in Tamil Nadu during the last week of November 2026. R. Faiz Ahmed, General Secretary of the Tamil Nadu State Chessboxing Association, has requested interested parties to contact the email addresses tnscbaoffice@gmail.com or chessboxingtn@gmail.com.

In a press release issued regarding this,..

Indian Open ChessBoxing National Championship. in Tamilnadu November 2026 last week and Election of General body meeting and ChessBoxing India New govering body. office Bearers of India 

Registration Your Name in tnscbaoffice@gmail.com chessboxingtn@gmail.com.

Contact: Mr  R. FAIZAHAMED General Secretary. Tamilnadu State ChessBoxing Association International Referee and Coach WCBO: Mobile number 9944154083/9944954083.

தமிழ்நாட்டில் 2026 நவம்பர் கடைசி வாரத்தில் 'இந்திய ஓபன் செஸ்பாக்ஸிங் தேசிய சாம்பியன்ஷிப்' போட்டி, பொதுக்குழு கூட்டம் மற்றும் 'செஸ்பாக்ஸிங் இந்தியா' அமைப்பிற்கான புதிய நிர்வாகக் குழு மற்றும் நிர்வாகிகள் தேர்வு ஆகியவற்றில்

பதிவு செய்ய அழைப்பு. tnscbaoffice@gmail.com அல்லது chessboxingtn@gmail.com ஆகிய மின்னஞ்சல் முகவரிகளை தொடர்பு கொள்ள தமிழ்நாடு மாநில செஸ் பாக்சிங் சங்க பொதுச்செயலாளர் R. ஃபைஸ் அகமது வேண்டுகோள்.

தமிழ்நாட்டில் 2026 நவம்பர் கடைசி வாரத்தில் 'இந்திய ஓபன் செஸ்பாக்ஸிங் தேசிய சாம்பியன்ஷிப்' போட்டி நடைபெறவுள்ளது. இதனுடன் இணைந்து, பொதுக்குழு கூட்டம் மற்றும் 'செஸ்பாக்ஸிங் இந்தியா' அமைப்பிற்கான புதிய நிர்வாகக் குழு மற்றும் நிர்வாகிகள் தேர்வு ஆகியவையும் நடைபெறும்.

பதிவு செய்ய: tnscbaoffice@gmail.com அல்லது chessboxingtn@gmail.com ஆகிய மின்னஞ்சல் முகவரிகளைத் தொடர்பு கொள்ளவும்.

தொடர்புக்கு: திரு. R. ஃபைஸ் அகமது (R. Faizahamed) - பொதுச் செயலாளர், தமிழ்நாடு மாநில செஸ்பாக்ஸிங் சங்கம் (Tamilnadu State ChessBoxing Association); சர்வதேச நடுவர் மற்றும் பயிற்சியாளர் (WCBO). அலைபேசி எண்கள்: 9944154083 / 9944954083.

Read more

சேலம் கோட்டையில் நபிகள் நாயகம் பிறந்தநாள் விழா மற்றும் மஹ்மூத் சுபஹானி உரூஸ் விழா.. நாடு வளம் பெற சிறப்பு துவா செய்து 3000 பேருக்கு தப்ரூக் வழங்கிய இஸ்லாமிய இளைஞர் நற்பணி மன்றத்தினர்.

சேலம், 

S.K. சுரேஷ்பாபு.

சேலம் கோட்டையில் நபிகள் நாயகம் பிறந்தநாள் விழா மற்றும் மஹ்மூத் சுபஹானி  உரூஸ் விழா.. நாடு வளம் பெற சிறப்பு துவா செய்து 3000 பேருக்கு தப்ரூக் வழங்கிய இஸ்லாமிய இளைஞர் நற்பணி மன்றத்தினர். 

சேலம் கோட்டை மேல்தெரு பள்ளிவாசலில் ஆண்டு தோறும் நபிகள் நாயகம் அவர்களின் பிறந்தநாள் விழா மற்றும் மஹ்மூத் சுபஹானி உரூஸ் விழா ஆகியவை விமர்சையாக கொண்டாடப்படுவது வழக்கம். அதன்படி சேலம்  கோட்டை இளைஞர் நற்பணி மன்றத்தின் சார்பில் 93 ஆம் ஆண்டு விழாவாக பிறந்தநாள் மற்றும் உரூஸ் விழா ஆகியவை சேலம் கோட்டை மேல் தெரு பள்ளிவாசலில் கடந்த 10 நாட்களாக சிறப்பு தொழுகைகளுடன் நடைபெற்று வந்தது. 

இதன் இறுதி நாளான நேற்று நாடு நலம் பெறவும், தமிழக விவசாயிகள் வளம் பெறவும் மற்றும் தமிழக மாணவ மாணவிகள் கல்வியில் நல்ல முன்னேற்றம் அடைய வேண்டும் என்பன உட்பட பல்வேறு முக்கிய அம்சங்களை வலியுறுத்தி நேற்று இரவு சிறப்பு துவா நடத்தி முடிக்கப்பட்டது. அதனைத் தொடர்ந்து சேலம் கோட்டை இளைஞர் நற்பணி மன்றத்தின் சார்பில் ஆண்டுதோறும் நபிகள் நாயகம் பிறந்தநாள் விழா மற்றும் மொஹமது சுபஹானி உரூஸ் விழாவினை ஒட்டி கோட்டை மற்றும் சுற்றுவட்டார பகுதிகளை சேர்ந்த சுமார் 3,000 அதிகமான இஸ்லாமியர்கள் உட்பட அனைத்து சமுதாயத்தினருக்கும் தப்புருக் எனப்படும் அன்னதானம் வழங்கி மகிழ்ந்தனர். 

40-க்கும் மேற்பட்ட பிரம்மாண்ட டபராக்களில் சுமார் 3000 கிலோ வெள்ளை குஸ்கா, சிக்கன் வருவல், தால்ஜா மற்றும் கேசரி ஆகியவை தப்றுக்காக வழங்கப்பட்டன. சேலம் ஜாமியா மசூதியின் முன்னாள் முத்த வள்ளியும், சேலம் கோட்டை இளைஞர் நற்பணி மன்றத்தின் கௌரவ தலைவருமான அமான் என்கின்ற நாசர் கான் தலைமையில் நடைபெற்ற இந்த விழாவில் இளைஞர் அறக்கட்டளை நிர்வாகிகள் தாஜுதீன், பண்டு, அஸ்மத் கான், நூர், அலி, பாபு, ஹமீது, ஜாவித் மற்றும் இர்பான் உள்ளிட்டோர் கலந்துகொண்டு 3000-க்கும் அதிகமான பொது மக்களுக்கு சைவ அசைவ உணவுகளை வழங்கி மத நல்லிணக்கத்தை போற்றி மகிழ்ந்தனர்.

Read more

போதுமான நீர் இல்லை, சம்பா மற்றும் தாளடி சாகுபடி எப்படி சாத்தியம் ?. கடுமையாக பாதிக்கப்பட்டுள்ள விவசாயிகள் ஓரணியாக திரண்டு வரும் போது மட்டும் தான் உழவர்கள் நலனில் அக்கறை இல்லாத த.வெ.க அரசை ஆட்சிக் கட்டிலில் இருந்து வீழ்த்த முடியும். தமிழக விவசாயிகள் சங்க மாநில தலைவர் R. வேலுச்சாமி ஆதங்கம்.

நாமக்கல்,

S.K. சுரேஷ்பாபு.

போதுமான நீர் இல்லை, சம்பா மற்றும் தாளடி சாகுபடி எப்படி சாத்தியம் ?. கடுமையாக பாதிக்கப்பட்டுள்ள விவசாயிகள் ஓரணியாக திரண்டு வரும் போது மட்டும் தான் உழவர்கள் நலனில் அக்கறை இல்லாத த.வெ.க அரசை ஆட்சிக் கட்டிலில் இருந்து வீழ்த்த முடியும். தமிழக விவசாயிகள் சங்க மாநில தலைவர் R. வேலுச்சாமி ஆதங்கம்.

மேட்டூர் அணையின் நீர் இருப்பு பாதிக்குக்கு வெகுவாக குறைந்துள்ளது. சம்பா சாகுபடி சாத்தியமா ? , உழவர்களுக்கு அரசின் அறிவுரை என்ன ? . 35 நாட்களுக்கு மட்டுமே மேட்டூர் அணையின் நீர் திறக்க முடியும் எனும் சூழலில் சம்பா சாகுபடி சாத்தியமா என உழவர்கள் கவலை ? . காவிரி மேலாண்மை ஆணையம் உத்தரவை மதித்து கர்நாடகா காவிரியில் இருந்து உரிய நீரை திறந்து இருந்தால் இந்த நிலை ஏற்பட்டு இருக்காது. சாகுபடி பணிக்கான பணி தொடங்காத நிலையில், நாற்றங்கால் உருவாக்கி அதில் இருந்து நாற்றுகளை எடுத்து நடவு செய்வதற்கு வாய்ப்பு இல்லை. இந்த சூழலில் சம்பா மற்றும் தாளடி சாகுபடியை எவ்வாறு மேற்கொள்வது என்பது குறித்து தமிழக அரசு எது போன்ற ஆலோசனை வழங்கப் போகின்றது ? உழவர்களின் வேதனையாக உள்ளது. இது மேட்டூர் அணையை நம்பி 11 டெல்டா மாவட்டங்களில் உளவு பணிகளை மேற்கொள்ளும் உழவர்கள் தற்பொழுது எதிர்கொண்டுள்ள நிலையாக உள்ளது. 

இதுகுறித்து உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநிலத் தலைவர் R. வேலுச்சாமி தனது செய்தி குறிப்பில், நாள்தோறும் விவசாயிகளின் நலன் கருதி அறிக்கைகள் வெளியிட்டாலும், ஆர்ப்பாட்டங்கள் மற்றும் போராட்டங்கள் மேற்கொண்டாலும் செவிடன் காதில் ஊதிய சங்கு போன்றது தான் டி.வி.கே அரசு என்று குற்றம் சாட்டிய அவர், கடுமையாக பாதிக்கப்பட்டுள்ள விவசாயிகள் ஓரணியாக திரண்டு வரும்போது மட்டும் தான் த.வெ.க அரசை ஆட்சிக் கட்டிலில் இருந்து இறக்க முடியும் என்றும் அறிக்கை, போராட்டங்கள் மற்றும் செய்தியின் வாயிலாக தமிழக அரசை வலியுறுத்தினாலும் கூட எந்த பயனும் இல்லை, பாதிக்கப்பட்டுள்ள விவசாயிகள் அனைவரும் ஒன்று திரண்டு ஒரே அணியில் வந்தால் மட்டுமே இந்த தமிழக அரசை வீழ்த்தி அடிக்க முடியும் என்றார். 

மேலும் தமிழக விவசாயிகளின் நலனில் செவிசாய்க்காத இந்த அரசால் தமிழக விவசாயிகளுக்கு எந்த பலனும் நலனும் இல்லை என்றும் தனது ஆதங்கத்தை வெளிப்படுத்தி உள்ளார் தமிழக விவசாயிகள் சங்க மாநில தலைவர் R. வேலுச்சாமி.

Read more

தமிழக சட்டமன்ற இடைத்தேர்தலில் த.வெ.க தலைமையிலான மதச்சார்பற்ற சமூக நீதி வெற்றி கூட்டணிக்கு முழு ஆதரவு. தேசிய தெலுங்கர் சிறுபான்மையினர் சமூக கூட்டமைப்பு மாநிலத் தலைவர் Dr. நாகா.R. அரவிந்தன் அறிவிப்பு. தாராபுரம் சட்டமன்ற தொகுதி பொறுப்பாளர் நாகா.R.அரவிந்தன், மதுராந்தகம் சட்டமன்ற தொகுதிக்கு மாநில இளைஞரணி செயலாளர் M.ஹரி ஆகியோர் நியமனம்.

சேலம்.

S.K. சுரேஷ்பாபு.

தமிழக சட்டமன்ற இடைத்தேர்தலில் த.வெ.க தலைமையிலான மதச்சார்பற்ற சமூக நீதி வெற்றி கூட்டணிக்கு முழு ஆதரவு. தேசிய தெலுங்கர் சிறுபான்மையினர் சமூக கூட்டமைப்பு மாநிலத் தலைவர் Dr. நாகா.R. அரவிந்தன் அறிவிப்பு. தாராபுரம் சட்டமன்ற தொகுதி பொறுப்பாளர் நாகா.R.அரவிந்தன், மதுராந்தகம் சட்டமன்ற தொகுதிக்கு மாநில இளைஞரணி செயலாளர் M.ஹரி ஆகியோர் நியமனம்.

தேசிய தெலுங்கர் சிறுபான்மையினர் சமூக கூட்டமைப்பு மாநிலத் தலைவர் Dr. நாகா ஆர் அரவிந்தன் சேலத்தில்  செய்தியாளர்களை சந்தித்தார். 

அப்போது, தேசிய சிறுபான்மையினர் சமூகக் கூட்டமைப்பு மாநில நிர்வாகிகள் முடிவின்படி தமிழகத்தில் நடைபெற உள்ள தமிழக சட்டமன்ற இடைத்தேர்தலில் தமிழக வெற்றி கழகம் தலைமையிலான மதச்சார்பற்ற சமூக நீதி வெற்றி கூட்டணிக்கு கூட்டமைப்பு  முழு ஆதரவு அளிக்கிறது. மேலும் இடைத் தேர்தல் நடைபெறும் இரண்டு தொகுதிகளிலும் தவெக வேட்பாளருக்கு ஆதரவாக பிரச்சாரம் செய்து சுமார் 50,000 வாக்கு  வித்தியாசத்தில் வெற்றி பெற கூட்டமைப்பு முழு பாடுபடும் என்று தெரிவித்தார். 

கூட்டமைப்பு சார்பாக தாராபுரம் சட்டமன்ற தொகுதி பொறுப்பாளர் நாகா ஆர்.அரவிந்தன், மதுராந்தகம் சட்டமன்ற தொகுதிக்கு மாநில இளைஞரணி செயலாளர் எம்.ஹரி நியமிக்கப்பட்டுள்ளனர் என்றும் கூட்டமைப்பின் மாநில தலைவர் நாகா.அரவிந்தன் தெரிவித்துள்ளார்.

Read more