கால்நடை பராமரிப்பு மற்றும் விலங்கு நலத்துறை ( SPCA ) அதிகாரி எனக்கூறி மாட்டு வியாபாரிகளை குறி வைத்து பண வசூல் வேட்டையில் ஈடுபடும் சேலத்தைச் சேர்ந்த பலே கில்லாடி. மின்னாம்பள்ளி மாட்டுச்சந்தைக்கு வரும் வியாபாரிகள் மற்றும் விவசாயிகள் இடையே கலக்கம்

சேலம்,

S.K. சுரேஷ் பாபு.

கால்நடை பராமரிப்பு மற்றும் விலங்கு நலத்துறை ( SPCA ) அதிகாரி எனக்கூறி மாட்டு வியாபாரிகளை குறி வைத்து பண வசூல் வேட்டையில் ஈடுபடும் சேலத்தைச் சேர்ந்த பலே கில்லாடி. மின்னாம்பள்ளி மாட்டுச்சந்தைக்கு வரும் வியாபாரிகள் மற்றும் விவசாயிகள் இடையே கலக்கம்

கால்நடை பராமரிப்பு மற்றும் விலங்கு நலத் துறையில் SPCA என்பதன் விரிவாக்கம்:

Society for the Prevention of Cruelty to Animals

தமிழில் இது விலங்குகள் வதை தடுப்புச் சங்கம் அல்லது விலங்குகள் மீதான வன்கொடுமை தடுப்புச் சங்கம் என்று அழைக்கப்படுகிறது.

கைவிடப்பட்ட, காயமடைந்த அல்லது நோய்வாய்ப்பட்ட விலங்குகளை மீட்டு அவற்றிற்குத் தேவையான கால்நடை மருத்துவச் சிகிச்சை அளிப்பது,

விலங்குகளைத் துன்புறுத்துபவர்கள் மீது சட்டப்படி (Prevention of Cruelty to Animals Act) நடவடிக்கை எடுப்பது உள்ளிட்டவை இந்த அமைப்பின் நோக்கமாகும்.

பொதுமக்களிடையே விலங்குகள் மீதான அன்பு மற்றும் பொறுப்பான நல்வளர்ப்பு குறித்து விழிப்புணர்வை ஏற்படுத்துவது.

இந்தியாவில் மத்திய அரசின் வழிகாட்டுதலின்படி, ஒவ்வொரு மாவட்டத்திலும் இந்தச் சங்கம் (District SPCA) மாவட்ட ஆட்சியரின் தலைமையில் செயல்பட்டு வருகிறது.

இந்த நிலையில், சேலத்தைச் சேர்ந்த பெருமாள் என்பவர் தான் இந்த அமைப்பை சார்ந்தவர் என்று கூறி, சேலம் மாவட்டம் காரிப்பட்டி அருகே உள்ள மின்னாம்பள்ளி மாட்டுச்சந்தைக்கு வரும் மாட்டு வியாபாரிகள் மற்றும் விவசாயிகள் வாகனங்களை ஆங்காங்கே தடுத்து நிறுத்தி ஒவ்வொரு வாகனத்துக்கும் 2000 ரூபாய் முதல் 3000 ரூபாய் வரை முறைகேடாக பணம் பெற்று வருவதாக அதிர்ச்சி தகவல் வெளியாகி உள்ளது. இது மட்டும் அல்லாமல் சேலம் பைபாஸ் வழியாக கேரளாவிற்கு இறைச்சிக்காக கொண்டு செல்லப்படும் வாகனங்களையும் தடுத்து நிறுத்தி வாகனத்திற்கு ஏற்றார் போல் பணம் வசூலிப்பது இவரது கூடுதல் ஸ்டைல்.

அதுமட்டுமல்லாமல், தான் Spca அமைப்பைச் சார்ந்தவர் என்றும் சற்று தொலைவில் காவல்துறையினர் வாகன சோதனையில் ஈடுபட்டுள்ளார்கள் என்று கூறுவதோடு, விவசாயிகளுக்கும் வியாபாரிகளுக்கும் உதவி செய்வதை போல் நடித்து பணம் கரப்பதும் இவரது வாடிக்கையாகவே உள்ளது. தனி மனிதராக வலம் வரும் பெருமாள் என்பவர் உண்மையிலேயே spca அமைப்பைச் சார்ந்தவர் தானா ? , இல்லை இந்த அமைப்பின் பெயரைச் சொல்லி போலியாக சட்டவிரோதமாக பணம் வசூலில் ஈடுபடுகிறாரா என்பது கேள்விக்குறியாகவே உள்ளது. இதனால் வியாபாரிகளும் விவசாயிகளும் மிகுந்த பாதிப்பிற்கு உள்ளாகி உள்ளனர் என்பது மட்டும் நிதர்சனம். 

மேலும் மாட்டு வியாபாரிகள் மற்றும் விவசாயிகள் பெருமளவு படிப்பறிவு இல்லாதவர்கள் என்ற ஒற்றை காரணத்தை மட்டுமே பயன்படுத்திக் கொண்டு துணிச்சலாகவும் அதிரடியாகவும் வசூல் வேட்டையில் ஈடுபட்டு வரும் சேலத்தைச் சேர்ந்த பெருமாள் என்பவர் கொண்டலாம்பட்டியில் இருந்து மின்னாம்பள்ளி வரை செல்லும் பைபாஸ் சாலையில், குறிப்பாக, சீலநாயக்கன்பட்டி மேம்பாலம் ஏறி இறங்கும் பகுதி, எருமாபாளையம் பகுதி எஸ் ஜே பிளாசா பகுதி, உடையாபட்டி ஜே சி பி முனியப்பன் கோவில் பகுதிகள் ஆகியவை பெருமாள் என்பவர் வாகனங்களை தடுத்து நிறுத்தி பண வசூல் வேட்டையில் ஈடுபடும் பகுதியாக நிர்ணயித்துள்ளார். 

 

இப்படி முறைகேடாகவும்,  சட்டவிரோதமாகவும் ஏன் மாவட்ட ஆட்சியர் தலைமையில் செயல்படும் இந்த அமைப்பைச் சார்ந்தவர் என்று கூறிக் கொள்ளும் பெருமாள் என்பவர், தனக்கு நெருக்கடியான நிலை என்று அவர் நினைக்கும் போது எப்படி சம்பந்தப்பட்ட பகுதிகளில் இருந்து மாயமாகின்றார் என்பது தற்பொழுது வரை புரியாத புதிராகவே உள்ளது. ஆகவே இவர் அந்த அமைப்பைச் சார்ந்த நபர் என்பது மட்டும் இல்லை என்பது ஊர்ஜிதம் ஆகிறது. மேலும் spca அமைப்பைச் சார்ந்தவர் என்று கூறுவதோடு, இவரது பண மோசடிக்கு காவல் துறையினரும் உடந்தையாக இருக்கின்றனரா என்பதும் கேள்விக்குறியாகவே உள்ளது. காரணம் தற்பொழுது வரை எந்த ஒரு மாட்டு வியாபாரியோ விவசாயியோ பண வசூல் வேட்டையில் ஈடுபடும் பெருமாள் என்பவர் மீது எந்த ஒரு புகார் பதிவு செய்யப்படவில்லை என்பது கூடுதல் தகவலாகவே உள்ளது. சேலம் மின்னாம்பள்ளி மாட்டுச்சந்தைக்கு வரும் மாட்டு மாட்டு வியாபாரிகள் மற்றும் விவசாயிகளை மட்டுமே குறிவைத்து பண வசூல் வேட்டையில் ஈடுபடும் பெருமாள் என்பவர் மீது இந்த அமைப்பின் தலைவராக செயல்படும் சேலம் மாவட்ட ஆட்சித் தலைவர் நடவடிக்கை எடுப்பாரா, தொடர் பாதிப்புகளை சந்தித்து வரும் விவசாய பெருமக்களின் நலனில் அக்கறை செலுத்துவாரா மாவட்ட ஆட்சித் தலைவர் ???.

பொறுத்திருந்து பார்ப்போம்.

Read more

சேலம் மாவட்ட விஸ்வகர்மா தச்சு தொழிலாளர்கள் முன்னேற்ற சங்கத்தின், எழுச்சியாக நடைபெற்ற 11 ஆம் ஆண்டு ஜெயந்தி விழா. மாவட்டம் தோறும் விஸ்வகர்மா தச்சு தொழிலாளர்களுக்கு என தனியாக தொழில் பூங்கா தமிழக அரசு அமைத்து தர வேண்டும் என்றும் கோரிக்கை.

சேலம், 

S.K. சுரேஷ்பாபு. 

சேலம் மாவட்ட விஸ்வகர்மா தச்சு தொழிலாளர்கள் முன்னேற்ற சங்கத்தின், எழுச்சியாக நடைபெற்ற 11 ஆம் ஆண்டு ஜெயந்தி விழா. மாவட்டம் தோறும் விஸ்வகர்மா தச்சு தொழிலாளர்களுக்கு என தனியாக தொழில் பூங்கா தமிழக அரசு அமைத்து தர வேண்டும் என்றும் கோரிக்கை.

அண்ட சராசரங்களின் நாயகனும், உலகைப் படைத்தவனும், சகல ஜீவராசிகளுக்கும் தலைவனும், பஞ்ச தொழில்களில் வல்லவனும், வேதங்களின் வடிவமும், சத்யோஜாதம், வாமதேவம், அகோரம், தத்புருஷம், ஈசானம் ஆகிய ஐந்து முகங்களைக் கொண்டவனும், விராட் புருஷனாக இருந்து நம்மையும் உலகையும் அருளுடன் காத்து ஆள்பவனுமான அந்த மகா புருஷனின் அவதாரத் திருநாளாக கொண்டாடப்பட்டு வரும் விஸ்வகர்மா ஜெயந்தி விழா சேலத்தில் வெகு சிறப்பாக நடைபெற்றது. சேலம் மாவட்டம் அஸ்தம்பட்டி விஸ்வகர்மா கட்சி தொழிலாளர்களின் முன்னேற்ற சங்கத்தின் சார்பில் நடைபெற்ற 11 ஆம் ஆண்டு ஜெயந்தி விழா சேலம் தமிழ் சங்கத்தில் நடைபெற்றது. 

விஸ்வகர்மா தச்சு தொழிலாளர்களின் தச்சு தொழில் வளம் பெருகவும், சிறப்பான வாழ்வு அமைய வேண்டிய நடைப்பெற்ற  இந்த விழாவிற்கு தலைவர் சுரேஷ் ஆச்சாரியார் தலைமை தாங்கினார். செயலாளர் கந்தசாமி ஆச்சாரியார், பொருளாளர் தினகரன் ஆச்சாரியார் மற்றும் அமைப்பாளர் தனசேகரன் ஆச்சாரியார் ஆகியோர் முன்னிலை வகித்த விழாவில், விஷ்வ தமிழ் கழகத்தின் மாநில தலைவர் சுடலைமுத்து ஆச்சாரி மற்றும் அருள்மிகு ஏகாம்பரேஸ்வரர் காமாட்சி அம்மன் திருக்கோவில் அறங்காவலர் குழு தலைவர் தில்லைகுமரன் ஆச்சாரி ஆகியோர் சிறப்பு அழைப்பாளர்களாக கலந்து கொண்டு விழாவினை தொடங்கி வைத்தனர். 

ஜெயந்தி விழாவில், 

சித்தர் கோவில் கிரிவலபாதை ஸ்ரீ ஜோடேஷன் பாலாத்ரிபுர சுந்தரி பீடத்தின் சிவகார்த்திகேயன் ஞானச்சாரி சுவாமிகள், சுகவனேஷ்வரன் சிவம்சுவாமிகள் மற்றும் மணிகண்ட சிவம் ஆச்சாரியார் முன்னின்று நடத்திய இந்த ஜெயந்தி விழாவில், ஸ்ரீ முந்தி நின்று செயல்களைத் தீர்மானித்து அளவற்ற பேரின்பத்தை அருளும் தெய்வங்களான  ஸ்ரீ கற்பக விநாயகர் வழிபாடு, புனிதமான யாகம், பஞ்சகவ்யம், ஆச்சார்ய பூஜை, யக்ஞோபவீத தாரணம், மகா சங்கல்பம், மகா கணபதி ஹோமம், சுதர்சன ஹோமம், அஷ்டலட்சுமி ஹோமம், நவக்கிரக ஹோமம், பூர்ணாஹுதி மற்றும் மகா தீபாராதனை ஆகியவை நடைபெற்றன. உனக்காக உற்சவர் ஸ்ரீ விராட் விஸ்வகர்மா புறப்பாடு சேலம் பெரமனூர் பகுதியில் உள்ள ஸ்ரீ சிதம்பர விநாயகர் ஆலயத்திலிருந்து மங்கள வாத்தியங்கள் முழங்க அந்தப் பகுதிகளின் முக்கிய வீதிகளின் வழியாக ஊர்வலம் நடைபெறும் பின்னர் சேலம் தமிழ்ச்சங்கத்தை அடைந்தது.

ஜெயந்தி விழா குறித்தும் விஸ்வகர்மா சமுதாய மக்களின் நலனுக்காகவும் தமிழக அரசே ஒவ்வொரு மாவட்டத்திலும் தொழில் பூங்காக்களை அமைப்பது போல ஐந்து தொழில்களை உள்ளடக்கிய விஸ்வகர்மா தொழிலாளர்களுக்கு என்று தனி இடம் ஒதுக்கி தொழிற் பூங்காக்களை அமைத்து தரவேண்டும் என்றும் ஐந்து தொழில்களை உள்ளடக்கிய விஸ்வகர்மா தொழிலாளர்களின் எதிர்கால முன்னேற்றத்தினை கருத்தில் கொண்டு தமிழக அரசு தனி நல வாரியம் அமைத்து தர வேண்டும் என்றும் சங்கத்தின் சட்ட ஆலோசகர் அப்பர் லக்ஷ்மணன் மற்றும் செயற்குழு உறுப்பினர் நாகராஜ் ஆகியோர் கோரிக்கை விடுத்தனர். இந்த ஜெயந்தி விழாவில் துணை தலைவர்கள் தொழில் செயலாளர் மற்றும் விழா குழு மகளிர் அணியினர் மற்றும் தமிழகத்தின் பல்வேறு மாவட்டங்களில் வந்திருந்த முக்கிய நிர்வாகிகள் சமூகத்தை சேர்ந்தவர்களின் ஏராளமானோர் கலந்து கொண்டனர்.

Read more

சேலம் நாலேஜ் டெக்னாலஜி கல்லூரியில் 'கலாம் உலக சாதனை' அமைப்பின் சார்பில் உலக மனநல தின நிகழ்ச்சி.

சேலம், 

S.K. சுரேஷ்பாபு. 

சேலம் நாலேஜ் டெக்னாலஜி கல்லூரியில் 'கலாம் உலக சாதனை' அமைப்பின் சார்பில் உலக மனநல தின நிகழ்ச்சி.

சேலம் நாலேஜ் டெக்னாலஜி கல்லூரியின் 'மனநலம் மற்றும் உணர்வுசார் நல்வாழ்வு மன்றம்' (Mental Health and Emotional Wellbeing Forum) சார்பில், உலக மனநல தினத்தை முன்னிட்டு அக்டோபர் 9-ஆம் தேதி "உணர்வுசார் தலைமைத்துவம்" (Emotional Leadership) என்ற தலைப்பில் இணையவழி மனநல விழிப்புணர்வு நிகழ்ச்சி நடைபெற்றது. 'யங் கலாம் வேர்ல்ட் ரெக்கார்ட்' (Young Kalam World Record) அமைப்புடன் இணைந்து நடத்தப்பட்ட இந்நிகழ்ச்சி, பல்வேறு தலைமுறையினரிடையே மனநலம் குறித்த விழிப்புணர்வை ஏற்படுத்துவதிலும், உணர்ச்சிகளைச் சிறப்பாகக் கையாள்வதற்கான திறன்களை வளர்ப்பதிலும் முக்கிய பங்காற்றியது.

மருத்துவ உளவியலாளர்களான டாக்டர் பாபு ரங்கராஜன் மற்றும் டாக்டர் ரோஜா ரமணி ஆகியோர் சிறப்பு விருந்தினர்களாகக் கலந்துகொண்டு மாணவர்களுக்குப் பயனுள்ள ஆலோசனைகளையும் வழிகாட்டுதல்களையும் வழங்கினர். மனதின் செயல்பாடுகளைப் புரிந்துகொள்ளுதல், உணர்வுசார் சிக்கல்கள் மற்றும் அடிமைத்தனம், மன அழுத்தம், பதற்றம் மற்றும் மனச்சோர்வு, உணர்ச்சிகளைக் கையாள்வதற்கான உத்திகள், உணர்வுசார் நுண்ணறிவை (emotional intelligence) வளர்த்தல் மற்றும் மன மற்றும் உணர்வுசார் நல்வாழ்வை மேம்படுத்துதல் உள்ளிட்ட பல்வேறு முக்கிய தலைப்புகள் இந்நிகழ்ச்சியில் விவாதிக்கப்பட்டன. தமிழ்நாடு முழுவதும் உள்ள மாணவர்கள் தங்கள் இருப்பிடங்களிலிருந்தே பங்கேற்கும் வகையில், இந்நிகழ்ச்சி இணையம் மற்றும் யூடியூப் (YouTube) வாயிலாக நேரலையாக ஒளிபரப்பப்பட்டது. 1000-க்கும் மேற்பட்ட மாணவர்கள் ஆர்வத்துடன் பங்கேற்றுப் பயனடைந்தனர். இந்நிகழ்ச்சியில் பங்கேற்ற மாணவர்களுக்குச் சான்றிதழ்கள் வழங்கப்பட்டன.

இளம் தலைமுறையினரின் மன மற்றும் உணர்வுசார் நல்வாழ்வை மேம்படுத்துவதை நோக்கமாகக் கொண்ட இந்நிகழ்ச்சியில் ஏராளமானோர் பங்கேற்றது குறித்துக் கல்லூரியின் முதல்வர் டாக்டர் விசாகவேல் மகிழ்ச்சி தெரிவித்தார்.

நாலேஜ் டெக்னாலஜி கல்லூரியின் நிறுவனர் மற்றும் நிர்வாகத் தலைவர் டாக்டர் பி. எஸ். சீனிவாசன், அறக்கட்டளையின் செயலாளர் டாக்டர் குமார் மற்றும் பொருளாளர் திரு. சுரேஷ் குமார் ஆகியோர் இந்நிகழ்ச்சியில் கலந்துகொண்டு சிறப்பித்தனர். மேலும், கல்லூரியின் இயக்குநர்கள், பல்வேறு துறைத் தலைவர்கள், பேராசிரியர்கள் மற்றும் மாணவர்கள் இந்நிகழ்ச்சியில் பங்கேற்றனர்.

Read more

சேலம் VIMS மருத்துவமனயில் இலவச அறுவை சிகிச்சை... மருத்துவமனையின் நிர்வாக இயக்குனர் டாக்டர் மீனாட்சி சுந்தரம் வேண்டுகோள்.

சேலம்,

S.K. சுரேஷ்பாபு.

சேலம் VIMS மருத்துவமனயில் இலவச அறுவை சிகிச்சை... மருத்துவமனையின் நிர்வாக இயக்குனர் டாக்டர் மீனாட்சி சுந்தரம் வேண்டுகோள்.

இது குறித்து சேலம் VIMS மருத்துவமனை நிர்வாகத்தின் சார்பில் அறிவிக்கப்பட்டுள்ள இந்த செய்தி குறிப்பில், 

முதலமைச்சரின் விரிவான மருத்துவக் காப்பீட்டுத் திட்டத்தின் கீழ் வழங்கப்படும் சிகிச்சைகளாக, 

ஆஞ்சியோபிளாஸ்டி (Angioplasty) , இதய வால்வு மாற்று அறுவை சிகிச்சை, பைபாஸ் அறுவை சிகிச்சை (Bypass Surgery) , நரம்பியல் சிகிச்சை (மூளை தொடர்பானவை ) , புற்றுநோய் அறுவை சிகிச்சை, இரைப்பை மற்றும் குடல் சார்ந்த அறுவை சிகிச்சைகள், எலும்பு மற்றும் மூட்டு மாற்று அறுவை சிகிச்சை, சிறுநீரகக் கல் மற்றும் சிறுநீரக மாற்று அறுவை சிகிச்சை, டயாலிசிஸ் (Dialysis), 24 மணி நேர அவசர அறுவை சிகிச்சை வசதி என்று மருத்துவமனை நிர்வாகத்தின் சார்பில் தெரிவிக்கப்பட்டுள்ளது.

மேலும், முன்பதிவு மற்றும் விவரங்களுக்கு:

0427-3509000 / 0427-2200000 எங்கள் மற்றும் 

 சேலம் விம்ஸ் மருத்துவமனை நிர்வாகத்தின் சார்பில் வெளியிடப்பட்டுள்ளது. தகுதி உடையவர்கள் இந்த வாய்ப்பை பயன்படுத்திக் கொள்ள சேலம் விம்ஸ் மருத்துவமனையின் நிர்வாகத்தின் சார்பில் கேட்டுக் கொல்லப்படுகிறது.

Read more

தமிழகத்தில் கள்ளு இரக்கி வருகின்ற நவம்பர் 2 ந் தேதி அன்று காலை 10 மணிக்கு தமிழகம் முழுவதும் உள்ள மாவட்ட காவல் கண்காணிப்பாளர் அலுவலகம் முன்பு கள்ளு விற்பனை செய்யப்படும். சங்க காலத்தில் தமிழர்கள் தினந்தோறும் கள்ளை உணவில் ஒரு பகுதியாக பருகி வந்துள்ளது குறித்து வரலாற்று குறிப்பு தெளிவு படுத்துகிறது என்பதனை விளக்கம் அளித்து தமிழக விவசாயிகள் சங்க மாநில தலைவர் R. வேலுச்சாமி அறிவிப்பு.

நாமக்கல்,

S.K. சுரேஷ் பாபு.

தமிழகத்தில் கள்ளு இரக்கி வருகின்ற நவம்பர் 2 ந் தேதி அன்று காலை 10 மணிக்கு  தமிழகம் முழுவதும் உள்ள மாவட்ட காவல் கண்காணிப்பாளர் அலுவலகம் முன்பு கள்ளு விற்பனை செய்யப்படும். சங்க காலத்தில் தமிழர்கள் தினந்தோறும் கள்ளை உணவில் ஒரு பகுதியாக பருகி வந்துள்ளது குறித்து வரலாற்று குறிப்பு தெளிவு படுத்துகிறது என்பதனை விளக்கம் அளித்து தமிழக விவசாயிகள் சங்க மாநில தலைவர் R. வேலுச்சாமி அறிவிப்பு.

இது குறித்து உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநிலத் தலைவர் R.வேலுச்சாமி வெளியில் உள்ள செய்தி குறிப்பில்,  

தமிழக விவசாயிகள் நிலத்தில் உள்ள பனை மற்றும் தென்னை மரங்களில் இருந்து, கலப்படம் இல்லாமல் இயற்கையான முறையில் இரக்கும் கள்ளுக்கு உண்டான தடையை தமிழ்நாடு அரசு நீக்க கோரி நாற்பது ஆண்டுகளுக்கு மேலாக தமிழக விவசாயிகள் அரசுக்கு கோரிக்கை வைத்து பலக்கட்ட போராட்டங்கள் தமிழகம் முழுவதும் நத்தப்பட்டு வருகிறது. தமிழக விவசாயிகளின் நிலத்தில் உள்ள தென்னை மற்றும் பனை மரத்தில் இருந்து இரக்கும் கள்ளுக்கு உண்டான தடையை நீக்க இதுவரையிலும் எந்தவிதமான நடவடிக்கையும்  தமிழ்நாடு அரசு எடுக்க வில்லை.

தமிழகத்தை ஒட்டியுள்ள கேரளா மாநிலம், பாண்டிச்சேரி,ஆந்திர மாநிலம், கர்நாடகா,தெலுங்கான ஆகிய மாநிலங்களில் கள்ளுக்கு தடையில்லை தமிழகத்தில் மட்டும் தென்னை மற்றும் பனை மரத்தில் இருந்து இரக்கும் கள்ளை கலப்படம் என்று சொல்லி, நோய் பிணியை போக்கும் அரு மருந்தாக உள்ள கள்ளுக்கு தமிழ்நாடு அரசு தடை விதித்துள்ளது. நாட்டுக்கு வீட்டுக்கு மனித உயிருக்கு ஆபத்தை விளைவிக்கும் மதுவுக்கு தமிழ்நாடு அரசு முக்கியத்துவம் கொடுத்து, போதை கலாச்சாரத்தால் இளைய சமுதாயம் சீர்கெட்டு, தமிழகத்தில் பாலியியல் குற்றங்கள் நாள்தோறும் தமிழகத்தில் அதிகரித்து கொண்டே உள்ளது. 

சங்க காலத்தில் தமிழர்கள் தினந்தோறும் கள்ளை உணவில் ஒரு பகுதியாக பருகி வந்துள்ளது குறித்து வரலாற்று குறிப்பு தெளிவு படுத்துகிறது. கள்ளுக்கு உண்டான தடையை தமிழ்நாடு அரசு நீக்காததை கண்டித்து, தமிழக விவசாயிகள் அவர் அவர் நிலத்தில் உள்ள தென்னை மற்றும் பனை மரங்களில் இருந்து கள்ளு கட்டி, கள்ளு இரக்கி வருகின்ற நவம்பர் 2 ந் தேதி அன்று காலை 10 மணிக்கு  தமிழகம் முழுவதும் உள்ள மாவட்ட காவல் கண்காணிப்பாளர் அலுவலகம் முன்பு கள்ளு விற்பனை செய்யப்படும் என்பதை உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் சார்பில் இந்த அறிக்கையின் வாயிலாக தமிழ்நாடு அரசுக்கு நினைவுட்டுகிறேன் என்றும் உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநில தலைவர் R. வேலுச்சாமி குறிப்பிட்டுள்ளார்.

Read more

தமிழக விவசாயிகளுக்கு எதிராக மேகதாட்டில் அணை கட்டுவதற்கு அடிக்கல் நாட்டும் விவகாரம். அணை கட்டுவதை தடுத்து நிறுத்தி துவம்சம் செய்து ரத்தம் சிந்தவும் தமிழக விவசாயிகள் தயங்கமாட்டார்கள். தமிழக விவசாயிகள் சங்க மாநிலத் தலைவர் ஆர் வேலுச்சாமி ஆவேச எச்சரிக்கை.

நாமக்கல், 

S.K. சுரேஷ் பாபு. 

தமிழக விவசாயிகளுக்கு எதிராக மேகதாட்டில் அணை கட்டுவதற்கு அடிக்கல் நாட்டும் விவகாரம். 

அணை கட்டுவதை தடுத்து நிறுத்தி துவம்சம் செய்து ரத்தம் சிந்தவும்  தமிழக விவசாயிகள் தயங்கமாட்டார்கள். தமிழக விவசாயிகள் சங்க மாநிலத் தலைவர் ஆர் வேலுச்சாமி ஆவேச எச்சரிக்கை.

தமிழக டெல்டா மாவட்ட விவசாயிகளின் ஜீவாதாரமான மேட்டூர் அணைக்கான நீர்வரத்தை முற்றிலுமாக தடுத்து நிறுத்தும் வகையில் கர்நாடகா அரசு மேகதாதுவில் அணைக்கட்டும் முயற்சிக்கு எதிர்ப்பு தெரிவித்து உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் பல்வேறு போராட்டங்களை அறிவித்து அதனை தமிழக கர்நாடக எல்லைப் பகுதியில் மேற்கொண்டு வருவது அனைவரும் அறிந்ததே. அதிலும் குறிப்பாக கடைசியாக அத்து மீறி காவிரி பங்கீட்டு நீரை கர்நாடகா அணைகளில் இருந்து தமிழக விவசாயிகள்  திறப்பதற்காக,  நடைபெற்ற  போராட்டத்தின் போது ஒரு புறத்தில் தமிழக விவசாயிகள் சங்க மாநில தலைவர் வேலுச்சாமி தலைமையிலான தமிழக விவசாயிகளும்,  மற்றொருபுரத்தில் வட்டாள் நாகராஜ் தலைமையிலான கர்நாடக விவசாயிகளும் போராட்டம் மேற்கொண்டது தமிழக கர்நாடக எல்லைப் பகுதியில் மிகப்பெரிய ஒரு பதற்றத்தை உருவாக்கியது என்றே கூறலாம். இந்த நிலையில், மேகதாதுவில் அணை கட்ட வரும் மார்ச் மாதத்திற்குள் அடிக்கல் நாட்டப்படும் என கர்நாடக அமைச்சர் செல்வராயசாமி உறுதி தெரிவித்துள்ளதோடு, அணை கட்டுவதற்கான அனைத்து தொழில்நுட்ப பணிகள் அனைத்தும்  நிறைவடைந்து விட்டதாகவும் தகவல் தெரிவித்துள்ளது தமிழக விவசாயிகளிடையே மிகப் பெரிய ஒரு கொந்தளிப்பை ஏற்படுத்தி உள்ளது என்பது மட்டும் நிதர்சனம். இதனிடையே மேகதாது அணை கட்டும் விவகாரம் தொடர்பாக உச்ச நீதிமன்ற தீர்ப்பை தற்போது வரை மதிக்காமலும், தமிழகத்திற்கான காவிரி பங்கீட்டு நீரை முறைப்படி வழங்க காவிரி ஒழுங்காற்று குழு ஆணையம் வழங்கிய தீர்ப்பை மதிக்காமலும் செயல்பட்டு வரும் கர்நாடக அரசின் இந்த தமிழக விவசாயிகளின் விரோத போக்கை கண்டித்து உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநிலத் தலைவர்R.  வேலுச்சாமி தெரிவித்துள்ள ஆவேச எச்சரிக்கை அறிக்கையில்,  

கர்நாடகா அரசு தமிழக விவசாயிகளுக்கு எதிராக மேகதாட்டில் அணை கட்டினால் அதனை துவம்சம் செய்ய தமிழக விவசாயிகளை அணி திரட்டி படையெடுத்து மேகதாட்டில்  அணை கட்டுவதை தடுத்து நிறுத்துவோம் என்றும் தமிழக விவசாயிகளின் நலனுக்கு எதிராக, மீறி அணை கட்டினால் தடுப்பதற்காக போராட்ட வடிவில் ரத்தம் சிந்தவும் தமிழக விவசாயிகள் தயங்கமாட்டார்கள் என கர்நாடக அரசுக்கு உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் மாநிலத் தலைவர் R.வேலுச்சாமி மீண்டும் மீண்டும் எச்சரிக்கை விடுவதாக ஆவேசத்துடன் அறிவித்துள்ளார்.

Read more

தாராபுரம் இடைத்தேர்தலில் விவசாயிகளின் வாக்குகளை பெறவேண்டும். விஞ்ஞான நாடக கம்பெனியின் நடிப்பின் தலைவரும் த.வெ.க தலைவருமான தமிழக முதல்வர் ஜோசப் விஜய் நடத்தும் கபட நாடகம் தான். திருப்பூரில் நடைபெற்ற கட்சி பிரச்சார கூட்டத்தில் விவசாயிகளின் வியர்வையை துடைக்கும் பச்சை துண்டு அணிந்து அமைச்சர்கள் கலந்து கொண்டது குறித்து, தமிழக விவசாயிகள் சங்க மாநிலத் தலைவர் R. வேலுச்சாமி காட்டம்.

 நாமக்கல்,

S.K. சுரேஷ்பாபு.

தாராபுரம் இடைத்தேர்தலில் விவசாயிகளின் வாக்குகளை  பெறவேண்டும். விஞ்ஞான நாடக கம்பெனியின் நடிப்பின் தலைவரும் த.வெ.க தலைவருமான  தமிழக முதல்வர் ஜோசப் விஜய் நடத்தும் கபட நாடகம் தான். திருப்பூரில் நடைபெற்ற கட்சி பிரச்சார கூட்டத்தில் விவசாயிகளின் வியர்வையை துடைக்கும் பச்சை துண்டு அணிந்து அமைச்சர்கள்  கலந்து கொண்டது குறித்து, தமிழக விவசாயிகள் சங்க மாநிலத் தலைவர் R. வேலுச்சாமி காட்டம்.

தமிழக விவசாயிகளின் பல்வேறு கோரிக்கைகளை அரசுக்கு வலியுறுத்தியபோதும், மேற்கொண்ட போராட்டங்களுக்கு எந்த விதமான பதிலும் இல்லாததாலும், தமிழக விவசாயிகளின் நலனில் அக்கறை இல்லாத செவியேற்ற அரசாக விளங்கி வருகிறது என்று டி.வி.கே தலைமையிலான தமிழக அரசை உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநிலத் தலைவர் R. வேலுச்சாமி ஏற்கனவே விமர்சித்து இருந்த நிலையில், தமிழகத்தில் நடைபெறும் இரண்டு சட்டமன்ற தொகுதி இடைத்தேர்தல்களில் டி.வி.கே விற்கு எதிராக தமிழக விவசாயிகள் சங்கம் பிரச்சாரம் மேற்கொள்ளும் என்று ஏற்கனவே அறிவிப்பு வெளியிட பட்டிருந்தது. விவசாயிகள் எப்பொழுதும் பச்சைத் துண்டு அணிந்து கூட்டங்கள் மற்றும் போராட்டங்களில் கலந்து கொள்வது வழக்கம். 

ஏற்கனவே தமிழக விவசாயிகளின் நலனில் அக்கறையில்லாத, டி.வி.கே தலைமையிலான அரசின் அமைச்சர்கள் சிலர், தாராபுரம் சட்டமன்ற தொகுதி இடைத்தேர்தல் பிரச்சாரத்திற்காக திருப்பூரில் நடைபெற்ற பொதுக்கூட்டத்தில், எந்தவிதமான குற்ற உணர்ச்சியும் இல்லாமல், தமிழக விவசாயிகளின் நலனை முழுமையாக பூர்த்தி செய்து கொடுக்காமல், எதன் அடிப்படையில் விவசாயிகளுக்கே உரித்தான பச்சை துண்டை அணிந்து மேடையில் பங்கேற்றது தமிழக விவசாயிகளிடையே மிகப் பெரிய ஒரு கொந்தளிப்பை ஏற்படுத்தி உள்ளது. 

இதுகுறித்து உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநில தலைவர் R. வேலுச்சாமி வெளியிட்டுள்ள செய்தி குறிப்பில், 

தமிழக விவசாயிகளின் அடையாளத்தை கொச்சைப்படுத்தும் விதமாக மேடையில் பங்கேற்ற அமைச்சர்களுக்கு தனது கண்டனத்தை பதிவு செய்துள்ள அவர், ஆனைமலைஆறு மற்றும் நல்லாறு திட்டம் நிறைவேறினால், ஈரோடு கோவை மற்றும் திருப்பூர் மாவட்ட விவசாய தேவைகள் பூர்த்தியாகும் என அமைச்சர்கள் பேசியது ஏற்புடையதாக இல்லை என்றும் மாறாக இந்த விவகாரம் தொடர்பாக கேரள அமைச்சரை நாளை சந்திக்க உள்ளதாகவும் அந்த பிரச்சாரக் கூட்டத்திலேயே அமைச்சர்கள் தெரிவித்துள்ளனர் என்பது கேலிக்கூத்தானது என்றும் தாராபுரம் இடைத்தேர்தலில் விவசாயிகளின் வாக்குகளை  பெறவேண்டும் என்பதற்காக விஞ்ஞான நாடக கம்பெனியின் நடிப்பின் தலைவரும் த.வெ.க கட்சி தலைவருமான  தமிழக முதல்வர் ஜோசப் விஜய் நடத்தும் கபட நாடகம் தான் இது என்று  திருப்பூரில் நடைபெற்ற கட்சி பிரச்சார கூட்டத்தில், விவசாயிகளின் அடையாளமானதும், அவர்களின் வியர்வையை துடைக்கும்   பச்சை துண்டுகளை  அணிந்து கலந்து கொண்ட அமைச்சர்கள்  குறித்து, தமிழக விவசாயிகள் சங்க மாநிலத் தலைவர் R. வேலுச்சாமி தனது காட்டமான தகவலை பதிவிட்டுள்ளார்.

 

Read more