ஈரோடு மக்கள் குறைதீர் கூட்டத்தில் பொதுமக்களிடம் இருந்து 352 மனுக்களை பெற்று குறைகளை கேட்டறிந்த ஆட்சியர்

ஈரோடு மாவட்ட ஆட்சியரக கூட்டரங்கில், வாராந்திர மக்கள் குறைதீர்க்கும் நாள் கூட்டம் மாவட்ட ஆட்சியர் ராஜ கோபால் சுன்கரா தலைமையில் இன்று (பிப்.24) நடைபெற்றது. இந்த குறைதீர்க்கும் நாள் கூட்டத்தில் வீட்டுமனை பட்டா, பட்டா மாறுதல், முதியோர் உதவித்தொகை, மாற்றுத்திறனாளிகள் உதவித்தொகை, ஆக்கிரமிப்புகள் அகற்றுதல், சாலை, குடிநீர் மற்றும் காவல் துறை நடவடிக்கை உள்ளிட்ட பல்வேறு கோரிக்கைகள் குறித்து மொத்தம் 352 மனுக்கள் வரப்பெற்றன.

பொதுமக்கள் அளித்த பல்வேறு கோரிக்கை மனுக்களை மாவட்ட ஆட்சியர் பெற்று உரிய துறை அலுவலர்களிடம் வழங்கி அவற்றின் மீது உடனடி நடவடிக்கை எடுத்திட உத்தரவிட்டார். மேலும், முதலமைச்சர் தனிப்பிரிவு மனுக்கள், மக்கள் குறைதீர்க்கும் நாள் கூட்டத்தில் பெறப்பட்ட மனுக்கள் மீது மேற்கொள்ளப்பட்ட நடவடிக்கைகள் குறித்து ஆய்வு மேற்கொண்டார்.

இக்கூட்டத்தில், மாவட்ட வருவாய் அலுவலர் சு.சாந்த குமார், தனித்துணை ஆட்சியர் (ச.பா.தி) செல்வராஜ், மாவட்ட வழங்கல் அலுவலர் ராம்குமார், மாவட்ட ஆதிதிராவிடர் மற்றும் பழங்குடியினர் நல அலுவலர் ராஜகோபால், மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலர் சக்திவேல் உட்பட அனைத்துத்துறை அலுவலர்கள் கலந்து கொண்டனர்.

Read more

சேலம் மாவட்ட குற்றவியல் வழக்கறிஞர்கள் சங்கத்தின் பொன்விழா ஆண்டு விழா. SDCBA தலைவர் இமயவர்மபன் முன்னாள் உச்ச நீதிமன்ற நீதிபதி அவர்களுக்கு நேரில் அழைப்பு.

சேலம்.

S.K. சுரேஷ்பாபு.

சேலம் மாவட்ட குற்றவியல் வழக்கறிஞர்கள் சங்கத்தின் பொன்விழா ஆண்டு விழா. SDCBA தலைவர் இமயவர்மபன் முன்னாள் உச்ச நீதிமன்ற நீதிபதி அவர்களுக்கு நேரில் அழைப்பு.

சேலம் மாவட்ட குற்றவியல் வழக்கறிஞர்கள் சங்கத்தின் பொன் விழா ஆண்டு சேலத்தில் விரைவில் நடைபெற உள்ளது. இதற்கான அழைப்புகள் அனைத்தும் சேலம் மாவட்ட குற்றவியல் வழக்கறிஞர்கள் சங்கத்தின் தலைவர் இமயவரம்பன் தலைமையிலான நிர்வாகிகள் சேலம் மாவட்ட முதன்மை நீதிபதி உட்பட சார்பு நீதிபதிகள் மற்றும் வழக்கறிஞர்கள் அனைவருக்கும் நேரில் சென்று அழைப்பிதழ்களை கொடுத்து வரவேற்று வருகின்றனர். 

இந்த நிலையில் SDCBA தலைவர் இமயவர்மன் தலைமையில்,  சங்க நிர்வாகிகள் இன்று முன்னாள் உச்ச நீதிமன்ற தலைமை நீதிபதி திரு .சதாசிவம் அவர்களை அவர் இல்லத்தில் நேரில் சந்தித்து, சேலம் மாவட்ட குற்றவியல் வழக்கறிஞர்கள் சங்க பொன் விழாவிற்க்கு அழைப்பு விடுத்தனர். போற்றுதலுக்குரிய மாண்பமை பொருந்திய முன்னாள் உச்ச நீதிமன்ற நீதிபதி திரு சதாசிவம் அவர்களும் பொன்விழா ஆண்டில் கலந்து கொள்வதாக  உறுதியளித்தார். 

அப்போது சங்க நிர்வாகிகளான செயலாளர் முருகன்,  பொருளாளர் கண்ணன் மற்றும்  துனைச்செயலாளர் இரத்தினவேல் ஆகீயோர் உடனிருந்தனர்.

Read more

ஈரோடு மாவட்டத்தில் பறவைக்காய்ச்சல் குறித்து பொதுமக்கள் அச்சம் கொள்ள வேண்டாம்: மாவட்ட ஆட்சியர் தகவல்

ஈரோடு மாவட்டத்தில் பறவைக்காய்ச்சல் குறித்து பொதுமக்கள் அச்சம் கொள்ள வேண்டாம் என்று மாவட்ட ஆட்சியர் ராஜ கோபால் சுன்கரா தகவல் தெரிவித்துள்ளார்.

இதுதொடர்பாக ஈரோடு மாவட்ட ஆட்சியர் ராஜ கோபால் சுன்கரா வெளியிட்டுள்ள செய்திக்குறிப்பில் கூறியிருப்பதாவது:- 

ஆந்திரா மாநிலம், மேற்கு கோதாவரி, கிழக்கு கோதாவரி மற்றும் கர்நூல் பகுதியில் கோழி மற்றும் வாத்துகளில் பறவைக்காய்ச்சல் நோய்க்கிளர்ச்சி ஏற்பட்டதை தொடர்ந்து, ஈரோடு மாவட்டத்தில் பறவைக்காய்ச்சல் நோய் பரவாமல் தடுப்பதற்கு கால்நடை பராமரிப்புத்துறை மூலம் முன்னெச்சரிக்கை தடுப்பு நடவடிக்கைகள் மேற்கொள்ளப்பட்டு வருகிறது.

பறவைக்காய்ச்சல் நோய் பறவை இனங்களை தாக்கும் இன்புளுயன்சா-ஏ என்ற வகையை சார்ந்த ஒரு வைரஸ் தொற்று நோய். இந்த நோய் Avian Influenza - Bird Flu என அழைக்கப்படுகிறது. பறவைக்காய்ச்சல் வைரஸ் கிருமிகள் பல வகைகள் இருந்தாலும் எச்5என்1 என்ற வகை வைரஸ் கிருமி அதிக வீரியம் வாய்ந்தது.

இந்நோய் கோழி, வாத்து, வான்கோழி நீர் பறவைகள் மற்றும் வனப்பறவைகள் ஆகியவற்றை முக்கியமாக தாக்கும். நோய் பாதித்த பண்ணைகளின் இறந்த கோழிகள், கோழிக்கழிவுகள், பண்ணை உபகரணங்கள் மற்றும் கோழித்தீவனம் மூலமாக இந்நோய் பரவுகிறது. இந்நோய் வராமல் தடுக்க நோய் தடுப்பு முறைகளையும், உயிர் பாதுகாப்பு (Blo Security) முறைகளையும் பின்பற்ற வேண்டும்.

கால்நடை பராமரிப்புத்துறை மூலம் மேற்கொள்ளப்படும் நடவடிக்கைள்:-

ஈரோடு மாவட்டத்தில் உள்ள 65 முட்டை கோழிப்பண்ணைகளில் 32.40 லட்சம் முட்டை கோழிகளும், 568 கறிக்கோழி பண்ணைகளில் 27.50 லட்சம் கறிக்கோழிகளும், 56 நாட்டுக்கோழி பண்ணைகளில் 2.30 லட்சம் நாட்டுக்கோழிகளும் உள்ளன.

ஈரோடு மாவட்டத்திலுள்ள அனைத்து கோழிப்பண்ணைகள், வாத்து பண்ணைகள் மற்றும் புறக்கடை கோழிகளில் எச்சம் மாதிரிகள், இரத்த மாதிரிகள் சேகரிக்கப்பட்டு வைரஸ் நோய் தாக்கம் குறித்த பரிசோதனை மேற்கொள்ளப்பட்டும்.

வெள்ளோடு பறவைகள் சரணாலயத்தினை தினமும் பார்வையிட்டு பறவைகளில் நோய் அறிகுறி தென்படுகிறதா எனவும் ஈரோடு கோழி நோய் ஆராய்ச்சி ஆய்வுக்கூடம் மூலம் தீவிரமாக கண்காணிக்கப்பட்டு வருகிறது.

மேலும் நோய் தடுப்பு நடவடிக்கைள் மேற்கொள்ள 50 அதிவிரைவு செயலாக்க குழுக்கள் (RRT-Rapid Response Team) அமைக்கப்பட்டு தயார் நிலையில் உள்ளது. பிரதிவாரம் திங்கட்கிழமை மாவட்ட அளவிலான பறவைக்காய்ச்சல் கண்காணிப்புக்குழு கூட்டம் நடைபெறுகின்றது. அத்துடன் கோழிப்பண்ணையாளர்களுக்கு பறவைக்காய்ச்சல் விழிப்புணர்வு ஏற்படுத்தப்பட்டு வருகின்றது.

எனவே ஈரோடு மாவட்டத்தில் பறவைக்காய்ச்சல் குறித்து பொதுமக்கள் அச்சம் கொள்ள வேண்டாம். இவ்வாறு அதில் கூறப்பட்டுள்ளது.

Read more

ஈரோட்டில் சமுதாய வளைகாப்பு விழா: அமைச்சர் முத்துசாமி 110 கர்ப்பிணி தாய்மார்களுக்கு சீர்வரிசை பொருட்களை வழங்கினார்!

ஈரோட்டில் சமுதாய வளைகாப்பு விழா: அமைச்சர் முத்துசாமி 110 கர்ப்பிணி தாய்மார்களுக்கு சீர்வரிசை பொருட்களை வழங்கினார்!

ஈரோடு மாவட்டம் மேட்டுக்கடை தங்கம் மஹாலில் சமூக நலன் மற்றும் மகளிர் உரிமைத்துறை, ஒருங்கிணைந்த குழந்தை வளர்ச்சி பணிகள் திட்டம் சார்பில், சமுதாய வளைகாப்பு விழா இன்று (பிப்.24) நடைபெற்றது. இந்த விழாவினை வீட்டுவசதி மற்றும் நகர்ப்புற வளர்ச்சித்துறை அமைச்சர் சு.முத்துசாமி துவக்கி வைத்தார். பின்னர், 110 கர்ப்பிணி தாய்மார்களுக்கு சீர்வரிசை பொருட்களை அவர் வழங்கினார்.

அதன்பின்னர், அவர் செய்தியாளர்களிடம் தெரிவித்ததாவது, தமிழ்நாடு முதலமைச்சர் சமூக நலன் மற்றும் மகளிர் உரிமைத்துறைக்காக பல்வேறு திட்டங்களை அறிவித்து செயல்படுத்தி வருகிறார்.

அந்த வகையில், ஈரோடு மாவட்டத்தில் சமூக நலன் மற்றும் மகளிர் உரிமைத்துறை ஒருங்கிணைந்த குழந்தை வளர்ச்சிப் பணிகள் சார்பில் சமுதாய வளைகாப்பு விழா நடைபெற்று வருகிறது. ஒரு குழந்தையின் வளர்ச்சி, கருவாக உருவான நாளிலிருந்தே ஆரம்பமாகிறது.

இதனை, மனதிற்கொண்டு கர்ப்பிணி பெண்கள், கர்ப்ப காலத்தில் மகிழ்ச்சியாகவும், ஆரோக்கியமாகவும் இருந்தால்தான், அவர்களுக்கு பிறக்கும் குழந்தை ஆரோக்கியமான, அறிவான குழந்தையாக இருக்கும் என்பதற்காக ஏற்படுத்தப்பட்ட அறிவியல் பூர்வமான நிகழ்ச்சியாகும்.

வசதி வாய்ப்பு குறைவால் இந்த நிகழ்ச்சியை நடத்த முடியாத குடும்பத்தில் உள்ள கர்ப்பிணிகளுக்கு இந்த வாய்ப்பும் நன்மையும் கிடைக்காமல், அவர்களின் குழந்தைகள் பாதிக்கப்பட கூடாது என்ற தொலை நோக்கு பார்வையுடன் செயல்படுத்தப்பட்டு வரும் சிறப்பான திட்டம் இந்த வளைகாப்பு திட்டமாகும். சாதி மத வேறுபாடின்றி அனைத்து கர்ப்பிணி தாய்மார்களும் இந்த திட்டத்தால் பயன் பெற்றுள்ளனர்.

ஈரோடு மாவட்டத்தில் 15 வட்டாரங்களில் சுமார் 1,500 கர்ப்பிணிகளுக்கு சமுதாய வளைகாப்பு விழா நடத்தப்படுகிறது. இதன் ஒரு பகுதியாக, 110 கர்ப்பிணி தாய்மார்களுக்கு சமுதாய வளைகாப்பு விழா துவக்கி வைக்கப்பட்டு, கர்ப்பிணி தாய்மார்களுக்கு சீர்வரிசையாக தட்டு, பழம், வளையல், பூ, மஞ்சள், குங்குமம் மற்றும் 5 வகை உணவுடன் மதிய உணவு வழங்கப்படுகிறது என தெரிவித்தார்.

இவ்விழாவில், மாவட்ட ஆட்சியர் ராஜ கோபால் சுன்கரா, மாநிலங்களவை உறுப்பினர் அந்தியூர்.ப.செல்வராஜ், ஈரோடு நாடாளுமன்ற உறுப்பினர் கே.இ.பிரகாஷ், சட்டமன்ற உறுப்பினர்கள் வி.சி.சந்திரகுமார் (ஈரோடு கிழக்கு), ஏ.ஜி.வெங்கடாசலம் (அந்தியூர்), ஈரோடு மாநகராட்சி மேயர் சு.நாகரத்தினம் சுப்பிரமணியம், துணை மேயர் வே.செல்வராஜ், மாவட்ட ஒருங்கிணைந்த குழந்தை வளர்ச்சி பணிகள் திட்ட அலுவலர் ஐ.பூங்கோதை, ஈரோடு வருவாய் வட்டாட்சியர் முத்துகிருஷ்ணன் உட்பட துறை சார்ந்த அலுவலர்கள் ஆகியோர் கலந்து கொண்டனர்.

Read more

ஈரோடு சோலாரில் முதல்வர் மருந்தகம் திறப்பு: அமைச்சர் முத்துசாமி விற்பனையை துவக்கி வைத்தார்!

ஈரோடு சோலார் பேருந்து நிலையம் எதிரே அமைக்கப்பட்டுள்ள முதல்வர் மருந்தகம் திறப்பு விழாவில் கலந்து கொண்டு, மருந்துகள் விற்பனையை அமைச்சர் முத்துசாமி இன்று (பிப்.24) தொடங்கி வைத்தார்.

சென்னை மாவட்டம் கோட்டூர்புரம், அண்ணா நூற்றாண்டு நூலகக் கலையரங்கில், கூட்டுறவுத் துறையின் சார்பில் பொதுமக்களுக்கு மருந்துகளை குறைந்த விலையில் கிடைக்கச் செய்யும் வகையில் தமிழ்நாடு முழுவதும் 1000 முதல்வர் மருந்தகங்களை முதல்வர் மு.க.ஸ்டாலின் காணொலி காட்சி வாயிலாக இன்று (பிப்.24) திறந்து வைத்தார்.

இதனைத் தொடர்ந்து, ஈரோடு மாவட்டம் சோலார் பேருந்து நிலையம் எதிரே அமைக்கப்பட்டுள்ள முதல்வர் மருந்தகம் திறப்பு விழாவில் வீட்டுவசதி மற்றும் நகர்ப்புற வளர்ச்சித்துறை அமைச்சர் சு.முத்துசாமி கலந்து கொண்டு, மருந்துகள் விற்பனையை தொடங்கி வைத்தார்.

பின்னர், அவர் செய்தியாளர்களிடம் தெரிவித்ததாவது, தமிழ்நாடு முதலமைச்சர் சுதந்திர தின விழாவில் சாதாரண பொதுமக்களுக்கு குறைந்த விலையில் மருந்துகள் கிடைக்கும் வகையில் முதல்வர் மருந்தகம் அமைக்கப்படும் என தெரிவித்தார்.

அதனடிப்படையில், தமிழ்நாடு முதலமைச்சர் சென்னையில் இருந்து காணொலி காட்சி வாயிலாக தமிழகம் முழுவதும் 1000 முதல்வர் மருந்தகங்களை திறந்து வைத்துள்ளார்.

அந்த வகையில் ஈரோடு மாவட்டத்தில் மட்டும் 36 மருந்தகங்கள் திறந்து வைக்கப்பட்டுள்ளது. இதில் 22 மருந்தகங்கள் கூட்டுறவு சங்கள் மூலமாகவும், 14 மருந்தகங்கள் தனியார் மூலமாகவும் செயல்படவுள்ளது.

இதில் ஈரோடு வட்டத்தில் -11, மொடக்குறிச்சி வட்டத்தில் 5, கொடுமுடி வட்டத்தில் - 1, பெருந்துறை வட்டத்தில் -2, கோபி வட்டத்தில் -7, நம்பியூர் வட்டத்தில் - 2, அந்தியூர் வட்டத்தில் -1, பவானி வட்டத்தில்-3, சத்தி வட்டத்தில்-4 ஆக மொத்தம் 36 முதல்வர் மருந்தகங்கள் செயல்படவுள்ளது.

இந்த மருந்தகங்கள் மூலம் இங்கு ஜெனரிக் மருந்துகள் 20 சதவீதம் முதல் 90 சதவீதம் வரை தள்ளுபடி விலையில் மிகக் குறைவான விலையிலும் பிற மருந்துகளுக்கு கூடுதலாக 25 சதவீதம் வரை தள்ளுபடி விலையிலும் வழங்கப்பட உள்ளது.

தற்போது துவங்கப்பட்டுள்ள முதல்வர் மருந்தகங்களில் ஏறத்தாழ 216 வகையான மருந்துகள் கிடைக்கின்ற வகையில் ஏற்பாடு செய்யப்பட்டுள்ளது. இத்திட்டம் தமிழ்நாடு மக்களிடையே மிகுந்த வரவேற்பை பெறும் வகையில் அமைந்துள்ளது.

தமிழ்நாடு முழுவதும் இதற்கென தனியாக சேமிப்பு கிடங்குகள் அமைக்கப்பட்டு, 48 மணி நேரத்திற்குள் மருந்தகங்களுக்கு மருந்துகள் அனுப்பி வைக்கப்படுகிறது என தெரிவித்தார்.

இந்நிகழ்ச்சியில், மாவட்ட ஆட்சியர் ராஜ கோபால் சுன்கரா, மாநிலங்களவை உறுப்பினர் அந்தியூர்.ப.செல்வராஜ், ஈரோடு நாடாளுமன்ற உறுப்பினர் கே.இ.பிரகாஷ், சட்டமன்ற உறுப்பினர்கள் வி.சி.சந்திரகுமார் (ஈரோடு கிழக்கு), ஏ.ஜி.வெங்கடாசலம் (அந்தியூர்), ஈரோடு மாநகராட்சி மேயர் சு.நாகரத்தினம் சுப்பிரமணியம், துணை மேயர் வே.செல்வராஜ், கூட்டுறவு சங்கங்களின் இணைப்பதிவாளர் க.ராஜ்குமார், துணைப்பதிவாளர் ஜி.காலிதாபானு உட்பட தொடர்புடைய துறை அலுவலர்கள் கலந்து கொண்டனர்.

Read more

சேலத்தில் விசிக பிரமுகர்களால் மிகப் பெரிய பொருட்டு அளவில் வடிவமைக்கப்பட்ட சுவர் விளம்பரம் சேதம் செய்த விவகாரம். சம்பந்தப்பட்டவர்கள் யாராக இருந்தாலும் விசிக உட்பட இரும்பு கரம் கொண்டு கைது செய்து நடவடிக்கை எடுக்க வேண்டும். விசிக சேலம் மாநகர் மாவட்ட துணைச் செயலாளர் திருமதி காயத்ரி முக்கிய நிர்வாகிகளுடன் COP அலுவலகத்தில் புகார் மனு.

சேலம்.

S.K. சுரேஷ்பாபு. 

சேலத்தில் விசிக பிரமுகர்களால் மிகப் பெரிய பொருட்டு அளவில் வடிவமைக்கப்பட்ட சுவர் விளம்பரம் சேதம் செய்த விவகாரம்.  சம்பந்தப்பட்டவர்கள் யாராக இருந்தாலும் விசிக உட்பட  இரும்பு கரம் கொண்டு கைது செய்து நடவடிக்கை எடுக்க வேண்டும். விசிக சேலம் மாநகர் மாவட்ட துணைச் செயலாளர் திருமதி காயத்ரி முக்கிய நிர்வாகிகளுடன் COP அலுவலகத்தில் புகார் மனு. 

சேலம் வடக்கு மாவட்ட விசிக சார்பில் சேலம் மணல்மேடு மற்றும் பாரதி வித்யாலயா பள்ளி இடைப்பட்ட பகுதியில் மிகப்பிரமாண்டமான அளவில் அதிகப்படியான பொருட்செலவில் அண்ணல் அம்பேத்கரின் பிறந்தநாள் விழாவையொட்டி விடுதலை சிறுத்தைகள் கட்சியின் நிறுவன தலைவர் தொல் திருமாவளவன் மற்றும் விசிக மாநகர் மாவட்ட துணை செயலாளர் திருமதி காயத்ரி ஆகியோர்களது புகைப்படங்களை மையப்படுத்தி சுவர் விளம்பரம் செய்யப்பட்டுள்ளது. இந்த நிலையில் சம்பந்தப்பட்ட சுவர் விளம்பரத்தில் உள்ள தொல் திருமாவளவன் மற்றும் திருமதி காயத்ரி ஆகியோரது உருவப்படங்களை மர்ம நபர்கள் சேதப்படுத்தியதோடு மட்டுமல்லாமல் சேலம் மாநகர் மாவட்ட விசிக துணை செயலாளர் திருமதி காயத்ரி என்ற பெயரையும் வெள்ளை பூச்சால் அளித்துள்ளனர்.

இந்த புகார் சேலம் மாநகரில் கடந்த சில நாட்களாக பல்வேறு பரபரப்பு சம்பவங்களை ஏற்படுத்தி வருகிறது. இதன் தொடர்ச்சியாக அந்த விளம்பரத்தை வெளிப்படுத்திய நபர்களிடையே அதிர்ச்சியையும் கொந்தளிப்பையும் ஏற்படுத்தியது என்றே கூறலாம். 

இதனை அடுத்து சேலம் மாநகர் மாவட்ட விசிக துணைச் செயலாளர் திருமதி காயத்ரி  கட்சியின் முக்கிய நிர்வாகிகளுடன்சேலம் மாநகர காவல் துறை காவல் ஆணையாளர் அலுவலகத்தில் புகார் மனு கொடுப்பதற்காக  வந்திருந்தார். 

இது குறித்து  குறித்து விடுதலை சிறுத்தைகள் கட்சியின் ஒழுங்கு நடவடிக்கை குழு மாநில துணை செயலாளர் பாவேந்தன்  நம்மிடையே கூறுகையில், தங்களது கட்சியின் வளர்ச்சியை பிடிக்காமல் சிலர், அது யாராக தங்களது விடுதலை சிறுத்தைகள் கட்சியின் நிர்வாகிகளாக மட்டுமே இருக்கட்டும்,  தங்களது கட்சி நிர்வாகிகள் இது போன்ற செயல்களை செய்ய மாட்டார்கள் என்ற பொழுதும், அவர்கள் இந்த படுபாதக செயலில் ஈடுபட்டுள்ளனர் என்றால், இந்த சம்பவத்தில் ஈடுபட்டவர்கள் மீது சேலம் மாநகர காவல் துறை ஆணையாளர் அவர்கள் இரும்புக்கரம் கொண்டு கைது செய்து கடும் நடவடிக்கை எடுக்க வேண்டும். தவறும் பட்சத்தில் பொதுமக்களை திரட்டி மிகப்பெரிய அளவிலான மக்கள் திரள் போராட்டம் நடத்தப்படும் என்று கடுமையான எச்சரிக்கையை விடுத்தார் விசிக ஒழுங்கு நடவடிக்கை குழு மாநில செயலாளர் பாவேந்தன். 

மனுவினை பெற்றுக்கொண்ட சேலம் மாநக காவல்துறை ஆணையர் அவர்கள் யாராக இருப்பினும் அவர்களை பாரபட்சம் பார்க்காமல் கைது செய்து கடும் நடவடிக்கை எடுக்கப்படும் என்றும் உறுதிகளைத்துள்ளார் என விசிக பிரமுகர்கள் புகார் மனு அளித்த பிறகு நம்மிடையே தெரிவித்தனர்.

இந்த புகார் மனு அளிக்கும் நிகழ்வின் கட்சியின் வடக்கு மாவட்ட நிர்வாகிகள் முக்கிய பிரமுகர்கள் கட்சியினர் என ஏராளமான உடன் இருந்தனர்.

Read more

சேலத்தில் 880 கோடி ரூபாய் மதிப்பீட்டில் ஜவுளி பூங்கா..இரண்டு ஆண்டுகளில் முடிக்க திட்டமிடப்பட்டுள்ளதாக அமைச்சர் ராஜேந்திரன் பேட்டி.

சேலம்.  

S.K. சுரேஷ்பாபு.

சேலத்தில் 880 கோடி ரூபாய் மதிப்பீட்டில் ஜவுளி பூங்கா..

இரண்டு ஆண்டுகளில் முடிக்க திட்டமிடப்பட்டுள்ளதாக அமைச்சர் ராஜேந்திரன் பேட்டி.

தமிழ்நாடு சுற்றுலாத்துறை அமைச்சர் ராஜேந்திரன் சேலத்தில் செய்தியாளர்களுக்கு  பேட்டி அளித்தார். பேட்டியில் கூறும் போது, சேலத்தில் சிப்காட் நிறுவனம் மூலம் 119 ஏக்கரில் 880 கோடி ரூபாய் மதிப்பீட்டில்  ஜவுளி பூங்கா அமைக்கும் பணிகள் நடைபெற்று வருகின்றன. இதன் மூலம் 15 ஆயிரம் பேருக்கு நேரடியாகவும், 50 ஆயிரம் பேருக்கு மறைமுகமாகவும் வேலை வாய்ப்பு கிடைக்கும் 7000 கோடி ரூபாய்க்கு வர்த்தகம் நடைபெற உள்ளதாகவும் அவர் தெரிவித்தார். மேலும் திருமணிமுத்தாறு கழிவு நீரை சுத்திகரிப்பு செய்து அந்த நீரை ஜவுளி பூங்காவிற்கு பயன்படுத்தப்படும். 

ஜவுளி பூங்கா மூலம் ஆண்டுக்கு ரூ.7000 கோடிக்கு ஜவுளி உற்பத்தி நடக்கும். இதில் 75 சதவீதம் ஏற்றுமதியும், 25 சதவீதம் உள்ளூர் தேவை பூர்த்தி செய்யப்படும் என்றார்.

2 ஆண்டுகளில் ஜவுளி பூங்கா மக்கள் பயன்பாட்டிற்கு வரும்.

இதில் திருமணிமுத்தாறு கழிவுநீர் சுத்திகரிப்பு நிலையம் அமைய உள்ளது

ஒருங்கிணைந்த ஜவுளி பூங்கா மூலம் சேலத்தில் ஜவுளி ஏற்றுமதி அதிகரிக்கும். 

ஏற்றுமதி வசதிக்காக சேலம் விமான நிலையம் விரிவாக்க பணிகளும் நடந்து வருகிறது என்றார் ஜவுளி பூங்கா சேலத்தில் செயல்பட தொடங்கி விட்டால் இரும்பாலை போல மிகப்பெரிய ஒரு நிறுவனமாக இது மாறும் என்றும் சேலத்திற்கு பெருமை சேர்க்கக்கூடிய நிறுவனமாக உருவாகும் என நம்புவதாக அவர் தெரிவித்தார்.

 

Read more