ஈரோட்டில் பணம் வராத ஆத்திரத்தில் ஏடிஎம் இயந்திரம் உடைப்பு: தனியார் நிறுவன ஊழியர் கைது

ஈரோட்டில் பணம் வராத ஆத்திரத்தில் ஏடிஎம் இயந்திரத்தை உடைத்த தனியார் நிறுவன ஊழியரை போலீசார் கைது செய்தனர்.

ஈரோடு திருநகர் காலனி பகுதியில் தேசிய மயமாக்கப்பட்ட வங்கியின் ஏடிஎம் மையம் செயல்பட்டு வருகிறது. இந்த மையத்தின், காவலாளி நேற்று காலை வழக்கம் போல் பணிக்கு வந்தார். அப்போது, ஏடிஎம் மையத்துக்குள் இருந்த ஏடிஎம் இயந்திரம் உடைந்து சேதமாகி இருப்பதை கண்டு அதிர்ச்சி அடைந்தார்.

பின்னர், அவர் இதுகுறித்து ஈரோடு கருங்கல்பாளையம் போலீஸ் நிலையத்தில் புகார் கொடுத்தார். அதன்பேரில், போலீசார் சம்பந்தப்பட்ட ஏடிஎம் மையத்துக்கு விரைந்து சென்றனர். அதைத்தொடர்ந்து, ஏடிஎம் மையத்தில் பொருத்தப்பட்டு இருந்த கண்காணிப்பு கேமராக்களில் பதிவாகி இருந்த காட்சிகளை கொண்டு விசாரணை நடத்தினர்.

விசாரணையில், ஏடிஎம் இயந்திரத்தை உடைத்தது, ஈரோடு கிருஷ்ணம்பாளையம் பகுதியை சேர்ந்த முரளி (வயது 35) என்பதும், தனியார் நிறுவனத்தில் ஊழியராக பணியாற்றி வருவதும் தெரியவந்தது. மேலும், இவர் மதுபோதையில் ஏடிஎம் இயந்திரத்தில் பணம் எடுக்க முயன்றதும், ஆனால், இயந்திரத்தில் இருந்து பணம் வராததால் அதை காலால் உதைத்து, கையால் அடித்து உடைத்தும் சேதப்படுத்தியதும் தெரியவந்தது. இதையடுத்து, போலீசார் வழக்குப்பதிவு செய்து முரளியை கைது செய்தனர்.

Read more

தமிழகத்தில் 2026 சட்டமன்ற தேர்தலில் திமுக கூட்டணி மாபெரும் வெற்றி பெற்று ஆட்சி அமைப்பது உறுதி. சேலம் அரியான் ஊரில் நடைபெற்ற பாகநிலை உறுப்பினர்கள் ஆலோசனை கூட்டத்தில் சேலம் கிழக்கு மாவட்ட திமுக செயலாளர் எஸ் ஆர் சிவலிங்கம் பேச்சு.

சேலம்.

S.K. சுரேஷ்பாபு. 

தமிழகத்தில் 2026 சட்டமன்ற தேர்தலில் திமுக கூட்டணி மாபெரும் வெற்றி பெற்று ஆட்சி அமைப்பது உறுதி. சேலம் அரியான் ஊரில் நடைபெற்ற பாகநிலை உறுப்பினர்கள் ஆலோசனை கூட்டத்தில் சேலம் கிழக்கு மாவட்ட திமுக செயலாளர் எஸ் ஆர் சிவலிங்கம் பேச்சு. 

சேலம் கிழக்கு மாவட்டம் வீரபாண்டி ஒன்றிய பாக நிலை முகவர்கள் மற்றும் வாக நிலை குழு உறுப்பினர்கள் ஆலோசனைக் கூட்டம் சேலத்தை அடுத்துள்ள அரியலூர் பகுதியில் நடைபெற்றது. வீரபாண்டி ஒன்றிய திமுக செயலாளர் திருமதி வெண்ணிலா சேகர் தலைமையில் நடைபெற்ற இந்த ஆலோசனைக் கூட்டத்தில் சேலம் கிழக்கு மாவட்ட துணைச் செயலாளர் பாரப்பட்டி சுரேஷ்குமார், திமுக நிர்வாகிகள் மலர்விழி வீரபாண்டி ராஜா மற்றும் டாக்டர் தருண்  உள்ளிட்டோர் முன்னிலை வகித்தனர். இந்த ஆலோசனைக் கூட்டத்தில் சேலம் கிழக்கு மாவட்ட திமுக செயலாளர் எஸ் ஆர் சிவலிங்கம் கலந்து கொண்டு வீரபாண்டி ஒன்றிய திமுக நிர்வாகிகளின் செயல்பாடுகள் மற்றும் மேற்கொள்ளப்பட வேண்டிய நடவடிக்கைகள் குறித்தும் பல்வேறு ஆலோசனைகளை வழங்கினார். 

மேலும் தேர்தல் காலகட்டங்களில் பாக நிலை முகவர்கள் மற்றும் பாக நிலை குழு உறுப்பினர்கள் எவ்வாறு பணியாற்ற வேண்டும் என்று செல்போன் செயலி வாயிலாக விளக்கி கூறிய அவர் எதிர்வரும் 2026 சட்டமன்றத் தேர்தலில் திமுக கூட்டணி கட்சியை அமோக வெற்றி பெற்று மீண்டும் ஆட்சி அமைக்கும்  என்று நம்பிக்கை தெரிவித்த எஸ் ஆர் சிவலிங்கம் அதற்காக கட்சி நிர்வாகிகள் அனைவரும் முனைப்புடன் செயலாற்றி திமுக வெற்றி பெற கண்ணுறங்காமல் பணியாற்ற வேண்டும் என்றும் கேட்டுக்கொண்டார். மேலும் எதிர்வரும் 2026 சட்டமன்ற தேர்தலில் திமுகவை ஆட்சியில் அமைத்தே தீருவோம் என திமுக நிர்வாகிகள் அனைவரும் ஒட்டுமொத்தமாக உறுதிமொழி ஏற்றனர்.

இந்த ஆலோசனை கூட்டத்தில் திமுக விளையாட்டு மேம்பாட்டு அணியின் சேலம் மாவட்டஅமைப்பாளர் பிரெண்ட்ஸ் ரமேஷ் ஆறுமுகம் உட்பட முக்கிய நிர்வாகிகள் கட்சி நிர்வாகிகள் உறுப்பினர்கள் என ஏராளமானோர் கலந்து கொண்டனர்.

Read more

ரமலான். 350 குடும்பங்களுக்கு அத்தியாவசிய உதவிகள் வழங்கி மகிழ்ந்த சேலம் கோட்டை ஷபி பாய்....

சேலம். 

S.K. சுரேஷ்பாபு.

ரமலான். 350 குடும்பங்களுக்கு அத்தியாவசிய உதவிகள் வழங்கி மகிழ்ந்த சேலம் கோட்டை ஷபி பாய்....

சேலம் கோட்டை பகுதியை சேர்ந்தவர் ஷபி பாய், எந்தவித எதிர்பார்ப்பும் இல்லாமல்  ஆண்டுதோறும் ஈகை திருநாளான ரமலான் பெருநாளன்று ஏழை எளியவர்களுக்கு அத்தியாவசிய உதவிகளை செய்து வருவதை வழக்கமாகக் கொண்டவர். அதன் அடிப்படையில் நடபாண்டிற்கான புனித ரமலான் நல உதவிகள் 350 பேருக்கு ஒரு மாதத்திற்கு தேவையான அனைத்து மளிகை பொருட்களையும் சேலம் கோட்டை ஷபி பாய் தனது சொந்த செலவில்  வழங்கி மகிழ்ந்தார். 

மேலும் சேலம் கோட்டை அண்ணா நகர் வீட்டு வசதி வாரிய குடியிருப்பில் வசித்து வரும் மாணவ மாணவிகளுக்கான நடத்தப்பட்ட போட்டிகளில் வெற்றி பெற்றவர்களுக்கும் சேலம் கோட்டை ஷபி பரிசு பொருட்களையும் ஊனமுற்றோர் மற்றும் ஆண்கள் பெண்களுக்கு இலவச துணி மணிகளையும் வழங்கி மகிழ்ந்தார்.

Read more

சேலம் எடப்பாடியில் விம்ஸ் மருத்துவமனையின் சார்பில், மாபெரும் இலவச இருதய, எலும்பு மகளிர் மற்றும் பொது மருத்துவ முகாம்.

சேலம். 

S.K. சுரேஷ்பாபு. 

சேலம் எடப்பாடியில் விம்ஸ் மருத்துவமனையின் சார்பில், மாபெரும் இலவச இருதய, எலும்பு மகளிர் மற்றும் பொது மருத்துவ முகாம்.

சேலத்தை எடுத்துள்ள வீம்ஸ் மருத்துவமனை மற்றும் எடப்பாடி எஸ் கே கிளினிக் ஆகியவை இணைந்து நடத்திய மாபெரும் இலவச இருதய எலும்பு மகளிர் மற்றும் பொது மருத்துவ முகாம் எடப்பாடியில் உள்ள பழைய வெங்கடேஸ்வரா மருத்துவமனையில் நடைபெற்றது. சேலம் சீரகாபாடி விம்ஸ் மருத்துவமனையின் மருத்துவ இயக்குனர் மீனாட்சி சுந்தரம் அறிவுறுத்தலின் பேரில் நடைபெற்ற இந்த மருத்துவ முகாமில், விம்ஸ் மருத்துவமனையின் சிறப்பு மருத்துவர்கள் கலந்து கொண்டு முகாமில் கலந்து கொண்டவர்களுக்கு இதயம் மருத்துவம், இதய அறுவை சிகிச்சை, நரம்பு சம்பந்தப்பட்ட பிரச்சனைகள், இடுப்பு மூட்டு மாற்று மற்றும் முழங்கால் மூட்டு மாற்று அறுவை சிகிச்சைகள் மற்றும் சர்க்கரை புது மருத்துவம் தொடர்பாக இலவச ஆலோசனைகளை வழங்கினர்.

மேலும் உயரம், எடை, ரத்தஅழுத்தம், ரத்தத்தில் சர்க்கரை அளவு, இசிஜி மற்றும் எக்கோ பரிசோதனைகள் இலவசமாக வழங்கப்பட்டன. அது மட்டும் இல்லாமல் முதலமைச்சரின் விரிவான மருத்துவ காப்பீடு திட்டத்தின் கீழ் முற்றிலும் இலவசமாக அறுவை சிகிச்சைகள் செய்யப்படும் என்றும் முகாமில் கலந்து கொண்டவர்களுக்கு தெரிவிக்கப்பட்டது. இந்த மாபெரும் இலவச மருத்துவ முகாமில் எடப்பாடி மற்றும் அதன் சுற்றுவட்டார பகுதிகளை 500-க்கும் மேற்பட்டோர் பயன் பெற்றுச் சென்றனர்.

Read more

ரம்ஜான் திருநாள் சிறப்பு தொழுகை. சேலம் கோட்டை மேல் தெரு பள்ளிவாசலில் ஆயிரக்கணக்கான இஸ்லாமியர்கள் சிறப்பு வழிபாடு.

சேலம். 

S.K. சுரேஷ்பாபு. 

ரம்ஜான் திருநாள் சிறப்பு தொழுகை. சேலம் கோட்டை மேல் தெரு பள்ளிவாசலில் ஆயிரக்கணக்கான இஸ்லாமியர்கள் சிறப்பு வழிபாடு. 

இஸ்லாமியர்களின் முக்கிய திருவிழாக்களில் ஒன்றாக ஈகை திருநாள் எனக் கருதப்படும் ரம்ஜான் திருவிழா நேற்று அரபு நாடுகளில் வெகு உற்சாகமாக கொண்டாடப்பட்டது. இந்த நிலையில் இந்தியாவில் ரம்ஜான் திருவிழா இன்று வழக்கமான உற்சாகத்துடன் கொண்டாடப்பட்டு வருகிறது. இதனை ஒட்டி சேலம் மாநகரில் உள்ள அனைத்து பள்ளிவாசல்களிலும் இன்று ரம்ஜான் சிறப்பு தொழுகைக்கு ஏற்பாடு செய்யப்பட்டிருந்தது. அதன் அடிப்படையில் சேலம் கோட்டை பகுதியில் உள்ள மேல் தெரு பள்ளிவாசலில் திரண்ட ஆயிரக்கணக்கான இஸ்லாமியர்கள் சிறப்பு தொழுகையில் ஈடுபட்டனர். பள்ளிவாசலின் முத்தவல்லி அப்துல் காதர் முன் நின்று நடத்திய இந்த சிறப்பு தொழுகையில் முன்னாள் மூத்த வழி அமான் என்கின்ற நாசர் கான், கமிட்டி நிர்வாகிகள் பண்டு நூர் பாபு மற்றும் யாரப் உள்ளிட்டவர் முன்னிலை வகித்த இந்த சிறப்பு தொழுகையில் ஆயிரக்கணக்கான இஸ்லாமியர்கள் புத்தாடைகளை அணிந்து உலக அமைதியை வலியுறுத்தியும் நாட்டின் வளர்ச்சிக்காகவும் விவசாயம் செழிக்கவும் குடும்ப மேன்மையை வலியுறுத்தியும் இந்த சிறப்பு தொழுகையில் ஈடுபட்டனர். சிறப்பு தொழுகை நிறைவடைந்த பிறகு சிறியவர்கள் முதல் பெரியவர்கள் வரை வயது பாகுபாடு இன்றி  ஒருவரை ஒருவர் கட்டித் தழுவி தங்களது ரம்ஜான் வாழ்த்துக்களை பகிர்ந்து கொண்டனர்.

Read more

ஈரோடு மாநகராட்சியில் வரி செலுத்த இன்று கடைசி நாள்!

இதுகுறித்து மாநகராட்சி வருவாய் பிரிவு அதிகாரிகள் கூறியதாவது:-

ஈரோடு மாநகராட்சியில் நேற்று வரை 88 சதவீதம் வரி வசூலாகி இருக்கிறது. இன்று (மார்ச் 31) வரி செலுத்த கடைசி நாள் என்பதால், வரி செலுத்தாதவர்கள் இன்று (31ம் தேதி) இரவு 10.30 மணிக்குள் வரி செலுத்தும் வகையில் வசதி செய்யப்பட்டுள்ளது.

எனவே, வரி செலுத்தாதவர்கள் தங்களின் வரியை செலுத்தி, மாநகராட்சிக்கு ஒத்துழைப்பு அளிக்க வேண்டும். வரி தொகை செலுத்த தவறினால் குடிநீர் இணைப்பு துண்டிப்பு மற்றும் நீதிமன்றம் மூலம் ஜப்தி நடவடிக்கை மேற்கொள்ளப்படும். இவ்வாறு அதிகாரிகள் தெரிவித்தனர்.

Read more

பெருந்துறை அருகே போக்சோவில் பாலிடெக்னிக் ஆசிரியர் கைது

ஈரோடு மாவட்டம் பெருந்துறை அருகே உள்ள தனியார் பாலிடெக்னிக் கல்லூரியில் 17 வயது மாணவி படித்து வந்தார். கடந்த 6ம் தேதி அந்த மாணவியிடம் கல்லூரியின் ஆசிரியர் செல்வராஜ் (வயது 36) என்பவர் பாலியல் ரீதியாக பேசியதாக கூறப்படுகிறது.

இதுகுறித்து மாணவியின் பெற்றோர் பெருந்துறை அனைத்து மகளிர் போலீஸ் நிலையத்தில் புகார் அளித்தனர். அதன்பேரில் ஆசிரியர் செல்வராஜ் மீது போக்சோ வழக்குப்பதிவு செய்து போலீசார் விசாரணை நடத்தி வந்தனர். இதனிடையே செல்வராஜ் தலைமறைவானார். இதனால் அவரை போலீசார் வலைவீசி தேடி வந்தனர்.

இந்த நிலையில், தலைமறைவாக இருந்த செல்வராஜை, பெருந்துறை போலீசார் நேற்று முன்தினம் கைது செய்தனர். பின்னர், நீதிமன்றத்தில் ஆஜர்படுத்தி சிறையில் அடைத்தனர். இதைத்தொடர்ந்து கல்லூரியில் இருந்து செல்வராஜ் பணி நீக்கம் செய்யப்பட்டு உள்ளார்.

Read more