வக்பு வாரிய சட்ட திருத்த மசோதாவை நிறைவேற்றிய மத்திய பாஜக அரசை கண்டித்து சேலத்தில் காங்கிரஸ் கூட்டணி கட்சியினர் கருப்பு கொடியேந்தி ஆர்ப்பாட்டம்.

சேலம். 

S.K. சுரேஷ்பாபு. 

வக்பு வாரிய சட்ட திருத்த மசோதாவை நிறைவேற்றிய மத்திய பாஜக அரசை கண்டித்து சேலத்தில் காங்கிரஸ் கூட்டணி கட்சியினர் கருப்பு கொடியேந்தி ஆர்ப்பாட்டம். 

தமிழ்நாடு காங்கிரஸ் கமிட்டி தலைவர் கு. செல்வப் பெருந்தகைMLA., அவர்களின் ஆணையின்படி தமிழ்நாடு காங்கிரஸ் கமிட்டி முன்னாள் தலைவரும் முன்னாள் மத்திய அமைச்சருமான  கே வீ. தங்கபாலு அவர்களின் ஆலோசனையின் பேரில் சேலம் கோட்டை மைதான பகுதியில் நடைபெற்ற இந்த ஆர்ப்பாட்டத்திற்கு சேலம் மாநகர் மாவட்ட காங்கிரஸ் கட்சியின் தலைவர் ஏ ஆர் வி பாஸ்கர் தலைமை வகித்தார். காங்கிரஸ் கட்சியினர் உட்பட கூட்டணி கட்சி நிர்வாகிகள் கலந்து கொண்டு, மத்தியில் ஆளும் பிஜேபி அரசு சிறுபான்மை முஸ்லிம் மக்களுக்கு எதிராக பாராளுமன்றத்தில் வக்ஃபு வாரிய திருத்த மசோதா நிறைவேற்றியதை கண்டித்தும், தமிழ்நாடு அரசுக்கு முறையாக அளிக்க வேண்டிய கல்வி தொகை ரூ2400 கோடிக்கு மேல் நிறுத்தி வைத்ததை கண்டித்தும் தமிழ்நாடு செலுத்திய ஜிஎஸ்டி மூலம் பெறப்பட்ட தொகையினை தமிழ்நாட்டுக்கு முறையாக வழங்காததை கண்டித்தும் காங்கிரஸ் அரசு கொண்டுவந்த கிராமப்புற 100 நாள் வேலைவாய்ப்பு திட்டத்திற்கு வழங்க வேண்டிய சுமார் ரூ4034/ கோடி வழங்காததை கண்டித்தும் நீட் தேர்வு பிரச்சனையில் மாணவ மாணவியர் தற்கொலை செய்து கொள்வதால் தமிழ்நாட்டுக்கு நீட் தேர்வு விலக்கு அளிக்காததை கண்டித்தும், பாஜக ஆளாதமாநிலங்களில் ஆர் என் ரவி போன்ற கவர்னர்களை நியமித்து மக்களால் தேர்ந்தெடுக்கப்பட்ட மாநிலத்திற்கு தொந்தரவு கொடுக்கும் போக்கை கண்டித்தும் தமிழ்நாட்டிற்கு வருகை தரும் பிரதமர் மோடியை   கண்டிப்பது உள்ளிட்ட கோரிக்கைகளை வலியுறுத்தி கோஷமிட்டனர்.  இந்த ஆர்ப்பாட்டத்தில் சேலம் மாநகர் மாவட்ட நிர்வாகிகள் மாநில நிர்வாகிகள், மாநில பொதுக்குழு உறுப்பினர்கள் முன்னாள் மாநகர் மாவட்ட தலைவர்கள் துணை மேயர் மாமன்ற உறுப்பினர்கள் மண்டல டிவிஷன் வட்டார பேரூராட்சி கிராம கமிட்டி தலைவர்கள் மற்றும் நிர்வாகிகள் மற்றும் சார்பு அமைப்புகளான இளைஞர் காங்கிரஸ் மகிளா காங்கிரஸ் சேவா தளம் வர்த்தக பிரிவு விவசாய பிரிவு, Sc/St பிரிவு சிறுபான்மை பிரிவு வழக்கறிஞர்கள் பிரிவு ஓபிசி மனித உரிமை பிரிவு அமைப்பு சாரா பிரிவு Rti பிரிவு ராஜீவ் காந்தி பஞ்சாயத்து ராஜ் சங்கதம் ஊடகப்பிரிவு நெசவாளர் பிரிவு INTUC மற்றும் பிற சார்பு அமைப்பைச் சார்ந்தவர்களிட ஏராளமானோர் கலந்து கொண்டனர்.

Read more

சேலம் அருகே வழித்தடத்தால் வந்த பிரச்சனையில் இரண்டு தரப்பினர் இடையே கடும் வாக்குவாதம்.....சேலம் அருகே நூற்றுக்கும் மேற்பட்ட வீடுகளுக்கு செல்லும் முக்கிய பாதையில் மண்ணைக் கொட்டி தடுத்த நபர்கள்.....தங்களுக்கு சொந்தமான நேரத்தை அபகரித்து வைத்துக்கொண்டு தர மறுப்பதாக மற்றொரு தரப்பினர் குற்றச்சாட்டு.....

சேலம்.

S.K. சுரேஷ்பாபு. 

சேலம் அருகே வழித்தடத்தால் வந்த பிரச்சனையில் இரண்டு தரப்பினர் இடையே கடும் வாக்குவாதம்.....சேலம் அருகே நூற்றுக்கும் மேற்பட்ட வீடுகளுக்கு செல்லும் முக்கிய பாதையில் மண்ணைக் கொட்டி தடுத்த நபர்கள்.....தங்களுக்கு சொந்தமான நேரத்தை அபகரித்து வைத்துக்கொண்டு தர மறுப்பதாக மற்றொரு தரப்பினர் குற்றச்சாட்டு.....

சேலம் உத்தமசோழபுரம் பகுதியில் அம்மையப்பா நகர் என்ற பகுதியில் ஆயிரத்திற்கு மேற்பட்ட வீடு மனைகளாக பிரிக்கப்பட்டு விற்பனை செய்யப்பட்டுள்ளது. கடந்த 2022 ஆம் ஆண்டு விவசாய நிலத்தை தங்கவேல் என்ற நிலத்தின் உரிமையாளர் தங்கவேலிடம் பவர் பெறப்பட்டு, வீட்டுமனைகள் பிரிக்கப்பட்ட விற்பனை செய்யப்பட்டுள்ளது. இதனிடையே நிலத்தின் உரிமையாளர் பவர் கொடுத்த தங்கவேல் உயிரிழந்த நிலையில் அவரது உறவினர்கள் நிலம் தங்களுக்கு சொந்தமானது என்று கூறி, மக்களை வெளியே வரவிடாமல் தடுப்பதாக வீடு கட்டி குடியிருக்கும் மக்கள்  குற்றம்சாட்டியுள்ளனர். இங்கு ஏராளமான பொதுமக்கள் நிலத்தை வாங்கி வீடுகட்டி குடியிருக்கும் நிலையில் அம்மையப்பா நகர் செல்லும்  முக்கிய சாலையில் மண்ணைக் கொட்டி தடுப்பு ஏற்படுத்தி பிரச்சனையில் ஈடுபடுவதாக நூற்றுக்கும் மேற்பட்ட மக்கள் போராட்டத்தில் ஈடுபட்டனர். இந்த நிலையில் அரசு அதிகாரிகள் நேரடியாக வருகை தந்து விசாரணை மேற்கொண்டனர். அப்போது அரசு அதிகாரிகளிடம் கடுமையான வாக்குவாதத்தில் ஈடுபட்டதால் பரபரப்பு ஏற்பட்டது.  மேலும் பாதிக்கப்படும் மக்கள் பிரச்சனைகள் குறித்து மனுக்களை அதிகர்களிடம் வழங்கும்படி அறிவுறுத்தல் வழங்கினர். 

இதுதொடர்பாக பதிவாளர் அலுவலகத்தில் உள்ள ஆவணங்களில் விற்பனை செய்த இடத்தை தவிர்த்து மற்ற இடத்தை நிலத்தின் உரிமையாளர் பயன்படுத்தலாம் என்று பத்திரப்பதிவில் இடம் பெற்றுள்ளது.இந்த இடத்தை பணம் கொடுத்து வாங்கி வீடு கட்டி  பயன்படுத்தி வரும் நிலையில் இந்த வீடு கட்டுவதற்கு அனுமதி கொடுத்து கையெழுத்து போட்டு தந்தனர். எனவே அரசு நடவடிக்கை எடுத்து எங்கள் இடத்தையும் வழித்தடத்தையும் மீட்டு தர வேண்டும் என்று கோரிக்கை விடுத்துள்ளனர்.

மற்றொரு தரப்பினர் கூறுகையில்,

தங்களின் நிலத்தை விற்பனை செய்த பாதி நிலத்தை கிரயம் செய்த நிலையில் மீதமுள்ள நிலத்தை கிரயம் செய்யாமல் உள்ளனர். கிரையம் செய்யாத இடத்தை மீண்டும் வழங்கும் படி கேட்ட நிலையில் நிலத்தை தர மறுத்து மிரட்டுவதாக தெரிவித்தனர்.ஐந்து தலைமுறையாக இந்த இடத்தில் வசித்து வருவதாகவும் அதற்கான உரிய ஆவணங்கள் வைத்திருக்கும் நிலையில் நிலத்தை அபகரித்துக் கொண்டு தர மறுப்பதாக குற்றம் சாட்டினர்.  இரண்டு தரப்பையும் விசாரித்து உரிய நடவடிக்கை எடுப்பதாக அரசு அதிகாரிகள் தெரிவித்ததாக கூறினர். இந்த நிலையில் தங்கள் ஆவணங்கள் அனைத்தும் அரசு அலுவலர்களிடம் ஒப்படைத்துள்ளதாகவும் தனது இடத்தை கிரயம் செய்து கொண்டு அதற்குரிய பணத்தைத் தரும்படி கூறினர். குறிப்பாக வழித்தடம் தங்களின் பெயரில் தான் உள்ளதாகவும் அந்த வழித்தடத்தை அரசிற்கு வழங்கும்படியும் கேட்டு வந்ததாக கூறினர்.

இந்த பிரச்சனை தொடர்பாக குற்றம் சாட்டப்பட்டவர்களுக்கு நீதி கிடைக்குமா அல்லது குற்றம் சாட்டப்பட்டவர்களுக்கு எதிராக பிரச்சனை செய்தவர்களுக்கு நீதி கிடைக்குமா பொறுத்திருந்துதான் பார்க்க வேண்டும்

Read more

தமிழ்நாடு மின்சார வாரியம் தமிழ்நாடு மின் பகிர்மான கழகத்தின் சார்பாக மின் நுகர்வோர் குறை தீர்க்கும் முகாம்.

சேலம்.

S.K. சுரேஷ் பாபு.

தமிழ்நாடு மின்சார வாரியம் தமிழ்நாடு மின் பகிர்மான கழகத்தின் சார்பாக மின் நுகர்வோர் குறை தீர்க்கும் முகாம்.

சேலம் தெற்கு கோட்டம் மற்றும் சேலம் மேற்கு கோட்டம், சார்பாக சேலம் அன்னதானப்பட்டி பகுதியில் நடைபெற்றது. மின் கட்டணம், மின் மீட்டர், குறைந்த மின்னழுத்தம், சேதமடைந்த மின் கம்பம் சம்பந்தமாக நடைபெற்ற இந்த முகாமில், சுற்றுலாத்துறை அமைச்சர் ராஜேந்திரன் கலந்து கொண்டு துவக்கி வைத்தார், சேலம் மாவட்ட ஆட்சியர் விழாவில் கலந்து கொண்டு நுகர்வோரகளிடம் மனுக்களை பெறப்பட்டு நடவடிக்கை மேற்கொள்ள மின்வாரிய அதிகாரிகளுக்கு அறிவுறுத்தினார். இந்த முகாமில் சேலம் மின் பகிர்மான வட்டம் மேற்பார்வை பொறியாளர் 

திருநாவுக்கரசு, மேற்கு கோட்ட பொறியாளர் ராஜவேல், தெற்கு கோட்ட பொறியாளர் அன்பரசன், உதவி செயற்பொறியாளர்கள் ரமேஷ், சத்தியமாலா, உதவி பொறியாளர்கள் பணியாளர் அனைவரும் கலந்து கொண்டு நுகர்வோர்களிடம் மனுக்களை பெற்று  குறைகளை தீர்க்க வேண்டி நடவடிக்கை மேற்கொள்ளப்பட்டு வருகிறது  என்றனர்.

Read more

ஈரோட்டில் தமிழக வெற்றிக் கழகத்தினர் ஆர்ப்பாட்டம்!

ஈரோடு கருங்கல்பாளையம் காந்தி சிலை அருகில், தமிழக வெற்றிக்கழகத்தின் சார்பில் ஆர்ப்பாட்டம் நேற்று நடந்தது. இந்த ஆர்ப்பாட்டத்துக்கு மாநகர் மாவட்ட தலைவர் பாலாஜி தலைமை தாங்கினார். இணைச்செயலாளர் ஹக்கீம் முன்னிலை வகித்தார்.

வக்பு சட்ட திருத்த மசோதா நாடாளுமன்றத்தில் நிறைவேற்றப்பட்டதை எதிர்த்து இந்த ஆர்ப்பாட்டம் நடந்தது. ஆர்ப்பாட்டத்தில் கலந்து கொண்டவர்கள் கோரிக்கைகள் குறித்து கோஷங்கள் எழுப்பினார்கள்.

 இதில் த.வெ.க. மாவட்ட பொருளாளர் முருகேஷ், துணைச்செயலாளர்கள் பிரகாஷ், மஞ்சு, எஸ்.டி.பி.ஐ. கட்சியின் கோவை மண்டல செயலாளர் முகமது லுக்மானுல் ஹக்கீம், மனிதநேய ஜனநாயக கட்சியின் மாவட்ட செயலாளர் உமர் பாரூக் உள்பட பலர் கலந்து கொண்டனர்.

Read more

அந்தியூர் அருகே பருவாச்சியில் இடி தாக்கி கோவில் கலசம் சேதம்!

அந்தியூர் அருகே பருவாச்சியில் இடி தாக்கியதில் கோவில் கோபுர கலசம் சேதமடைந்தது.

ஈரோடு மாவட்டம் அந்தியூர் மற்றும் அதன் சுற்று வட்டார பகுதியில் நேற்று இரவு பரவலாக இடியுடன் கூடிய கனமழை பெய்தது. இதில், பருவாச்சி அருகே பாலம்பாளையத்தில் உள்ள ஐயனாரப்பன் கோவில் கோபுரத்தின் மீது இடி தாக்கியதில், கோபுர கலசம் கீழே விழுந்து சேதமடைந்தது. இரவு நேரத்தில் சம்பவம் நடந்ததால், கோவிலில் யாரும் இல்லை. இச்சம்பவம் அப்பகுதியில் பரபரப்பை ஏற்படுத்தியது.

Read more

ஈரோட்டில் ஓடும் ரயிலில் பெண்களிடம் செயின் பறிப்பில் ஈடுபட்ட பிரபல ஆந்திரா திருடன் கைது!

ஈரோட்டில் ஓடும் ரயிலில் பெண்களிடம் செயின் பறிப்பில் ஈடுபட்ட பிரபல ஆந்திரா திருடனை ரயில்வே போலீசார் கைது செய்தனர்.

சென்னை அய்யம்பாக்கம் பகுதியை சேர்ந்தவர் ஜெயந்தி. இவர் தனது கணவருடன் சென்னையில் இருந்து கோவை செல்வதற்காக இண்டர்சிட்டி எக்ஸ்பிரஸ் ரயிலில் முன்பதிவு செய்து செய்து கடந்த மார்ச் மாதம் 1ம் தேதி பயணம் செய்தார். 

இந்த ரெயில் காவிரி ரயில் நிலையம் அருகில் மெதுவாக வந்து கொண்டு இருந்தது. அப்போது, ஜெயந்தி கழுத்தில் கிடந்த 8 பவுன் தங்க சங்கிலியை மர்ம நபர் ஒருவர் பறித்துக்கொண்டு ரயிலில் இருந்து குதித்து தப்பி ஓடிவிட்டார். இதைத் தொடர்ந்து, ஈரோடு ரயில் நிலையத்துக்கு ரெயில் வந்தபோது ஜெயந்தி இதுகுறித்து ஈரோடு ரயில்வே போலீசில் புகார் கொடுத்தார்.

இதேபோல் மதுரையை சேர்ந்த லாவண்யா (வயது 26) என்பவர் தனது குடும்பத்துடன் சங்ககிரியில் இருந்து பொம்முடி வரை செல்வதற்காக சென்னை வெஸ்ட் கோஸ்ட் எக்ஸ்பிரஸ் ரயிலில் பொதுப்பெட்டியில் கடந்த மார்ச் மாதம் 30ம் தேதி பயணம் மேற்கொண்டார்.

இந்த ரயில் சங்ககிரி ரயில் நிலையத்தில் இருந்து மெதுவாக புறப்பட்டபோது, லாவண்யா கழுத்தில் கிடந்த 5 பவுன் சங்கிலியை மர்ம நபர் பறித்துக்கொண்டு ரயிலில் இருந்து குதித்து தப்பி ஓடினார். பின்னர் லாவண்யா இதுகுறித்து ஈரோடு ரயில் நிலையத்தில் புகார் கொடுத்தார்.

இந்த 2 புகார்களின் பேரில் ஈரோடு ரயில்வே போலீசார் வழக்குப்பதிவு செய்து விசாரணை நடத்தினர். மேலும், குற்றவாளியை விரைந்து பிடிக்க ஈரோடு ரயில்வே போலீஸ் இன்ஸ்பெக்டர் பிரியாசாய்ஸ்ரீ தலைமையில் தனிப்படை அமைக்கப்பட்டது. இந்த தனிப்படையினர், 2 பெண்களிடம் நகையை பறித்து சென்ற மர்ம நபரை வலைவீசி தேடி வந்தனர். 

இந்த நிலையில், ஈரோடு எலக்ட்ரிக் லோகோ செட் பகுதியில் சந்தேகப்படும்படி ஒருவர் நின்று கொண்டு இருந்தார். உடனே போலீசார் அவரை பிடித்து விசாரணை நடத்தினர். விசாரணையில் அவர் ஆந்திர மாநிலம் சித்தூர் மாவட்டத்தை சேர்ந்த பாலமுருகன் (42) என்பதும், இவர் தான் ஜெயந்தி, லாவண்யா ஆகியோரிடம் 13 பவுன் தங்க சங்கிலியை பறித்துச்சென்றதும் தெரியவந்தது. 

இதைத்தொடர்ந்து, போலீசார் பாலமுருகனை கைது செய்தனர். மேலும் அவர் தங்க சங்கிலியை உருக்கி வைத்திருந்த 8¼ பவுன் 2 தங்க கட்டிகளையும் போலீசார் மீட்டனர். கைது செய்யப்பட்ட பாலமுருகன் மீது ஆந்திர மாநிலத்தில் 15-க்கும் மேற்பட்ட திருட்டு வழக்குகள் நிலுவையில் உள்ளதாக ரயில்வே போலீசார் தெரிவித்தனர். 

2 பெண்களிடம் நகையை பறித்து சென்றவரை விரைந்து பிடித்த ஈரோடு ரயில்வே போலீசாரை, ரெயில்வே போலீஸ் துறை இயக்குனர் வன்னிய பெருமாள் பாராட்டினார்.

Read more

ஈரோட்டில் நாளை (6ம் தேதி) 108 ஆம்புலன்ஸ் வேலைக்கு முகாம்!

108 ஆம்புலன்சில் பணிபுரிய ஈரோடு அரசு தலைமை மருத்துவமனை வளாகத்தில் உள்ள 108 ஆம்புலன்ஸ் அலுவலகத்தில் நாளை (ஞாயிற்றுக்கிழமை) வேலைவாய்ப்பு முகாம் காலை 10 மணி முதல் மதியம் 2 மணி வரை நடைபெறுகிறது. 

ஓட்டுனருக்கு கல்வித் தகுதி, பத்தாம் வகுப்பு தேர்ச்சி பெற்றிருக்க வேண்டும். தேர்வு அன்று விண்ணப்பதாரருக்கு 24 வயதுக்கு மேலும் 35 வயதிற்கு மிகாமல் இருக்க வேண்டும் 162.5 சென்டிமீட்டர் குறையா மல் இருக்க வேண்டும்.

இலகுரக வாகன ஓட்டுநர் உரிமம் எடுத்து குறைந்த பட்சம் 3 ஆண்டுகள் மற்றும் பேட்ஜ் வாகன உரிமம் எடுத்து குறைந்தபட்சம் ஒரு ஆண்டு நிறைவு பெற்றிருக்க வேண்டும் .தேர்வு பெற்றவர்களுக்கு மாத ஊதியமாக ரூ.15ஆயிரத்து 820 மொத்தமாக வழங்கப்படும்.

இந்த பணிக்கான தேர்வு முறையானது எழுத்து தேர்வு, தொழில்நுட்ப தேர்வு, மனிதவளத்துறை நேர்காணல், கண் பார்வை திறன் மற்றும் மருத்துவம் சம்பந்தபட்ட தேர்வு, சாலை விதிகளுக்கான தேர்வு. அனைத்திலும் தேர்ச்சி பெற்றவர்கள் 10 நாட்களுக்கு முறையான வகுப்பறை பயிற்சி வழங்கப்படும். பயிற்சி காலத்தில் தங்கும் வசதி செய்து தரப்படும்.

மருத்துவ உதவியாளர் பணிக்கு பி.எஸ்.சி. நர்சிங், ஜி.என்.எம்., ஏ.என்.எம்., டி.எம்.எல்.டி., (பன்னிரண்டாம் வகுப்பிற்கு பிறகு 2 ஆண்டுகள் படித்திருக்க வேண்டும்) அல்லது லைப் சயின்ஸ், பி.எஸ்.சி., விலங்கியல், தாவரவியல், பயோ கெமிஸ்ட்ரி, மைக்ரோ பயாலஜி இதில் ஏதேனும் ஒரு பட்ட படிப்பு முடித்திருக்க வேண்டும்.

மாதம் ஊதியம் ரூ.16 ஆயிரத்து 20 வழங்கப்படும். நேர்முகத் தேர்வு அன்று 19 வயதிற்கு மேலும் 30 வயதிற்கு மிகாமலும் இருக்க வேண்டும். இதற்கான தேர்வு முறையானது எழுத்துத் தேர்வு, மருத்துவ நேர்முகம், உடற்கூறியல் முதலுதவி அடிப்படை செவிலியர் பணி தொடர்பானவை, மனிதவளத்துறையின் நேர்முகத் தேர்வு நடைபெறும்.

இத்தேர்வுகளில் தேர்வு செய்யப்பட்டவர்கள் 50 நாட்களுக்கு முழுமையான வகுப்பறை பயிற்சி மருத்துவமனை மற்றும் ஆம்புலன்ஸ் சார்ந்த நடைமுறை பயிற்சி அளிக்கப்படும் பயிற்சி காலத்தில் தங்கும் வசதி செய்து தரப்படும். மேலும், விவரங்களுக்கு, 73388 94971 என்ற எண்ணை தொடர்பு கொள்ளலாம் என்று 108 ஆம்புலன்ஸ் மாவட்ட ஒருங்கிணைப்பாளர் அம்பிகாசன் என தெரிவித்துள்ளார்.

Read more