வேந்தர் பதவியிலிருந்து ஆளுநர் விடுவிப்பு | ஈரோடு ஒருங்கிணைந்த நீதிமன்ற வளாகத்தில் திமுக வழக்கறிஞர் அணி சார்பில் பொதுமக்களுக்கு இனிப்புகள் வழங்கி மகிழ்ச்சியை வெளிப்படுத்தினார்...

வேந்தர் பதவியிலிருந்து ஆளுநர் விடுவிப்பு - உச்சநீதிமன்ற தீர்ப்பை வரவேற்று ஈரோடு ஒருங்கிணைந்த நீதிமன்ற வளாகத்தில் திமுக வழக்கறிஞர் அணி சார்பில் பொதுமக்களுக்கு இனிப்புகள் வழங்கி மகிழ்ச்சியை வெளிப்படுத்தினார்...

தமிழ்நாடு சட்டமன்றத்தில் நிறைவேற்றப்படும் மசோதாவிற்கு ஆளுநர் ரவி ஒப்புதல் அளிக்காமல் காலம் தாழ்த்தி வருவதாகவும், பல்கலைக்கழக துணைவேந்தர் தொடர்பான நியமனங்களில் யுஜிசி தலைவர்களை சேர்க்க கோரி இடையூறு ஏற்படுத்துவதாக கூறிதமிழ்நாடு அரசு சார்பில் உச்சநீதிமன்றத்தில் 2 ரிட் மனுக்கள் தாக்கல் செய்யப்பட்டது.

இந்த வழக்குகள் மீதான விசாரணை கடந்த பிப்ரவரி மாதம் உச்சநீதிமன்ற நீதிபதிகளான பர்திவாலா ,மகாதேவன் ஆகியோர் அடங்கிய அமர்வுக்கு முன் விசாரணைக்கு வந்தது. தொடர்ந்து 4 நாட்கள் நடைபெற்ற விசாரணை நடைபெற்றது. அப்போது வழக்கின் தீர்ப்பை உச்ச நீதிமன்ற நீதிபதிகள் தேதி குறிப்பிடாமல் ஒத்திவைத்தனர்.

இந்த வழக்கின் தீர்ப்பை உச்சநீதிமன்றம் இன்று வழங்கியுள்ளது. அதில் சட்டமன்றத்தில் நிறைவேற்றப்பட்ட மசோதாக்கள் மீது ஆளுநரின் நடவடிக்கை ஏற்புடையதல்ல. பொதுவாக சட்டமன்றத்தில் ஒரு மசோதா நிறைவேற்றப்பட்டால் அதற்கு ஆளுநர் அனுமதி வழங்கலாம் இல்லையென்றால் அதனை நிறுத்தி வைக்கலாம்.

மேலும் அதில் ஏதேனும் சிக்கல் இருந்தால் அதனை ஜனாதிபதிக்கு அனுப்பி வைக்கலாம். மேலும்நிறுத்தி வைக்கும் மசோதா செல்லாது என்று கூறும் அதிகாரம் ஆளுநருக்கு இல்லை என உச்சநீதிமன்றம் தெரிவித்தது. குறிப்பாக சட்டமன்றத்தில் மீண்டும் நிறைவேற்றிய மசோதாவை ஜனாதிபதிக்கு அனுப்பக்கூடாது என்பது தான் விதி. ஆளுநருக்கு என தன்னிச்சையான அதிகாரம் ஏதும் இல்லை என உச்சநீதிமன்றம் தெரிவித்துள்ளது.

இதனை வரவேற்கும் விதமாக ஈரோடு திமுக வழக்கறிஞர் பிரிவு சார்பில் மாநில இணை செயலாளர் வழக்கறிஞர் கண்ணன், மாவட்ட அமைப்பாளர் முத்துக்குமார் தலைமையில், ஈரோடு ஒருங்கிணைந்த நீதிமன்ற வாயில் முன்பு சம்பத் நகர் சாலையில் பொது மக்களுக்கு இனிப்புகள் வழங்கி மகிழ்ச்சியை பகிர்ந்து கொண்டனர்.

Read more

ஈரோடு மாவட்டத்தில் வரும் 12ம் தேதி ரேஷன் கார்டு குறைதீர் முகாம்!

ஈரோடு மாவட்டத்தில் உள்ள 10 வட்டங்களிலும் வரும் 12ம் தேதி (சனிக்கிழமை) ரேஷன் கார்டு குறைதீர் முகாம் நடைபெற உள்ளது.

ஈரோடு மாவட்டத்தில் பொது விநியோகத் திட்ட குறைதீர்க்கும் நாள் முகாம் வரும் ஏப்ரல் மாதம் 12ம் தேதி அனைத்து வட்டங்களிலும் நடைபெற உள்ளது.

இந்த முகாமில் புதிய குடும்ப அட்டை மனுக்கள் பெறுதல், நகல் குடும்ப அட்டை, குடும்ப அட்டையில் பெயர் சேர்த்தல் மற்றும் நீக்கம், கைபேசிஎண் மாற்றம் போன்ற கோரிக்கைகளை பொதுமக்கள் மனுக்கள் மூலம் தெரிவிக்கலாம்.

அதன்படி, ஈரோடு வட்டத்தில் கங்காபுரம் ரேஷன் கடையிலும், பெருந்துறை வட்டத்தில் கே.ஜி.வலசு முருங்கத்தொழுவு ரேஷன் கடையிலும், மொடக்குறிச்சி வட்டத்தில் கோவிந்தநாயக்கன்பாளையம் ரேஷன் கடையிலும் நடக்க உள்ளது.

அதேபோல், கொடுமுடி வட்டத்தில் நஞ்சைக்கொளாநல்லி ரேஷன் கடையிலும், கோபிசெட்டிபாளையம் வட்டத்தில் கொண்டையம்பாளையம் - 2 ரேஷன் கடையிலும், நம்பியூர் வட்டத்தில் கோசணம் -1 ரேஷன் கடையிலும் நடைபெற உள்ளது.

மேலும், பவானி வட்டத்தில் தொட்டிபாளையம் ரேஷன் கடையிலும், அந்தியூர் வட்டத்தில் அத்தாணி -1 ரேஷன் கடையிலும், சத்தியமங்கலம் வட்டத்தில் குன்றி ரேஷன் கடையிலும், தாளவாடி வட்டத்தில் முதியனூர் ரேஷன் கடையிலும் குறைதீர்க்கும் முகாம் நடக்கிறது.

இவ்வாறு அதில் கூறப்பட்டுள்ளது.

Read more

அந்தியூர் அருகே பர்கூர் கத்திரிமலை பழங்குடியினர் குக்கிராமத்தில் ஈரோடு ஆட்சியர் தலைமையில் மனுநீதி நாள் முகாம்!

அந்தியூர் வட்டம் பர்கூர் ஊராட்சி, கத்திரிமலை பழங்குடியினர் குக்கிராமத்தில் மாவட்ட ஆட்சியர் ராஜ கோபால் சுன்கரா தலைமையில் மனுநீதி நாள் முகாம் இன்று (ஏப்ரல் 9ம் தேதி) நடைபெற்றது.

ஈரோடு மாவட்டம், அந்தியூர் வட்டம், பர்கூர் உள்வட்டம், பர்கூர் "அ" கிராமம், கத்தரிமலை அரசு பழங்குடியினர் உண்டு உறைவிட நடுநிலைப் பள்ளி வளாகத்தில், மனுநீதி நாள் முகாம் இன்று (ஏப்ரல் 9ம் தேதி) நடைபெற்றது. இந்த முகாமிற்கு, மாவட்ட ஆட்சியர் ராஜ கோபால் சுன்கரா தலைமையில் தாங்கி, 31 பயனாளிகளுக்கு பல்வேறு சான்றிதழ்கள் மற்றும் அரசு நலத்திட்ட உதவிகளை வழங்கினார்.

இம்மனுநீதி நாள் முகாமில், வருவாய் மற்றும் பேரிடர் மேலாண்மைத்துறையின் சார்பில், 13 பயனாளிகளுக்கு பிறப்புச் சான்றிதழ்களும், 9 பயனாளிகளுக்கு பழங்குடியினர் இன ஜாதி சான்றிதழ், 2 பயனாளிகளுக்கு புதிய மின்னணு குடும்ப அட்டை, வேளாண்மை உழவர் நலத்துறையின் சார்பில் 7 பயனாளிகளுக்கு காய்கறி விதைகள் தொகுப்பு என 31 பயனாளிகளுக்கு அரசு நலத்திட்ட உதவிகளை வழங்கினார்.

மேலும், குடும்ப கட்டுப்பாடு அறுவை சிகிச்சை செய்து கொண்ட 2 நபர்களுக்கு தலா ரூ.5 ஆயிரம் ஊக்கத்தொகையினை வழங்கினார். முன்னதாக, கத்திரிமலை அரசு பழங்குடியினர் உண்டு உறைவிட நடுநிலைப்பள்ளியில் மாவட்ட ஆட்சியர் ஆய்வு மேற்கொண்டு, மாணவியர்களிடம் கலந்துரையாடினார். மேலும், மாணவ, மாணவியர்களின் கற்றல் திறன் குறித்து ஆசிரியர்களிடம் கேட்டறிந்தார்.

தொடர்ந்து, இம்முகாமில், பல்வேறு கோரிக்கைகள் அடங்கிய மனுக்களை பொதுமக்களிடமிருந்து பெற்றுக்கொண்டு, சம்பந்தப்பட்ட துறை அலுவலர்களிடம் வழங்கி உரிய நடவடிக்கை மேற்கொள்ளுமாறு அறிவுறுத்தினார். அதனைத் தொடர்ந்து, கத்திரிமலையில் பழங்குடியினர் பகுதியில் தமிழ்நாடு அரசின் மூலம் வீடுகள் கட்டப்பட்டு வருவதை பார்வையிட்டு ஆய்வு மேற்கொண்டார்.

இம்முகாமில், மாவட்ட ஆட்சியரின் நேர்முக உதவியாளர் (வேளாண்மை) லோகநாதன், தனித்துணை ஆட்சியர் (ச.பா.தி) செல்வராஜ், துணை இயக்குநர் (குடும்ப நலம்) மரு.கவிதா, ஆதிதிராவிடர் மற்றும் பழங்குடியினர் நல அலுவலர் ராஜ கோபால், அந்தியூர் வட்டாட்சியர் கவியரசு மற்றும் உள்ளாட்சி அமைப்பு பிரதிநிதிகள் உட்பட துறை சார்ந்த அலுவலர்கள் மற்றும் பொதுமக்கள் ஆகியோர் கலந்து கொண்டனர்.

Read more

ஈரோட்டில் சமரச தின விழிப்புணர்வு பேரணி: முதன்மை மாவட்ட நீதிபதி துவக்கி வைத்தார்!

நீதிமன்றங்களில் சமரச மையங்கள் செயல்பட்டு வருகின்றது. பொதுமக்கள் வழக்கு தொடர்பாக நீதிமன்றத்தில் நேரடியாகவோ அல்லது வழக்கறிஞர் மூலமாகவோ ஆஜராகும்போது, அவர்களின் வழக்கை சமரச மையத்திற்கு அனுப்பக் கோரலாம். சமரச மையத்தில் எதிர்தரப்புடன் நேரடியாக பேச்சுவார்த்தை நடத்தலாம். பயிற்சி பெற்ற சமரசர்கள் சமரச பேச்சுவார்த்தைக்கு ஏதுவாக வழிகாட்டுவார்கள்.

சமரச மையத்தில் நடைபெறும் அனைத்து பேச்சுவார்த்தைகளும் இரகசியம் காக்கப்படும். சமரசத்தில், வழக்குகளில் எவ்வித மேல்முறையீடு இல்லாமலும், விரைவாகவும், இறுதியான சுமூகத்தீர்வு, கட்டணம் ஏதுமின்றி காணமுடியும். மேலும் சமசரத்தின் மூலம் உங்கள் வழக்கு சுமூகமாக தீர்க்கப்பட்டால், நீதிமன்றக் கட்டணத்தை உங்களிடமே திரும்ப ஒப்படைக்க நீதிமன்றம் உத்தரவிடும்.

அந்த வகையில், சென்னை உயர்நீதிமன்றம் மற்றும் சமரச தீர்வு மைய இயக்குநரின் உத்தரவின்படி, தமிழ்நாடு மற்றும் புதுச்சேரி மாநில சமரச தினம் கொண்டாடப்படுகிறது. அதனைத் தொடர்ந்து, இன்று (ஏப்ரல் 9ம் தேதி) ஈரோடு மாவட்ட நீதிமன்ற வளாகத்தில் இருந்து நீதிபதிகள், சமரசர்கள், வழக்குரைஞர்கள் மற்றும் நீதிமன்ற அலுவலர்கள் ஆகியோர் கலந்துகொண்ட சமரச தின விழிப்புணர்வு பேரணியினை ஈரோடு முதன்மை மாவட்ட நீதிபதி பி.முருகேசன் துவக்கி வைத்தார்.

இப்பேரணியானது, மாவட்ட நீதிமன்றத்தில் தொடங்கி, சம்பத் நகர் வளைவு சென்று மாவட்ட ஆட்சியர் அலுவலகத்தில் நிறைவடைந்தது. இப்பேரணியில், தலைமை குற்றவியல் நீதிபதி எஸ்.ராமச்சந்திரன், சமரச மைய தலைவர் வி.பி.சுகந்தி, சமரச மைய செயலாளர் ஆர்.ஸ்ரீவித்யா மற்றும் தலைமையிடத்து அனைத்து நீதிபதிகள், வழக்கறிஞர்கள், சமரசர்கள் மற்றும் நீதிமன்ற ஊழியர்கள் உள்பட 300க்கும் மேற்பட்டோர் கலந்து கொண்டனர்.

Read more

ஹென்றி ஊல்ஸி நிறுவனத்தின் சார்பில் அமோகம் என்ற உயர்தர சைவ உணவகம் திறப்பு விழா.

சேலம். 

S.K. சுரேஷ் பாபு. 

ஹென்றி ஊல்ஸி நிறுவனத்தின் சார்பில் அமோகம் என்ற உயர்தர சைவ உணவகம் திறப்பு விழா. 

சேலம் மாநகரின் பல்வேறு பகுதிகளில் ஹென்றி ஊல்சி நிறுவனத்தின் சார்பில் உயர்தர கேக் நிறுவனம் செயல்பட்டு வருகிறது. இந்த நிறுவனத்தின் சார்பில் சேலம் பெங்களூர் தேசிய நெடுஞ்சாலையில்

 கருப்பூர் அரசு பொறியியற் கல்லூரி அருகே அமோகம் என்ற பெயரில் புதிய உயர்தர சைவ உணவக திறப்பு விழா இன்று நடைபெற்றது. இந்த புதிய உணவகத்தின் திறப்பு விழாவிற்கு நிர்வாக இயக்குனர்கள் சதீஷ்குமார், சித்திரை செல்வி, சரவணகுமார் மற்றும் சுஜிதா உள்ளிட்டோர் முன்னிலை வகித்த விழாவில்,  தமிழ்நாடு ஓட்டல் உரிமையாளர்கள் சங்க தலைவர் வெங்கடசுப்பு சிறப்பு விருந்தினராக கலந்து கொண்டு புதிய உணவகத்தினை ரிப்பன் வெட்டி திறந்து வைத்தார். விழாவில் திருவேணி எர்த் மூவர்ஸ் நிறுவனத்தின் தலைவர் பாலசுப்பிரமணியன் கலந்து கொண்டு உணவகத்தின் அடுமனையை ரிப்பன் வெட்டி திறந்து வைத்தார். ஸ்வீட்ஸ் மற்றும் ஸ்னாக்ஸ் சமையல் கூடத்தினை கேபிஎன் டிராவல்ஸ் நிறுவனத்தின் தலைவர் கே பி நடராஜன் திறந்து வைத்தார். நேவல் பிராப்பர்ட்டீஸ் அண்ட் டெவலப்மெண்ட் நிறுவனத்தின் நிர்வாக இயக்குனர் பிரேமலதா கார்த்திகேயன் முதல் விற்பனையினை துவக்கி வைத்தார். இந்த புதிய உயர்தர சைவ உணவகத்தின் திறப்பு விழாவிற்கு வாடிக்கையாளர்கள் மற்றும் பொதுமக்கள் வருகை தந்து தொடர்ந்து நல் ஆதரவினை வழங்கிட வேண்டுமென ஹென்றி ஊல்சி நிறுவனத்தின் நிர்வாகிகள் கேட்டுக் கொண்டுள்ளனர்.

Read more

சேலம் போடிநாயக்கன்பட்டி ரயில்வே பாலத்திற்கு அருகே இணைப்பு சாலை அமைத்து தர வேண்டும். உயிர் பலிகலை தடுக்க சேலம் மாநகராட்சி ஆணையர் போர்க்காலம் நடவடிக்கை எடுக்க வேண்டும் என சமூக ஆர்வலர் முனைவர் வீரக்குமார் மனு.

சேலம்.

S.K. சுரேஷ்பாபு.

சேலம் போடிநாயக்கன்பட்டி ரயில்வே பாலத்திற்கு அருகே இணைப்பு சாலை அமைத்து தர வேண்டும். உயிர் பலிகலை தடுக்க சேலம் மாநகராட்சி ஆணையர் போர்க்காலம் நடவடிக்கை எடுக்க வேண்டும் என சமூக ஆர்வலர் முனைவர் வீரக்குமார் மனு.

சேலம் சூரமங்கலம்  போடிநாயக்கன்பட்டி மேல் வட்டம் பகுதியை சார்ந்த சமூக ஆர்வலர் முனைவர் வீரக்குமார். இவர் அந்த பகுதி மக்களுடன் சேலம் மாநகராட்சி ஆணையாளர் திரு இளங்கோவனை சந்தித்து மனு வழங்குவதற்காக வந்திருந்தார். அந்த மனுவில் போடிநாயக்கன்பட்டி ரயில்வே பாடத்தின் அருகே இணைப்பு சாலை அமைக்க வேண்டியும் மற்றும் போடிநாயக்கன்பட்டி ஏரியில் முழுமையாக தூர்வாராத காரணத்தினால் அதிகம் சேறு சகதி இருப்பதால் கடந்த எட்டாம் தேதி பள்ளி மாணவன் குலத்தில் குளிக்க சென்ற போது சேற்றில் மாற்றிக்கொண்டு உயிரிழந்ததாகவும், அதுமட்டுமல்லாமல் இந்திய அரசால் தடை செய்யப்பட்ட ஆப்பிரிக்கன் மீன் அதிகமாக ஏரியில் இருப்பதினால் இதனை உடனடியாக சீர் செய்ய வேண்டும் என்று அந்த மணியில் குறிப்பிட்டிருந்தார். மேலும் போடிநாயக்கன்பட்டியில் சில ஆண்டுகளுக்கு முன்பு ரயில்வே பாலம் கட்டப்பட்டதாகவும் ஜங்ஷன் செல்வதற்கு இணைப்பு சாலை அமைக்கவில்லை என்றும் பொதுமக்கள் பள்ளி மற்றும் கல்லூரிகளுக்கு சென்றால் இந்த வழியாகத்தான் சென்று வர வேண்டும் ஆகவே சேலம் மாநகராட்சி ஆணையர் அவர்கள் தங்களுக்கு தார் சாலை அமைத்து தர வேண்டும் என்றும் கோரிக்கை விடுக்கப்பட்டிருந்தது. போடிநாயக்கன்பட்டி ஏரியில் தூர்வ வராத காரணத்தினால் இந்திய அரசாங்கத்தால் தடை செய்யப்பட்ட ஆப்பிரிக்கன் மீன் அதிக அளவு இருக்கும் காரணத்தினால் ஏரியில் குத்தகை கிடைத்தவர்களும் எந்த வேலையும் சரிவர செய்யவில்லை என்று குற்றம் சாட்டப்பட்டிருந்த மனுவில் இதுபோன்ற காரணங்களினால் ஒரு பள்ளி மாணவரின் உயிர் பரிதாபமாக பரிபோனதாகவும் எனவே சேர மாநகராட்சி ஆணையாளர் அவர்கள் தயவு செய்து எங்களுக்கு பல ஆண்டுகளாகவே இணைப்பு பாலம் இல்லாததால் இதுபோன்ற அசோக் காரியங்களில் இருந்து தாங்கள் மீண்டு வர விரைவில் இணைப்பு சாலை அமைத்து தரவேண்டும் என்றும் அந்த மருவில் குறிப்பிட்டு இருந்தனர். 

அப்போது ஊர்மக்கள் சக்தி குமார் மணிகண்டன் ஜெயக்குமார் ஜோஸ்வா மற்றும் நவீன் உட்பட திரளானோர் உடன் இருந்தனர்.

Read more

சேலம் அன்னதானபட்டியில் ஸ்ரீ ஆதிபராசக்தி காளியம்மன் திருக்கோவின் ஜீரணோதரன அஷ்டபந்தன மகா கும்பாபிஷேக விழா. திரளான பக்தர்கள் கலந்து கொண்டு சுவாமி தரிசனம்.

சேலம். 

S.K.சுரேஷ்பாபு.

சேலம் அன்னதானபட்டியில் ஸ்ரீ ஆதிபராசக்தி காளியம்மன் திருக்கோவின் ஜீரணோதரன அஷ்டபந்தன மகா கும்பாபிஷேக விழா. திரளான பக்தர்கள் கலந்து கொண்டு சுவாமி தரிசனம்.

சேலம்  அன்னதானப்பட்டி பழனியப்பா காலனி பகுதியில் ஸ்ரீ மணி விநாயகர், ஸ்ரீ சுப்பிரமணியர், ஸ்ரீ ஓம் சக்தி காளியம்மன், ஸ்ரீ ஐயப்பன், ஸ்ரீ முனியப்பன், ஸ்ரீ சப்த மாதாக்கள் உள்ளிட்ட ஸ்ரீ ஆதிபராசக்தி காளியம்மன் திருக்கோவிலின் ஜீரணதாரன மகா கும்பாபிஷேக விழா நடைபெற்றது. கடந்த மாத 31ஆம் தேதி பாலி போடுதல் முகூர்த்தக்கால் நடுதல் உள்ளிட்ட வைபவங்களுடன் தொடங்கிய இந்த மகா கும்பாபிஷேக விழாவில் நேற்று கணபதி பூஜை புண்ணியாக வாசகம் பஞ்சகவ்யம் கணபதி ஹோமம் உடன் ஆகம விதிமுறைப்படி அமைக்கப்பட்டிருந்த யாகசால சாலையில் முதல் கால வேள்வி பூஜை தொடங்கியது. திருக்கோவலின் தலைவரும், பிரபல சித்த மருத்துவருமான தங்கதுரை தலைமையில் நடைபெற்ற இந்த கும்பாபிஷேக விழாவில் கணபதி பூஜை, வாஸ்து பூஜை, மிருத்சங்கரனம், ரக்ஷாபந்தனம், கும்பலங்காரம், திரவியாஹீதி, ஆகியவற்றுடன் இரண்டாம் கால வேள்வி பூஜை இன்று காலை தொடங்கியது. யாகசாலையில் வைக்கப்பட்டிருந்த புனித கலசங்களுக்கு பல்வேறு சிறப்பு அபிஷேக ஆராதனை பூஜைகள் நடைபெற்றதை தொடர்ந்து காலை சுமார் 10 மணியளவில் ஸ்ரீ ஆதிபராசக்தி தேவி ஸ்ரீ காளியம்மனுக்கு மகா கும்பாபிஷேக விழா வெகு விமர்சையாக நடைபெற்றது. இந்த விழாவில் அன்னதானப்பட்டி லைன்மேடு நெத்திமேடு மற்றும் அதன் சுற்றுவட்டார பகுதிகளை சேர்ந்த ஏராளமான பக்தர்கள் கலந்து கொண்டு மூலவர்களின் அருள் பெற்றுச் சென்றனர். விழாவில் கலந்து கொண்ட அனைவருக்கும் திருக்கோவிலின் சார்பில் அன்னதானமும் வழங்கப்பட்டன. விழாவிற்கான ஏற்பாடுகளை கோவில் நிர்வாகிகள் வாசுதேவன் குமாரராஜா, பாலாஜி சதீஷ் சபாபதி கோகுல் பாலாஜி உள்ளிட்ட நிர்வாகிகள் சிறப்பாக செய்திருந்தனர்.

Read more