வக்பு வாரிய திருத்த சட்டத்தை ரத்து செய்ய வலியுறுத்தி, ஈரோட்டில் காங்கிரஸ் கட்சியினர் குடியரசுத் தலைவருக்கு கடிதம் அனுப்பினர்!

வக்பு வாரிய திருத்த சட்டத்தை ரத்து செய்ய வலியுறுத்தி காங்கிரஸ் கட்சியினர் ஈரோட்டில் குடியரசுத் தலைவருக்கு கடிதம் அனுப்பினர்.

மத்திய அரசின் வக்பு வாரிய திருத்த சட்டத்தை கண்டித்து நாடு முழுவதும் எதிர்க்கட்சிகள் உட்பட இஸ்லாமிய அமைப்புகள் எதிர்ப்பு தெரிவித்து வருகின்றனர்.  இதன் தொடர்ச்சியாக ஈரோட்டில் காங்கிரஸ் கட்சியின் சேவாதளம் மாவட்டத் தலைவர் முகமது யூசுப் தலைமையில், கவுன்சிலர் ஈபி ரவி, மாவட்ட தலைவர் திருச்செல்வம், ராஜேஷ் ராஜப்பா, முகமது அர்ஷத், பாட்ஷா உள்ளிட்ட காங்கிரஸ் கட்சியின் பிரமுகர்கள், ஈரோடு காந்திஜி சாலையில் உள்ள தலைமை தபால் நிலையத்தில் குடியரசு தலைவருக்கு கடிதம் அனுப்பும் போராட்டத்தில் ஈடுபட்டனர். 

அந்த கடிதத்தில் வக்பு வாரிய திருத்த சட்டத்தை மத்திய அரசு திரும்ப பெற கோரியும், இஸ்லாமிய முன்னோர்கள் இஸ்லாமியர்களின் கல்வி மேம்பாட்டிற்காக கொடுக்கப்பட்ட நிலங்களை புதிய வக்பு வாரிய சட்ட திருத்தத்தின் காரணமாக இழக்க நேரிடும் இதனால் மதசார்ப்பின்மை, மத நல்லிணக்கம் கெடும் நிலை உருவாகும் இதனால் அரசியல் சட்டத்திற்கு எதிராக திருத்தப்பட்ட வக்பு வாரிய சட்டத்தை கைவிட்டு மத்திய அரசு பழைய வக்பு வாரிய சட்டங்கள் தொடர நடவடிக்கை எடுக்க வேண்டும் என வலியுறுத்தி கடிதம் எழுதப்பட்டு அனுப்பட்டது...

Read more

கோபி அருகே உள்ள விளாங்கோம்பை, கம்பனூர் பழங்குடியினர் காலனியில் மலைவாழ் மக்களுக்கு வன உரிமை பட்டா வழங்குவது குறித்து ஈரோடு ஆட்சியர் ஆய்வு!

கோபி அருகே உள்ள விளாங்கோம்பை, கம்பனூர் பழங்குடியினர் காலனியில் மலைவாழ் மக்களுக்கு வன உரிமை பட்டா வழங்குவது குறித்து ஈரோடு ஆட்சியர் ஆய்வு!

"உங்களைத் தேடி உங்கள் ஊரில்" திட்டத்தின் கீழ், கோபிசெட்டிபாளையம் வட்டத்திற்கு உட்பட்ட தூக்கநாயக்கன்பாளையம் ஊராட்சி ஒன்றியம், விளாங்கோம்பை மற்றும் கம்பனூர் பழங்குடியினர் காலனியில் மலைவாழ் மக்களுக்கு வன உரிமை பட்டா வழங்குவது குறித்து மாவட்ட ஆட்சியர் ராஜ கோபால் சுன்கரா ஆய்வு மேற்கொண்டார்.

கோபிசெட்டிபாளையம் வட்டத்திற்கு உட்பட்ட தூக்கநாயக்கன்பாளையம் ஊராட்சி ஒன்றியம், விளாங்கோம்பை மற்றும் கம்பனூர் பழங்குடியினர் காலனியில் மலைவாழ் மக்களுக்கு வன உரிமை பட்டா வழங்குவது குறித்து மாவட்ட ஆட்சியர் ராஜ கோபால் சுன்கரா ஆய்வு மேற்கொண்டார்.

ஈரோடு மாவட்டம், கோபிசெட்டிபாளையம் வட்டத்தில் உங்களைத் தேடி உங்கள் ஊரில் திட்டத்தின் கீழ், மாவட்ட ஆட்சியர் ராஜ கோபால் சுன்கரா இன்று (ஏப்ரல் 16) பல்வேறு பகுதிகளில் கள ஆய்வு மேற்கொண்டார்.

இந்த ஆய்வின் போது, தூக்கநாயக்கன்பாளையம் ஊராட்சி ஒன்றியம், விளாங்கோம்பை மற்றும் கம்பனூர் பழங்குடியினர் காலனியில் மலைவாழ் மக்களிடம் வன உரிமை பட்டா வழங்குது, பெயர் மாற்றம், வீட்டுவரி செலுத்துதல், தெருவிளக்கு, குடிநீர் விநியோகம் குறித்தும் ஆய்வு மேற்கொண்டு, கோரிக்கைகளை கேட்டறிந்தார்.

மேலும், தோட்டக்கலைத்துறையின் மூலம் விவசாயிகளுக்கு வேளாண் விதைகள் மற்றும் வேளாண் பொறியியல் துறையின் மூலம் இயந்திரங்களை தகுதியான பயனாளிகளுக்கு வழங்க அலுவலர்களுக்கு உத்தரவிட்டார்.

அதனைத் தொடர்ந்து, கம்பனூர் காலனி பகுதிகளில் செயல்படும் குழந்தைகள் மையத்தில் ஆய்வு மேற்கொண்டு, குழந்தைகளுக்கு வழங்கப்பட்டுள்ள உணவின் மாதிரி, குழந்தைகளின் எடை, உயரம் ஆகியவற்றினை பார்வையிட்டு, ஆய்வு மேற்கொண்டார்.

தொடர்ந்து, தூக்கநாயக்கன்பாளையம் ஊராட்சி ஒன்றிய அலுவலகத்தில் பராமரிக்கப்பட்டு வரும் நடைமுறை கோப்புகளை பார்வையிட்டு, ஊரக வளர்ச்சித்துறை மூலம் செயல்படுத்தப்பட்டு வரும் வளர்ச்சித் திட்டப்பணிகளின் தற்போதைய நிலை, பணிகளின் முன்னேற்றம் ஆகியவை குறித்து ஆய்வு மேற்கொண்டார்.

இதனையடுத்து, கூகலூர் பகுதியில் தோட்டக்கலை மற்றும் மலைப்பயிர்கள் துறையின் சார்பில் மலர்விழி என்பவர் 1 ஏக்கர் பரப்பளவில் 4000 தாய்வான் பிங்க் ரகம் டிராகன் (கமலம்) பழத்தோட்டம் அமைத்து அங்கக வேளாண்மை முறையில் சாகுபடி செய்து வருவதை பார்வையிட்டார்.

பின்னர், தேசிய வேளாண் வளர்ச்சித் திட்டத்தின் கீழ், 0.20.0 எக்டர் பரப்பளவில் ரூ.40 ஆயிரம் மதிப்பீட்டில் டிராகன் (கமலம்) பழத்தோட்டத்திற்கு நிரந்தர கல்பந்தல் மற்றும் நுண்ணீர் பாசனத் திட்டத்தின் கீழ் ரூ.59 ஆயிரத்து 110 மதிப்பீட்டில் சொட்டுநீர் பாசனம் அமைத்துள்ளதை நேரில் சென்று பார்வையிட்டு, ஆய்வு மேற்கொண்டார்.

அப்போது, விவசாயியுடன் கலந்துரையாடியபோது, தற்பொழுது 2-ம் வருட காய்ப்பிற்கு பூக்கும் தருவாயில் உள்ளதாகவும், முதலாமாண்டு ரூ.4.5 லட்சம் முதலீடு செய்யப்பட்டு, 3.5 டன் பழங்கள் அறுவடை செய்துள்ள நிலையில், இந்த ஆண்டு 10 டன் மகசூல் எதிர்பார்க்கப்படுவதாகவும் விவசாயி தெரிவித்தார்.

அதைத் தொடர்ந்து, கூகலூர் மேம்படுத்தப்பட்ட அரசு ஆரம்ப சுகாதார நிலையத்தில் ஆய்வு மேற்கொண்டு, உள்நோயாளிகள் பிரிவு, வெளி நோயாளிகள் பிரிவு, மருந்துகள் இருப்பு, பராமரிக்கப்படும் பதிவேடுகள் ஆகியவற்றை பார்வையிட்டார்.

மேலும், சிகிச்சை முறை குறித்து நோயாளிகளிடம் கேட்டறிந்தார். மேலும் சுகாதார நிலையத்தில் செயல்படும் சித்த மருத்துவ பிரிவினை பார்வையிட்டு, சுகாதார நிலையத்தினை தூய்மையாக பராமரிக்குமாறு அலுவலர்களுக்கு அறிவுறுத்தினார்.

இதைத்தொடர்ந்து, அளுக்குளியில் முதன்மை பதப்படுத்தும் நிலையத்தில் வாழைக்காய், கிழங்கு வகைகள், வாழை இலை உள்ளிட்ட விளைபொருட்கள் தரம் பிரிக்கப்பட்டு ஏற்றுமதி செய்யப்பட்டு வருவதைத் தொடர்ந்து, மாவட்ட ஆட்சித்தலைவர் நேரில் சென்று பார்வையிட்டு, ஆய்வு மேற்கொண்டார்.

மேலும், அதே பகுதியில் வேளாண் விற்பனை மற்றும் வேளாண் வணிகத்துறையின் சார்பில் செயல்பட்டு வரும் 1000 மெட்ரிக் டன் கொள்ளளவு கொண்ட குளிர்பதனக் கிடங்கில் ஆய்வு மேற்கொண்டார். 

இந்த ஆய்வுகளின் போது, மாவட்ட ஆட்சியரின் நேர்முக உதவியாளர் (வேளாண்மை) லோகநாதன், கோபிசெட்டிபாளையம் வருவாய் வட்டாட்சியர் சரவணன் மற்றும் கோபிசெட்டிபாளையம், டி.என்.பாளையம் வட்டார வளர்ச்சி அலுவலர்கள் உட்பட தொடர்புடைய துறை அலுவலர்கள் உடனிருந்தனர்.

Read more

ஈரோட்டில் பெண்ணின் வயிற்றில் இருந்த 10 கிலோ கட்டி அகற்றம்!

ஈரோடு மாவட்டம் பவானியை சேர்ந்த கவிதா (53). இவருக்கு வயிற்று பகுதியில் மிக பெரிய அளவில் வீக்கம் ஏற்பட்டது. இதைத் தொடர்ந்து, உடல் எடை வெகுவாக குறைந்து வந்தது. இதனால், ஈரோட்டில் உள்ள தனியார் (ஜெம்) மருத்துவமனையை அணுகினர்.

இங்கு அவருக்கு ரத்த பரிசோதனை மற்றும் ஸ்கேன் பரிசோதனைகள் மேற்கொள்ளப்பட்டது. இந்த பரிசோதனை முடிவில் பெண்ணின் கருப்பையில் கட்டி 33 x 15x29 சென்டி மீட்டர் 10 கிலோ அளவிலான மிக பெரிய வளர்ந்து இருப்பது தெரிந்தது.

மேலும், இந்த கட்டி வயிற்றின் அடி பகுதியில் இருந்து மேல் நெஞ்சு பகுதி வரை வளர்ந்து உள்ளதாக மருத்துவர் உறுதிப்படுத்தினர். இதையடுத்து, அவருக்கு அதிக ரத்தப் போக்கு இல்லமால் அவரது கருப்பை மற்றும் கட்டியை மருத்துவர் சதீஸ்குமார் மற்றும் செவிலியர் குழுவினரோடு வெற்றிகரமாக அறுவை சிகிச்சை செய்து சுமார் 2.30 மணி நேரத்தில் முற்றிலுமாக நீக்கினர்.

மேலும் , கடந்த 2 ஆண்டுகளில் வளர்ந்த இந்த கட்டி பெரிய அளவு என்பதால் ஓபன் அறுவை சிகிச்சை செய்து 10 கிலோ எடையுள்ள கட்டி அகற்றப்பட்டது. தற்போது 53 வயது பெண்மணி ஆரோக்கியத்துடன் இருப்பதாக என டாக்டர் சதீஷ் குமார் தெரிவித்தார்.

Read more

அமைச்சர் பதவி பிரமாணம் செய்து வைத்தல் தமிழக ஆளுநர், பொன்முடியின் அமைச்சர் பதவியை ரத்து செய்ய வேண்டும். தவறும் பட்சத்தில் இந்து மக்கள் கட்சி சார்பில் நீதிமன்றத்தில் வழக்கு தொடரப்படும். சேலம் ஒருங்கிணைந்த மாவட்ட தலைவர் பெரியசாமி தகவல்.

சேலம். 

S.K. சுரேஷ்பாபு.

அமைச்சர் பதவி பிரமாணம் செய்து வைத்தல் தமிழக ஆளுநர், பொன்முடியின் அமைச்சர் பதவியை ரத்து செய்ய வேண்டும். தவறும் பட்சத்தில் இந்து மக்கள் கட்சி சார்பில் நீதிமன்றத்தில் வழக்கு தொடரப்படும். சேலம் ஒருங்கிணைந்த மாவட்ட தலைவர் பெரியசாமி தகவல். 

இந்து மக்கள் கட்சியின் சேலம் ஒருங்கிணைந்த மாவட்ட தலைவர் பெரியசாமி உள்ளிட்ட கட்சி பிரமுகர்கள் மாவட்ட ஆட்சியரை சந்தித்து மனு வழங்குவதற்காக வந்திருந்தனர். அந்த மனுவில் திமுக பிரமுகர்களின் இந்து விரோத ஆபாச பேச்சுக்கள் பெரும்பான்மை இந்து மக்களின் மத ஆன்மீக உணர்வுகளை காயப்படுத்தி வருகிறது. அமைச்சர் பொன்முடி ஆபாச பேச்சு கனிமொழியே கண்டிக்கும் வகையில் அமைந்துள்ளது. சைவம் வைணவம் திருநீறு திருநாமம் ஒட்டுமொத்த இந்து சமுதாயத்தை அவமானப்படுத்தும் உள்நோக்கத்துடன் இதை திராவிடர் கழக மேடையில் பொன்முடி பேசி உள்ளார். பெண்கள் முகம் சுளிக்கும் வகையில் அருவருக்கத்தக்க வகையில் பொன்முடி பேசியதற்காக அவருடைய கட்சி பதவி மற்றும் பறிக்கப்பட்டுள்ளது. இதுபோல திமுக மாணவர் அணியின் மதியில் பேசிய திமுகவின் துணைப் பொதுச் செயலாளர் ஆ ராசா திமுக மாணவர் அணி பொறுப்பாளர்கள் கரைவேட்டி கட்டும்போது குங்குமம் திருநீறு சந்தனம் வைத்துக் கொள்ளக் கூடாது அது சங்கிகளின் அடையாளம் என்றும் பேசி உள்ளார். அதற்கு அறநிலையத்துறை அமைச்சர் சேகர்பாபு அவர்கள் அவருடைய சொந்த கருத்து என மழுப்பலாக பதில் அளித்தார். இதுவரை ஆ ராசா மீது நடவடிக்கை எடுக்கப்படவில்லை. மேலும் உதயநிதி உள்ளிட்ட திமுக பிரமுகர்கள் பங்கேற்ற திமுக பேச்சாளர் பயிற்சி வகுப்பு இளைஞரணி கூட்டத்தில் அசுரகீதம் எனும் கலை நிகழ்ச்சி மூலம் இந்து சமயம் குறித்தும் பிராமண சமூக மக்களை குறிவைத்தும் மிகத் தரக்குறைவான நிகழ்ச்சியை நடத்தினார்கள். அதனை உதயநிதி உள்ளிட்டோர் கைதட்டி ரசித்து தங்களுடைய ஹிந்து சமய வெறுப்புணர்வை வெளிப்படுத்தினார்கள். திராவிட முன்னேற்றக் கழகம் தற்பொழுது திராவிடர் கழகமாக மாறி உள்ளது. இந்து சமய நம்பிக்கைகளை பழக்க வழக்கங்களை குறிவைத்து இழிவு படுத்துவது தொடர்கிறது. தற்பொழுது பொன்முடி மீது மேற்கொள்ளப்பட்ட நடவடிக்கை கண்துடைப்பு ஆகும் அவரை மந்திரி பதவியில் இருந்து நீக்க வேண்டும். அவரது எம்எல்ஏ பதவியும் பறிக்க வேண்டும். திமுகவின் அடிப்படையில் உறுப்பினர் பதவியில் இருந்து நீக்க வேண்டும். இத்தகைய ஆபாசமான அருவருக்கத்தக்க பேஜை பேசியதற்காக அவர் மீது சட்ட நடவடிக்கை எடுத்து கைது செய்ய வேண்டும் என்று அந்த மனுவில் குறிப்பிடப்பட்டிருந்தது. தமிழக முதலமைச்சர் தமிழக ஆளுநர் மற்றும் தமிழ்நாடு சட்டமன்ற சபாநாயகர் ஆகியோர்களது வாயிலாக சேலம் மாவட்ட ஆட்சித் தலைவரிடம் இந்த மனுவை இந்து மக்கள் கட்சியின் சேலம் ஒருங்கிணைந்த மாவட்ட தலைவர் பெரியசாமி தெரிவித்தார். இது குறித்து அவர் கூறுகையில் தமிழக அமைச்சராக பதவி பிரமாணம் செய்து வைத்த தமிழக ஆளுநர் அவரது பதவியை ரத்து செய்ய வேண்டும் என்றும் தவறும் பட்சத்தில் நீதிமன்றத்தில் வழக்கு தொடர்படும் என்றும் என்றும் தெரிவித்தார்.

Read more

மே 15ம் தேதிக்குள் தமிழில் பெயர் பலகை வைக்காவிட்டால் அபராதம்: ஈரோடு ஆட்சியர்!

இதுகுறித்து ஈரோடு மாவட்ட ஆட்சியர் ராஜ கோபால் சுன்கரா வெளியிட்டுள்ள செய்திக்குறிப்பில் கூறியிருப்பதாவது:- 

தமிழ்நாட்டில் உள்ள அனைத்து கடைகள் மற்றும் வணிக நிறுவனங்களின் பெயர் பலகைகளை தமிழில் வைக்கப்பட வேண்டும். இதில் தமிழில் முதன்மையாகவும், பின்னர் ஆங்கிலத்திலும், அதற்கு பிறகு அவரவர் விரும்பும் மொழிகளிலும் எழுதப்பட வேண்டும். இதற்காக அடுத்த மாதம் (மே) 15ம் தேதி வரை கால அவகாசம் அளிக்கப்பட்டு உள்ளது.

அதன்பிறகு தமிழில் பெயர் பலகை வைக்காத நிறுவனங்களின் மீது விளக்கம் கேட்டு நோட்டீஸ் வழங்கப்பட்டு அபராதம் விதிக்கப்படும். எனவே அனைத்து கடைகள், வணிக சங்கங்கள், உணவு நிறுவனங்கள், பள்ளிக்கூடங்கள், கல்லூரிகள், தொழிற்சாலைகள் உள்ளிட்ட இடங்களின் முன்பு தமிழில் பெயர் பலகைகளை வைக்க வேண்டும். 

இவ்வாறு அதில் கூறப்பட்டுள்ளது.

Read more

சத்தியமங்கலம்: தாளவாடி அருகே பாட்டி, பேரன் கொலை வழக்கில் கள்ளக்காதலனுடன் பெண் கைது!

சத்தியமங்கலம் அடுத்த தாளவாடி அருகே பாட்டி, பேரன் கொலை வழக்கில் கள்ளக்காதலனுடன் பெண் கைது செய்யப்பட்டார்.

ஈரோடு மாவட்டம், தாளவாடி தொட்டகாஜனூரைச் சேர்ந்தவர் மாதப்பா. இவரது மனைவி தொட்டம்மா. இவர்களது மகன் ராகவன் (11), மகள் அமிர்தா (9). இவர்களது வீட்டின் அருகே தொட்டம்மாவின் சித்தி சிக்கம்மா வீடு உள்ளது. இவரது வீட்டுக்கு ராகவன் சென்று வருவது வழக்கம்.

இந்நிலையில், ராகவன் பாட்டி சிக்கம்மா வீட்டில் ஏப்ரல் 12ம் தேதி இரவு தூங்க சென்றுள்ளார். ஆனால், மறுநாள் காலை ராகவன் வீடு திரும்பவில்லை. இதனால் சந்தேகமடைந்த பெற்றோர் சிக்கம்மாவின் வீட்டுக்கு சென்று பார்த்தபோது, ரத்த வெள்ளத்தில் சிக்கம்மாவும், ராகவனும் கொலை செய்யப்பட்டு கிடப்பது தெரியவந்தது.

இதைத் தொடர்ந்து, சம்பவ இடத்தில் கோவை சரக டி.ஜ.ஜி. சசிமோகன், ஈரோடு மாவட்ட போலீஸ் சூப்பிரண்டு சுஜாதா ஆகியோர் தாளவாடி போலீசாருடன் உடல்களை பார்வையிட்டனர். பின்னர், கொலையாளிகளைப் பிடிக்க 4 தனிப்படை அமைத்து விசாரணை நடத்தினர்.

அப்போது, தொட்டகாஜனூர், அண்ணா நகர் பகுதியில் உள்ள சிசிடிவி கேமராவை ஆய்வு செய்தபோது பொக்லைன் ஓட்டுநர் நாகேஷ் நடந்து செல்லும் காட்சி பதிவாகியிருந்தது. அவரைப் பிடித்து விசாரணை நடத்தியதில், பொக்லைன் உரிமையாளரான நாகேசுக்கும், அதே பகுதியைச் சேர்ந்த கணவரை இழந்த பாக்யா (38) என்பவருக்கும் கள்ளத்தொடர்பு இருந்துள்ளது.

இதுகுறித்து, சிக்கம்மாவுக்கு தெரிய வந்தது. ஏற்கனவே, அவருக்கும், நாகேசுக்கும் கொடுக்கல், வாங்கல் தகராறு இருந்துள்ளது. இந்த நிலையில், சிக்கம்மா நாகேஷ், பாக்யாவின் கள்ள உறவு குறித்து பாக்யாவின் பெற்றோரிடம் கூறியுள்ளார். இதனால், பெற்றோர் பாக்யாவை கண்டித்துள்ளனர்.

இதனால், ஆத்திரமடைந்த பாக்யா, கள்ளக்காதலன் நாகேசுடன் சேர்ந்து சிக்கம்மாவை தீர்த்துக்கட்ட முடிவு செய்தார். அதன்படி, நாகேஷ் கடந்த 12ம் தேதி கத்தியுடன் சிக்கம்மாவின் வீட்டுக்குள் நுழைந்துள்ளார். அப்போது, சிக்கம்மாவிடம் நாகேஷ் பேசிய போது இருவருக்கும் வாக்குவாதம் ஏற்பட்டுள்ளது. வாக்குவாதம் முற்றிய நிலையில், நாகேஷ் சிக்கம்மாவின் தலையில் சுத்தியலால் தாக்கி கொலை செய்தார்.

அப்போது, சத்தம் கேட்டு ராகவன் எழுந்தான். அவன் வெளியில் சொல்லி விடக்கூடாது என்பதற்காக சிறுவன் என்றும் பார்க்காமல் அவனையும் அதே சுத்தியலால் தாக்கி கொலை செய்துவிட்டு, சிக்கம்மாவின் வீட்டு பீரோவில் வைத்திருந்த 3.76 பவுன் நகையையும் நாகேஷ் திருடிச்சென்று பொக்லைன் இயந்திரத்தில் மறைத்து வைத்திருந்தது தெரிய வந்தது.

இதையடுத்து, போலீசார் நாகேசையும், பாக்யாவையும் கைது செய்து சத்தியமங்கலம் நீதிமன்றத்தில் ஆஜர்படுத்தி சிறையில் அடைத்தனர். இந்த சம்பவம் அந்த பகுதியில் பெரும் பரபரப்பை ஏற்படுத்தி உள்ளது.

Read more

சத்தியமங்கலம்: கடம்பூர் அருகே சாலையை கடந்த புலி!

ஈரோடு மாவட்டம் சத்தியமங்கலம் புலிகள் காப்பகத்துக்கு உட்பட்ட கடம்பூர் வனச்சரகத்தில் காட்டு யானைகள், புலிகள், காட்டெருமைகள், மான்கள் உள்ளிட்ட வனவிலங்குகள் உள்ளன. தற்போது கோடை காலம் என்பதால் வனப்பகுதியில் செடி, கொடி கள் காய்ந்து வறட்சி ஏற்பட்டுள்ளது. இதன் காரணமாக விலங்குகள் அடிக்கடி உணவு, தண்ணீர் தேடி வனப்பகுதி சாலையை கடந்து வருகின்றன.

இந்த நிலையில், வனப்பகுதியில் இருந்து வெளியேறிய புலி கடம்பூர்- மாக்கம்பாளையம் செல்லும் வனப்பகுதி சாலையை கடந்து சென்றது. இதனை அந்த வழியாக சென்ற வாகன ஓட்டிகள் பார்த்து அச்சமடைந்தனர். இதனால் வாகனங்களை சற்று தூரத்தில் நிறுத்திக்கொண்டனர். பின்னர் வாகனங்களில் இருந்தபடியே புலியை தங்கள் செல்போனில் புகைப்படம் மற்றும் வீடியோ எடுத்து சமூக வலைத்தளத்தில் பதிவிட்டனர்.

புலி ரோட்டை கடந்து சென்றதும் வாகன ஓட்டிகள் அங்கிருந்து புறப்பட்டனர். மேலும் இந்த காட்சி சமூக வலைத்தளங்களில் வைரலாகி வருகிறது.

Read more