ஈரோட்டில் ரயில் என்ஜின் டிரைவர் வீட்டில் 10 நாட்களாக தங்கி இருந்து சமைத்து சாப்பிட்டு, டி.வி-பிரிட்ஜ் உள்ளிட்ட பொருட்களை திருடி சென்ற மர்ம நபர்!

ஈரோட்டில் ரயில் என்ஜின் டிரைவர் வீட்டில் டி.வி-பிரிட்ஜ் உள்ளிட்ட பொருட்களை திருடி சென்ற மர்ம நபர், 10 நாட்களாக தங்கி இருந்து சமைத்து சாப்பிட்டு சென்ற சம்பவம் அதிர்ச்சியை ஏற்படுத்தியுள்ளது. 

ஈரோடு ரயில்வே காலனி சாய்பாபா கோவில் பகுதியை சேர்ந்தவர் அனில்குமார் (வயது 52). இவர் ஈரோடு ரயில் நிலையத்தில் என்ஜின் டிரைவராக பணியாற்றி வருகிறார். இவரது குடும்பத்தினர் கேரளா மாநிலத்தில் வசித்து வருகின்றனர். அனில் குமார் மட்டும் ரயில்வே காலனி குடியிருப்பில் தங்கி இருந்து அவ்வப்போது கேரளா சென்று குடும்பத்தினரை பார்த்து வந்துள்ளார்.

கடந்த மாதம் 23ம் தேதி அனில்குமார் ஈரோடு ரயில்வே காலநிலையில் உள்ள வீட்டை பூட்டி விட்டு கேரளா சென்று விட்டார். இந்நிலையில், நேற்று அனில்குமார் ஈரோடு ரெயில்வே காலனி வீட்டுக்கு வந்து வீட்டின் முன்பக்க கதவை திறந்து உள்ளே சென்றுள்ளார். வீட்டுக்குள் இருந்த டி.வி, பிரிட்ஜ், பாத்திரங்கள் கட்டில் உள்ளிட்ட பொருட்கள் அனைத்தும் மாயமாகி இருப்பதை கண்டு அதிர்ச்சி அடைந்தார். 

வீட்டின் பின்பக்க கதவு உடைக்கப்பட்டு அதன் வழியாக மர்ம நபர் வந்து இந்த துணிகர கொள்ளையில் ஈடுபட்டது தெரிய வந்துள்ளது. வீட்டில் ஆள் இல்லாததை நோட்டமிட்ட மர்ம நபர் கடந்த 10 நாட்களுக்கு முன்பு அனில்குமார் வீட்டில் நுழைந்துள்ளார். 10 நாட்களாக வீட்டில் தங்கி வீட்டில் இருந்த மளிகை சாமான்களை வைத்து சமைத்து சாப்பிட்டு உள்ளார். பின்னர் வீட்டிலுள்ள பிரிட்ஜ், டிவி, கட்டில் உள்ளிட்ட ஒவ்வொரு பொருட்களையும் திருடி சென்றுள்ளார்.

இதுகுறித்து சூரம்பட்டி போலீசார் வழக்கு பதிவு செய்து விசாரணை நடத்தி வருகின்றனர். அந்தப் பகுதியில் பொருத்தப்பட்டிருக்கும் சிசிடிவி கேமரா காட்சிகளை ஆய்வு செய்து வருகின்றனர். இந்த துணிகர கொள்ளை சம்பவம் அப்பகுதியில் பரபரப்பை ஏற்படுத்தியுள்ளது.

Read more

அதிமுக பொதுச்செயலாளர் எடப்பாடியார் பிறந்த நாள் விழா. நல உதவிகள் வழங்கியும், உச்சி கால பூஜை செய்து அதிமுகவினர் நேர்த்திக்கடன்.

சேலம்.

S.K. சுரேஷ்பாபு.

அதிமுக பொதுச்செயலாளர் எடப்பாடியார் பிறந்த நாள் விழா. நல உதவிகள் வழங்கியும், உச்சி கால பூஜை செய்து அதிமுகவினர் நேர்த்திக்கடன். 

அதிமுக பொதுச்செயலாளரும், தமிழக முன்னாள் முதலமைச்சரும் மற்றும் தமிழக சட்டப்பேரவை எதிர்க்கட்சித் தலைவருமான எடப்பாடி திரு.கே. பழனிச்சாமி அவர்களின் 71 வது பிறந்தநாள் விழா  அதிமுகவினரால் வெகு உற்சாகமாக கொண்டாடப்பட்டு வருகிறது. இதன் ஒரு பகுதியாக எம் ஜி ஆர் இளைஞர் அணி சார்பில் ஏற்காடு அடிவாரத்தில் உள்ள நேச கரங்கள் உதவி இயக்கம் முதியோர் இல்லத்தில் அங்குள்ள முதியவர்களுக்கு மதிய உணவும், அவர்களுக்கான நல உதவிகளும் வழங்கப்பட்டன.

எம்ஜிஆர் இளைஞர் அணி மாநில துணை செயலாளரும், சேலம் மாநகராட்சி எதிர்க்கட்சித் தலைவர்மான கே.சி. செல்வராஜ் தலைமையில் நடைபெற்ற நிகழ்வில் அதிமுக அமைப்பு செயலாளர் சிங்காரம், அதிமுக மாவட்ட செயலாளர் எம்.கே. செல்வராஜு மற்றும் சட்டமன்ற உறுப்பினர் பாலசுப்பிரமணியன் உள்ளிட்டவர்கள் சிறப்பு விருந்தினர்களாக கலந்து கொண்டு முதியவர்களுக்கு மதிய உணவு வழங்கியும் அவர்களுக்கான நல உதவிகளை வழங்கியும் மகிழ்ந்தனர். 

இதேபோன்று சேலம் மாநகர் மாவட்ட அதிமுகவின் முன்னாள் தெற்கு தொகுதி அதிமுக சட்டமன்ற உறுப்பினரான ஏ பி சக்திவேல் சார்பில் சேலத்தில் எட்டுப்பட்டி மக்களின் காவல் தெய்வமாக விளங்கும் கோட்டை அருள்மிகு ஸ்ரீ பெரிய மாரியம்மன் திருக்கோவில் அதிமுக பொதுச்செயலாளர் எடப்பாடி பழனிச்சாமி அவர்களின் பிறந்தநாள் விழாவை முன்னிட்டு சிறப்பு உச்சி கால பூஜை நிகழ்ச்சிக்கு ஏற்பாடு செய்யப்பட்டிருந்தது. அதிமுக நிர்வாகிகள் சிங்காரம், எம் கே செல்வராஜ் மற்றும் பாலசுப்பிரமணியம் உள்ளிட்ட பங்கேற்ற இந்த நிகழ்விலும், முன்னாள் நாடாளுமன்ற உறுப்பினர் பன்னீர்செல்வம், முன்னாள் சட்டமன்ற உறுப்பினர் ரவிச்சந்திரன்,  அதிமுக நிர்வாகிகள் சங்கர், ராஜேஷ், ஜமுனா ராணி, உங்கிட்ட பலர் கலந்து கொண்டு விழாவினை சிறப்பித்தனர்.

 

Read more

சேலம் மாநகருக்கு நாள்தோறும் வருகை தரும் வட மாநிலத்தவர்கள் குறித்து முழுமையான கணக்கெடுத்து அவர்களை கண்காணிக்க வேண்டும். சேலத்தில் தேசிய தெலுங்கர் சிறுபான்மையினர் கூட்டமைப்பின் நிறுவனர் டாக்டர் நாக அரவிந்தன் தமிழக அரசுக்கு வேண்டுகோள்.

சேலம்.

S.K. சுரேஷ்பாபு.

சேலம் மாநகருக்கு நாள்தோறும் வருகை தரும் வட மாநிலத்தவர்கள் குறித்து முழுமையான கணக்கெடுத்து அவர்களை கண்காணிக்க வேண்டும். சேலத்தில் தேசிய தெலுங்கர் சிறுபான்மையினர் கூட்டமைப்பின் நிறுவனர் டாக்டர் நாக அரவிந்தன் தமிழக அரசுக்கு வேண்டுகோள்.

தேசிய தெலுங்கர் சிறுபான்மையினர் கூட்டமைப்பின் தலைவர் டாக்டர் நாக அரவிந்தன் சேலத்தில் செய்தியாளர்களை சந்தித்தார். அப்போது சேலத்தில் கடந்த இரண்டு நாட்களுக்கு முன்பு ஜங்ஷன் பகுதியில் கணவன் மனைவி இருவரையும் கொடூர முறையில் கொலை செய்து நகையை திருடி சென்றுள்ளார்கள்.  மிகவும் இது வேதனைக்குரிய விஷயம் என்றும், இதுபோன்று தமிழகத்தில் பல்வேறு மாவட்டத்தில் நடைபெற்றுக் கொண்டிருக்கின்றது. இதை தமிழக அரசு உடனடியாக தலையிட்டு தமிழக முதல்வர் அவர்களும் தலையிட்டு ஆங்காங்கே  இருக்கக்கூடிய வட மாநிலங்களை சேர்ந்தவர்களுடைய லிஸ்ட் எடுத்து காவல்துறை உடனடியாக இதுபோன்று நடைபெறாமல் இருக்க அந்தந்த காவல்துறை உடனடியாக நடவடிக்கை எடுத்து அவர்களை அப்புறப்படுத்த வேண்டும் என்று கேட்டுக் கொண்டார். மேலும் இதுபோன்று வெளி மாநிலங்களில்  இருந்து, நமது தமிழ்நாட்டுக்கு வரக்கூடிய அந்நிய மாநிலத்தைச் சேர்ந்தவர்களை உடனடியாக கணக்கு எடுத்து முழு விபரத்தை சேகரித்து இதுபோன்ற குற்றங்கள் இனி தமிழகத்தில் குறிப்பாக சேலம் மாவட்டத்தில் எங்கும் நடைபெறாமல் இருக்க நம்முடைய தமிழ்நாட்டுடைய முதலமைச்சர் அவர்கள் தகுந்த நடவடிக்கை எடுக்க வேண்டும் என்று வலியுறுத்தி கேட்டுக்கொள்கின்றோம் என்று கூறியவர், சேலம் மாநகரில் கொலை செய்த 6 மணி நேரத்திலே குற்றவாளிகளை  கைது செய்த சேலம் மாநகர காவல் துறை ஆணையாளர் பிரவீன் குமார் அபினவ் அவர்களுக்கு எங்களுடைய தேசிய தெலுங்கர் சிறுபான்மை சமூகத்தின் சார்பில் பாராட்டுகளையும் வாழ்த்துகளையும் தெரிவித்துக் கொள்கின்றோம் என்றும் மேலும் அந்த ஜங்ஷன் பகுதியில் நடந்த கொலை குற்றம் மிகக் கொடூர கொடுமையானது சுத்தியிலே தாக்கி சினிமா பானில் வருகின்றது போல் அந்த நபர் மிகக் கொடூரமான முறையிலே தாக்கியுள்ளார் என்றார். இது மிகவும் வேதனைக்குரிய விஷயம் என்பதோடு, தமிழ்நாட்டில் எந்த இடத்திலுமே நடைபெறாமல் இருக்க தமிழக காவல்துறையும், தமிழக அரசும் உடனடியாக நடவடிக்கை எடுக்க வேண்டும் என்று நாங்கள் வலியுறுத்தி கேட்டுக்கொள்கின்றோம் என்று கூறிய டாக்டர் நாக அரவிந்தன், தமிழ்நாடு எதிர்பார்த்துக்  காத்திருந்த பொள்ளாச்சி பாலியல் வன்கொடுமை தீர்ப்பு தமிழக மக்களுக்கு கிடைத்த மாபெரும் வெற்றியாகும் என்றும் தமிழக அரசுக்கு இந்த தீர்ப்பு மிகப்பெரிய வெற்றியாகும் என்றதோடு, இதுபோன்று  தமிழ்நாட்டிலே எந்த குற்றங்கள் நடைபெறாமல் தடுக்கும் விதமாக பெண்களுக்கு குற்றங்கள்குற்றங்கள் நடைபெறாமல்  இருக்க இது ஒரு நல்ல தீர்ப்பு என்பது இந்த நேரத்திலே நாங்கள் வரவேற்கின்றோம் என்றும் தெரிவித்தார்.

 

Read more

சேலம் மாநகர் மாவட்ட அதிமுக தகவல் தொழில்நுட்ப அணியின் சார்பாக எடப்பாடி ஆரின் 71 வது பிறந்த நாள் விழாவையொட்டி மாபெரும் ரத்ததான முகாம்.

சேலம்.

S.K. சுரேஷ்பாபு.

சேலம் மாநகர் மாவட்ட அதிமுக தகவல் தொழில்நுட்ப அணியின் சார்பாக எடப்பாடி ஆரின் 71 வது பிறந்த நாள் விழாவையொட்டி மாபெரும் ரத்ததான முகாம்.

தமிழக எதிர் கட்சித் தலைவரும்,  அதிமுக பொது செயலாளர்  எடப்பாடி திரு. பழனிசாமி அவர்களின் 71 வது பிறந்தநாளை ஒட்டி நடைபெற்ற இரத்ததான முகாமில் சேலம் மாநகர் மாவட்ட செயலாளர் எம் கே செல்வராஜ் அவர்கள் துவக்கி வைத்தார். சேலம் கந்தம்பட்டி பகுதியில் நடைபெற்ற இவ்விழாவில் தகவல் தொழில்நுட்ப பிரிவு அனைத்து நிர்வாகிகள் உள்பட ஆ தி மு க.வினர் ஏராளமான ரத்த தானத்தை சேலம் அரசு மருத்துவமனை ரத்த வங்கிக்கு தானமாக வழங்கினார். இந்த நிகழ்வில் தெற்கு தொகுதி சட்டமன்ற உறுப்பினர் பாலசுப்பிரமணி மற்றும் முன்னாள் நாடாளுமன்ற உறுப்பினர் பன்னீர் செல்வம் உள்பட அனைத்து நிர்வாகிகளும் கலந்து கொண்டு விழாவை சிறப்பித்தார்கள்.

Read more

ஈரோட்டில் அடுக்குமாடி குலுக்கல் முறைக்கு எதிர்ப்பு தெரிவித்து, அன்னை சத்யா நகர் பகுதி மக்கள் சாலை மறியலுக்கு முயன்றதால் பரபரப்பு

ஈரோட்டில் அடுக்குமாடி குலுக்கல் முறைக்கு எதிர்ப்பு தெரிவித்து, அன்னை சத்யா நகர் பகுதி மக்கள் சாலை மறியலுக்கு முயன்றதால் பரபரப்பு ஏற்பட்டது. 

ஈரோடு - பவானி சாலையில் அமைந்துள்ள அன்னை சத்யா நகரில் குடிசை மாற்று வாரியத்தின் அடுக்குமாடி குடியிருப்பில் 228 குடும்பங்கள் வசித்து வந்தனர். அண்மையில், அக்குடியிருப்பு பழுதடைந்ததால் தமிழ்நாடு நகர்ப்புற வாழ்விட மேம்பாட்டு வாரியம் சார்பில் இடித்து அதே பயனாளிகளுக்கு வீடு வழங்கப்படும் என அதிகாரிகள் கூறியதாக அப்பகுதி மக்கள் தெரிவித்தனர்.

தற்போது 330 வீடுகள் கொண்ட அடுக்குமாடி குடியிருப்பு புதிதாக கட்டப்பட்டுள்ள நிலையில் குலுக்கல் முறையில் வீடுகள் ஒதுக்கீடு செய்யப்படும் என அதிகாரிகள் கூறினர். இதற்கு, அன்னை சத்யா பகுதி மக்கள் எதிர்ப்பு தெரிவித்து கலெக்டர், அமைச்சர், முதல் - அமைச்சர் தனிப்பிரிவு என பலருக்கும் மனு அனுப்பியும் எந்தவித பதிலும் வரவில்லை என வேதனை தெரிவிக்கின்றனர்.

வீட்டின் எண் மாற்றப்படும் போது அதன் மூலம் அனைத்து சான்றிதழ் மாற்ற வேண்டிய சூழல் உள்ளது. எனவே குலுக்கல் முறையை கைவிட்டு பழைய பயனாளிகளுக்கு அதே எண் வீட்டை ஒதுக்க வலியுறுத்தி இன்று நடந்த குலுக்கல் முறையை புறக்கணித்த 30க்கும் மேற்பட்டவர்கள் ஈரோடு - பவானி சாலையில் மறியலில் ஈடுபட முயற்சித்தனர்.

தொடர்ந்து பாதுகாப்பு பணியில் ஈடுபட்டிருந்த காவல்துறையினர் அவர்களை தடுத்து நிறுத்தி அதிகாரிகள் மற்றும் காவல்துறையினர் பேச்சுவார்த்தையில் ஈடுபட்டனர்.

Read more

ஈரோடு மாவட்ட வேலைவாய்ப்பு மையத்தில் வரும் மே.16ம் தேதி சிறிய அளவிலான தனியார் துறை வேலைவாய்ப்பு முகாம்!

ஈரோடு மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் வருகிற மே.16ம் தேதி சிறிய அளவிலான தனியார் துறை வேலைவாய்ப்பு முகாம் நடக்கிறது.

ஈரோடு மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் ஒவ்வொரு மாதமும் மூன்றாம் வெள்ளிக்கிழமை அன்று தனியார்துறை வேலைவாய்ப்பு முகாம் நடைபெற்று வருகிறது.

அதன்படி, இம்மாதத்திற்கான வேலைவாய்ப்பு முகாம் வருகிற மே.16ம் தேதி வெள்ளிக்கிழமை அன்று சிறிய அளவிலான தனியார்துறை வேலைவாய்ப்பு முகாம் காலை 10 மணி முதல் மதியம் 3 மணி வரை ஈரோடு மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் நடைபெறவுள்ளது.

வேலைவாய்ப்பு மற்றும் பயிற்சித்துறையின் வாயிலாக நடத்தப்படும் இவ்வேலைவாய்ப்பு முகாம், வேலைநாடுர்கள் மற்றும் வேலை அளிப்பவர்களுக்கு முற்றிலும் இலவசமாக செயல்படுத்தப்படுகிறது. எனவே, ஈரோடு மாவட்டத்தில் தனியார் துறையில் பணிபுரிய ஆர்வமாக உள்ள அனைவரும் இந்த வேலைவாய்ப்பு முகாமில் கலந்துகொண்டு பயனடையலாம்.

மேலும், விவரங்களுக்கு ஈரோடு மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தினை நேரிலோ அல்லது 86754 12356, 94990 55942 என்ற எண்களின் வாயிலாகவும் தொடர்பு கொள்ளலாம் என்று மாவட்ட ஆட்சியர் ராஜ கோபால் சுன்கரா தெரிவித்துள்ளார்.

Read more

நடிகர்கள் சந்தானம் மற்றும் ஆர்யா உட்பட பட குழுவினர் மீது சட்ட ரீதியான நடவடிக்கை எடுக்க வேண்டும். சேலம் மாநகர காவல் ஆணையரிடம் சேலம் கிழக்கு மாவட்டத்தை பாஜக வழக்கறிஞர் புகார் மனு.

சேலம். 

S.K. சுரேஷ்பாபு.

நடிகர்கள் சந்தானம் மற்றும் ஆர்யா உட்பட பட குழுவினர் மீது சட்ட ரீதியான நடவடிக்கை எடுக்க வேண்டும். சேலம் மாநகர காவல் ஆணையரிடம் சேலம் கிழக்கு மாவட்டத்தை பாஜக வழக்கறிஞர் புகார் மனு.

சேலம் கிழக்கு மாவட்ட பாஜக லீகல் விங் செயலாளர் அஜித் சாக்கோ என்பவர் தனது ஆதரவாளர்களுடன் சேலம் மாநகர காவல் துறை ஆணையர் அலுவலகத்தில் நடிகர்கள் சந்தானம் மற்றும் ஆர்யா உள்ளிட்ட படுக்குழுவினரின் மீது சட்ட ரீதியான நடவடிக்கை எடுக்க வேண்டும் என்பதை வலியுறுத்தி புகார் மனு அளிக்க வந்திருந்தனர். அந்த மனுவில் இந்து மத மக்களால் புனிதமாக கருதப்படும் புனித வழிபாட்டு இடங்களான 108 வைணவ திருத்தலங்களில் ஒன்றான திருப்பதி ஏழுமலையானை வழி மட்டும் பூஜித்தும் வருகின்றனர். இந்து மதத்தை நிந்திக்கும் உட்படுத்துடனும் அவமதிக்கின்ற வகையிலும் இந்து மக்களின் வழிபாட்டு முறையை சிதைக்கின்ற எண்ணத்துடனும் ஆச்சாரத்தை கெடுத்தும் இந்து மக்களின் மத உணர்வுகளை புண்படுத்தும் எண்ணத்துடன் வேண்டுமென்றே வாய்மொழியாகவும் சைகைகளாலும் மத வழிபாட்டை மத சடங்குகளை அசிங்கப்படுத்தி வழிபாட்டு வார்த்தையான கோவிந்தா என்ற புனித சொல்லை கலைத்து குழப்பம்  விளைவித்து, இந்து மத உணர்வுகளை புண்படுத்தி அதை பாடலாக இந்தியாவில் உள்ள அனைத்து இந்து மக்களும் கேட்கும் படியும் பார்க்கும் படியும் டிடி நெக்ஸ்ட் லெவல் என்ற திரைப்படத்தில் ஒரு பாடலான கோவிந்தா கோவிந்தா கிஷா 47 என்ற பாடலை வெளியிட்டு அதில் இந்து மக்களின் கடவுள்களில் ஒன்றான பெருமாளையும் அவர் இருக்கும் புனித தனமான திருப்பதி கோவிலை அசிங்கப்படுத்தி மத உணர்வுகளை புண்படுத்திய டிடி நெக்ஸ்ட் லெவல் திரைப்படத்தின் நடிகர்களான சந்தானம் மற்றும் சூர்யா இது போக அந்த படக்குழுவினர் அனைவரின் மீதும் சட்ட ரீதியான நடவடிக்கை எடுத்து தண்டிக்க வேண்டும் என சேலம் மாநகர காவல் துறை ஆணையர் அலுவலகத்தில் புகார் மனு  அளித்துள்ளனர். மேலும் இந்துக்களில் இஷ்ட தெய்வம் மற்றும் இஷ்ட தெய்வத்தின் பாடல் ஆன கோவிந்தா கோவிந்தா பாடலை சம்பந்தப்பட்ட படத்திலிருந்து உடனடியாக நீக்க வேண்டும் வேண்டும் கோரிக்கை விடுத்துள்ளனர். இந்த நிகழ்வின் போது சேலம் கிழக்கு மாவட்ட பாஜக லீகல்விங்கு மாவட்ட செயலாளர் அஜித் சாக்கோ ஆதரவாளர்கள் கிருபாகரன் கார்த்திக் மணிகண்டன் உள்ளிட்டோர் உடன் இருந்தனர்.

Read more