சென்னிமலை அருகே பா.ஜனதா பிரமுகரின் நாய்களை விஷம் வைத்து கொன்ற தொழிலாளி கைது!

ஈரோடு மாவட்டம் சென்னிமலை அருகே சொக்கநாதபாளையத்தை சேர்ந்தவர் பாஸ்கர். இவருடைய மனைவி கலைவாணி. இவர் பா.ஜனதா கட்சியில் திருப்பூர் மாவட்ட பொறுப்பாளராக உள்ளார். இவர்களது வீடு சொக்கநாதபாளையம் பகுதியில் ஒரு தோட்டத்துக்குள் உள்ளது. வீடு தனியாக இருப்பதால் பாதுகாப்புக்காக 4 நாய்களை வளர்த்து வந்தார். கடந்த 14ம் தேதி காலையில் ஒரு நாய் வாந்தி எடுத்த நிலையில் வீட்டின் அருகே இறந்து கிடந்தது. மேலும் 2 நாய்கள் மாயமாகி இருந்தன. இதுகுறித்து சென்னிமலை போலீசார் நடத்திய விசாரணையில், நாய் விஷம் கலந்த உணவினை சாப்பிட்டு இறந்தது தெரியவந்தது.

இதைத் தொடர்ந்து, சம்பவ இடத்தின் அருகில் உள்ள இடங்களை சோதனை செய்தபோது, எல்பிபி வாயக்க்கால் கரையில் குருணை மருந்து கலந்த கோழி இறைச்சியின் தோல்கள் மற்றும் குருணை மருந்துகள் சிதறி கிடந்தது. மேலும், உணவளிக்கும் தட்டில் குருணை மருந்து கலந்ததற்கான தடயமும் கிடைத்தது. தொடர்ந்து, காணாமல் போன இரண்டு நாய்களில், ஒரு நாயின் உடல் அருகில் உள்ள தோட்டத்து கால்வாய் புதரில் கண்டுபிடிக்கப்பட்டு, உடல் கூறாய்வுக்கு அனுப்பப்பட்டது. இதையடுத்து, இதுசம்மந்தமாக அப்பகுதியில் குடியிருந்து வரும் மரம் ஏறும் தொழிலாளி பொன்னுசாமி என்பவரது மகன் பழனிச்சாமி என்பவரை சந்தேகத்தின் பேரில் போலீசார் விசாரணை நடத்தினர்.

விசாரணையில், பழனிச்சாமி வளர்த்து வந்த கோழிகளை நாய்கள் அடிக்கடி தோட்டத்திற்குள் புகுந்து கடித்து கொன்றதில் இதுவரை சுமார் 30 கோழிகள் இறந்துவிட்ட காரணத்தால், அதை கோழி இறைச்சிகளில் குருணை மருந்து கலந்து வாய்க்கால் பகுதியில் வீசியது தெரியவந்தது. அதைத்தொடர்ந்து, போலீசார் வழக்குப்பதிவு செய்து பழனிச்சாமியை கைது செய்தனர்.

Read more

தமிழர்களின் கலாச்சாரம் மற்றும் பாரம்பரியம் ஆகியவற்றை சுவர் விளம்பரங்களாக தீட்டிய தனியா ஜுவல்லரி நிறுவனம். அரசியல் பிரமுகர்களின் கைகளில் இருந்து அரசு சுவற்றை மீட்டுள்ளதாக பொதுமக்கள் பாராட்டு.

சேலம்.

S.K. சுரேஷ் பாபு.

தமிழர்களின் கலாச்சாரம் மற்றும் பாரம்பரியம் ஆகியவற்றை சுவர் விளம்பரங்களாக தீட்டிய தனியா ஜுவல்லரி நிறுவனம். அரசியல் பிரமுகர்களின் கைகளில் இருந்து அரசு சுவற்றை மீட்டுள்ளதாக பொதுமக்கள் பாராட்டு. 

சேலத்தில் பிரபல தனியார் ஜுவல்லரி நிறுவனமான ஓவியா ஜுவல்லரி நிறுவனம் தலைமை இடமாகக் கொண்டு சேலம் குகை பகுதியில் செயல்பட்டுக் கொண்டிருக்கிறது. பாரம்பரியம் கொண்டு இந்த ஜுவல்லரி நிறுவனத்தின் கிளை நிறுவனம் ஆடையகத்துடன் கூடிய ஜுவல்லரி நிறுவனமாக சேலம் பழைய பேருந்து நிலையம் காந்தி சிலை அருகே சமீபத்தில் புதிதாக துவக்கப்பட்டது. இந்த ஓவியா ஜுவல்லரி நிறுவனத்திற்கு எதிரே சேலம் மாநகராட்சியின் நேரு கலையரங்கம் மிகப் பிரம்மாண்டமான அளவில் புதுப்பொலிவுடன் தற்பொழுது கட்டப்பட்டுள்ளது. இதன் சுற்றுச்சூழல் மிக நீண்ட நெடியது. என்பதால் அரசியல் கட்சி பிரமுகர்கள் தங்களது கட்சித் தலைவர்களின் பிறந்தநாள் மற்றும் இதர நிகழ்வுகளுக்கு போட்டி போட்டுக் கொண்டு டிஜிட்டல் பேனர்களை சம்பந்தப்பட்ட அரசு சுவற்றில் பொருத்துவதும் பின்னர் அகற்றுவதுமாக இருந்தது. ஒரு கட்டத்தில் நேரு கலையரங்க சுற்றுச்சுவரில் போஸ்டர்கள் ஓட்டுவது தொடர்பாக இரண்டு முக்கிய பிரதான கட்சி பிரமுகர்களிடையே மிகப் பெரிய ஒரு போராட்டம் வெடிக்க கூடிய சூழல் உருவாகி இருந்தது. இது போன்ற பிரச்சனை நடந்து கொண்டிருக்கும் பொழுது தான் சம்பந்தப்பட்ட ஓவியா ஜுவல்லரியின் கிளை நிறுவனம் இங்கு துவக்கப்பட்டு இருந்தது. தங்களது வளரியை நிறுவனத்திற்கு எதிரே இது போன்ற பிரச்சினைகளை தவிர்க்க சம்பந்தப்பட்ட நிறுவன நிறுவனத்தினர் சேலம் மாநகராட்சி நிர்வாகத்தை அணுகி தங்களது ஏடு கலையரங்க அரசு சுற்றுச் சுவரில் தங்களது நிறுவனத்தின் சார்பாக விளம்பரப்படுத்திக் கொள்ள முறையிட்டனர்.

இதனை ஏற்ற சேலம் மாநகராட்சி நிர்வாகம் சம்பந்தப்பட்ட ஓவியா ஜுவல்லரி நிர்வாகத்திற்கு அந்த அனுமதியையும் வழங்கியது. இதனை அடுத்து சேலம் நேரு கலையரங்க அரசு சுற்றுச்சுவர் முழுவதும் தமிழர்களின் கலாச்சாரம் பாரம்பரியம் விளையாட்டுக்கள் தேசிய விலங்குகள் மரம் வளர்ப்பதை காப்போம், அது மட்டுமல்லாமல் தமிழர்களின் மறந்து போன பாரம்பரிய கலாச்சார விளையாட்டுகள் என்பது போன்ற பொது மக்களின் கவனத்தை ஈர்க்கின்ற வகையில் எனாமல் பெயிண்டினால் சுற்றுச்சுவர் முழுவதும் விளம்பரப்படுத்தியது பொதுமக்களிடையே மிகுந்த வரவேற்பை பெற்றுள்ளது என்றே கூறலாம். இது குறித்து பொதுமக்கள் நம்மிடையே கூறிய கருத்துக்களை பார்த்தால் இந்த சுற்றுச்சூழல் முழுவதும் ஒரு கட்டத்தில் அரசியல் வாதிகளில் ஆக்கிரமிப்பில் இருந்ததாகவும் ஒரு கட்டத்தில் சம்பந்தப்பட்ட சுவற்றில் போஸ்டர்கள் ஒட்டுவதில் இரு தரப்பு கட்சிகள் இடையே கடும் மோதல் போக்கு இருந்து வந்த நிலையில், அதனை தடுத்து சம்பந்தப்பட்ட ஜுவல்லரி நிறுவனம் தமிழர்களின் மறந்து போன கலாச்சாரத்தையும் பாரம்பரியத்தையும் நினைவுபடுத்தும் வகையில் சுவர் விளம்பரம் செய்துள்ளது மிகுந்த மகிழ்ச்சியை ஏற்படுத்துவதாக கருத்துக்களையும் தெரிவித்துள்ளனர். இந்த பகுதி சேலம் திருச்சி பிரதான சாலை என்பதால் இந்த பகுதியில் பயணிக்கும் இருசக்கர வாகன ஓட்டிகளாக இருந்தாலும் சரி பாதசாரிகளாக இருந்தாலும் சரி சம்பந்தப்பட்ட சுற்றுச்சுவட்டில் வரையப்பட்டிருக்கும் ஓவியங்களை ஒருவரும் பார்க்காமல் செல்வதே இல்லை என்பது மட்டும் நிதர்சனமான உண்மை என சேலம் புகழ்பெற்ற ஓவியா ஜுவல்லரி நிர்வாக இயக்குனர் சண்முகராஜ் நன்மையே பகிர்ந்து கொண்டார்.

 

Read more

இந்துக்களின் மனதை புண்படுத்தும் விதமாக திருப்பதி ஏழுமலையானின் கோவிந்தா கோவிந்தா பாடலை நடிகர் சந்தானம் ஈடுபடுத்திய விவகாரம். தமிழகம் மற்றும் ஆந்திர மாநிலங்களில் வலுத்த எதிர்ப்பைத் தொடர்ந்து சம்பந்தப்பட்ட பாடல் படத்திலிருந்து நீக்கம். ஒட்டுமொத்த பாஜகவுக்கு கிடைத்த வெற்றி என சேலம் கிழக்கு மாவட்ட பாஜக லீகல் விங் செயலாளர் வழக்கறிஞர் அஜித் சாக்கோ கருத்து.

சேலம். 

S.K. சுரேஷ்பாபு.

இந்துக்களின் மனதை புண்படுத்தும் விதமாக திருப்பதி ஏழுமலையானின் கோவிந்தா கோவிந்தா பாடலை நடிகர் சந்தானம் ஈடுபடுத்திய விவகாரம். தமிழகம் மற்றும் ஆந்திர மாநிலங்களில் வலுத்த எதிர்ப்பைத் தொடர்ந்து சம்பந்தப்பட்ட பாடல்  படத்திலிருந்து நீக்கம். ஒட்டுமொத்த பாஜகவுக்கு கிடைத்த வெற்றி என சேலம் கிழக்கு மாவட்ட பாஜக லீகல் விங் செயலாளர் வழக்கறிஞர் அஜித் சாக்கோ கருத்து. 

டிடி நெக்ஸ்ட் லெவல் திரைப்படத்தில் இந்துக்களின் புனித கடவுளாக விடவும் திருப்பதி ஏழுமலையான் கோவிந்தா கோவிந்தா என்ற பாடல் அசிங்கப்படுத்தும் வகையிலும் இந்துக்களின் மனதை புண்படுத்தும் வகையிலும் நடிகர் சந்தானம் மற்றும் ஆர்யா உள்ளிட்ட படக்குழுவினர் சித்தரித்து இருந்தனர். இதற்கு தமிழகம் மற்றும் ஆந்திர மக்களிடையே மிகப்பெரிய ஒரு கொந்தளிப்பை ஏற்படுத்தியிருந்த நிலையில் சேலம் பாஜக கிழக்கு மாவட்டம் வடக்கவிஞர்கள் பிரிவு செயலாளர் அஜித் சாக்கோ உள்ளிட்ட நிர்வாகிகள் கடந்த வாரம் சேலம் மாநகர காவல் ஆணையர் அலுவலகத்தில் புகார் மனு ஒன்றினை கொடுத்து விருந்தனர். அந்த மனுவில் இந்துக்களின் புனித கடவுளான திருப்பதி ஏழுமலையானில் கோவிந்தா கோவிந்தா என்ற துதி பாடலை மிகவும் கேவலப்படுத்தி இழிவு படுத்தி இருந்த நடிகர் சந்தானம் நடிகர் ஆர்யா மற்றும் படக்குழுவினர் மீது சட்ட ரீதியான நடவடிக்கைகளுக்கு சம்பந்தப்பட்ட பாடலை டிடி நெக்ஸ்ட் லெவல் படத்திலிருந்து நீக்கம் செய்ய வேண்டும் என்று கோரிக்கை விடுத்து விருந்தினர். அது மட்டுமில்லாமல் இந்த பாடலுக்கு எதிர்ப்பு தெரிவித்து இந்திய அளவில் முதல் எதிர்ப்பு சேலம் மாநகரிலிருந்து வெளிப்பட்டதை தொடங்கு தமிழகம் முழுவதும் பல்வேறு அமைப்புகளின் சார்பில் நடிகர் சந்தானம் மற்றும் ஆர்யா உள்ளிட்ட பட குழுவினரின் மீது புகார்கள் குவிந்த வண்ணம் இருந்தது. இது தொடர்பான செய்தி தமிழகத்தில் உள்ள முக்கிய பிரதான சேனல்களில் வெளியானது. 

அது மட்டுமல்லாமல் ஆந்திராவில் ஜனசக்தி கட்சியின் மாவட்ட நிர்வாகி கிரண் ராயல் உட்பட திருப்பதி தேவஸ்தான நிர்வாகமும் இந்த செயலுக்கு கண்டனம் தெரிவித்து ஆந்திர மாநிலத்திலும் புகார்கள் எழுந்தது. திரைப்படத்திற்காக கோவிந்தா கோவிந்தா பாடலை இழிவுபடுத்திய விவகாரம் தொடர்பாக தமிழக மற்றும் ஆந்திராவில் ஏற்பட்ட கடுமையான எதிர்ப்பைத் தொடர்பு திரைப்பட நடிகர் சந்தானம் டிடி நெக்ஸ்ட் லெவல் திரைப்படத்தில் வெளியாக இருந்த சம்பந்தப்பட்ட பாடலை நீக்குவதாக நேற்று பகிரங்கமாக அறிவித்து இருந்தார். இந்த அறிவிப்பு குறித்து சேலம் கிழக்கு மாவட்ட பாஜக வழக்கறிஞர்கள் பிரிவு செயலாளர் அஜித் சாக்கோ மற்றும் நிர்வாகிகள் நம்மிடையே கூறுகையில் சம்பந்தப்பட்ட பாடலுக்கு தமிழகத்தில் சேலத்தில் இருந்து தான் முதல் எதிர்ப்பு நாங்கள் வெளிப்படுத்தியதன்  அடிப்படையில் ஆந்திராவிலும் கொந்தளிப்பு வெளியாகி தற்போது சம்பந்தப்பட்ட பாடலை படத்திலிருந்து நீக்குவதாக நடிகர் சந்தானம் அறிவித்துள்ளது தங்களுக்கு மகிழ்ச்சியை ஏற்படுத்துவதாகவும், இதுக்காக செய்தி வெளியிட்ட அத்தனை முன்னணி செய்தி சேனல்களுக்கும் இதற்காக முழு ஒத்துழைப்பு கொடுத்த அனைத்து பாஜக நிர்வாகிகளுக்கும் தங்களது  நன்றிகளை  தெரிவித்துக் கொள்வதாகவும், இனிவரும் காலங்களில் இந்து மதம் உட்பட எந்த ஒரு மத பாடல்களையும் இதுபோன்று திரைப்பட பண வசூலிக்காக கொச்சைப்படுத்தக் கூடாது அசிங்கப்படுத்த கூடாது என்றும் கேட்டுக் கொண்டதோடு தங்களின் முதல் எதிர்ப்பு பாஜகவிற்கு கிடைத்த ஒட்டுமொத்த வெற்றி என்றும் குறிப்பிட்டிருந்தார். உடன் நிர்வாகிகள் கிருபாகரன், சிவா மற்றும் பாலசுப்பிரமணியன் உள்ளிட்டோர் உடன் இருந்தனர்.

Read more

ஈரோடு மாவட்டத்தில் நாளை (மே.17) மின்தடை ஏற்படும் பகுதிகள் அறிவிப்பு!

ஈரோடு மாவட்டத்தில் நாளை (மே.17) மின்தடை ஏற்படும் பகுதிகள் அறிவிப்பு!

ஈரோடு மாவட்டத்தில் நாளை (மே.17) சனிக்கிழமை மின்தடை ஏற்படும் பகுதிகளின் விவரம் குறித்து மின்வாரியம் சார்பில் அறிவிக்கப்பட்டுள்ளது. 

ஈரோடு மாவட்டத்தில் கஸ்பாபேட்டை, எழுமாத்தூர், அறச்சலூர் துணை மின் நிலையங்கள் மற்றும் கங்காபுரம் துணை மின் நிலைய பேரோடு மின் பாதையில் நாளை (மே.17) சனிக்கிழமை பராமரிப்பு பணிகள் நடக்கிறது. இதனால், நாளை கீழ்க்கண்ட இந்த பகுதிகளில் குறிப்பிட்ட நேரம் மின்சாரம் விநியோகம் இருக்காது என தெரிவிக்கப்பட்டுள்ளது.

கஸ்பாபேட்டை துணை மின் நிலையம் (காலை 9 மணி முதல் மதியம் 2 மணி வரை):- 

மின்தடை ஏற்படும் பகுதிகள்:- கஸ்பாபேட்டை, முள்ளாம்பரப்பு, சின்னியம்பாளையம், வேலாங்காட்டுவலசு, பொட்டிநாய்க்கன்வலசு, வீரப்பம்பாளையம், 46 புதூர், முத்துசாமி காலனி, குறிக்காரன்பாளையம், செல்லப்பம்பாளையம், கோவிந்தநாய்க்கன்பாளையம், நஞ்சைஊத்துக்குளி, செங்கரைபாளையம், டி.மேட்டுப்பாளையம், ஆனைக்கல்பாளையம். எல்.ஐ.சி. நகர், ரைஷ்மில்ரோடு, ஈ.பி.நகர், என்.ஜி.ஜி.ஓ. நகர். கே.ஏ.எஸ்.நகர். இந்தியன்நகர், டெலிபோன்நகர், பாரதிநகர், மாருதிகார்டன், மூலப்பாளையம், சின்னசெட்டிபாளையம், சடையம்பாளையம், திருப்பதிகார்டன், முத்துகவுண்டன்பாளையம், கருந்தேவன்பாளையம், சாவடிபாளையம் புதூர், கிளியம்பட்டி, ரகுபதிநாயக்கன்பாளையம் மற்றும் காகத்தான்வலசு.

எழுமாத்தூர் துணை மின் நிலையம் (காலை 9 மணி முதல் மதியம் 2 மணி வரை):- 

மின்தடை ஏற்படும் பகுதிகள்:- எழுமாத்தூர், மண்காடு, செல்லத்தாபாளையம், பாண்டிபாளையம், எல்லக்கடை, காதக்கிணறு, குலவி ளக்கு, மொடக்குறிச்சி, குளூர், வடுகப்பட்டி, 60 வேலம்பாளையம், மணியம்பாளையம், வெள்ளபெத்தாம்பாளையம், வே.புதூர், கணபதிபாளையம், ஆனந்தம்பாளையம், ஏரப்பம்பாளையம், மின்னக்காட்டுவலசு, வெப்பிலி, பூந்துறை, சோமூர் மற்றும் 88 வேலம்பாளையம்.

அறச்சலூர் துணை மின் நிலையம் (காலை 9 மணி முதல் மதியம் 2 மணி வரை):- 

மின்தடை ஏற்படும் பகுதிகள்:- அறச்சலூர் டவுன், ஊசிபாளையம், தேவனாம்பாளையம், தச்சன்காட்டுவலசு, ஓடக்காட்டுவலசு, வடுகபட் டிபுதூர், ஓடாநிலை, ஜெயராமபுரம் நாச்சிவலசு, வாங்கலாம்வலசு, எலவநத்தம், ஞானபுரம், கூத்தம்பட்டி, ஓலப்பாளையம், சில்லாங்காட்டுபுதூர், குமராய்காடு, மற்றும் விஜயபுரி.

கங்காபுரம் துணை மின் நிலைய பேரோடு மின் பாதை (காலை 9 மணி முதல் மதியம் 2 மணி வரை):-

மின்தடை ஏற்படும் பகுதிகள்:- மேட்டுப்பாளையம், நொச்சிபாளையம், பேரோடு மற்றும் சடையம்பாளையம்.

Read more

10ம் வகுப்பு பொதுத்தேர்வு: மாநில அளவில் 11ம் இடம் பெற்ற ஈரோடு மாவட்டம்!

10ம் வகுப்பு பொதுத்தேர்வில் ஈரோடு மாவட்டம் மாநில அளவில் 11வது இடம் பெற்றதுள்ளது.

10ம் வகுப்பு பொதுத்தேர்வு (எஸ்.எஸ்.எல்.சி.) முடிவுகள் தமிழக அரசின் பள்ளி கல்வித்துறையால் இன்று (மே.16) வெளியிடப்பட்டது. ஈரோடு மாவட்டத்தில் 10ம் வகுப்பு பொதுத்தேர்வு எழுதிய மாணவ, மாணவிகளில் 96 சதவீதம் பேர் தேர்ச்சி பெற்று மாநில அளவில் தேர்ச்சி சதவீதத்தில் 11வது இடத்தை பிடித்து உள்ளனர்.

10ம் வகுப்பு பொதுத்தேர்வு கடந்த மார்ச் மாதம் 28ம் தேதி தொடங்கி ஏப்ரல் மாதம் 15 தேதி வரை நடைபெற்றது. இதில் ஈரோடு மாவட்டத்தில் 12,085 மாணவர்கள், 12,065 மாணவிகள் என மொத்தம் 24,146 மாணவ, மாணவிகள் தேர்வு எழுதினார்கள். இதில் 11,412 மாணவர்கள், 11,769 மாணவிகள் என மொத்தம் 23,181 மாணவ, மாணவிகள் தேர்ச்சி பெற்றுள்ளனர்.

Read more

ராணுவ வீரர்கள் குறித்து அவதூறாக பேசிய முன்னாள் அமைச்சர் மீது நடவடிக்கை எடுக்க கோரி ஈரோடு மாவட்ட காவல் கண்காணிப்பாளரிடம் புகார் மனு!

தமிழ்நாடு முன்னாள் படைவீரர் கூட்டமைப்பின் தலைவர் பழனியப்பன் தலைமையில் முன்னாள் படை வீரர்கள்,ராணுவ வீரர்கள் குறித்து அவதூறாக பேசிய முன்னாள் அமைச்சர் மீது நடவடிக்கை எடுக்க கோரி ஈரோடு மாவட்ட காவல் கண்காணிப்பாளர் சுஜாதாவிடம் நேற்று புகார் மனு அளித்தனர். 

பின்னர், அவர்கள் செய்தியாளர்களிடம் கூறியதாவது, பாகிஸ்தான் தாக்குதலுக்கு இந்திய ராணுவம் 'ஆபரேசன் சிந்தூர்' என்ற பெயரில் பதில் தாக்குதல் நடத்தியது. இதில், உயிரிழந்த ராணுவ வீரர்களுக்கும், கடந்த ஏப்ரல் மாதம் 22ம் தேதி தீவிரவாத தாக்குதலில் உயிரிழந்த பொதுமக்களுக்கும் நாங்கள் அஞ்சலி செலுத்தினோம்.

ராணுவ வீரர்களின் தியா கத்தை போற்றும் வகையில் முதலமைச்சர் மு.க.ஸ்டாலின் தலைமையில் பேரணி நடந்தது. இதைத் தொடர்ந்து மதுரையில் நடந்த செய்தியாளர்கள் சந்திப்பில், அதிமுகவை சேர்ந்த முன்னாள் அமைச்சர் செல்லூர் ராஜூ, ராணுவ வீரர்கள் எல்லையில் ஒன்றும் செய்யவில்லை.

அந்த இடத்தில் ராணுவ வீரர்கள் தேவையில்லை. இன்றைய காலக்கட்டத்தில் தொழில்நுட்பத்தை பயன்படுத்தி தான் போர் நடக்கிறது. அந்த தொழில்நுட்பத்தை தான் மத்திய அரசு வாங்கி கொடுத்துள்ளது. முக்கியமான அரசியல் செல்வாக்குமிக்கவர்கள் தான் இந்த போரை நடத்துகின்றனர் என தெரிவித்துள்ளார்.

போர் முனையில் இருக்கும் ராணுவ வீரர்கள் என்ன சூழ்நிலையில் இருப்பார்கள் என்று எங்களை போன்ற முன்னாள் வீரர்களுக்கு மட்டுமே தெரியும். முன்னாள் அமைச்சரின் பேச்சு நாடு முழுவதும் உள்ள அனைத்து ராணுவ வீரர்களுக்கும், முன்னாள் படை வீரர்களுக்கும் மிகுந்த மன அழுத்தத்தை கொடுத்துள்ளது.

எனவே, ராணுவ வீரர்கள் குறித்து அவதூறாக பேசிய அவர் மீது சட்டப்படி நடவடிக்கை எடுக்க வேண்டும். இவ்வாறு அவர்கள் கூறினர்.

Read more

ஈரோடு மாவட்டத்தில் நாளை (மே.16) மின்சாரம் நிறுத்தப்படும் இடங்கள் அறிவிப்பு!

ஈரோடு மாவட்டத்தில் ஈரோடு காசிபாளையம் துணை மின் நிலையத்தில் இருந்து செல்லும் ரங்கம்பாளையம் மின் பாதை, அறச்சலூர் துணை மின் நிலையம் மற்றும் ஈங்கூர் துணை மின் நிலையத்தில் நாளை (மே.16) வெள்ளிக்கிழமை பராமரிப்பு பணிகள் நடக்கிறது. இதனால், நாளை கீழ்க்கண்ட இந்த இடங்களில் குறிப்பிட்ட நேரம் மின்சாரம் விநியோகம் இருக்காது என மின்வாரியம் சார்பில் தெரிவிக்கப்பட்டுள்ளது. 

ஈரோடு காசிபாளையம் துணை மின் நிலைய ரங்கம்பாளையம் மின் பாதை (காலை 10 மணி முதல் மதியம் 1 மணி வரை):- 

மின்சாரம் நிறுத்தப்படும் இடங்கள்:- ஈரோடு சுப்பிரமணியம்நகர், கே.கே.நகர், ஸ்ரீகார்டன் மற்றும் கல்யாணசுந்தரம் வீதி.

அறச்சலூர் துணை மின் நிலையம் (காலை 9 மணி முதல் மதியம் 2 மணி வரை):-

மின்சாரம் நிறுத்தப்படும் இடங்கள்:- மேட்டூர் சத்தியபுரி, கத்தகொடிகாடு, கன்னிகாபுரம், வெங்கட்ராயன்வலசு, பந்தயம்பாளையம், வீரப்பம்பாளையம், சுனைபாறை, அழகுகவுண்டன்வலசு, வடபழனி, செல்லாம்பாளையம், கொமாரபாளையம், சுள்ளிக்காடு, நல்லாமங்காபாளையம், வெட்டுக்காட்டுவலசு மற்றும் கண்ணம்மாபுரம்.

ஈங்கூர் துணை மின் நிலையம் (காலை 9 மணி முதல் மாலை 5 மணி வரை):- 

மின்சாரம் நிறுத்தப்படும் இடங்கள்:- பெருந்துறை தெற்கு பகுதி, கொங்கு காலேஜ், நந்தா காலேஜ், மூலக்கரை, வெள்ளோடு, கவுண்டச்சிபாளையம், ஈங்கூர், பாலப்பாளையம், மு.பிடாரியூர் வடக்குப்பகுதி, வேலாயுதம்பாளையம், 1010 நெசவாளர் காலனி, தோப்புபாளையம், பெருந்துறை ஆர்.எஸ். மற்றும் பெருந்துறை ஹவுசிங்யுனிட் பகுதி.

Read more