சேலம்,
S.K. சுரேஷ்பாபு.
சேலம் மாநகராட்சியின் துணை மேயர் இருக்கை அகற்றி காழ்ப்புணர்ச்சியை வெளிப்படுத்திய மேயர் விவகாரம். சேலம் மாநகராட்சி உட்பட தமிழகத்தில் உள்ள அனைத்து மாநகராட்சி நகராட்சி ஆணையர்களுக்கு தமிழக அரசு துணை மேயர் இருக்கை இருப்பது தொடர்பாக விளக்கு அறிக்கை. சேலம் மாநகர துணை மேயர் திருமதி சாரதாதேவி மாணிக்கம் தமிழக முதல்வர் ஜோசப் விஜய் அவர்களுக்கு மனமார்ந்த நன்றிகள்.
சேலம் மாநகர திமுக மேயர் ராமச்சந்திரன் அவர்களுக்கும், துணை மேயர் திருமதி சாரதாதேவி மாணிக்கம் அவர்களுக்கும் இருக்கும் பனிப்போரின் காரணமாக கடந்த மூன்று மாதங்களுக்கு முன்பு, ப்ரோடகால் என்பதை மீறி தன்னிச்சையாக முடிவெடுத்து சேலம் மாநகர மேயர் ராமச்சந்திரன் துணை மேயரின் இருக்கையை மாமன்ற உறுப்பினர்கள் இருக்கும் இடத்திற்கு மாற்றினார். இதனால் கடந்த மூன்று மாதங்களாக மாதம் ஒரு முறை நடைபெறும் மாதாந்திர இயல்பு கூட்டம் முறையாக நடைபெறாமல் பாதியிலேயே நிறுத்தப்பட்டது. தமிழகத்தில் மிகப்பெரிய பரபரப்பை ஏற்படுத்தியது. சேலம் மாநகராட்சி துணை மேயர் ஒரு பெண்மணி என்பதை மறந்து பெண் சமுதாயத்திற்கு இழிவுபடுத்தும் நோக்குடன் செயல்பட்ட சேலம் மாநகர மேயர் ராமச்சந்திரன் குறித்து, தமிழ்நாடு காங்கிரஸ் கமிட்டியின் தலைவர் மாணிக்கம் தாகூர் கண்டன அறிக்கையும் வெளியிட்டு இருந்தார். இதனை அடுத்து சேலம் மாநகர துணை மேயர் திருமதி சாரதாதேவி மாணிக்கம் மற்றும் தமிழ்நாடு காங்கிரஸ் கட்சியின் மேல்நிலைப் பொறுப்பாளர் சிவராஜ் சேகர் ஆகியோர், இந்த பிரச்சனை தொடர்பாக சமீபத்தில் மேட்டூர் அணையை டெல்டா பாசனத்திற்கு திறந்து விடுவதற்காக சேலம் மேட்டூர் அணைக்கு வந்த தமிழக முதலமைச்சர் ஜோசப் விஜய் அவர்களை நேரில் சந்தித்து புகார் மனு ஒன்றினை வழங்கினார் சேலம் மாநகர மேயரின் செயலை கண்டிக்கும் விதமாக. புகார் மனுவினை பெற்றுக்கொண்ட தமிழக முதலமைச்சர் இது குறித்து உரிய நடவடிக்கை எடுப்பதாக உறுதி அளித்ததன் பேரில், தமிழக அரசின் சார்பில் தமிழகத்தில் உள்ள மாநகராட்சி நகராட்சி கூட்ட அரங்குகளில் இருக்கைகள் எவ்வாறு அமைக்க வேண்டும், எப்படி இருக்க வேண்டும் என்பது குறித்து ஒரு தெளிவான விளக்க உரை வெளியிட்டுள்ளது. இந்த அறிக்கை குறித்து சேலம் மாநகராட்சி துணை மேயர் திருமதி சாரதாதேவி மாணிக்கம் நம்மிடையே கூறுகையில்,
அன்று இருந்த தமிழக அரசில் இருந்த சேலம் மாநகர மேயர், துணை மேயர் மற்றும் ஆணையர் ஆகியோர் மேலே தான் அமர்ந்து இருந்தோம். கடந்த மூன்று மாதங்களாக அந்த நாற்காலியை கீழே இறக்கி போட்ட பிறகு தான் கூட்டத்தை நடத்துவேன் என்று தொடர்ந்து அதை செய்தவர் சேலம் மாநகர மேயர். மக்களுடைய பிரச்சனை மக்களுடைய தேவைகள் குறித்துப் பேசுவதற்கு மாமன்ற உறுப்பினர்களுக்கான கேள்விக்கு பதில் கொடுக்கிற அந்த இடத்துல நாம் இருந்து கொண்டு, இந்த நாற்காலி எடுத்தால் தான் கூட்டத்தை நடத்துவேன்னு சொல்லிட்டு கூட்டமே நடத்தாமல், கூச்சல் குழப்பமாகவே இருந்து வந்தது. சேலம் மாநகராட்சி மேயரால் பெண் துணை மேயருக்கு ஏற்பட்டுள்ள அநீதி குறித்து மேட்டூர் அணையை திறப்பதற்காக சேலம் வந்த தமிழக முதலமைச்சர் ஜோசப் விஜய் அவர்களை தமிழ்நாடு காங்கிரஸ் கட்சியின் மேல்நிலைப் பொறுப்பாளர் சிவராஜ் சேகர் மற்றும் அவருடன் இணைந்து தானும் தமிழக முதலமைச்சரை சந்தித்து புகார் மனு சேலம் மாநகர மேயர் ராமச்சந்திரன் அவர்களின் செயலை கண்டிக்கும் விதமாக வழங்கினேன் என்றும், மனுவை பெற்றுக் கொண்ட அவர், விரைவில் இது குறித்து உரிய நடவடிக்கை எடுப்பதாக உறுதி அளித்து சென்று இருந்தார். இந்த நிலையில், சேலம் மாநகராட்சி உட்பட தமிழக முழுவதும் உள்ள மாநகராட்சிகள் நகராட்சிகளில் இருக்கைகள் இப்படித்தான் அமைக்க வேண்டும், இப்படித்தான் இருக்க வேண்டும் என்று தமிழக அரசு ஒரு தெளிவான விளக்க அறிக்கையை வெளியிட்டுள்ளது என்றும் தெரிவித்தார். தொடர்ந்து அவர் கூறுகையில் அதன்படி இனி வரும் காலங்களில் மேயர், துணை மேயர், ஆணையர், சட்டமன்ற உறுப்பினர்கள், நாடாளுமன்ற உறுப்பினர்கள், பத்திரிகையாளர்கள் மற்றும் பொதுமக்கள் எங்கு அமர வேண்டும் அவர்களுக்கான இருக்கை வசதி எப்படி செய்து தர வேண்டும் முழுமையான விளக்க அறிக்கையை தமிழக முழுவதும் உள்ள அனைத்து ஆணையர்களுக்கும் அனுப்பப்பட்டுள்ளன என்று கூறிய திருமதி சாரதாதேவி மாணிக்கம்,
இதற்கு முதல் கட்டமாக தமிழக முதல் அமைச்சர் ஜோசப் விஜய் அவர்களுக்கும், தனக்கு ஏற்பட்ட அநீதி குறித்து பேசிய அமைச்சர்கள், சட்டமன்ற உறுப்பினர்கள், அரசியல் கட்சி தலைவர்கள், பொதுமக்கள், கல்லூரி மாணவ மாணவிகள், சேலம் மாநகர மக்கள் சேலம் மாநகர பத்திரிகையாளர்கள் என அனைவருக்கும் தனது நன்றியை உரித்தாக்கி கொள்வதாகவும் தெரிவித்த அவர், சேலம் மாநகராட்சியை போலவே தமிழகத்தில் உள்ள அனைத்து மாநகராட்சி மற்றும் நகராட்சிகளில் இதே நிலை நீடிப்பது குறித்தும் தமிழக அரசு வெளியிட்டு உள்ளதற்கு முதற்கண் தனது சகோதரியாக பாவிக்கும் சட்டமன்ற உறுப்பினர் தாரகை கத்பெர்ட், சுற்றுலா துறை அமைச்சர் ராஜேஷ் குமார் உட்பட, அனைத்து காங்கிரஸ் தலைவர்களுக்கும், முன்னோடிகளுக்கும் சேலம் மாநகர் மாவட்ட காங்கிரஸ் சகோதர சகோதரிகளுக்கும், இந்த தருணத்தில் எனது நன்றியை உரித்தாக்குகிறேன் என்றும் இந்த விவகாரம் தொடர்பாக பேஸ்புக் உள்ளிட்ட சமூக இணையதளங்களில் தனக்காக குரல் கொடுத்து அனைத்து சகோதர சகோதரிகளுக்கும் தனது மனமார்ந்த நன்றியை தெரிவித்துக் கொள்வதாகவும், இனிவரும் காலங்களில் மக்கள் பிரச்சினையை குறித்து பேசும் பொழுது இது போன்ற நாற்காலி பிரச்சனை இருக்கக் கூடாது என்பதற்காக தமிழக அரசு தெளிவான விளக்கம் அளித்த தமிழக முதலமைச்சருக்கு மேலும் மேலும் தனது நன்றியை உரித்தாக்கி கொள்வதாக சேலம் மாநகர துணை மேயர் திருமதி சாரதாதேவி மாணிக்கம் தெரிவித்தார். சேலத்தில் ஏற்பட்ட இந்த விவகாரம் தொடர்பாக தமிழக முழுவதும் இதற்கான தெளிவான விளக்கு கடிதம் தமிழக அரசு அனுப்பி உள்ளதற்கு சேலம் மாநகராட்சியின் துணை மேயர் திருமதி சாரதாதேவி மாணிக்கம் அவர்களை மட்டுமே சாரும் என்பது மட்டும் நிதர்சனம். உடன் சேலம் காங்கிரஸ் மாமன்ற உறுப்பினர் திருமதி கிரிஜா குமரேசனும் உடன் இருந்தார்.
