சேலம்,
S.K.சுரேஷ்பாபு
சேலம் அருகே டபுள் எம்.ஏ,. எம். பில் உள்ளிட்ட பல்வேறு பட்டப்படிப்புகளை பயின்ற பட்டியலினத்தைச் சார்ந்த தனது கணவரை கூட்டு சதி செய்து படுகொலை செய்த விவகாரம். ஜாதி பிரச்சனையை மையப்படுத்தி பெண் காவல் ஆய்வாளர் கோழிப்பண்ணை உரிமையாளுடன் சேர்ந்து ஆடும் நாடகம். பாதிக்கப்பட்ட மனைவியின் புகாரை ஏற்க மறுக்கும் சேலம் மாவட்ட காவல்துறை கண்காணிப்பாளர் அலுவலகம்.
சேலம் மாவட்டம் கெங்கவல்லி நாகியம்பட்டி ஆதி திராவிடர் தெருவை சார்ந்தவர் சுப்பிரமணி. டபுள் எம்.ஏ,. எம். பில்,. உள்ளிட்டு பல்வேறு பட்டப்படிப்புகளை பெற்ற பட்டியல் இனத்தைச் சார்ந்தவர் சுப்பிரமணி இவரது மனைவி ஜெயலட்சுமி. இவர்களுக்கு பதினொன்றாம் வகுப்பு பயிலும் பெண்ணும் இருக்கின்றார். மதுவுக்கு அடிமையான சுப்பிரமணி படித்த பட்டய படிப்புகளுக்கு பணியில் சேராமல் தின கூலிக்காக அதுவும் மதுவிற்காக நாள் தோறும் பெயிண்ட் அடிக்கும் கூலி தொழிலுக்கு சென்று வந்துள்ளார். இந்த நிலையில் படித்து சென்ற கணவர் திரும்பி வராததை எடுத்து பல்வேறு இடங்களில் தேடி அலசி ஆராய்ந்த மனைவி ஜெயலட்சுமி தம்மம்பட்டி மற்றும் தலைவாசல் காவல் நிலையங்களில் புகார் அளித்தும் எந்த விதமான நடவடிக்கையும் இல்லை. மாறாக பட்டியலினத்தைச் சார்ந்த ஒரு நபர் மர்மமான முறையில் இறந்ததற்கு இரண்டு காவல் நிலையங்களிலும் எஃப் ஐ ஆர் என்பது பதிவு செய்யப்படவில்லை.
மேலும் தங்களை இந்த வழக்கை வாபஸ் பெற காவல்துறை பெண் ஆய்வாளர் தொடர் மிரட்டல் விடுத்து வருவதாக குற்றம் சாட்டி, அமித்ஷா இளைஞர் படைப்பணியின் மாநிலத் துணைத் தலைவர் டாக்டர் செந்தில்குமார் வழிகாட்டுதலின் பேரில் இன்று சேலம் மாவட்ட காவல்துறை கண்காணிப்பாளர் அலுவலகத்திற்கு புகார் மனு கொடுப்பதற்காக வந்திருந்தார் தனது குடும்பத்தாருடன். அந்த புகார் மனுவில், பட்டியல் சாதியைச் சேர்ந்த என் கணவரைக் கொலை செய்து, அதைத் தற்கொலையாக அரங்கேற்றிய சதித்திட்டம் (நாடகத் தூக்கு) தொடர்பாக - கோழிப்பண்ணை உரிமையாளர் மீது எங்களுக்குள்ள முழுமையான சந்தேகத்தையும், அவர் மீது தலைவாசல் காவல் நிலையத்தில் புகார் அளிக்கப்பட்டும் காவல்துறை நடவடிக்கை எடுக்காததையும் சுட்டிக்காட்டி, காணாமல் போன நபர் முதல் தகவல் அறிக்கை எண் 0245/2026 - அவரை சட்டவிரோதமாக வெளியேற வற்புறுத்துவதை நிறுத்துங்கள், உடலை எரித்தார்களா அல்லது புதைத்தார்களா என்பதை மறைக்கும் காவல்துறை மீது நடவடிக்கை எடுங்கள், ஒரு பாரபட்சமற்ற வட்டார வளர்ச்சி அலுவலர் (RDO) விசாரணையை நடத்துங்கள், உடலைத் தோண்டி எடுத்து டி.என்.ஏ-வை (DNA) அடையாளம் காணுங்கள், பி.என்.எஸ் (BNS) பிரிவு 103 மற்றும் பட்டியல் சாதியினர்/பழங்குடியினர் பாலியல் வன்கொடுமைச் சட்டம் (SC/ST POA Act) ஆகியவற்றின் கீழ் நடவடிக்கை எடுக்க வேண்டும்.
கோழிப்பண்ணை உரிமையாளர் காணாமல் போன நாளிலிருந்தே எங்களைத் தவிர்த்து வருகிறார். இன்றுவரை, தொலைபேசி மூலமாகவோ அல்லது நேரில் சந்தித்தோ அவரைத் தொடர்புகொள்ள எங்களால் முடியவில்லை. அவர் மீது எங்களுக்கு வலுவான சந்தேகம் இருந்தும், காவல்துறை முறையான விசாரணையை மேற்கொள்ளவில்லை. சந்தேகத்திற்குரிய தொலைபேசி எண்களை 'ட்ரூ காலர்' (Truecaller) செயலியில் சரிபார்த்தபோது, அவை கோழிப்பண்ணை உரிமையாளருடன் தொடர்புடையவை என்பது தெரியவந்தது. இது எங்கள் சந்தேகத்தை மேலும் உறுதிப்படுத்துகிறது. மேலும், எனது கணவர் காணாமல் போனது தொடர்பாக தம்மம்பட்டி காவல் நிலையத்தில் முதல் தகவல் அறிக்கை (FIR No. 0245/2026 - நபர் காணவில்லை) பதிவு செய்யப்பட்டிருந்தும், அந்த புகாரைத் திரும்பப் பெறுமாறு காவல்துறை எங்களைத் தொடர்ந்து சட்டவிரோதமாக வற்புறுத்தி வருகிறது. இது எங்களுக்குக் கடுமையான மன உளைச்சலை ஏற்படுத்தியுள்ளது. இந்த வழக்கின் முதன்மைக் குற்றவாளி கோழிப்பண்ணை உரிமையாளர் ஆவார். காவல் ஆய்வாளர் திருமதி ஆர். பூர்ணிமா, அவரைப் பாதுகாக்கவும், அதே சமயம் சாதி ரீதியாக எங்கள் குடும்பத்தை இழிவுபடுத்தவும் திட்டமிட்டுச் செயல்பட்டுள்ளார்.
ஆய்வாளர் பூர்ணிமா, உடலை எரித்துவிட்டதாகக் கூறி எங்களை ஏமாற்றவும், ஆதாரங்களை மறைக்கவும் முயன்றார். ஆனால், அவர் உடலை எரிக்கவில்லை. மாறாக, ஏளனமான தொனியில் "நாங்கள் அதை புதைத்துவிட்டோம்" என்று கூறியதுடன், பொறுப்பற்ற முறையில், "சேலம் நால்ரோடு டிவிஎஸ் (TVS) மின்மயானத்திற்கு எதிரே சென்று பாருங்கள், அங்குதான் புதைத்த இடம் உள்ளது" என்று எங்களிடம் கூறினார். கொடுமைச் செயல்கள் தொடர்பாக வழக்குப்பதிவு செய்யவும், உயர்மட்ட ஐபிஎஸ் (IPS) / சிபி-சிஐடி (CB-CID) விசாரணைக்கு உத்தரவிடவும் கோரும் மனு என்று குறிப்பிடப்பட்டிருந்தது. குற்றவாளிகளாக கோழிப்பண்ணை உரிமையாளர், உனத்தூர் கிராமம், தலைவாசல் வட்டம், சேலம் மாவட்டம் (கைபேசி: 9942931260 / 8838594020). திருமதி ஆர். பூர்ணிமா, காவல் ஆய்வாளர், தலைவாசல் காவல் நிலையம், சேலம் மாவட்டம் என்றும் அந்த புகார் மனுவில் தெரிவிக்கப்பட்டிருந்தது. இந்த புகார் மனு குறித்து ஜெயலட்சுமி நன்மையை கூறுகையில்,
சாதாரண பாமரராகிய தங்களுக்கே இந்த சம்பவத்தில் பல்வேறு சந்தேகங்கள் கிளப்புவதாகவும் ஆனால் சம்பந்தப்பட்ட பெண் ஆய்வாளர் பூர்ணிமா சம்பந்தப்பட்ட கோழிப்பண்ணை உரிமையாளரிடம் எவ்வளவு பணம் பெற்றார் என்பது எங்களுக்கு தெரியாது அவரை காப்பாற்றுவதற்காக ஜாதி பிரச்சனையை தூண்டிவிட்டு இந்த வழக்கை திரும்ப பெற வலியுறுத்தி தங்களை மிரட்டுவதாக வேதனை தெரிவித்தார். மேலும் கெங்கவல்லி மற்றும் தலைவாசல் காவல் நிலையங்களில் தங்களுக்கு நீதி கிடைக்காததன் அடிப்படையில் சேலம் மாவட்ட காவல்துறை கண்காணிப்பாளர் அலுவலகத்திற்கு வந்து புகார் மனு கொடுக்கும் போது கூட சம்பந்தப்பட்ட பெண் ஆய்வாளரை காப்பாற்றும் நோக்கில் சேலம் மாவட்ட காவல்துறை கண்காணிப்பாளர் நிர்வாகம் எங்களது புகார் மனுவை ஏற்க மறுத்து விட்டதாக தனது 11 வது வகுப்பு படிக்கும் பெண் குழந்தையுடன் கண்ணீர் விட்டது அங்கு பாதுகாப்பிற்கு நின்று இருந்த காவல்துறையினரிடையே மிக பெரிய பரபரப்பையும் சலசலப்பையும் ஏற்படுத்தியது. இது குறித்து இந்த புகார் தொடர்பாக உடன் வந்திருந்த அமித்ஷா இளைஞர் படைப்பணியை சார்ந்த துணைத்தலைவர் டாக்டர் செந்தில்குமார் வழியை கூறுகையில் தமிழக காவல்துறையினர் மீது இந்த வழக்கு தொடர்பாக தங்களுக்கு நம்பகத்தன்மை ஏற்பட்டுள்ளதாகவும் ஒன்று சிபிசிஐடி அல்லது சிபிஐக்கு இந்த வழக்கை மாற்றி சம்பந்தப்பட்ட பெண் காவல் ஆய்வாளர் பூர்ணிமா மற்றும் கோழிப்பண்ணை உரிமையாளர் உட்பட இந்த குற்ற செயலில் ஈடுபட்ட அத்தனை பேரையும் கைது செய்வதோடு மட்டுமல்லாமல் சம்பந்தப்பட்ட குடும்பத்தாருக்கு இழப்பீட்டுத் தொகை வழங்குவதுடன் அந்த குடும்பத்தில் படித்து வரும் அந்தப் பெண்ணிற்கு அரசு வேலை வழங்கி உதவ வேண்டும் என்று தமிழக முதலமைச்சருக்கு கோரிக்கை விடுத்துள்ளார் டாக்டர் செந்தில் குமார்.
விழுப்புரத்தில் மாயமான சிறுமி கடந்த 25 நாட்களுக்கும் மேலாக அவர் உயிருடன் இருக்கின்றாரா இல்லையா என்ற சந்தேகம் தற்பொழுது வரை வலுத்துள்ள நிலை மறைவதற்குள், சேலம் மாவட்டத்தில் பணிக்கு சென்று திரும்பாத கணவன் மன உளைச்சலில் தற்கொலை செய்து கொண்டான் என்று கூறி குடும்பத்தாரிடம் உடலை ஒப்படைக்காமல் காவல்துறையினரே புதைத்ததாகவும் எரித்ததாகவும் நாடகமாடும் சம்பவம் சேலம் மாவட்டம் கெங்கவல்லி நாகியம்பட்டியில் கடும் பரபரப்பை ஏற்படுத்தியுள்ளது. பெண்களின் பாதுகாப்பிற்காக சிங்கப்படை என்று ஒரு திட்டத்தை உருவாக்கி தோற்றுள்ள தமிழக முதலமைச்சர் அந்த சிறுமி விவகாரத்தில் விழுப்புரத்தை பொருத்தவரை இந்த பிரச்சனைக்கு தலையிடுவாரா பொறுத்திருந்து பார்ப்போம்.
