கால்நடை பராமரிப்பு மற்றும் விலங்கு நலத்துறை ( SPCA ) அதிகாரி எனக்கூறி மாட்டு வியாபாரிகளை குறி வைத்து பண வசூல் வேட்டையில் ஈடுபடும் சேலத்தைச் சேர்ந்த பலே கில்லாடி. கலக்கமடைந்துள்ள மின்னாம்பள்ளி மாட்டுச்சந்தைக்கு வரும் வியாபாரிகள் மற்றும் விவசாயிகள் சம்பந்தப்பட்ட போலி அதிகாரி மீது உரிய நடவடிக்கை எடுக்க வேண்டும் என்பது தமிழக முதலமைச்சருக்கு வைக்கும் முதன்மையான கோரிக்கை.

சேலம்,

S.K. சுரேஷ் பாபு.

கால்நடை பராமரிப்பு மற்றும் விலங்கு நலத்துறை ( SPCA ) அதிகாரி எனக்கூறி மாட்டு வியாபாரிகளை குறி வைத்து பண வசூல் வேட்டையில் ஈடுபடும் சேலத்தைச் சேர்ந்த பலே கில்லாடி. கலக்கமடைந்துள்ள  மின்னாம்பள்ளி மாட்டுச்சந்தைக்கு வரும் வியாபாரிகள் மற்றும் விவசாயிகள் சம்பந்தப்பட்ட போலி அதிகாரி மீது உரிய நடவடிக்கை எடுக்க வேண்டும் என்பது தமிழக முதலமைச்சருக்கு வைக்கும் முதன்மையான  கோரிக்கை.

கால்நடை பராமரிப்பு மற்றும் விலங்கு நலத் துறையில் SPCA என்பதன் விரிவாக்கம்:

Society for the Prevention of Cruelty to Animals

தமிழில் இது விலங்குகள் வதை தடுப்புச் சங்கம் அல்லது விலங்குகள் மீதான வன்கொடுமை தடுப்புச் சங்கம் என்று அழைக்கப்படுகிறது.

கைவிடப்பட்ட, காயமடைந்த அல்லது நோய்வாய்ப்பட்ட விலங்குகளை மீட்டு அவற்றிற்குத் தேவையான கால்நடை மருத்துவச் சிகிச்சை அளிப்பது,

விலங்குகளைத் துன்புறுத்துபவர்கள் மீது சட்டப்படி (Prevention of Cruelty to Animals Act) நடவடிக்கை எடுப்பது உள்ளிட்டவை இந்த அமைப்பின் நோக்கமாகும்.

பொதுமக்களிடையே விலங்குகள் மீதான அன்பு மற்றும் பொறுப்பான நல்வளர்ப்பு குறித்து விழிப்புணர்வை ஏற்படுத்துவது.

இந்தியாவில் மத்திய அரசின் வழிகாட்டுதலின்படி, ஒவ்வொரு மாவட்டத்திலும் இந்தச் சங்கம் (District SPCA) மாவட்ட ஆட்சியரின் தலைமையில் செயல்பட்டு வருகிறது.

இந்த நிலையில், சேலத்தைச் சேர்ந்த பெருமாள் என்பவர் தான் இந்த அமைப்பை சார்ந்தவர் என்று கூறி, சேலம் மாவட்டம் காரிப்பட்டி அருகே உள்ள மின்னாம்பள்ளி மாட்டுச்சந்தைக்கு வரும் மாட்டு வியாபாரிகள் மற்றும் விவசாயிகள் வாகனங்களை ஆங்காங்கே தடுத்து நிறுத்தி ஒவ்வொரு வாகனத்துக்கும் 2000 ரூபாய் முதல் 3000 ரூபாய் வரை முறைகேடாக பணம் பெற்று வருவதாக அதிர்ச்சி தகவல் வெளியாகி உள்ளது. இது மட்டும் அல்லாமல் சேலம் பைபாஸ் வழியாக கேரளாவிற்கு இறைச்சிக்காக கொண்டு செல்லப்படும் வாகனங்களையும் தடுத்து நிறுத்தி வாகனத்திற்கு ஏற்றார் போல் பணம் வசூலிப்பது இவரது கூடுதல் ஸ்டைல்.

அதுமட்டுமல்லாமல், தான் Spca அமைப்பைச் சார்ந்தவர் என்றும் சற்று தொலைவில் காவல்துறையினர் வாகன சோதனையில் ஈடுபட்டுள்ளார்கள் என்று கூறுவதோடு, விவசாயிகளுக்கும் வியாபாரிகளுக்கும் உதவி செய்வதை போல் நடித்து பணம் கரப்பதும் இவரது வாடிக்கையாகவே உள்ளது. தனி மனிதராக வலம் வரும் பெருமாள் என்பவர் உண்மையிலேயே spca அமைப்பைச் சார்ந்தவர் தானா ? , இல்லை இந்த அமைப்பின் பெயரைச் சொல்லி போலியாக சட்டவிரோதமாக பணம் வசூலில் ஈடுபடுகிறாரா என்பது கேள்விக்குறியாகவே உள்ளது. இதனால் வியாபாரிகளும் விவசாயிகளும் மிகுந்த பாதிப்பிற்கு உள்ளாகி உள்ளனர் என்பது மட்டும் நிதர்சனம். மேலும் மாட்டு வியாபாரிகள் மற்றும் விவசாயிகள் பெருமளவு படிப்பறிவு இல்லாதவர்கள் என்ற ஒற்றை காரணத்தை மட்டுமே பயன்படுத்திக் கொண்டு துணிச்சலாகவும் அதிரடியாகவும் வசூல் வேட்டையில் ஈடுபட்டு வரும் சேலத்தைச் சேர்ந்த பெருமாள் என்பவர் கொண்டலாம்பட்டியில் இருந்து மின்னாம்பள்ளி வரை செல்லும் பைபாஸ் சாலையில், குறிப்பாக, சீலநாயக்கன்பட்டி மேம்பாலம் ஏறி இறங்கும் பகுதி, எருமாபாளையம் பகுதி எஸ் ஜே பிளாசா பகுதி, உடையாபட்டி ஜே சி பி முனியப்பன் கோவில் பகுதிகள் ஆகியவை பெருமாள் என்பவர் வாகனங்களை தடுத்து நிறுத்தி பண வசூல் வேட்டையில் ஈடுபடும் பகுதியாக நிர்ணயித்துள்ளார். 

இப்படி முறைகேடாகவும்,  சட்டவிரோதமாகவும் ஏன் மாவட்ட ஆட்சியர் தலைமையில் செயல்படும் இந்த அமைப்பைச் சார்ந்தவர் என்று கூறிக் கொள்ளும் பெருமாள் என்பவர், தனக்கு நெருக்கடியான நிலை என்று அவர் நினைக்கும் போது எப்படி சம்பந்தப்பட்ட பகுதிகளில் இருந்து மாயமாகின்றார் என்பது தற்பொழுது வரை புரியாத புதிராகவே உள்ளது. ஆகவே இவர் அந்த அமைப்பைச் சார்ந்த நபர் என்பது மட்டும் இல்லை என்பது ஊர்ஜிதம் ஆகிறது. மேலும் spca அமைப்பைச் சார்ந்தவர் என்று கூறுவதோடு, இவரது பண மோசடிக்கு காவல் துறையினரும் உடந்தையாக இருக்கின்றனரா என்பதும் கேள்விக்குறியாகவே உள்ளது. இது குறித்து மின்னாம்பள்ளி மாட்டுச்சந்தைக்கு தங்களது கால்நடைகளை விற்பனை செய்வதற்காக வரும் நலிவடைந்த விவசாய பெருமக்களிடம் கேட்டபோது,   

சேலத்திற்கு அருகில் மின்னாம்பள்ளி மாட்டுச்சந்தைக்கு தங்களது கால்நடைகளை விற்பனை செய்வதற்காக வரும்பொழுது இடையில் கால்நடை பராமரிப்புத்துறை அதிகாரிகள் என்றும் காவல்துறையினர் என்றும் கூறி தங்களிடம் கால்நடைகளை துன்புறுத்துகிறீர்களா என்று கூறுவதோடு மட்டுமல்லாமல் கேரளாவிற்கு இறைச்சிக்காக அனுப்பப்படுகிறதா என்று தங்களை மிரட்டி ஒவ்வொரு வாகனத்திற்கும் தல 2000 ரூபாய் முதல் 3000 ரூபாய் மிரட்டி பணம் வசூல் செய்வதாக வேதனை தெரிவித்த விவசாயிகள் மற்றும் வியாபாரிகள், ஒவ்வொரு முறையும் மின்னாம்பள்ளி மாட்டுச்சந்தைக்கு தங்களது கால்நடைகளை சூழ்நிலைக்காக விற்பனை செய்வதற்காக வரும்போது இது போன்ற இடையூறுகள் தங்களுக்கு மிக பெரிய அளவில் மன உளைச்சலை ஏற்படுத்துவதாக வேதனை தெரிவித்தனர். உழவுத் தொழில் நலிவடைந்து வரும் நிலையில் தங்களது கால்நடைகளை விற்றாவது பிழைப்பு நடத்தலாம் என்று இதுபோன்று சந்தைகளுக்கு கொண்டு வரும்போது அதிகாரிகள் என்ற பெயரை கூறி மிரட்டுவது மட்டுமல்லாமல், தங்களிடம் கால்நடை பராமரிப்புத் துறை அதிகாரி என்று கூறுபவர் அவர் உண்மையிலேயே அந்த துறையில் தான் இருக்கின்றாரா என்ற சந்தேகமும் தங்களுக்கு உள்ளதாக வருத்தம் தெரிவித்த விவசாயிகள் ஒரு வண்டிக்கு 2000 ரூபாய் முதல் மூன்று ஆயிரம் ரூபாய் என்று வைக்கும் பட்சத்தில் வாரம் தோறும் திங்கட்கிழமை அன்று நடைபெறும் இந்த மின்னாம்பள்ளி மாட்டு சந்தைக்கு சேலம் மாவட்டம் உட்பட பல்வேறு மாவட்டங்களில் இருந்து ஏராளமான விவசாயிகள் ஏராளமான வாகனங்களில் தங்களது கால்நடைகளை ஏற்றி வரும் பட்சத்தில் அந்த அதிகாரி என்று கூறும் நபரின் அன்றைய தின வருமானம் என்ன என்பது கேள்விக்குறியாகவே உள்ளதாகவும் இதனை இந்த அமைப்பிற்கு தலைவராக உள்ள சேலம் மாவட்ட ஆட்சித் தலைவரும் தமிழக முதலமைச்சரும் சிறப்பு கவனம் செலுத்தி உரிய நடவடிக்கை எடுத்து நலிவடைந்து அடுத்த கட்ட நகர்விற்காக தங்களது கால்நடை விற்க வரும் விவசாயிகளின் நலனை பேணி காக்க வேண்டும் என்பது மட்டுமே எங்களது கோரிக்கை என்றும் தெரிவித்தனர். ( பேட்டிகள் )

நாம் விசாரித்த வரை,  தற்பொழுது வரை எந்த ஒரு மாட்டு வியாபாரியோ விவசாயியோ பண வசூல் வேட்டையில் ஈடுபடும் பெருமாள் என்பவர் மீது எந்த ஒரு புகார் பதிவு செய்யப்படவில்லை என்பது கூடுதல் தகவலாகவே உள்ளது. சேலம் மின்னாம்பள்ளி மாட்டுச்சந்தைக்கு வரும் மாட்டு வியாபாரிகள் மற்றும் விவசாயிகளை மட்டுமே குறிவைத்து பண வசூல் வேட்டையில் ஈடுபடும் பெருமாள் என்பவர் மீது இந்த அமைப்பின் தலைவராக செயல்படும் சேலம் மாவட்ட ஆட்சித் தலைவர் நடவடிக்கை எடுப்பாரா, தொடர் பாதிப்புகளை சந்தித்து வரும் விவசாய பெருமக்களின் நலனில் அக்கறை செலுத்துவாரா மாவட்ட ஆட்சித் தலைவரும், தற்பொழுது புதிதாக பொறுப்பேற்று விவசாயிகளின் நலனுக்காக பல்வேறு சலுகைகளை அவ்வப்போது அறிவித்து வரும் தமிழக முதலமைச்சர் ஜோசப் விஜய் அவர்கள் தனி கவனம் செலுத்தி இந்த பண மோசடியில் ஈடுபடும் அதிகாரியின் மீது அதிகப்படியான தண்டனை கிடைக்க வழிவகை செய்ய வேண்டும் என்பது மட்டுமே விவசாய பெருங்குடி மக்களின் ஒட்டுமொத்த எதிர்பார்ப்பாக உள்ளது.

Read more

கரும்புக்கு உண்டான ஊக்கத் தொகை டன் ஒன்றுக்கு ரூ.700/ நிலுவையை தவெக அரசு உடனடியாக விரைந்து வழங்க நடவடிக்கை மேற் கொள்ள வேண்டும். தித்திக்கும் தீபாவளியை இனிமையாக கொண்டாட தமிழக அரசு நடவடிக்கை எடுக்க தமிழக விவசாயிகள் சங்க மாநிலத் தலைவர் R. வேலுச்சாமி தமிழக அரசுக்கு வலியுறுத்தல்

நாமக்கல்,

S.K. சுரேஷ் பாபு.

கரும்புக்கு  உண்டான ஊக்கத் தொகை டன் ஒன்றுக்கு ரூ.700/ நிலுவையை தவெக அரசு  உடனடியாக விரைந்து வழங்க நடவடிக்கை மேற் கொள்ள வேண்டும். தித்திக்கும் தீபாவளியை இனிமையாக கொண்டாட தமிழக அரசு நடவடிக்கை எடுக்க தமிழக விவசாயிகள் சங்க மாநிலத் தலைவர் R. வேலுச்சாமி தமிழக அரசுக்கு வலியுறுத்தல்

இது குறித்து உழவர் பெருந்தகை நாராயணசாமி நாயுடுவின் தமிழக விவசாயிகள் சங்க மாநிலத் தலைவர் ஆர் வேலுச்சாமி வெளியீட்டு உள்ளே அறிகையில், 

தமிழகத்தில் கடந்த திமுக ஆட்சி‌ காலத்தில் கரும்பு சாகுபடி செய்து சர்க்கரை ஆலைகளுக்கு அரவைக்கு அனுப்பிய கரும்பு விவசாயிகளுக்கு ஆதார விலையுடன் ஊக்க தொகையையும் சேர்த்து கரும்புக்கு டன் ஒன்றுக்கு ரூ 4,000/ ம் என விலை நிர்ணயம் செய்து 2024 -  2025 ஆம் ஆண்டு நிதிநிலை அறிக்கையின் போது உழவர் நலத்துறை மானிய கோரிக்கையில் திமுக அரசு அறிவிப்பு வெளியிட்டது, ஆனால் அரசாணை தமிழ்நாடு அரசின் சார்பில் பல மாதங்களாக வெளியிடப்படாமல்  நிலுவையில் இருந்த நிலையை அறிந்த  தவெக அரசு கடந்த ஆட்சியில் அறிவித்ததை நடைமுறைக்கு கொண்டு வருவதற்காக  கடந்த ஒரு மாதத்திற்கு முன்பு கரும்பு சர்க்கரை ஆலைக்கு சப்ளை செய்த விவசாயிகள் நலன் கருதி  2025 - 2026 ஆம் ஆண்டு கரும்பு அரவைப் பருவத்திற்கு   விவசாயிகளிடம் இருந்து கொள்முதல் செய்த கரும்பு  டன் ஒன்றுக்கு ஊக்கத் தொகையுடன் ரூ.4,000/ ம் வழங்கப்படும் என்று அரசாணை வெளியிட்டது.

தற்போது  அரசாணை வெளியிடப்பட்ட நிலையில் அடுத்த நவம்பர் மாதம் 8 ந் தேதி அன்று தீபாவளி பண்டிகை வருவதை முன்னிட்டு கரும்பு சர்க்கரை ஆலைக்கு சப்ளை செய்த விவசாயிகள் தீபாவளி பண்டிகை கொண்டாடுவதற்கு பல மாதங்களாக நிலுவையில் உள்ள கரும்புக்கு  உண்டான ஊக்கத் தொகை டன் ஒன்றுக்கு ரூ.700/ நிலுவையை தவெக அரசு  உடனடியாக விரைந்து வழங்க நடவடிக்கை மேற்கொள்ள வேண்டும்.

என உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் சார்பில் இந்த அறிக்கையின் வாயிலாக தமிழக அரசை வலியுறுத்துகிறேன் என்று உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநிலத் தலைவர் வேலுச்சாமி தமிழக முதல்வர் மாண்பமை பொருந்திய ஜோசப் விஜய் அவர்களுக்கு வலியுறுத்தி உள்ளார்.

Read more

சேலத்தில் 2026 ஆம் ஆண்டுக்கான தமிழன்னை விருதுகள் வழங்கும் விழா. ஆன்மீகப் பணியில் சிறந்த சேவை ஆற்றியதற்காக சேலத்தை சேர்ந்த தெய்வத்திருநங்கை மதுரா ஸ்ரீ அவர்களுக்கு தமிழன்னை விருது வழங்கி கௌரவிப்பு.

சேலம்,

S.K.சுரேஷ்பாபு.

சேலத்தில் 2026 ஆம் ஆண்டுக்கான தமிழன்னை விருதுகள் வழங்கும் விழா. ஆன்மீகப் பணியில் சிறந்த சேவை ஆற்றியதற்காக சேலத்தை சேர்ந்த தெய்வத்திருநங்கை மதுரா ஸ்ரீ அவர்களுக்கு தமிழன்னை விருது வழங்கி கௌரவிப்பு.

சேலத்தில், JJ.NEWS.தமிழ்

நேரலை உட்பட பல்வேறு அமைப்புகளின் சார்பில், 4-வது ஆண்டாக, உலகெங்கும் வாழும் தமிழர்களின் அடையாளமாகதமிழ் அன்னை விருது 2026 விருது வழங்கும் விழா சேலத்தை அடுத்துள்ள ஆவின் பால் பண்ணை அருகே நடைபெற்றது. திருமதி லலிதா அதவ் குமார், வாரிய உறுப்பினர், ஜே.ஜே. நியூஸ் தமிழ் JJ News Tamil குத்துவிளக்கு ஏற்றி தொடங்கி வைத்த விழாவில், விருதுப் பட்டியல் குறித்த விளக்க உரையை பி.வி. சங்கர் வழங்க, 

தலைமை விருந்தினர்களாக ஜே.எஸ். இளையராஜா, சுப்பிரமணி ஆகியோர் கலந்து கொண்டு சிறப்பித்தனர். தொடர்ந்து நடைபெற்ற விழாவில், பல்வேறு தலைப்புகளில் எழுதப்பட்ட நூல் வெளியீட்டு விழாவும் நடைபெற்றன. பின்னர் விழாவின் பிரதான நிகழ்வான 2026 ஆம் ஆண்டிற்கான தமிழன்னை விருது வழங்கும் நிகழ்வு நடைபெற்றது. பல்வேறு துறைகளில் சிறந்து செயலாற்றிய நபர்கள் சுமார் 45 பேர் தேர்வு செய்யப்பட்டு அவர்களுக்கான விருதுகள் வழங்கி விழாவின்போது கௌரவிக்கப்பட்டது.

குறிப்பாக சேலத்தைச் சேர்ந்த தெய்வத்திருணங்கள் மதுராஸ்ரீ  ஆன்மீகப் பணியில் சிறந்த சேவையாற்றிய இமையை பாராட்டும் விதமாக தமிழன்னை விருது வழங்கி விழாவின்போது கௌரவிக்கப்பட்டார். இந்த போட்டி மிகுந்த சமுதாயத்தில் பல்வேறு தொழில்துறைகளில் சிறந்த விளங்கும் ஆண் பெண் ஆகியோர் தேர்வு செய்யப்பட்டு விருத்தாளர்களாக அறிவிக்கப்பட்டு இருந்தாலுமே கூட, மூன்றாம் பாலினத்தை சேர்ந்தவரான தெய்வத் திருநங்கை விழாவில் கௌரவிக்கப்பட்டு விருது வழங்கப்பட்டது அனைவரின் கவனத்தையும் ஈர்த்தது என்றே கூறலாம். 

விழாவிற்கான ஏற்பாடுகளை நிகழ்ச்சி ஏற்பாட்டாளர்கள் மிகவும் சிறப்பாக செய்திருந்தனர்.

Read more

சோனா கல்லூரியின் ( சோனா சேம்ப்ஸ்’26)சோனா மாநில பள்ளி மாணவர்களுக்கான திறன்மேம்பாட்டு போட்டிகள் மற்றும் கலை விழா. போட்டியில் பங்கேற்கும் மாணாக்கர்களுக்கு ஒரு லட்சம் ரூபாய் மதிப்பீலான பரிசு பொருட்களும் சான்றிதழ்களும் வழங்கப்பட உள்ளன.

சேலம்,

S.K. சுரேஷ்பாபு.

சோனா கல்லூரியின் ( சோனா சேம்ப்ஸ்’26)சோனா மாநில பள்ளி மாணவர்களுக்கான திறன்மேம்பாட்டு போட்டிகள் மற்றும் கலை விழா. போட்டியில் பங்கேற்கும் மாணாக்கர்களுக்கு ஒரு லட்சம் ரூபாய் மதிப்பீலான பரிசு பொருட்களும் சான்றிதழ்களும் வழங்கப்பட உள்ளன. 

சோனா கல்லூரியின் சார்பில் நடத்தப்படும் இந்த திறன் மேம்பாட்டு விழா குறித்து கல்லூரியின் முதல்வர் முனைவர் செந்தில்குமார் செய்தியாளர்களை சந்தித்தார். அப்போது அவர் கூறுகையில், 

சேலம் சோனா தொழில்நுட்பக் கல்லூரியில் மாநில அளவில் பள்ளி மாணவர்களுக்கான திறன்மேம்பாட்டு போட்டிகள் மற்றும் கலை விழா (சோனா சேம்ப்ஸ்' 26) வருகின்ற நவம்பர் 5ம் தேதி கல்லூரியின் வளாகத்தில் நடைபெற உள்ளது. இதற்கான போஸ்டர் வெளியீட்டு விழா கல்லூரி நூலக அரங்கில் நடைப்பெற்றது. இந்த விழாவில் அறிவியல் கண்காட்சி, கவிதை எழுதுதல், ஓவியம் வரைதல், வினாடி வினா, பாடல் மற்றும் இசை, பேச்சு போட்டி, பழம்/காய்கறி செதுக்குதல், மைம், நடனம் ( குழு மற்றும் தனி ), வேடிக்கை விளையாட்டுகள் போன்று பல பிரிவுகளில் போட்டிகள் நடைபெற உள்ளன. இந்த போட்டிகளில் பங்கேற்க அரசு மற்றும் தனியார் பள்ளி மாணவர்களுக்கு அழைப்புகள் விடப்பட்டுள்ளது. மேலும் ஆயிரத்திற்கும் மேற்பட்ட மாணவர்கள் சேலம் மற்றும் சுற்றுவட்டார பள்ளிகளில் இருந்து பங்கேற்க உள்ளனர்.  பள்ளி மாணவர்களின் தனி திறன்களை அறிந்து அவர்களை ஊக்கப்படுத்தும் விதமாக இதுபோன்ற போட்டிகள் நடத்தப்படுகின்றன. இந்த போட்டிகளில் வெற்றி பெறும் மாணவ மாணவிகளுக்கு ரூ.1லட்சம் மதிப்பிலான பரிசுகளும், சான்றிதழ்களும் வழங்கப்படும் என்று தெரிவித்த அவர், எனவே பள்ளி மாணவர்கள் இந்த வாய்ப்பினை பயன்படுத்திக்கொண்டு தங்களது தனித்திறமைகளை திறம்பட வெளிப்படுத்த வேண்டும் என சோனா கல்லூரியின் முதல்வர் முனைவர் செந்தில்குமார் கேட்டுக்கொண்டார். இந்த நிகழ்வின் போது துறைத்தலைவர் முனைவர் ரேணுகா, விழாவின் ஒருங்கிணைப்பாளர் பேராசிரியர்  செந்தில்வடிவு மற்றும் செய்தி மக்கள் தொடர்பு துறை அலுவலர் ரமேஷ் உட்பட மாணவர்கள்  உடனிருந்தனர்.

Read more

விவசாயிகளின் நாடு தழுவிய போராட்டத்தின் எதிரொலி. மூன்று புதிய வேளாண் திருத்த சட்டத்தை உடனடியாக திரும்ப பெற்றது என்பது வரலாறு. விவசாய கடன் முழுமையான தள்ளுபடி தொடர்பாக தமிழகத்தில் ஆட்சி பொறுப்பில் இருக்கும் தவெக அரசுக்கு எதிராக தொடர் போராட்டங்களை மேற்கொண்டு பணிய வைப்போம். தமிழக விவசாயிகள் சங்க மாநில தலைவர் R. வேலுச்சாமி சூசக எச்சரிக்கை

நாமக்கல்,

S.K. சுரேஷ் பாபு.

விவசாயிகளின் நாடு தழுவிய போராட்டத்தின் எதிரொலி. மூன்று புதிய வேளாண் திருத்த சட்டத்தை உடனடியாக திரும்ப பெற்றது என்பது வரலாறு. விவசாய கடன் முழுமையான தள்ளுபடி தொடர்பாக தமிழகத்தில் ஆட்சி பொறுப்பில் இருக்கும் தவெக அரசுக்கு எதிராக தொடர் போராட்டங்களை மேற்கொண்டு பணிய வைப்போம். தமிழக விவசாயிகள் சங்க மாநில தலைவர் R. வேலுச்சாமி சூசக  எச்சரிக்கை

இது குறித்து உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநில தலைவர் R. வேலுச்சாமி வெளியிட்டுள்ள செய்தி குறிப்பில். மத்திய அரசை ஒப்பிட்டு தமிழக த.வெ.க அரசுக்கு எதிராக சூசகமான முறையில்,  எச்சரிக்கை ஒன்றினை வெளிப்படுத்தி உள்ளார். அதில், 

தவெக  கட்சி கடந்த சட்டமன்ற தேர்தலில் அளித்த வாக்குறுதியில், தமிழக விவசாயிகளின் பயிர் கடன் முழுவதும் தள்ளுபடி செய்யப்படும் என்று தேர்தல் பரப்புரையில் தெள்ளத் தெளிவாக மேடையில் பேசிவிட்டு, தமிழகத்தில் தவெக கட்சி தேர்தலில் வெற்றி பெற்று ஆட்சி பொறுப்பிற்கு வந்தவுடன் தேர்தல் வாக்குறுதிப்படி பயிர் கடன் தள்ளுபடி செய்யாமல் விவசாயிகளை ஏமாற்றி விட்டது. தேர்தல் வாக்குறுதியை முறையாக நிறைவேற்றாததை கண்டித்து தமிழகம் முழுவதும் உள்ள விவசாய சங்கங்கள் பல கட்ட போராட்டங்கள் நடத்தி வருகின்றன. தமிழக அரசின் கவனத்திற்கு இச்செய்தியை கொண்டு செல்ல தினந்தோறும் போராட்டம் தொடர்ந்து போராட்டம் நடத்த வேண்டிய நிலை உள்ளது.

நாட்டின் முதுகெலும்பாக உள்ள, மிக முக்கியமான தொழில் விவசாயத் தொழில், அப்படிப்பட்ட முதல் முக்கிய தொழிலை மேற்கொண்டுள்ள   விவசாயிகளுக்கு

தவெக அரசு  தேர்தலில் அளித்த வாக்குறுதியை நிறைவேற்ற தவறியதால், தமிழக விவசாயிகள் ரோட்டில் இறங்கி போராடுவது தவெக அரசு தமிழகத்தில் ஆட்சி செய்வதற்கு அழகல்ல. தவெக அரசின் நிர்வாகம் தமிழக விவசாயிகள் மத்தியில் மிகப்பெரிய வெறுப்பை  ஏற்படுத்தி உள்ளது என்றும் பதிவிட்டுள்ளார். மேலும் மத்திய  பாஜக அரசு கடந்த 2020 ஆம் ஆண்டு நாடு முழுவதும் உள்ள விவசாயிகளுக்கு எதிராக 3 புதிய வேளாண் திருத்த சட்டம் கொண்டு வந்து விவசாயிகளை வஞ்சிக்க முற்பட்டது புதிய வேளாண் திருத்த சட்டத்தை திரும்ப பெற வலியுறுத்தி நாடுமுழுவதும் உள்ள விவசாயிகள் மிகப்பெரிய அளவில் ஒன்று திரண்டு ஒட்டு மொத்த குரலாக ஒலித்துக் கொண்டு தொடர் போராட்டத்தில் பங்கேற்றனர். 

நாடு முழுவதும் உள்ள விவசாயிகள் போராட்டம் நாளுக்கு நாள் உச்ச கட்டம் செல்வதை அறிந்த மத்திய பாஜக அரசு மூன்று புதிய வேளாண் திருத்த சட்டத்தை உடனடியாக திரும்ப பெற்றது. விவசாயிகள் மிகப்பெரிய அளவில் ஒன்று திரண்டு நடத்திய போராட்டத்தின் விளைவு தான் மத்திய பாஜக அரசே பணிந்தது என்ற வரலாறு உள்ளதை நினைவு படுத்திய தமிழக விவசாயிகள் சங்க மாநில தலைவர் வேலுச்சாமி, 

தமிழகத்தில் ஆட்சி பொறுப்பில் இருக்கும் தவெக அரசு நினைவில் கொள்ள வேண்டும் என்று அறிவுறுத்தியதோடு மட்டுமல்லாமல், தவெக அரசு தேர்தல் வாக்குறுதிப்படி உடனடியாக பயிர் கடன் தள்ளுபடி செய்யாமல்  காலதாமதம் செய்தால் உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் சார்பில் மிகப்பெரிய அளவில் ஒன்று திரண்டு  தவெக அரசுக்கு எதிராக தொடர் போராட்டங்கள்  நடத்தி தவெக அரசை பணிய வைப்போம் என்பதை உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் சார்பில் இந்த அறிக்கையின் வாயிலாக மாண்புமிகு தமிழக முதல்வர் ஜோசப் விஜய் அவர்களுக்கு தெரிவித்துக் கொள்வதாகவும் சூசகமான முறையில் எச்சரிக்கையையும் தெரிவித்துள்ளார்.

Read more

குழந்தைகளுக்கு எழுத்து அறிவிக்கும் வித்யா ரம்பம்...சாஸ்தா நகர் ஐயப்பன் கோவிலில் நூற்றுக்கணக்கான குழந்தைகளுக்கு எழுத்து அறிவிக்கப்பட்டது.

சேலம்,

S.K. சுரேஷ்பாபு.

குழந்தைகளுக்கு எழுத்து அறிவிக்கும் வித்யா ரம்பம்...

சாஸ்தா நகர் ஐயப்பன் கோவிலில் நூற்றுக்கணக்கான குழந்தைகளுக்கு எழுத்து அறிவிக்கப்பட்டது. 

பழையன கழிதலும் புதியன புகுதலும் என்பதற்கு ஏற்ற வகையில் கஷ்டங்கள் துன்பங்கள் மறந்து வாழ்க்கையில் நன்மை பெறுக ஆயுத பூஜை மற்றும் விஜயதசமி விழா கொண்டாடப்பட்டு வருகிறது. அதன் அடிப்படையில் நேற்று ஆயுத பூஜை விழாவை தொடர்ந்து இன்று சரஸ்வதி பூஜை எனப்படும் விஜயதசமி விழா வெகு விமர்சையாக நடைபெற்று வருகிறது. கல்வி கடவுளான சரஸ்வதிக்கு உகந்த தினமான இந்த நாளில் குழந்தைகளுக்கு கல்வி அறிவிக்கும் நாளாக கொண்டாடப்பட்டு வருகிறது இதன் தொடர்ச்சியாக குழந்தைகளுக்கு திருக்கோயில்களில் எழுத்தறிவிக்கும் நிகழ்ச்சி நடைபெறும். 

அதனடிப்படையில் சேலம் குரங்கு சாவடி பகுதியில் உள்ள ஸ்ரீ சாஸ்தா நகர் ஐயப்பன் ஆலயத்தில் இன்று காலை முதலே நூற்றுக்கணக்கான பெற்றோர்கள் தங்கள் குழந்தைகளுடன் எழுத்தறிவிக்கும் நிகழ்ச்சியில் பங்கேற்றனர். வித்யா ரம்பம் என்று அழைக்கப்படும் இந்த நிகழ்ச்சியில் கோவில் குருக்கள் குழந்தைகளுக்கு நாவில் பச்சரிசி தேன் போன்றவற்றை தடவி அ ஆ வண்ணா போன்ற எழுத்துக்களை எழுதி கல்வியின் முதற்கட்ட நாளை தொடங்கி வைத்தனர். 

இன்று முதல் குழந்தைகளுக்கு பள்ளியில் சேர்க்க சிறப்பு சேர்க்கையும் நடைபெறுகிறது. இதனால் கோவில்களில் குழந்தைகளுக்கு நாவில் எழுதிவிட்டு தொடர்ந்து பள்ளியில் சேர்த்து அவர்களுக்கு கல்வியின் பயணம் தொடர பெற்றோர்கள் வழி வகுக்கின்றனர். இதன்படி சேலம் சாஸ்தா நகர் ஐயப்பன் ஆலயத்தில் நூற்றுக்கணக்கான குழந்தைகளுக்கு இன்று எழுத்து அறிவிக்கும் நிகழ்ச்சி நடைபெற்றது இதில் ஏராளமான பெற்றோர்கள் கலந்து கொண்டு மகிழ்ச்சியுடன் தங்கள் குழந்தைகளுக்கு நாவில் தாய்த் தமிழின் முதல் வார்த்தைகளை எழுதி கல்வியை தொடங்கி வைத்தனர். இதனை ஒட்டி ஐயப்பனுக்கு சிறப்பு அபிஷேக ஆராதனை நடைபெற்று அலங்காரங்கள் செய்யப்பட்டன இதில் ஏராளமான பக்தர்கள் கலந்து கொண்டு ஸ்வாமி வழிபாடு செய்தனர். வித்யாரம்பம் நிகழ்வுக்கான ஏற்பாடுகளை ஆசிரமத்தின் தலைவர் கே.பி. நடராஜன் உள்ளிட்ட நிர்வாகிகள் சிறப்பாக செய்திருந்தனர். 

Read more

சேலத்தில் சுமார் 200 மாணவ மாணவிகளுக்கு கல்வி பரிசளித்து மகிழ்ந்த குலாலர் மண்பாண்ட தொழிலாளர் சங்க விழா.

சேலம்,

S.K. சுரேஷ்பாபு.

சேலத்தில் சுமார் 200 மாணவ மாணவிகளுக்கு கல்வி பரிசளித்து மகிழ்ந்த குலாலர் மண்பாண்ட தொழிலாளர் சங்க விழா. 

சேலம் மாவட்டம் மண்பாண்டத் தொழிலாளர் ( குலாலர் ) சங்கம் மற்றும் N. கலைச்செல்விநினைவு அறக்கட்டளை ஆகியவற்றில் சார்பில் 3-வது கல்வி விருது வழங்கும் விழா

மற்றும் நான்காம் ஆண்டு தொடக்க விழா ஆகியவை சேலம் பால் பண்ணை அருகே உள்ள தனியார் திருமண மண்டபத்தில் நடைபெற்றது. சங்கத்தின் சேலம் மாவட்ட தலைமை ஒருங்கிணைப்பாளரும் மாநில தலைவருமான ராஜசேகரன் தலைமையில் நடைபெற்ற விழாவில் மாநில பொதுச் செயலாளர் பொறியாளர் ராஜா மற்றும் பொருளாளர் கிருஷ்ணன் உள்பட தமிழகத்தின் பல்வேறு மாவட்டங்களை சேர்ந்த முக்கிய நிர்வாகிகள் முன்னிலை வைத்தனர். தொடர்ந்து சங்கத்தின் செயல்பாடுகள் குறித்தும் மேற்கொள்ளப்பட்டு வரும் நடவடிக்கைகள் குறித்தும் தெரிவிக்கப்பட்ட கூட்டத்தில் சங்கத்திற்கான வரவு செலவு கணக்குகள் முன் வைக்கப்பட்டன. 

விழாவின் சிறப்பம்சங்கள் மண்பாண்ட தொழிலாளர்களின் முன்னேற்றம் குறித்தும் அவர்களது பிள்ளைகள் இந்த போட்டி மிகுந்த சமுதாயத்தில் எவ்வாறெல்லாம் முன்னேறுவது என்பது குறித்து சிறப்பு விருந்தினர்களால் விளக்கம் அளிக்கப்பட்டது. இதனை எடுத்து விழாவின் முக்கிய நிகழ்வான குலாலர் சமுதாயத்தைச் சார்ந்த சுமார் 200க்கும் மேற்பட்ட 10 மற்றும் 12-ஆம் வகுப்பு மாணவர்களுக்குக் கல்வி ஊக்கத்தொகை வழங்கி சிறப்பு செய்யப்பட்டது. 

70 வயதிற்கு மேற்பட்ட மண்பாண்டத் தொழிலாளர்களைக் கௌரவித்தல், நல்லாசிரியர் விருது பெற்ற சிறந்த ஆசிரியர்களைக் கௌரவித்தல் மற்றும் கிளைச் சங்கங்களைத் தொடங்கி வைத்தல் உள்ளிட்ட நிகழ்வுகள் நடைபெற்றன. 

இந்த விழாவில் குலாலர் இளைஞர் சங்க நிர்வாகி சிமெண்ட் கார்த்தி உட்பட  அனைத்துச் மாவட்ட நிர்வாகிகள், கிளைச் சங்க நிர்வாகிகள் மற்றும் குலாலர்  பழங்குடியின சமூகத்தைச் சார்ந்தவர்கள் என ஏராளமானோர் கலந்து கொண்டனர்.

Read more