ஈரோடு கிழக்கு இடைத்தேர்தல் வேட்புமனு தாக்கல் நிறைவு: இன்று ஒரேநாளில் 56 பேர் தாக்கல்!

ஈரோடு கிழக்கு சட்டமன்றத் தொகுதி இடைத்தேர்தல் கடந்த ஜன.7ம் தேதி அறிவிக்கப்பட்டு 10ம் தேதி வேட்புமனு தாக்கல் தொடங்கியது. வேட்பு தாக்கல் செய்ய இன்று (ஜன.17) கடைசி நாள் என்பதால் 56 வேட்பாளர்கள் வேட்புமனு தாக்கல் செய்தனர்.

இந்தியா கூட்டணியின் சார்பில் போட்டியிடும் திமுக வேட்பாளராக வி.சி.சந்திரகுமார் மாநகராட்சி அலுவலகத்திற்கு வந்து, தேர்தல் நடத்தும் அலுவலர் மனிஷிடம் வேட்பு மனுவை தாக்கல் செய்தார்.

இதேபோல், நாம் தமிழர் கட்சி வேட்பாளராக போட்டியிடும் சீதாலட்சுமியும் வேட்புமனு தாக்கல் செய்தார். இந்தநிலையில், ஈரோடு கிழக்கு இடைத்தேர்தலுக்கான வேட்புமனுத் தாக்கல் இன்று மாலை 3 மணியுடன் வேட்புமனு தாக்கல் நிறைவடைந்த நிலையில், இடைத்தேர்தலில் போட்டியிட மொத்தம் 66 பேர் வேட்புமனு தாக்கல் செய்துள்ளனர்.

நாளை வேட்புமனுக்கள் மீதான பரிசீலனை நடக்கிறது. வேட்பு மனுக்களை 20ம் தேதிக்குள் வாபஸ் பெறலாம். அன்று மாலை 3 மணிக்கு இறுதி வேட்பாளர் பட்டியல் சின்னத்துடன் வெளியிடப்பட உள்ளது.

Read more

ஈரோடு மாவட்டத்தில் நாளை (ஜன.18) பல்வேறு பகுதிகளில் மின்தடை அறிவிப்பு

ஈரோடு மாவட்டத்தில் அந்தியூர், பவானி ஊராட்சிக் கோட்டை, சத்தியமங்கலம் செண்பகப்புதூர், கொடுமுடி, மொடக்குறிச்சி எழுமாத்தூர் மற்றும் கஸ்பாபேட்டை ஆகிய துணை மின் நிலையங்களில் நாளை (ஜன.18ம் தேதி) சனிக்கிழமை பராமரிப்பு பணிகள் நடக்கிறது. இதனால், நாளை கீழ்க்கண்ட இந்தப் பகுதிகளில் குறிப்பிட்ட நேரம் மின்சார விநியோகம் இருக்காது என தெரிவிக்கப்பட்டுள்ளது.

அந்தியூர் துணை மின் நிலையம் (காலை 9 மணி முதல் மாலை 5 மணி வரை):- 

மின்தடை ஏற்படும் பகுதிகள்:- அந்தியூர், தவிட்டுபாளையம், மைக்கேல்பாளையம், வெள்ளையம்பாளையம், பிரம்மதேசம், தோட்டகுடியாம்பாளையம், காட்டூர், செம்புளிச்சாம்பாளையம், பருவாச்சி, பச்சாம்பாளையம், புதுப்பாளையம், சங்கராபாளையம், எண்ணமங்கலம், கோவிலூர், வெள்ளித்திருப்பூர், கெட்டிசமுத்திரம், மற்றும் பர்கூர் மலைப்பகுதி.

பவானி ஊராட்சிக்கோட்டை துணை மின் நிலையம் (காலை 9 மணி முதல் மாலை 5 மணி வரை):- 

மின்தடை ஏற்படும் பகுதிகள்:- பவானி நகர் முழுவதும், மூன்ரோடு, ஊராட்சிகோட்டை, ஜீவா நகர், செங்காடு, குருப்பநாயக்கன் பாளையம், நடராஜபுரம், ராணா நகர், ஆண்டிகுளம், என்.ஜி.ஜி.ஓ., காலனி, கூடுதுறை, வி.மேட்டுப்பாளையம், சன்னியாசிபட்டி, வரதநல்லூர், சங்கரகவுண்டன் பாளையம், மொண்டிபாளையம், கண்ணாடி பாளையம், மைலம்பாடி, ஆண்டிபாளையம், சக்தி நகர், கொட்டக்காட்டு புதூர், மோளகவுண்டன்புதூர், செலம்பகவுண்டன் பாளையம் மற்றும் வாய்க்கால்பாளையம்.

சத்தியமங்கலம் செண்பகப்புதூர் துணை மின் நிலையம் (காலை 9 மணி முதல் மதியம் 2 மணி வரை):- 

மின்தடை ஏற்படும் பகுதிகள்:- சத்தியமங்கலம், காந்தி நகர், நேரு நகர், ரங்கசமுத்திரம், பேருந்து நிலையம், கோண மூலை, வி.ஐ.பி. நகர், செண்பகப்புதூர், உக்கரம், அரியப்பம்பாளையம், சுண்டக்காம்பாளையம், சின்னாரிபாளையம், சிக்கரசம்பாளையம் மற்றும் கெஞ்சனூர்.

கொடுமுடி துணை மின் நிலையம் (காலை 9 மணி முதல் மதியம் 2 மணி வரை):- 

மின்தடை ஏற்படும் பகுதிகள்:- கொடுமுடி, சாலைப்புதூர், குப்பம்பாளையம், ராசாம்பாளையம், பிலிக்கல்பாளையம், தளுவம்பாளையம், வடக்கு மூர்த்திபாளையம், அரசம்பாளையம், சோளக்காளி பாளையம் மற்றும் நாகமநாய்க்கன் பாளையம்.

மொடக்குறிச்சி எழுமாத்தூர் துணை மின் நிலையம் (காலை 9 மணி முதல் மதியம் 2 மணி வரை):- 

மின்தடை ஏற்படும் பகுதிகள்:- எழுமாத்தூர், மண்கரடு, செல்லாத்தாபாளையம், பாண்டிபாளையம், எல்லக்கடை, காதக்கிணறு, குலவிளக்கு, மொடக்குறிச்சி, குளூர், வடுகபட்டி, 60 வேலம்பாளையம், மணியம் பாளையம், வெள்ளபெத்தாம் பாளையம், வே.புதூர், கணபதிபாளையம், ஆனந்தம்பா ளையம், எரப்பம்பாளையம், மின்னக்காட்டுவலசு, வெப்பிலி, பூந்துறை, சோமூர் மற்றும் 88 வேலம்பாளையம்.

மொடக்குறிச்சி கஸ்பாபேட்டை துணை மின் நிலையம் (காலை 9 மணி முதல் மதியம் 2 மணி வரை):- 

மின்தடை ஏற்படும் பகுதிகள்:- கஸ்பாபேட்டை, முள்ளாம்பரப்பு. சின்னியம்பாளையம், வேலாங்காட்டுவலசு, பெட்டிநாய்க் கன்வலசு, வீரப்பம்பாளையம், 46 புதூர், முத்துசாமி காலனி, குறிக்காரன் பாளையம், செல்லப்பம்பாளையம், கோவிந்தநாய்க்கன் பாளையம், நஞ்சை ஊத்துக்குளி, செங்கரை பாளையம், டி.மேட்டுப்பாளையம், ஆனைக்கல்பாளையம், எல்.ஐ.சி.நகர், ரைஸ்மில் ரோடு, ஈ.பி.நகர், என்.ஜி.ஜி.ஓ. நகர், கே.ஏ.எஸ்.நகர், இந்தியன் நகர், டெலிபோன் நகர், பாரதிநகர், மாருதி கார்டன், மூலப்பாளையம், சின்னசெட்டிபாளையம், சடையம்பாளையம், திருப்பதி கார்டன், முத்துகவுண்டன்பாளையம், கருந்தேவன் பாளையம், சாவடிபாளையம் புதூர், கிளியம்பட்டி, ரகுபதிநாயக்கன் பாளையம் மற்றும் காகத்தான்வலசு.

Read more

கோபி அருகே 2 குழந்தைகளை கொன்று தம்பதி விஷம் குடித்து தற்கொலை

ஈரோடு மாவட்டம் கோபிசெட்டிபாளையம் அடுத்த சிறுவலூர் அருகே உள்ள மீன்கிணறு, சின்ன மூப்பன் வீதியைச் சேர்ந்தவர் தனசேகர் (வயது 35). இவரது மனைவி பாலாமணி (வயது 29). இவர்களுக்கு வந்தனா (வயது 12) என்ற மகளும், மோனிஷ் (வயது 10) என்ற மகனும் உள்ளனர்.

கணவன், மனைவி இருவரும் வெள்ளாங்கோவிலில் உள்ள தனியார் கார்மெண்ட்ஸ் நிறுவனத்தில் டெய்லராக வேலை செய்து வந்தனர். இதற்கிடையில், கணவன், மனைவி இருவரும் இடையே அடிக்கடி குடும்ப தகராறு ஏற்பட்டு வந்ததாக கூறப்படுகிறது.

இந்நிலையில், சல்பாஸ் விஷ மாத்திரைகளை குளிர்பானத்தில் கலந்து மகனுக்கும், மகளுக்கும் கொடுத்துள்ளனர். பின்னர், கணவன், மனைவி இருவரும் விஷத்தை குடித்துள்ளனர்.

இதனைத் தொடர்ந்து, வந்தனா, மோனிஷ் இருவரும் குடித்த போது கசப்பு காரணமாக கீழே துப்பி விட்டு கதறி அழுதனர். அதற்குள், கணவன், மனைவி இருவரும் விஷம் குடித்து உயிருக்கு போராடினர்.

இதையடுத்து, குழந்தைகளின் அலறல் சத்தம் கேட்டு அருகில் இருந்தவர்கள் அவரது வீட்டுக்கு ஓடி வந்தனர். நான்கு பேரையும் மீட்டு 108 ஆம்புலன்ஸ் மூலம் பெருந்துறை உள்ள அரசு மருத்துவக் கல்லூரி மருத்துவமனைக்கு சிகிச்சைக்காக அனுப்பி வைத்தனர்.

ஆனால், செல்லும் வழியிலேயே, தனசேகரனும் பாலமணியும் உயிரிழந்தனர். குழந்தைகள் வந்தனாகவும், மோனிஷிம் உயிருக்கு ஆபத்தான நிலையில் மருத்துவமனையில் தீவிர சிகிச்சை பிரிவில் அனுமதிக்கப்பட்டனர்.

இந்நிலையில், சிகிச்சை பெற்று வந்த குழந்தைகள் வந்தனா, மோனிஷ் இருவரும் சிகிச்சை பலனின்றி பரிதாபமாக இறந்தனர். இதுகுறித்து சிறுவலூர் போலீசார் வழக்கு பதிவு செய்து விசாரணை நடத்தி வருகின்றனர்.

ஒரே குடும்பத்தைச் சேர்ந்த 4 பேர் விஷம் குடித்து உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.

Read more

ஈரோடு கிழக்கு இடைத்தேர்தலில் இருமுனைப் போட்டி: நேரடியாக மோதும் திமுக - நாம் தமிழர் கட்சி

ஈரோடு கிழக்கு சட்டமன்ற தொகுதிக்கு இடைத்தேர்தல் அடுத்த மாதம் பிப்ரவரி 5ம் தேதி நடைபெறுகிறது. இந்த தேர்தலை அதிமுக, பாஜக, தேமுதிக புறக்கணித்து உள்ளன.

அதேசமயம், இந்தியா கூட்டணி சார்பில் திமுக வேட்பாளர் வி.சி.சந்திரகுமார், நாம் தமிழர் கட்சி சார்பில் மா.கீ.சீதாலட்சுமி கடைசி நாளான நாளை (ஜன.17ம் தேதி) வேட்புமனு தாக்கல் செய்கிறார்கள்.

எனவே, வரும் இடைத்தேர்தலில் திமுக - நாம் தமிழர் கட்சி வேட்பாளர்கள் இடையே இருமுனைப் போட்டி உறுதியாகி உள்ளது. கடந்த இடைத்தேர்தலில் நான்கு முனைப் போட்டிகளை பார்த்த வாக்காளர்கள் இந்த முறை இருமுனைப் போட்டியை சந்திக்க உள்ளனர்.

இதனால், ஈரோடு கிழக்கு இடைத்தேர்தல் களம் சூடுபிடிக்குமா இருக்குமா? அல்லது மந்தமான நிலையில் இருக்குமா? என்பது அடுத்து வரும் நாட்களில் தெரிய வரும்.

Read more

சேலம் 12வது போட்டு விடுதலை சிறுத்தைகள் கட்சியின் சார்பில் உரிமை பொங்கல் விழா. தை திருவிழாவை ஒட்டி பல்வேறு விளையாட்டுப் போட்டிகள் நடத்தி பரிசு பொருட்களை வழங்கிய விசிகவினர்.

சேலம். 

S.K. சுரேஷ்பாபு. 

சேலம் 12வது போட்டு விடுதலை சிறுத்தைகள் கட்சியின் சார்பில் உரிமை பொங்கல் விழா. தை திருவிழாவை ஒட்டி பல்வேறு விளையாட்டுப் போட்டிகள் நடத்தி பரிசு பொருட்களை வழங்கிய விசிகவினர். 

எழுச்சியுடன் கொண்டாடப்பட்டு வரும் தமிழர் திருநாளாம் பொங்கல் திருவிழா இறுதி கட்டத்தை எட்டி உள்ளது, இயற்கைக்கு நன்றி தெரிவிக்கும் சூரிய பொங்கல், கால்நடைகளுக்கு நன்றி தெரிவிக்கும் மாட்டுப் பொங்கலை தொடர்ந்து காணும் பொங்கல் கொண்டாடப்பட்டு வருகிறது. இந்த நிலையில் சேலம் 12வது கோட்டத்திற்கு உட்பட்ட விடுதலை சிறுத்தைகள் கட்சி சேலம் வடக்கு மாவட்ட விசிக மகளிர் அணி சார்பில் சேலம் ஜான்சன் பேட்டை பகுதியில் உரிமை பொங்கல் விழா கொண்டாடப்பட்டது. பன்னிரண்டாவது கோட்டை விடுதலை சிறுத்தைகள் கட்சி செயலாளர் கேசவன் என்கின்ற சிறுத்தை அப்பு தலைமையில் நடைபெற்ற இந்த விழாவினை சேலம் வடக்கு மாவட்ட விசிக மகளிர் அணி செயலாளர் வினிதா சுரேஷ் மற்றும் விசிக தொழிற்சங்க பிரிவு செயலாளர் கோபி வளவன் உள்ளிட்டவர் கலந்து கொண்டு விழா வினை துவக்கி வைத்தனர். புது பானையில் பொங்கல் இட்டு கட்சி கொடியினை ஏற்றி வைத்து புது பானையில் பொங்கல் பொங்கி வரும் போது வரவேற்கும் விதமாக பொங்கலோ பொங்கல் என்று வாழ்த்து கோஷம் முழங்க இயற்கைக்கு நன்றி செலுத்தினர். தொடர்ந்து அந்த பகுதியில் உள்ள சிறுவர்கள் முதல் பெரியவர்கள் வரை அனைவருக்கும் பல்வேறு விளையாட்டுப் போட்டிகள் நடத்தப்பட்டு பரிசு பொருட்களும் வழங்கப்பட்டன. 

இந்த உரிமை பொங்கல் விழாவில் கட்சி நிர்வாகிகள் சற்குணம் ஸ்ரீதர் ஸ்ரீனி சிவா ஜீவா கௌதம் சபரி சக்தி சீனிவாசன் சிவபாலன் உட்பட கூட்டணி கட்சி நிர்வாகிகள் பலரும் கலந்து கொண்டனர்.

      

Read more

சேலத்தில் மாநில அளவிலான ஆண்கள் கால்பந்து போட்டி. தைப்பொங்கல் விழாவை ஒட்டி நடைபெற்று வரும் இந்த போட்டியில் 36 அணிகள் பங்கேற்பு.

சேலம். 

S.K. சுரேஷ்பாபு.

சேலத்தில் மாநில அளவிலான ஆண்கள் கால்பந்து போட்டி. தைப்பொங்கல் விழாவை ஒட்டி நடைபெற்று வரும் இந்த போட்டியில் 36 அணிகள் பங்கேற்பு.

தமிழர் திருநாளாம் பொங்கல் திருவிழாவை ஒட்டி ஆண்டு தோறும் சேலம் ஜான்சன் நண்பர்கள் கால்பந்து குழு மற்றும் சேலம் புனித பால் மேல்நிலைப்பள்ளி ஆகியவை இணைந்து நடத்தும் மாநில அளவிலான கால்பந்து போட்டி 22 ஆம் ஆண்டாக, கடந்த 13 ஆம் தேதி தொடங்கியது. சேலம் ஜான்சன் பேட்டையில் உள்ள புனித பால் மேல்நிலைப்பள்ளி மைதானத்தில் துவங்கிய இந்த மாநில அளவிலான போட்டியினை புனித பால் மேல்நிலைப் பள்ளியின் முதல்வர் அருட்தந்தை அலெக்ஸ் தொடங்கி வைத்தார். இந்த போட்டியில் ஜான்சன் நண்பர்கள் கால்பந்து குழுவின் நிர்வாகிகள் எபிராஜ் குமார் கிருஷ்ணமூர்த்தி சக்திவேல் பிரசாத் மற்றும் உதவி ஆய்வாளர் சையது முபாரக் உள்ளிட்டோர் முன்னிலை வகித்தனர். 

நாக் அவுட் முறையில் நடைபெற்று வரும் இந்த மாநில அளவிலான போட்டியில் சேலம் ஜான்சன் நண்பர்கள் கால்பந்து அணி,  தர்மபுரி கிருஷ்ணகிரி ஈரோடு மற்றும் நாமக்கல் உட்பட 36 மாவட்டங்களை சேர்ந்த அணிகள் பங்கேற்றுள்ளனர். கால் இறுதி அரையிறுதி போட்டிகள் நடத்தப்பட்டு நாளை மாலை இறுதி போட்டிகள் நடத்தப்பட உள்ளன. 

இந்த போட்டியில் கலந்து கொண்டுள்ள அணிகள் வெற்றி பெறும் முனைப்போடு தங்களது முழு திறமைகளையும் வெளிப்படுத்தி விளையாடி வருகின்றனர். ஜான்சன் நண்பர்கள் கால்பந்து குழுவின் சார்பில் 22 ஆம் ஆண்டாக நடைபெற்று வரும் இந்த மாநில அளவிலான கால்பந்து போட்டியில் வெற்றி பெறும் முதல் நான்கு அணிகளுக்கு பரிசு கோப்பைகளும் ரொக்க பரிசுகளும் வழங்கப்பட உள்ளன என்று புனித பால் மேல்நிலைப் பள்ளியின் முதல்வர் அருட்தந்தை அலெக்ஸ் தெரிவித்தார்.

Read more

வெற்றி பெற்றாலும் சரி, தோல்வி அடைந்தாலும் சரி வீடு, வீடாக மக்களை சந்திப்பதை கடமையாக கருதுகிற கட்சி திமுக: அமைச்சர் முத்துசாமி பேட்டி

வெற்றி பெற்றாலும் சரி, தோல்வி அடைந்தாலும் சரி வீடு வீடாக மக்களை சந்திப்பது என்பது கடமையாக கருதுகிற கட்சி திமுக என தமிழ்நாடு வீட்டு வசதித்துறை அமைச்சர் சு.முத்துசாமி பேட்டி.

வரும் பிப்ரவரி 5ஆம் தேதி நடைபெற உள்ள இடைத்தேர்தலில் திமுகவின் சார்பில் போட்டியிடும் வேட்பாளர் வி.சி சந்திரகுமாருக்கு ஆதரவு தெரிவித்து, தமிழ்நாடு வீட்டு வசதி துறை மற்றும் நகர்ப்புற வளர்ச்சி துறை அமைச்சர் சு.முத்துசாமி தலைமையில், ராஜ்யசபா உறுப்பினர் அந்தியூர் செல்வராஜ், நெசவாளர் அணி செயலாளர் எஸ்.எல்.டி சச்சிதானந்தம் உள்ளிட்ட இந்தியா கூட்டணி சார்பில் பயணிக்கும் பல்வேறு கட்சிகளை சார்ந்த நிர்வாகிகள் மற்றும் தொண்டர்களுடன் இன்று இரண்டாவது நாளாக பிரச்சாரம் மேற்கொண்டு வருகின்றனர்,

தொடந்து தமிழ்நாடு வீட்டு வசதித்துறை அமைச்சர் சு.முத்துசாமி பேட்டியளித்தார்.

அப்போது, ஈரோடு கிழக்குத் தொகுதியில் போட்டியிடும் வேட்பாளராக வி.சி சந்திரகுமார் அவர்களை, தமிழ்நாடு முதலமைச்சர் மு.க ஸ்டாலின் அறிவித்துள்ளார், சில பேர் வேட்பாளராக வேண்டுமென தமிழ்நாடு முதலமைச்சரிடம் கேட்டிருந்தார்கள்.

 கேட்டவர்கள் அத்தனை பேரும் மிக தகுதியானவர்கள். அதனால் வேட்பாளரை தேர்ந்தெடுப்பதில் தமிழ்நாடு முதலமைச்சர் அவர்களுக்கு ஒரு நாள் அவகசம் தேவைப்பட்டது. அதற்குப் பின்னால் அனைவரின் ஒப்புதலோடு வி.சி சந்திரகுமார் அவர்கள் தேர்ந்தெடுக்கப்பட்டுள்ளார். அதனைத் தொடர்ந்து அனைத்து தோழமைக் கட்சியினரும் தோழமை உணர்வோடு இந்த தேர்தலில் பணியாற்றிக் கொண்டிருக்கிறார்கள்.

 76 அமைப்புகள், 24 அரசியல் கட்சிகள் எங்களுக்கு துணையாக இணைந்து பணியாற்றி கொண்டிருக்கிறார்கள்,33 வார்டுகள் இந்த பகுதியிலே இருக்கிறது. தற்போது நான்கு வார்டுகளில் உள்ள வாக்காளர்கள் தான் வாக்குகளை சேகரித்துள்ளோம், மிகப் பெரிய அளவில் தாய்மார்கள் வரவேற்பு கொடுத்து, அத்தனை வாக்காளர்களும் திமுக வேட்பாளருக்கு முழுமையாக ஆதரவு அளித்துள்ளனர், 

தமிழ்நாடு முதலமைச்சர் மு க ஸ்டாலின் அவர்கள், கடந்த மூன்ரை ஆண்டுகளில் செய்த பணிகள்தான் மக்களிடத்தில் இவ்வளவு பெரிய வரவேற்பை கொடுத்துள்ளது. அதேபோல துணை முதலமைச்சர் உதயநிதி ஸ்டாலின் வந்த போதும், பெரிய அளவில் நிகழ்ச்சிகள் நடத்தப்பட்டு, மக்களுக்கான நலத்திட்டங்கள் வழங்கப்பட்டுள்ளது, எனவே மக்களின் வரவேற்பும் ஆதரவும் பெருகி உள்ளது, ஆகவே இந்த மக்களுக்கு நன்றியை தெரிவித்துக் கொள்கிறோம் என்பதுடன், மக்களுக்கான பணியை தொடர்ந்து செய்வோம் எனவும் தெரிவித்தார்,

மேலும், வருகின்ற 17ஆம் தேதி 12 மணிக்கு பெருந்துறை சாலையில் உள்ள பணிமனையிலிருந்து புறப்பட்டு, ஈரோடு மாநகராட்சி அலுவலகத்தில் வேட்புமனு தாக்கல் செய்ய உள்ளோம் என பேட்டி அளித்தார்.

Read more