சேலத்தில் உலக பட்டினி தினத்தில் சாலையோரம் வசிக்கும் ஆதரவற்றோர்களின் பசியை போக்கிய த.வெ.க-வினர்.

சேலம். 

S.K. சுரேஷ்பாபு

சேலத்தில் உலக பட்டினி தினத்தில் சாலையோரம் வசிக்கும் ஆதரவற்றோர்களின் பசியை போக்கிய த.வெ.க-வினர்.

ஆண்டுதோறும் மே 28ஆம் தேதி உலக பட்டினி தினமாக கடைபிடிக்கப்பட்டு வருகிறது. அதன் அடிப்படையில் ஏழை எளியவர்களுக்கு தொண்டர்கள் ஒவ்வொருவரும் உதவிட வேண்டும் என்று தமிழக வெற்றிக் கழகத்தின் தலைவர் நடிகர் விஜய் அறிவுறுத்தலின் பேரிலும், கட்சியின் பொதுச் செயலாளர் ஆனந்த் வழிகாட்டுதலின் பேரிலும் சேலம் அயோத்தியபட்டணம் தெற்கு ஒன்றிய தமிழக வெற்றிக் கழகத்தின் சார்பில் சாலையோரத்தில் வசிக்கும் ஏழை எளிய மற்றும் ஆதரவற்றவர்களுக்கு காலை சிற்றுண்டி வழங்கும் நிகழ்ச்சிக்கு ஏற்பாடு செய்யப்பட்டிருந்தது. சேலம் உடையாபட்டி பகுதியில் நடைபெற்ற நிகழ்ச்சிக்கு தமிழக வெற்றி கழகத்தின் சேலம் அயோத்தியாபட்டணம் தெற்கு ஒன்றிய செயலாளர் வேதநாயகம் தலைமை வகித்தார். நிகழ்வில். நிர்வாகிகள் அமர்நாத் மற்றும் வெங்கடேஷ் உள்ளிட்ட பலர் கலந்து கொண்டு சாலையோரத்தில் வசிக்கும் ஏழை எளிய மற்றும் ஆதரவற்றவர்களுக்கு காலை சிற்றுண்டி வழங்கி மகிழ்ந்தனர். இதே போல மதியமும் உணவு வழங்க ஏற்பாடு செய்யப்பட்டுள்ளதாகவும்,  அதனை தொந்தது இரவும் சேலம் அயோத்தியாபட்டணம் தெற்கு ஒன்றியத்தின் சார்பில் உணவு வழங்க ஏற்பாடு செய்யப்பட்டுள்ளதாக ஒன்றிய செயலாளர் வேதநாயகம்  தெரிவித்தார். இன்று மட்டும் சுமார் ஆயிரத்திற்கும் மேற்பட்டோருக்கு உணவு வழங்கிட ஏற்பாடு செய்யப்பட்டுள்ளதாக தமிழக வெற்றி கழகத்தின் சேலம் தெற்கு ஒன்றிய நிர்வாகிகள் தரப்பில் தெரிவிக்கப்பட்டுள்ளது. 

Read more

கார் மோதி இருசக்கர வாகனத்தில் சென்றவர் தூக்கி வீசப்பட்டும் சிசிடிவி காட்சிகள் வெளியாகி பரபரப்பு....

திருப்பூர் மாவட்டம் பல்லடம் அருகே சின்னியகவுண்டம்பாளையம் என்ற இடத்தில் காங்கேயத்தில் இருந்து கரடிவாவி நோக்கி கார்  வந்து கொண்டிருந்தது.சின்னியகவுண்டம்பாளையத்தை சேர்ந்த முத்துமாணிக்கம் என்பவர் வெல்டிங் வேலை செய்து  வரும் நிலையில் பணிக்கு செல்வதற்காக அவர் தனது இருசக்கர வாகனத்தில் சென்றுள்ளார்.அப்போது எதிரே வந்த காரானது திடீரென கட்டுப்பாட்டை இழந்து முத்துமாணிக்கத்தின் இருசக்கர வாகனத்தின் மீது மோதியதில் முத்துமாணிக்கம்  விபத்துக்குள்ளாகி தூக்கி வீசப்பட்டார். இந்த விபத்தில் முத்துமாணிக்கத்திற்கு கால் முறிவு ஏற்பட்டது. தொடர்ந்து அங்கிருந்த பொதுமக்கள் அவரை மீட்டு சிகிச்சைக்காக ஆம்புலன்ஸ் மூலம் பல்லடம் அரசு மருத்துவமனைக்கு அனுப்பி வைத்துள்ளனர். இருசக்கர வாகனத்தின் மீது கார் மோதி விபத்துக்குள்ளானதில் முத்துமாணிக்கம் தூக்கி வீசப்படும் சிசிடிவி காட்சிகள் தற்பொழுது வெளியாகி பரபரப்பை ஏற்படுத்தியுள்ளது.விபத்து ஏற்படுத்திய கார் உரிமையாளர் அங்கிருந்து தப்பித்து ஓடிவிட்டார். இன்னும் பதிவு எண் கூட வாங்காத நிலையில்  காரை ஓட்டி வந்ததும் காரின் உரிமையாளர் குறித்தும் இந்த விபத்து குறித்தும் பல்லடம் காவல்துறையினர் தற்பொழுது விசாரணை மேற்கொண்டு வருகிறார்கள்

Read more

தபால் நிலையத்தில் ரயில் டிக்கெட் முன்பதிவு வசதி செய்து தர வேண்டும் என்று பாஜகவினர் மனு!

திருப்பூர் மாவட்டம் பல்லடம் மங்கலம் சாலையில் தபால் நிலையம் அமைந்துள்ளது. இந்த நிலையில் பல்லடம் வட்டாரத்தில் உள்ளூர் மக்கள் மட்டுமல்லாமல் வெளி மாநிலம்,மாவட்டங்களை சேர்ந்த தொழிலாளர்கள் அதிக அளவில் வசித்து வருகின்றனர். இந்த நிலையில் அவர்கள் தாங்கள் சொந்த ஊர்களுக்கு திரும்ப தனியார் பதிவு மையங்களுக்கு சென்று கூடுதலாக கட்டணத்தை செலுத்தி ரயில் டிக்கெட்டுகள் பதிவு செய்து வருகின்றனர். இதனால் பொதுமக்கள் அதிகளவில் பாதிக்கப்படுவதாக கூறி பல்லடம் தபால் நிலையத்திலேயே ரயில் டிக்கெட் பதிவு செய்ய நடவடிக்கை எடுக்க வேண்டும் என்றும் மேலும் இந்த தபால் நிலையத்தை புணரமைக்க வேண்டும் என்றும் பல்லடம் நகர பாஜக சார்பில் பல்லடம் தபால் அலுவலரிடம் மனு அளிக்கப்பட்டது. இதில் நகரத் தலைவர் பன்னீர் செல்வகுமார் ,வித்யபிரகாஷ்,குரு பிரசாத் உள்ளிட்ட கட்சி நிர்வாகிகள் பலர் கலந்து கொண்டனர்.

Read more

சேலம் மாவட்ட ஜேசிபி உரிமையாளர்கள் சங்கத்தின் பல்வேறு கோரிக்கைகளை வலியுறுத்தி வாடிக்கையாளர்களின் கவனத்தை ஈர்க்கும் வகையில் அடையாள வேலை நிறுத்தம்.

சேலம். 

S.K. சுரேஷ் பாபு. 

சேலம் மாவட்ட ஜேசிபி உரிமையாளர்கள் சங்கத்தின் பல்வேறு கோரிக்கைகளை வலியுறுத்தி வாடிக்கையாளர்களின் கவனத்தை ஈர்க்கும் வகையில் அடையாள வேலை நிறுத்தம்.

சேலம் மாவட்ட JCB சங்கத்தின் கீழ் மாவட்ட முழுவதும் ஆயிரக்கணக்கான ஜே சி பி உரிமையாளர்கள் உறுப்பினர்களாக செயல்பட்டு வருகின்றனர். ஏற்கனவே வாங்கிக் கொண்டிருந்த வாடகை தொகையை காட்டிலும் தற்பொழுது டீசல் விலை உயர்வு, உதிரி பாகங்களின் விலை உயர்வு, காப்பீட்டுத் தொகை மற்றும் சாலை வரி உயர்வு போன்ற பல்வேறு காரணங்களுக்காக ஒரு மணி நேரத்திற்கு 1300 ரூபாய் கூடுதலாக ஓட்டுநர் மற்றும் உதவியாளர்களுக்கு பேட்டா வழங்க வேண்டும் அதுபோக, குறைந்தபட்ச ஊதியமாக 3500 ரூபாய் வழங்கிட வேண்டும் என்பதனை வலியுறுத்தி சேலம் ஏற்காடு அடிவார பகுதியான கோரிமேடு பகுதியில் நூற்றுக்கணக்கான JCB வாகனங்களை நிறுத்தி தங்களது வேலை நிறுத்த போராட்டத்தை தொடங்கினர். 

வாடிக்கையாளர்களுக்கு தங்களது எதிர்ப்பை தெரிவிக்கும் வகையில் நூற்றுக்கணக்கான ஜே சி பி வாகனங்களை அங்கேயே நிறுத்தி தங்களது கோரிக்கைகளை வலியுறுத்தினர். இந்த வேலை நிறுத்த போராட்டத்தில் சங்கத்தின் முக்கிய நிர்வாகிகள் உறுப்பினர்கள் ஜேசிபி உரிமையாளர்கள் என ஏராளமானோர் கலந்து கொண்டனர்.

Read more

சேலம் பள்ளிப்பட்டி கிராமத்தில் உள்ள புகழ்பெற்ற அருள்மிகு ஸ்ரீ மாரியம்மன் கோவில் கும்பாபிஷேக விழா. பட்டியலின மக்கள் பங்கேற்க ஆதிக்க சாதியினர் எதிர்ப்பு. பட்டியலின சமுதாயத்தினர் சேர்ந்து விழா நடத்தவும் பாதுகாப்பு அளிக்கவும் ஊர் பொதுமக்கள் சார்பில் பட்டியலின விழா கமிட்டியினர் மாவட்ட ஆட்சியர் மற்றும் வருவாய் கோட்டாட்சியரிடம் கோரிக்கை மனு.

சேலம்.

S.K. சுரேஷ்பாபு.

சேலம் பள்ளிப்பட்டி கிராமத்தில் உள்ள புகழ்பெற்ற அருள்மிகு ஸ்ரீ மாரியம்மன்  கோவில் கும்பாபிஷேக விழா. பட்டியலின மக்கள் பங்கேற்க ஆதிக்க சாதியினர் எதிர்ப்பு. பட்டியலின சமுதாயத்தினர் சேர்ந்து விழா நடத்தவும் பாதுகாப்பு அளிக்கவும் ஊர் பொதுமக்கள் சார்பில் பட்டியலின விழா கமிட்டியினர் மாவட்ட ஆட்சியர் மற்றும் வருவாய் கோட்டாட்சியரிடம் கோரிக்கை மனு.

சேலம் மாவட்டம் பள்ளிப்பட்டி கிராமத்தை சேர்ந்த அருள்மிகு ஸ்ரீ மாரியம்மன் திருக்கோவில் கும்பாபிஷேக விழா கமிட்டினர் ராம்ஜி மற்றும் தர்மன் ஆகியோர் கோரிக்கை மனு வழங்குவதற்காக சேலம் மாவட்ட ஆட்சியர் அலுவலகம் வந்திருந்தனர். மாவட்ட ஆட்சித் தலைவர் மற்றும் சேலம் வருவாய் கோட்டாட்சியர் ஆகியோரை சந்தித்து வழங்கிய கோரிக்கை மனுவில், சேலம் மாவட்டம் அயோத்தியபட்டினம் பள்ளிப்பட்டி கிராமத்தில் சுமார் 50 ஆண்டுகளுக்கு முன்பு அனைத்து தரப்பு மக்களும் ஒன்று கூடி பொருள் உதவி செய்து கட்டப்பட்ட கோவில் மாரியம்மன் கோவில் அந்த மாரியம்மன் கோவில், இது நாள் வரை தாழ்த்தப்பட்ட மக்கள் சமமான முறையில் வந்து வழிபாட்டு உரிமையை  மேற்கொள்ள முடியாத சூழ்நிலை நிலவி வருகிறது. அதன் காரணமாக கடந்த 15 ஆண்டுகளுக்கு முன்பு தீண்டாம கொடுமையால் இந்த கட்டுமான பணி பாதியிலே நிறுத்தப்பட்டது. அந்த கட்டுமான பணியை 15 ஆண்டுகளுக்கு பிறகு அனைத்து தரப்பு மக்களும் பேச்சுவார்த்தை நடத்தி மீண்டும் திருக்கோவில் புதுப்பிக்கப்பட்டது. மாரியம்மன் கோவிலின்  கும்பாபிஷேகம் நடைபெற்று எப்பொழுதும் போல திருவிழா நடத்தலாம் என்பது அனைத்து தரப்பு மக்களும் ஒன்று கூடி அமைதி பேச்சு வார்த்தை நடத்தி  தீர்மானித்தோம். 

இதனிடையே கட்டுமான பணிக்கு வீட்டிற்கு  5000 ரூபாய் முதல் ஒரு லட்ச ரூபாய் வரை வரி வசூல் செய்யப்பட்டது.  வசூல் தொகையை கொண்டு கோவில் கட்டுமான பணி நிறைவடைந்துவிட்டது. இந்த நிலையில் திருப்பணிகள் அனைத்தும்  நிறைவடைந்த பின்னர், பால்குடம் முளைப்பாரி இது போன்ற நிகழ்ச்சி   முறைகளில், கீழ் ஜாதி மக்கள் கீழே இருந்து வரணும், மேல் ஜாதி மக்கள் மேலிருந்து வரவேண்டும் என்கின்ற வகையில்  தீண்டாமையை கடைபிடிக்கின்றனர் என்றும், இது தங்களுக்கு  ஆரம்ப கட்டத்தில் அனைத்து தரப்பு மக்களை எந்த ஜாதிய முறைகளையும் கடைபிடிக்க கூடாது, ஜாதி குறியீடுகளும் வந்து கடைபிடிக்க கூடாது என்று கூறி  பேச்சுவார்த்தை மூலமாக முடிவு செய்யப்பட்டது.  தற்போதைய சூழலில்  திருவிழா நடைபெறும் தருவாயில்,  தாழ்த்தப்பட்ட அல்லாத அனைத்து சமூக மக்களும் ஒன்று சேர்ந்து தாழ்த்தப்பட்டவர்கள் ஒரு இடத்திலிருந்தும் வரவேண்டும் என்பது  தாங்கள் ஏற்றுக்கொள்ளவில்லை. அது சம்பந்தமாக நேற்று மாவட்ட ஆட்சியரை  சந்தித்து அனைத்து தரப்பு மக்களும் ஒன்று கூடி திருவிழாவை சுமுகமான சமத்துவமாக கொண்டாடுவதற்கு வழிவகை செய்ய வேண்டும் என மனு வழங்கி உள்ளதாகவும். இதேபோல காவல்  நிலையத்திற்கும் கொடுக்கப்பட்டுள்ளதோடு, ஒரு சமாதான கூட்டத்தை நடத்தி அனைத்து தரப்பு மக்களும் கலந்து கொள்ள வழிவகை செய்ய வேண்டும் என்றும்,  விழாக்காலம் இன்னும் பத்து தினத்திற்குள் நடைபெற இருக்கிறது.  

அதனால் அனைத்து விசேஷங்களிலும் தாழ்த்தப்பட்ட மக்களும் கலந்து கொள்ள வேண்டும் என்பதுதான் அந்த பகுதி மக்களுடைய கோரிக்கை. இந்த கோரிக்கைகளை ஏற்று அரசு தரப்பு ஒரு நல்ல முடிவு எடுத்து சம்பந்தப்பட்ட தாழ்த்தப்பட்ட  மக்களுக்கு எந்த பாதிப்பும் இல்லாமல் பாதுகாப்பு அளித்து விழாவை சிறப்பை கொண்டாட வழிபாடு செய்யலாம் என்றும்  பள்ளிப்பட்டியில் அரசு நிர்வாகத்துக்கு சொந்தமான மாரியம்மன் கோவில் பிள்ளையார் கோவில் சுப்பிரமணியர் கோவில் திரௌபதி அம்மன் கோவில் என  நான்கு வகையான கோவில்களிலும் தாழ்த்தப்பட்ட மக்கள் சாதாரணமாக உள்ளே நுழைந்து வழிபாடு நடத்த முடியாத சூழல் தான் இன்றைய வரை இருக்கிறது என்று குறிப்பிடப்பட்டிருந்தது. 

ஆனால் கோவில் கட்டப்பட்டு  கிட்டத்தட்ட நூறு ஆண்டுகளுக்கு மேல் ஆகிவிட்டது. எனவே இந்த ஜாதிய கொடுமைகளிலிருந்து தாழ்த்தப்பட்ட மக்களை மீட்டு அனைத்து கோவில்களையும் சமமான உரிமை வழிப்பாட்டு தலங்களை அனுமதிக்க அரசு நடவடிக்கை எடுக்க வேண்டும் என்பது  தான் தங்களுடைய பிரதான கோரிக்கை என்று மனுவில் குறிப்பிட்டிருந்தது.

Read more