தமிழகத்தில் கள்ளு இரக்கி வருகின்ற நவம்பர் 2 ந் தேதி அன்று காலை 10 மணிக்கு தமிழகம் முழுவதும் உள்ள மாவட்ட காவல் கண்காணிப்பாளர் அலுவலகம் முன்பு கள்ளு விற்பனை செய்யப்படும். சங்க காலத்தில் தமிழர்கள் தினந்தோறும் கள்ளை உணவில் ஒரு பகுதியாக பருகி வந்துள்ளது குறித்து வரலாற்று குறிப்பு தெளிவு படுத்துகிறது என்பதனை விளக்கம் அளித்து தமிழக விவசாயிகள் சங்க மாநில தலைவர் R. வேலுச்சாமி அறிவிப்பு.

நாமக்கல்,

S.K. சுரேஷ் பாபு.

தமிழகத்தில் கள்ளு இரக்கி வருகின்ற நவம்பர் 2 ந் தேதி அன்று காலை 10 மணிக்கு  தமிழகம் முழுவதும் உள்ள மாவட்ட காவல் கண்காணிப்பாளர் அலுவலகம் முன்பு கள்ளு விற்பனை செய்யப்படும். சங்க காலத்தில் தமிழர்கள் தினந்தோறும் கள்ளை உணவில் ஒரு பகுதியாக பருகி வந்துள்ளது குறித்து வரலாற்று குறிப்பு தெளிவு படுத்துகிறது என்பதனை விளக்கம் அளித்து தமிழக விவசாயிகள் சங்க மாநில தலைவர் R. வேலுச்சாமி அறிவிப்பு.

இது குறித்து உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநிலத் தலைவர் R.வேலுச்சாமி வெளியில் உள்ள செய்தி குறிப்பில்,  

தமிழக விவசாயிகள் நிலத்தில் உள்ள பனை மற்றும் தென்னை மரங்களில் இருந்து, கலப்படம் இல்லாமல் இயற்கையான முறையில் இரக்கும் கள்ளுக்கு உண்டான தடையை தமிழ்நாடு அரசு நீக்க கோரி நாற்பது ஆண்டுகளுக்கு மேலாக தமிழக விவசாயிகள் அரசுக்கு கோரிக்கை வைத்து பலக்கட்ட போராட்டங்கள் தமிழகம் முழுவதும் நத்தப்பட்டு வருகிறது. தமிழக விவசாயிகளின் நிலத்தில் உள்ள தென்னை மற்றும் பனை மரத்தில் இருந்து இரக்கும் கள்ளுக்கு உண்டான தடையை நீக்க இதுவரையிலும் எந்தவிதமான நடவடிக்கையும்  தமிழ்நாடு அரசு எடுக்க வில்லை.

தமிழகத்தை ஒட்டியுள்ள கேரளா மாநிலம், பாண்டிச்சேரி,ஆந்திர மாநிலம், கர்நாடகா,தெலுங்கான ஆகிய மாநிலங்களில் கள்ளுக்கு தடையில்லை தமிழகத்தில் மட்டும் தென்னை மற்றும் பனை மரத்தில் இருந்து இரக்கும் கள்ளை கலப்படம் என்று சொல்லி, நோய் பிணியை போக்கும் அரு மருந்தாக உள்ள கள்ளுக்கு தமிழ்நாடு அரசு தடை விதித்துள்ளது. நாட்டுக்கு வீட்டுக்கு மனித உயிருக்கு ஆபத்தை விளைவிக்கும் மதுவுக்கு தமிழ்நாடு அரசு முக்கியத்துவம் கொடுத்து, போதை கலாச்சாரத்தால் இளைய சமுதாயம் சீர்கெட்டு, தமிழகத்தில் பாலியியல் குற்றங்கள் நாள்தோறும் தமிழகத்தில் அதிகரித்து கொண்டே உள்ளது. 

சங்க காலத்தில் தமிழர்கள் தினந்தோறும் கள்ளை உணவில் ஒரு பகுதியாக பருகி வந்துள்ளது குறித்து வரலாற்று குறிப்பு தெளிவு படுத்துகிறது. கள்ளுக்கு உண்டான தடையை தமிழ்நாடு அரசு நீக்காததை கண்டித்து, தமிழக விவசாயிகள் அவர் அவர் நிலத்தில் உள்ள தென்னை மற்றும் பனை மரங்களில் இருந்து கள்ளு கட்டி, கள்ளு இரக்கி வருகின்ற நவம்பர் 2 ந் தேதி அன்று காலை 10 மணிக்கு  தமிழகம் முழுவதும் உள்ள மாவட்ட காவல் கண்காணிப்பாளர் அலுவலகம் முன்பு கள்ளு விற்பனை செய்யப்படும் என்பதை உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் சார்பில் இந்த அறிக்கையின் வாயிலாக தமிழ்நாடு அரசுக்கு நினைவுட்டுகிறேன் என்றும் உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநில தலைவர் R. வேலுச்சாமி குறிப்பிட்டுள்ளார்.

Read more

தமிழக விவசாயிகளுக்கு எதிராக மேகதாட்டில் அணை கட்டுவதற்கு அடிக்கல் நாட்டும் விவகாரம். அணை கட்டுவதை தடுத்து நிறுத்தி துவம்சம் செய்து ரத்தம் சிந்தவும் தமிழக விவசாயிகள் தயங்கமாட்டார்கள். தமிழக விவசாயிகள் சங்க மாநிலத் தலைவர் ஆர் வேலுச்சாமி ஆவேச எச்சரிக்கை.

நாமக்கல், 

S.K. சுரேஷ் பாபு. 

தமிழக விவசாயிகளுக்கு எதிராக மேகதாட்டில் அணை கட்டுவதற்கு அடிக்கல் நாட்டும் விவகாரம். 

அணை கட்டுவதை தடுத்து நிறுத்தி துவம்சம் செய்து ரத்தம் சிந்தவும்  தமிழக விவசாயிகள் தயங்கமாட்டார்கள். தமிழக விவசாயிகள் சங்க மாநிலத் தலைவர் ஆர் வேலுச்சாமி ஆவேச எச்சரிக்கை.

தமிழக டெல்டா மாவட்ட விவசாயிகளின் ஜீவாதாரமான மேட்டூர் அணைக்கான நீர்வரத்தை முற்றிலுமாக தடுத்து நிறுத்தும் வகையில் கர்நாடகா அரசு மேகதாதுவில் அணைக்கட்டும் முயற்சிக்கு எதிர்ப்பு தெரிவித்து உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் பல்வேறு போராட்டங்களை அறிவித்து அதனை தமிழக கர்நாடக எல்லைப் பகுதியில் மேற்கொண்டு வருவது அனைவரும் அறிந்ததே. அதிலும் குறிப்பாக கடைசியாக அத்து மீறி காவிரி பங்கீட்டு நீரை கர்நாடகா அணைகளில் இருந்து தமிழக விவசாயிகள்  திறப்பதற்காக,  நடைபெற்ற  போராட்டத்தின் போது ஒரு புறத்தில் தமிழக விவசாயிகள் சங்க மாநில தலைவர் வேலுச்சாமி தலைமையிலான தமிழக விவசாயிகளும்,  மற்றொருபுரத்தில் வட்டாள் நாகராஜ் தலைமையிலான கர்நாடக விவசாயிகளும் போராட்டம் மேற்கொண்டது தமிழக கர்நாடக எல்லைப் பகுதியில் மிகப்பெரிய ஒரு பதற்றத்தை உருவாக்கியது என்றே கூறலாம். இந்த நிலையில், மேகதாதுவில் அணை கட்ட வரும் மார்ச் மாதத்திற்குள் அடிக்கல் நாட்டப்படும் என கர்நாடக அமைச்சர் செல்வராயசாமி உறுதி தெரிவித்துள்ளதோடு, அணை கட்டுவதற்கான அனைத்து தொழில்நுட்ப பணிகள் அனைத்தும்  நிறைவடைந்து விட்டதாகவும் தகவல் தெரிவித்துள்ளது தமிழக விவசாயிகளிடையே மிகப் பெரிய ஒரு கொந்தளிப்பை ஏற்படுத்தி உள்ளது என்பது மட்டும் நிதர்சனம். இதனிடையே மேகதாது அணை கட்டும் விவகாரம் தொடர்பாக உச்ச நீதிமன்ற தீர்ப்பை தற்போது வரை மதிக்காமலும், தமிழகத்திற்கான காவிரி பங்கீட்டு நீரை முறைப்படி வழங்க காவிரி ஒழுங்காற்று குழு ஆணையம் வழங்கிய தீர்ப்பை மதிக்காமலும் செயல்பட்டு வரும் கர்நாடக அரசின் இந்த தமிழக விவசாயிகளின் விரோத போக்கை கண்டித்து உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநிலத் தலைவர்R.  வேலுச்சாமி தெரிவித்துள்ள ஆவேச எச்சரிக்கை அறிக்கையில்,  

கர்நாடகா அரசு தமிழக விவசாயிகளுக்கு எதிராக மேகதாட்டில் அணை கட்டினால் அதனை துவம்சம் செய்ய தமிழக விவசாயிகளை அணி திரட்டி படையெடுத்து மேகதாட்டில்  அணை கட்டுவதை தடுத்து நிறுத்துவோம் என்றும் தமிழக விவசாயிகளின் நலனுக்கு எதிராக, மீறி அணை கட்டினால் தடுப்பதற்காக போராட்ட வடிவில் ரத்தம் சிந்தவும் தமிழக விவசாயிகள் தயங்கமாட்டார்கள் என கர்நாடக அரசுக்கு உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் மாநிலத் தலைவர் R.வேலுச்சாமி மீண்டும் மீண்டும் எச்சரிக்கை விடுவதாக ஆவேசத்துடன் அறிவித்துள்ளார்.

Read more

தாராபுரம் இடைத்தேர்தலில் விவசாயிகளின் வாக்குகளை பெறவேண்டும். விஞ்ஞான நாடக கம்பெனியின் நடிப்பின் தலைவரும் த.வெ.க தலைவருமான தமிழக முதல்வர் ஜோசப் விஜய் நடத்தும் கபட நாடகம் தான். திருப்பூரில் நடைபெற்ற கட்சி பிரச்சார கூட்டத்தில் விவசாயிகளின் வியர்வையை துடைக்கும் பச்சை துண்டு அணிந்து அமைச்சர்கள் கலந்து கொண்டது குறித்து, தமிழக விவசாயிகள் சங்க மாநிலத் தலைவர் R. வேலுச்சாமி காட்டம்.

 நாமக்கல்,

S.K. சுரேஷ்பாபு.

தாராபுரம் இடைத்தேர்தலில் விவசாயிகளின் வாக்குகளை  பெறவேண்டும். விஞ்ஞான நாடக கம்பெனியின் நடிப்பின் தலைவரும் த.வெ.க தலைவருமான  தமிழக முதல்வர் ஜோசப் விஜய் நடத்தும் கபட நாடகம் தான். திருப்பூரில் நடைபெற்ற கட்சி பிரச்சார கூட்டத்தில் விவசாயிகளின் வியர்வையை துடைக்கும் பச்சை துண்டு அணிந்து அமைச்சர்கள்  கலந்து கொண்டது குறித்து, தமிழக விவசாயிகள் சங்க மாநிலத் தலைவர் R. வேலுச்சாமி காட்டம்.

தமிழக விவசாயிகளின் பல்வேறு கோரிக்கைகளை அரசுக்கு வலியுறுத்தியபோதும், மேற்கொண்ட போராட்டங்களுக்கு எந்த விதமான பதிலும் இல்லாததாலும், தமிழக விவசாயிகளின் நலனில் அக்கறை இல்லாத செவியேற்ற அரசாக விளங்கி வருகிறது என்று டி.வி.கே தலைமையிலான தமிழக அரசை உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநிலத் தலைவர் R. வேலுச்சாமி ஏற்கனவே விமர்சித்து இருந்த நிலையில், தமிழகத்தில் நடைபெறும் இரண்டு சட்டமன்ற தொகுதி இடைத்தேர்தல்களில் டி.வி.கே விற்கு எதிராக தமிழக விவசாயிகள் சங்கம் பிரச்சாரம் மேற்கொள்ளும் என்று ஏற்கனவே அறிவிப்பு வெளியிட பட்டிருந்தது. விவசாயிகள் எப்பொழுதும் பச்சைத் துண்டு அணிந்து கூட்டங்கள் மற்றும் போராட்டங்களில் கலந்து கொள்வது வழக்கம். 

ஏற்கனவே தமிழக விவசாயிகளின் நலனில் அக்கறையில்லாத, டி.வி.கே தலைமையிலான அரசின் அமைச்சர்கள் சிலர், தாராபுரம் சட்டமன்ற தொகுதி இடைத்தேர்தல் பிரச்சாரத்திற்காக திருப்பூரில் நடைபெற்ற பொதுக்கூட்டத்தில், எந்தவிதமான குற்ற உணர்ச்சியும் இல்லாமல், தமிழக விவசாயிகளின் நலனை முழுமையாக பூர்த்தி செய்து கொடுக்காமல், எதன் அடிப்படையில் விவசாயிகளுக்கே உரித்தான பச்சை துண்டை அணிந்து மேடையில் பங்கேற்றது தமிழக விவசாயிகளிடையே மிகப் பெரிய ஒரு கொந்தளிப்பை ஏற்படுத்தி உள்ளது. 

இதுகுறித்து உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநில தலைவர் R. வேலுச்சாமி வெளியிட்டுள்ள செய்தி குறிப்பில், 

தமிழக விவசாயிகளின் அடையாளத்தை கொச்சைப்படுத்தும் விதமாக மேடையில் பங்கேற்ற அமைச்சர்களுக்கு தனது கண்டனத்தை பதிவு செய்துள்ள அவர், ஆனைமலைஆறு மற்றும் நல்லாறு திட்டம் நிறைவேறினால், ஈரோடு கோவை மற்றும் திருப்பூர் மாவட்ட விவசாய தேவைகள் பூர்த்தியாகும் என அமைச்சர்கள் பேசியது ஏற்புடையதாக இல்லை என்றும் மாறாக இந்த விவகாரம் தொடர்பாக கேரள அமைச்சரை நாளை சந்திக்க உள்ளதாகவும் அந்த பிரச்சாரக் கூட்டத்திலேயே அமைச்சர்கள் தெரிவித்துள்ளனர் என்பது கேலிக்கூத்தானது என்றும் தாராபுரம் இடைத்தேர்தலில் விவசாயிகளின் வாக்குகளை  பெறவேண்டும் என்பதற்காக விஞ்ஞான நாடக கம்பெனியின் நடிப்பின் தலைவரும் த.வெ.க கட்சி தலைவருமான  தமிழக முதல்வர் ஜோசப் விஜய் நடத்தும் கபட நாடகம் தான் இது என்று  திருப்பூரில் நடைபெற்ற கட்சி பிரச்சார கூட்டத்தில், விவசாயிகளின் அடையாளமானதும், அவர்களின் வியர்வையை துடைக்கும்   பச்சை துண்டுகளை  அணிந்து கலந்து கொண்ட அமைச்சர்கள்  குறித்து, தமிழக விவசாயிகள் சங்க மாநிலத் தலைவர் R. வேலுச்சாமி தனது காட்டமான தகவலை பதிவிட்டுள்ளார்.

 

Read more

மூலப் பொருட்களின் விலை உயர்வால் ஆயிரக்கணக்கான தொழிலாளர்கள் பாதிப்பு ..!

மூலப்பொருட்கள் விலை உயர்வால் பேப்பர் கோன் தொழில் கடும் பாதிப்பு..!

கிராப்ட் போர்டு விலையை குறைக்க அரசு நடவடிக்கை எடுக்க வேண்டும் – உற்பத்தியாளர்கள் கோரிக்கை..!

ஈரோடு : 03 அக்

இன்டர்சியல் பேப்பர் கோன்ஸ் மற்றும் டியூப் உற்பத்தியாளர்கள் சங்கத்தின் ஆலோசனைக் கூட்டம், சங்க செயலாளர் கே.குப்புசாமி தலைமையில் ஈரோடு பெருந்துறை ரோட்டில் உள்ள தனியார் திருமண மண்டபத்தில் நடைபெற்றது.

நூல் கோன், நூல் மற்றும் துணி குழாய்கள், பட்டாசு குழாய்கள், பேப்பர் தட்டுகள் உள்ளிட்ட பல்வேறு பொருட்கள் தயாரிக்க முக்கிய மூலப்பொருளாக கிராப்ட் போர்டு பயன்படுத்தப்படுகிறது. 

இதனை தயாரிக்க பயன்படும் பழைய அட்டை பெட்டிகள் மற்றும் பழைய கோன்களின் விலை தொடர்ந்து அதிகரித்து வருவதாக உற்பத்தியாளர்கள் தெரிவித்தனர்.

மேலும், வெளிநாடுகளில் இருந்து இறக்குமதி செய்யப்படும் பழைய அட்டை பெட்டிகளின் விலையும் உயர்ந்துள்ளதால், கிராப்ட் போர்டு உற்பத்தி செலவு அதிகரித்துள்ளது, இதன் காரணமாக கிராப்ட் போர்டு விலை டன்னுக்கு ரூ.4 ஆயிரம் வரை உயர்ந்துள்ளதாக உற்பத்தியாளர்கள் தெரிவித்தனர்.

இதுகுறித்து சங்க தலைவர் சங்கரநாராயணன், செயலாளர் குப்புசாமி, பொருளாளர் சிவக்குமார் ஆகியோர் கூறியதாவது:

“பழைய அட்டை பெட்டிகள், பழைய கோன்கள் உள்ளிட்ட மூலப்பொருட்களின் விலை பல மடங்கு உயர்ந்துள்ளது. இதனுடன் விறகு மற்றும் கெமிக்கல் உள்ளிட்ட உற்பத்திக்குத் தேவையான பொருட்களின் விலையும் அதிகரித்துள்ளது. இதனால் கிராப்ட் போர்டு விலை டன்னுக்கு ரூ.4 ஆயிரம் வரை உயர்ந்துள்ளது.”

இதன் காரணமாக பேப்பர் கோன் மற்றும் டியூப்களின் உற்பத்திச் செலவு அதிகரித்து, அவற்றின் விலையை உயர்த்தி விற்பனை செய்ய வேண்டிய கட்டாய நிலை ஏற்பட்டுள்ளதாக அவர்கள் தெரிவித்தனர்.

இந்த தொழிலை நம்பி ஈரோடு, திருப்பூர், கோவை உள்ளிட்ட பல்வேறு மாவட்டங்களில் ஏராளமான தொழிலாளர்கள் உள்ள நிலையில், மூலப்பொருட்களின் விலை உயர்வு அவர்களின் வாழ்வாதாரத்தையும் பாதிக்கும் சூழல் ஏற்பட்டுள்ளதாக உற்பத்தியாளர்கள் தெரிவித்தனர்.

எனவே, பேப்பர் கோன் மற்றும் டியூப் உற்பத்திக்கு முக்கிய மூலப்பொருளாக பயன்படுத்தப்படும் கிராப்ட் போர்டின் விலையை கட்டுப்படுத்த அரசு உரிய நடவடிக்கை எடுக்க வேண்டும் என்றும், இல்லையெனில் இந்த தொழிலை நம்பியுள்ள ஆயிரக்கணக்கான தொழிலாளர்கள் மேலும் பாதிக்கப்படும் நிலை ஏற்படும் என்றும் சங்க நிர்வாகிகள் கோரிக்கை விடுத்துள்ளனர்.

Read more

சேலம் ஆத்தூர் வருவாய் வட்டாட்சியர் கோடிக்கணக்கான பண மோசடி குறித்து முத்தரப்பு பேச்சு வார்த்தை. சூரமங்கலம் ஆர்டிஓ அலுவலகத்தில் கலந்து கொள்ள வந்த சமூக ஆர்வலர் டாக்டர் செந்தில்குமாருக்கு கொலை மிரட்டல். ஆட்கள் பற்றாக்குறை என்று அலைக்கழித்த சேலம் மாநகர காவல் துறை.

சேலம், 

S.K. சுரேஷ் பாபு. 

சேலம் ஆத்தூர் வருவாய் வட்டாட்சியர் கோடிக்கணக்கான பண மோசடி குறித்து முத்தரப்பு பேச்சு வார்த்தை. சூரமங்கலம் ஆர்டிஓ அலுவலகத்தில் கலந்து கொள்ள வந்த சமூக ஆர்வலர் டாக்டர் செந்தில்குமாருக்கு கொலை மிரட்டல். ஆட்கள் பற்றாக்குறை என்று அலைக்கழித்த சேலம் மாநகர காவல் துறை. 

சேலம் மாவட்டம், வாழப்பாடி வட்டம், சிங்கீபுரம் கிராம நிர்வாக அலுவலர் மீது சுமத்தப்பட்டுள்ள நில உரிமை மாற்ற மோசடி மற்றும் பல கோடி ரூபாய் முறைகேடு புகார்கள் குறித்தும், இது தொடர்பாக நடவடிக்கை கோரியும் சேலத்தை சேர்ந்த சிறந்த சமூக சேவகரும் அமித்ஷா இளைஞர் படை அணியின் மாநில துணை தலைவர் டாக்டர் செந்தில்குமார் புகார் மனு தொடர்பாக முத்தரப்பு பேச்சு வார்த்தையில் கலந்து கொள்வதற்காக சேலம் சூரமங்கலம் வருவாய் கோட்டாட்சியர் அலுவலகத்திற்கு வந்திருந்தார். அந்த மனுவில், சேலம் மாவட்டம், வாழப்பாடி வட்டம், சிங்கீபுரம் கிராமத்தில் 1926-ஆம் ஆண்டு முதல் அசல் ஆவணங்களோ, நில அளவை பதிவேடுகளோ அல்லது UDR நில அளவை விவரங்களோ இல்லை. இத்தகைய சூழலில், போலியான இணையவழிப் பட்டா (online patta) என்பது, விவசாயிகளிடமிருந்து லஞ்சம் பெறுவதற்காக அவர்களுக்கு எதிராக உருவாக்கப்பட்ட ஒரு மாயை ஆகும். கல்லங்குத்து நிலங்கள், மேய்ச்சல் புறம்போக்கு நிலங்கள்,  இலங்கை அகதிகள் முகாம் நிலங்கள் மற்றும்  பெருமாள் மலைப் பகுதியைச் சுற்றியுள்ள இடங்கள் போன்ற நிலங்கள் தனிநபர்களுக்குப் பட்டாவாக வழங்கப்பட்டுள்ளன. 

எனவே, மேற்கூறிய கிராம நிர்வாக அலுவலர் பெரியசாமி அவர்களைப் பணியிலிருந்து நீக்க வேண்டும் என்று இதன் மூலம் கேட்டுக்கொள்கிறேன் இன்று குறிப்பிட்டு இருந்த அந்த மனுவில் இன்று நடைபெற உள்ள முத்தரப்பு கூட்டத்தில் கலந்து கொள்ள கூடாது என்று சேலம் அஸ்தம்பட்டி தண்ணீர் டேங்க் அருகே வந்து கொண்டிருந்த சமூக சேவகர் டாக்டர் செந்தில்குமாரை வழிமறித்த இரு சக்கர  வாகனத்தில் வந்த மர்ம நபர்கள் இருவர் தடுத்து நிறுத்தியதோடு மட்டுமல்லாமல் அவருக்கு கொலை மிரட்டலும் விடுத்துள்ளனர். இதனை அடுத்து சம்பந்தப்பட்டவர்கள் மீது புகார் கொடுப்பது தொடர்பாக டாக்டர் செந்தில்குமார் சேலம் அஸ்தம்பட்டி காவல் நிலையத்தை அணுகியபோது அங்கு இருந்து அதிகாரிகள் இங்கே போதுமான ஆட்கள் பணியில் இல்லை என்பதால் அவரது புகார் மீது எந்த விதமான நடவடிக்கை எடுக்காமல் திருப்பி அனுப்பியது சேலத்தில் பரபரப்பு ஏற்படுத்தி உள்ளது.

Read more

உலக இதய தினத்தை முன்னிட்டு VIMS மருத்துவமனையில் இதய ஆரோக்கியம் குறித்த விழிப்புணர்வு நிகழ்ச்சி நடைபெற்றது.

சேலம்,

S.K. சுரேஷ்பாபு.

உலக இதய தினத்தை முன்னிட்டு VIMS மருத்துவமனையில் இதய ஆரோக்கியம் குறித்த விழிப்புணர்வு நிகழ்ச்சி நடைபெற்றது. 

இதய நோய்களைத் தடுப்பதன் முக்கியத்துவம், நோயை ஆரம்ப நிலையிலேயே கண்டறிந்து தகுந்த சிகிச்சை பெறுதல் மற்றும் ஆரோக்கியமான வாழ்க்கை முறையைக் கடைப்பிடித்தல் ஆகியவை குறித்து பொதுமக்களிடையே விழிப்புணர்வை ஏற்படுத்தும் வகையில் இந்நிகழ்ச்சி ஏற்பாடு செய்யப்பட்டிருந்தது. இந்நிகழ்ச்சியில் முதன்மை இதய சிகிச்சை நிபுணர் டாக்டர் சிவசுப்பிரமணியம் சிறப்பு விருந்தினராகக் கலந்துகொண்டார். மருத்துவமனையின் மருத்துவ இயக்குநர் டாக்டர் போற்றுதலுக்குறிய திரு மீனாட்சிசுந்தரம் வாழ்த்துரை வழங்கினார். 

VIMS மருத்துவமனையின் துணை மருத்துவ இயக்குநர் டாக்டர் அசோக் மற்றும் துணை நிர்வாக அதிகாரி வெங்கடேசன் ஆகியோர் முன்னிலை வகித்தனர். தொடர்ச்சியான சுகாதார விழிப்புணர்வு, வாழ்க்கை முறை மாற்றங்கள் மற்றும் சரியான நேரத்தில் மருத்துவ சிகிச்சை பெறுவதன் அவசியம் ஆகியவற்றை வலியுறுத்தும் சிறப்பு வரவேற்பு உரையுடன் நிகழ்ச்சி தொடங்கியது. இந்நிகழ்ச்சியில் முதன்மை இதய சிகிச்சை நிபுணர் டாக்டர் சிவசுப்பிரமணியம் மற்றும் VIMS மருத்துவமனையின் மூத்த மருத்துவர்களான டாக்டர் ஆனந்த், டாக்டர் விக்னேஷ், டாக்டர் தீபன், டாக்டர் அஸ்வின் ராம், டாக்டர் கலையரசன், டாக்டர் யுவராஜ், டாக்டர் சதீஷ் ஆகியோர் கலந்துகொண்டனர். மேலும், அனைத்து மேலாளர்கள், செவிலியர்கள் மற்றும் மருத்துவப் பணியாளர்களும் இதில் பங்கேற்றனர். 

இதய சிகிச்சைத் துறையைச் சேர்ந்த செவிலியர்கள் மற்றும் மாணவர்கள், இதயம் தொடர்பான வினாடி-வினா நிகழ்ச்சி மற்றும் நோயாளிகளுக்கான விழிப்புணர்வு நிகழ்ச்சிகளை நடத்தினர். பங்கேற்பாளர்களை ஊக்குவிக்கும் வகையில் பரிசுகளும் வழங்கப்பட்டன. VIMS மருத்துவமனை உலகத்தரம் வாய்ந்த சுகாதார சேவைகளை வழங்குவதில் உறுதியுடன் செயல்பட்டு வருகிறது. VIMS மருத்துவமனையின் செவிலியர் கண்காணிப்பாளர் நீலவேணி, செவிலியர் உதவி கண்காணிப்பாளர் கலைச்செல்வி, மனிதவள மேம்பாட்டுத் துறையைச் சேர்ந்த உமா தினேஷ், சந்தைப்படுத்தல் மேலாளர் அருள்மணி மற்றும் அவரது குழுவினர், பொறுப்பாளர்கள், நிர்வாகப் பணியாளர்கள், மாணவர்கள், நோயாளிகள் எனப் பலரும் இந்நிகழ்ச்சியில் கலந்துகொண்டு விழாவைச் சிறப்பித்தனர்.

VIMS சூப்பர் ஸ்பெஷாலிட்டி மருத்துவமனையானது இதயவியல் (Cardiology), சிறுநீரகவியல் (Nephrology), நரம்பியல் (Neurology), எலும்பியல் அறுவை சிகிச்சை (Orthopedic Surgery) மற்றும் விபத்து மற்றும் அவசர சிகிச்சைப் பிரிவு (Trauma, Accident and Emergency Care) உள்ளிட்ட முக்கிய மருத்துவச் சேவைகளை வழங்கி வருகிறது.

Read more

தமிழக முதல்வர் ஜோசப் விஜய் தமிழக உழவர்களின் கோரிக்கைகள் குறித்து செவி சாய்து கேட்காமலும் யாரையும் சந்திக்காமல் தமிழகத்தில் ஆட்சி நடத்துவதுதான் தவெக அரசின் சாதனை. தமிழக விவசாயிகள் சங்க மாநில தலைவர் R. வேலுச்சாமி விமர்சனம். தாராபுரம் மற்றும் மதுராந்தகம் இடைத்தேர்தலில் இரு தொகுதியிலும் தவெக கட்சியை தோற்கடிக்க வேண்டும் என்றும் சூளுரை...

நாமக்கல், 

S.K. சுரேஷ்பாபு.

தமிழக முதல்வர் ஜோசப் விஜய் தமிழக உழவர்களின் கோரிக்கைகள் குறித்து செவி சாய்து கேட்காமலும் யாரையும் சந்திக்காமல் தமிழகத்தில் ஆட்சி நடத்துவதுதான் தவெக அரசின் சாதனை. தமிழக விவசாயிகள் சங்க மாநில தலைவர் R. வேலுச்சாமி விமர்சனம். தாராபுரம் மற்றும் மதுராந்தகம் இடைத்தேர்தலில் இரு தொகுதியிலும் தவெக கட்சியை தோற்கடிக்க வேண்டும் என்றும் சூளுரை...

இது தொடர்பாக உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநிலத் தலைவர் R. வேலுச்சாமி வெளியிட்டுள்ள தனது செய்தி குறிப்பில், 

தவெக அரசு கர்நாடகாவில் இருந்து உரிய நேரத்தில் உரிய காவிரி உரிமை பங்கீட்டு தண்ணீரை டெல்டா பாசனத்திற்கு தண்ணீர் பெற்று தராமல் டெல்டா விவசாயிகளுக்கு துரோகம் செய்தது தவெக அரசு. தேர்தல் வாக்குறுதிப்படி தமிழக விவசாயிகளுக்கு பயிர் கடன் தள்ளுபடி செய்யாமல் ஏமாற்றம் செய்தது தவெக அரசு. தவெக கட்சியை தமிழகத்தில் ஆட்சி பொறுப்பிற்கு அமருவதற்கு  வாக்களித்த விவசாயிகள் மற்றும் பொதுமக்கள் கோரிக்கையை நிறைவேற்ற சொல்லி தினந்தோறும் போராட்டம் நடத்தும் விவசாயிகள் மற்றும் பொதுமக்கள் குறைகளை கலத்தில் இறங்கி தமிழக முதல்வர் ஜோசப் விஜய் செவி சாய்து கேட்காமலும், யாரையும் சந்திக்காமல் தமிழகத்தில் ஆட்சி நடத்துவதுதான் தவெக அரசின் சாதனை. 

தாராபுரம் மற்றும் மதுராந்தகம் இடைத்தேர்தலில் தவெக கட்சிக்கு பதிலடி கொடுக்கும் வகையில் இரு தொகுதியிலும் தவெக கட்சியை தோற்கடிக்க வேண்டும் என இடைதேர்தல் நடைபெறவுள்ள அந்த பகுதி வாக்காளர்களுக்கு உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் சார்பில் இந்த செய்தி குறிப்பு அறிக்கையின் வாயிலாக தெரிவித்துக்கொள்கின்றேன் என்றும் நாராயணசாமி நாயுடுவின் தமிழக விவசாயிகள் சங்க மாநில தலைவர் R. வேலுச்சாமி கேட்டுக் கொண்டுள்ளார்.

Read more