ஈரோடு கிழக்குத் தொகுதி எம்எல்ஏ ஈவிகேஎஸ் இளங்கோவன் காலமானார்

காங்கிரஸ் மூத்த தலைவரும் ஈரோடு கிழக்கு தொகுதி எம்எல்ஏவுமான ஈவிகேஎஸ் இளங்கோவன் (வயது 76) உடல்நலக்குறைவு காரணமாக கடந்த மாதம் 11ம் தேதி சென்னை கிண்டி மணப்பாக்கத்தில் உள்ள மியாட் இண்டர்நேஷனல் மருத்துவமனையில் அனுமதிக்கப்பட்டார்.

நுரையீரல் தொற்று பாதிப்பு காரணமாக அவருக்கு சிகிச்சை அளிக்கப்பட்டு வந்த நிலையில், ஈவிகேஎஸ் இளங்கோவன் உடல்நிலையில் கடும் பின்னடைவு ஏற்பட்டதாக மருத்துவமனை நிர்வாகம் இன்று (டிச.14) காலை தெரிவித்தது‌. தொடர்ந்து, வென்டிலேட்டர் உதவியுடன் அவருக்கு சிகிச்சை தரப்பட்டு வந்த நிலையில், சிகிச்சை பலனின்றி இன்று காலை 10.12 மணிக்கு காலமானார்.

இதையடுத்து அவரது உடல், மருத்துவமனையில் இருந்து ஈரோட்டில் உள்ள அவரது வீட்டிற்கு கொண்டு செல்லப்பட்ட உள்ளது. ஈவிகேஎஸ் இளங்கோவன் மறைவுக்கு அரசியல் கட்சித் தலைவர்கள், திரை பிரபலங்கள், கட்சித் தொண்டர்கள், பொதுமக்கள் என பலர் கண்ணீர் மல்க இரங்கல் தெரிவித்து வருகின்றனர்.

Read more

ஈரோடு கிழக்கு எம்எல்ஏ ஈவிகேஎஸ் இளங்கோவன் உடல்நிலையில் பின்னடைவு: மருத்துவர்கள் தீவிர சிகிச்சை

காங்கிரஸ் கட்சியின் மூத்த தலைவரும், ஈரோடு கிழக்கு சட்டமன்ற உறுப்பினருமான ஈவிகேஎஸ் இளங்கோவன் (வயது 76) உடல் நலக்குறைவு காரணமாக சென்னையில் உள்ள மியாட் மருத்துவமனையில் கடந்த நவம்பர் மாதம் 11ம் தேதி அனுமதிக்கப்பட்டார்.

அவருக்கு நுரையீரல் சார்ந்த பாதிப்பு இருப்பது உறுதி செய்யப்பட்ட நிலையில், மருத்துவக் குழுவினர் தீவிர சிகிச்சை அளித்து வந்தனர். இதனிடையே, முதல்வர் மு.க.ஸ்டாலின், காங்கிரஸ் கட்சியின் மாநிலத் தலைவர் செல்வப்பெருந்தகை, அமைச்சர் மா.சுப்பிரமணியன் உள்ளிட்டோர் அவரை நேரில் சந்தித்து நலம் விசாரித்தனர்.

இந்நிலையில், கடந்த ஒரு மாதத்திற்கு மேலாக சிகிச்சை பெற்று வரும் ஈவிகேஎஸ் இளங்கோவன் உடல்நிலை மீண்டும் பின்னடைவு ஏற்பட்டுள்ளதாக மருத்துவமனை நிர்வாகம் தகவல் தெரிவித்துள்ளது.

இதன்படி, சென்னை கிண்டி மணப்பாக்கத்தில் உள்ள மியாட் மருத்துவமனையில் வெண்டிலேட்டர் உதவியுடன் சிகிச்சை பெற்று வரும் அவருக்கு, உடல்நிலையில் இதயத்துடிப்பு மற்றும் ரத்த அழுத்தத்தில் மாற்றம் ஏற்பட்டு மீண்டும் பின்னடைவு ஏற்பட்டுள்ளதாக தகவல் கூறப்படுகிறது.

Read more

பவானிசாகர் அருகே ஆம்னி வேனில் கடத்திய 1,050 கிலோ ரேஷன் அரிசி பறிமுதல்: ஒருவர் கைது

பவானிசாகர் அருகே ஆம்னி வேனில் கடத்தப்பட்ட 1,050 கிலோ ரேஷன் அரிசியை ஈரோடு குடிமை பொருள் வழங்கல் குற்ற புலனாய்வு துறை போலீசார் பறிமுதல் செய்து, ஒருவரை கைது செய்தனர்.

ஈரோடு மாவட்டத்தில் சமீப காலமாக ரேஷன் அரிசியை கடத்தி வடமாநில தொழிலாளர்களுக்கு அதிக விலைக்கு விற்பனை செய்யும் சம்பவம் நடைபெற்று வருகிறது. இதை தடுக்க ஈரோடு குடிமை பொருள் வழங்கல் குற்ற புலனாய்வு துறை போலீசார் தீவிர நடவடிக்கை மேற்கொண்டு வருகின்றனர்.

இந்நிலையில், பவானிசாகர் காவல் நிலையம் எல்லைக்கு உட்பட்ட கொத்தமங்கலம் நால்ரோடு பகுதியில் ஈரோடு குடிமை பொருள் வழங்கல் குற்றப்புலனாய்வுத்துறை காவல் ஆய்வாளர் சுதா, உதவி காவல் ஆய்வாளர் மேனகா மற்றும் போலீசார் வாகன சோதனையில் ஈடுபட்டுக் கொண்டிருந்தனர்.

அப்போது அந்த வழியாக மாருதி ஆம்னி வேன் ஒன்று வந்தது. அந்த வேனை நிறுத்தி போலீசார் சோதனை செய்தபோது அதில் சுமார் 1,050 கிலோ ரேஷன் அரிசி கடத்தி கொண்டு செல்லப்பட்டது தெரிய வந்தது.

இதுகுறித்து வேனை ஓட்டி வந்த நபரிடம் போலீசார் விசாரணை நடத்திய போது, அவர் பவானியைச் சேர்ந்த தனபால் (வயது 26) என்பதும், இந்த ரேஷன் அரிசியை வடமாநில தொழிலாளர்களிடம் அதிக அளவில் விற்பனை செய்வதற்காக கடத்தி சென்றதும் தெரியவந்தது.

இதையடுத்து, தனபாலை போலீசார் கைது செய்தனர். மேலும் 1,050 கிலோ ரேஷன் அரிசியையும், கடத்தலுக்கு பயன்படுத்தப்பட்ட ஆம்னி வேனையும் போலீசார் பறிமுதல் செய்தனர். பின்னர் தனபால் சிறையில் அடைக்கப்பட்டார்.

Read more

பெருந்துறை அருகே பட்டா மாறுதலுக்கு ரூ.15 ஆயிரம் லஞ்சம்: துணை வட்டாட்சியர், கிராம நிர்வாக அலுவலர் கைது

ஈரோடு மாவட்டம் பெருந்துறை அடுத்த காஞ்சிக்கோவில் அருகே உள்ள பள்ளபாளையம் கிராமத்தைச் சேர்ந்தவர் தனசேகரன். இவர் பட்டா மாறுதல் கேட்டு பள்ளபாளையம் அ கிராம நிர்வாக அலுவலர் சரத்குமாரிடம் விண்ணப்பித்து இருந்தார். 

இதற்கு, கிராம நிர்வாக அலுவலர் ரூ.15 ஆயிரம் லஞ்சமாக கேட்டுள்ளார். இந்நிலையில், லஞ்சம் கொடுக்க விரும்பாத தனசேகரன் இதுகுறித்து ஈரோடு மாவட்ட லஞ்ச ஒழிப்பு மற்றும் ஊழல் தடுப்பு போலீசில் புகார் செய்தார்.

அதன்பேரில், லஞ்ச ஒழிப்புத்துறை காவல் துணை கண்காணிப்பாளர் ராஜேஷ் ஆலோசனையின் பேரில், ரசாயனம் தடவிய ரூ.15 ஆயிரத்தை பள்ளிபாளையம் கிராம நிர்வாக அலுவலகத்துக்கு தனசேகரன் கொண்டு சென்றார்.

அதைத்தொடர்ந்து, பணத்தை கிராம நிர்வாக அலுவலரிடம் கொடுத்த போது, திட்டமிட்டபடி அங்கு மறைந்திருந்த காவல் ஆய்வாளர் ரேகா தலைமையிலான போலீசார் கிராம நிர்வாக அலுவலரை கையும் களவுமாக பிடித்து கைது செய்தனர்.

மேலும், இதில் தொடர்புடைய பெருந்துறை வட்ட மண்டல துணை வட்டாட்சியர் நல்லசாமி அங்கு வந்தார். தொடர்ந்து, அவரும் கைது செய்யப்பட்டார். பின்னர், இருவர் மீதும் வழக்குப்பதிவு செய்து, விசாரணை நடத்தி வருகின்றனர்.

Read more

சாய, தோல் தொழிற்சாலைகளிலிருந்து வெளியேற்றப்படும் சாய,தோல் கழிவுநீர் கலப்பதை தடுக்க தடுக்க வேண்டும்: ஈரோடு கிழக்கு மாவட்ட மஜக ஆலோசனை கூட்டத்தில் தீர்மானம்

சாய, தோல் தொழிற்சாலைகளிலிருந்து வெளியேற்றப்படும் சாய,தோல் கழிவுநீர் கலப்பதை தடுக்க தடுக்க வேண்டும் - ஈரோட்டில் மஜக ஈரோடு கிழக்கு மாவட்ட ஆலோசனை கூட்டத்தில் தீர்மானம்

மனிதநேய ஜனநாயக கட்சியின் ஈரோடுகிழக்கு மாவட்ட ஆலோசனைக் கூட்டம், மாவட்ட செயலாளர் எ.ஜாவித் ஃபஜல் தலைமையில், மாவட்ட அவை தலைவர் மு.முஹமது ஹாரிஸ் முன்னிலையில் நடைப்பெற்றது.

 

சிறப்பு அழைப்பாளர்களாக பங்கேற்ற மஜக மாநிலதுணைச் செயலாளர் அந்தியூர் ஷாநவாஸ், மனிதநேய ஜனநாயக வர்த்தக அணியின் மாநில துணை செயலாளர் ஈரோடு எக்சான், ஆகியோர் பங்கேற்று கட்சியின் வளர்ச்சி பணிகள் குறித்தும் மக்களின் பல்வேறு பிரச்சனைகள் குறித்தும் ஆலோசனை வழங்கினார்கள்.

இந்த கூட்டத்தில், மாவட்டத்தில் உள்ள அனைத்து ஊர்களிலும் புதிய கிளை நிர்வாகத்தை அமைப்பது, மாவட்டத்தில் அனைத்து இடங்களிலும் தீவிர உறுப்பினர் சேர்க்கை மற்றும் செயற்குழு, பொதுக்குழு நடத்துவது பற்றி ஆலோசனை செய்யப்பட்டது.

இந்நிகழ்வில் மாவட்ட இளைஞர் அணி செயலாளர் தினகரன், முன்னாள் மாவட்ட இளைஞரணி செயலாளர் ஆர்.திலீப் குமார், மாணவர் இந்தியா மாவட்ட செயலாளர் ஈ.ஐ.முகமது அமீன் ஆகியோர் கலந்து கொண்டனர். 

இக்கூட்டத்தில், மாவட்டத்தில் உள்ள பல்வேறு முக்கிய பகுதிகளில் உள்ள முக்கிய பிரச்சனைகள் குறித்து ஆலோசிக்கப்பட்டது.

அதன்படி, ஈரோடு பூம்புகார் நகர் பகுதியில் பெண்கள் மற்றும் சிறுவர்கள் பயிலும் மதரஸா செயல்பட்டு வருகிறது, அதன் அருகில் டாஸ்மாக் அரசு மதுபானக்கடை செயல்பட்டு வருகிறது. இதனால் பெண்கள் மற்றும் சிறுவர்கள் அந்த வழியாக செல்வதற்கு அச்சப்படுகின்றனர், எனவே அந்த டாஸ்மாக் கடையை அகற்ற வேண்டும்.

ஈரோடு சுற்றுவட்டார பகுதிகளில் செயல்படும் சாய, தோல் தொழிற்சாலைகளிலிருந்து வெளியேற்றப்படும் சாய, தோல் கழிவுநீர், நீர்நிலைகளில் கலப்பதால், கேன்சர் உள்ளிட்ட நோய்களால் பொதுமக்களுக்கு பெரும் பாதிப்பு ஏற்பட்டுள்ளது.

எனவே நீர்நிலைகளில் சாய, தோல் கழிவு நீர் கலப்பதை தடுக்க மாசுக்கட்டுப்பாட்டு வாரிய அதிகாரிகள் நடவடிக்கை மேற்கொள்ள வேண்டும் என்ற பல்வேறு தீர்மானங்கள் இந்த ஆலோசனைக் கூட்டத்தில் நிறைவேற்றப்பட்டன.

கூட்டத்தின் முடிவில் இளைஞர் அணி மாவட்டச் செயலாளர் கே.தினகரன் நன்றி தெரிவித்தார்,

Read more

சேலம் சூரமங்கலம் காவல் நிலையத்தில் பழங்குடியின பெண் தனது கணவர் மற்றும் அவர்களது குடும்பத்தார் மீது கொடுக்கப்பட்ட குடும்ப வன்கொடுமை தடுப்புச் சட்டத்தின் கீழ் புகார். தமிழ்நாடு கூட்டு நடவடிக்கை குழு முயற்சியின் காரணமாக ஹரிணியை பணம் கேட்டு துன்புறுத்த மாட்டேன் என கணவர் வீட்டார் உறுதி.

சேலம். 

S.K. சுரேஷ்பாபு.

சேலம் சூரமங்கலம் காவல் நிலையத்தில் பழங்குடியின பெண் தனது கணவர் மற்றும் அவர்களது குடும்பத்தார் மீது கொடுக்கப்பட்ட குடும்ப வன்கொடுமை தடுப்புச் சட்டத்தின் கீழ் புகார். தமிழ்நாடு கூட்டு நடவடிக்கை குழு முயற்சியின் காரணமாக ஹரிணியை பணம் கேட்டு துன்புறுத்த மாட்டேன் என கணவர் வீட்டார் உறுதி. 

சேலம் ஜாகிர் அம்மா பாளையத்தை சேர்ந்த ஓய்வு பெற்ற மத்திய அரசு துறை அதிகாரியின் மகள் ஹரிணி. பழங்குடியின சமுதாயத்தை சேர்ந்த இவருக்கும், ஏற்காட்டைச் சேர்ந்த மணி என்பவரது மகன் சந்திர சந்திரகுமார் ஆகியோருக்கும்   கடந்த செப்டம்பர் மாதம் 2022 முறைப்படி திருமணம் நடைபெற்றது. கணவர் சந்திரகுமார் அவரது சகோதரர் சுப்ரமணி மற்றும் மணிகண்டன் ஆகியோருடன் சேர்ந்து கொண்டு அவர்களின் தூண்டுதலின் பெயரில் மனைவி ஹரிணியை பல வகையில்  கொடுமை செய்ய ஆரம்பித்துள்ளார். இதனிடையே பல லட்சம் ரூபாய் ஹரிணியின் வீட்டில் இருந்து வாங்கி  வரும்படி கொடுமைப்படுத்தி உள்ளனர். ஒரு  கட்டத்திற்கு மேல் துன்புறுத்தலையும் கனவால் ஏற்படும் தாக்குதலையும் சமாளிக்க முடியாமல் பாதிக்கப்பட்ட பெண் ஹரிணி தனது குடும்பத்தாருடன் தமிழ்நாடு கூட்டு நடவடிக்கை குழு தலைமை ஒருங்கிணைப்பாளர் சரஸ்ராம் ரவியை அறிவுறுத்தலின் பேரில், சேலம் சூரமங்கலம் அனைத்து மகளிர் காவல் நிலையத்தில் கடந்த எட்டாம் தேதி புகார் மனு அளித்தார். 

அந்த மனுவில்  வன்கொடுமை செய்து அச்சுறுத்தி வரும் தனது கணவர் மற்றும் அவரது சகோதரர்கள் சுப்ரமணி, மணிகண்டன் மற்றும் கணவரின் பெற்றோர் ஆகியோரை கைது செய்து முறையாக  விசாரித்து அவர்கள் மீது பெண்களுக்கு எதிரான குடும்ப வன்முறை சட்டபடி நடவடிக்கை எடுத்து தனது 8 மாத குழந்தைக்கும் சட்ட பாதுகாப்பும், சமூக பாதுகாப்பும் வழங்கிட வேண்டும் என்றும்

பெண் ஹரிணி  தனக்கும், எனது 8 மாத குழந்தைக்கும் ஏற்படும் உயிர் இழப்பு ஏனைய அத்தனை இழப்பிற்கும்  சுப்ரமணி, மணிகண்டன் மற்றும் எனது கணவரே பொறுப்பாக  இருப்பதால், சமூக  நீதி வழங்கிடகோரி  இந்த புகார் மனுவை அளிக்கின்றேன் கண்ணீர் மல்க குறிப்பிட்டு இருந்தார்.

பழங்குடியின பெண் அளித்த புகாரின் பேரில் சேலம் சூரமங்கலம் காவல் நிலையத்தில் இன்று விசாரணைக்கு எடுத்துக் கொள்ளப்பட்டது. அதன் அடிப்படையில் ஹரிணி மற்றும் சந்திரகுமாரின் குடும்பத்தினரை மங்களம் காவல் நிலையம் நேரில் வரவழைக்கப்பட்ட சேலம் சூரமங்கலம் அனைத்து மகளிர் காவல் நிலைய ஆய்வாளர் முறையான விசாரணை மேற்கொண்டார். 

முடிவில் இனிமேல் ஹரிணியை துன்புறுத்தி பணம் கேட்டு தொந்தரவு செய்ய மாட்டேன் நல்ல முறையில் மனைவியை வைத்து வாழ்ந்து கொள்கிறேன் என்று சந்திரகுமார் மற்றும் அவரது குடும்பத்தார் உறுதி அளித்தனர். மேலும் மாப்பிள்ளை  வீட்டார், கணவர் ஆகியோர் ஹரிணியை பாதுகாப்பாக பார்த்து கொள்வதாகவும், குழந்தையை பராமரித்து கொள்வதாகவும் உறுதி அளித்து முடித்து கொண்டனர். பழங்குடியின  குடும்பத்தை ஒன்று சேர்த்து உதவிய கூட்டு நடவடிக்கை குரவிற்கு இரு குடும்பமும் நன்றி தெரிவித்தனர்.

உடன், ஏ பி பாலு, ரமேஷ்குமார் வழக்கறிஞர், பாலன் மற்றும் இமான் உள்ளிட்டோர் உடன் இருந்தனர்.

Read more

மாற்றுத்திறனாளிகளுடன் கிறிஸ்மஸ் விழா கொண்டாடி 300 பயனாளிகளுக்கு நலத்திட்ட உதவிழாவில்அகில உலக மாற்றுத் திறனாளிகள் தினத்தை முன்னிட்டு, அன்பின் கரங்கள் மாற்றுத்திறனாளி அறக்கட்டளை, ரோட்டரி கிளப் ஆஃப் சேலம் விங்ஸ் உள்ளிட்ட பல்வேறு சமூக சேவை அமைப்புகள் இணைந்து நடத்திய கிறிஸ்மஸ், புத்தாண்டு மற்றும் மாற்றுத் திறனாளிகளுக்கு நலத்திட்ட உதவிகள் வழங்கும் விழா நடைபெற்றது.

சேலம். 

S.K. சுரேஷ்பாபு. 

மாற்றுத்திறனாளிகளுடன் கிறிஸ்மஸ் விழா கொண்டாடி 300 பயனாளிகளுக்கு நலத்திட்ட உதவிழாவில்அகில உலக மாற்றுத் திறனாளிகள் தினத்தை முன்னிட்டு, அன்பின் கரங்கள் மாற்றுத்திறனாளி அறக்கட்டளை, ரோட்டரி கிளப் ஆஃப் சேலம் விங்ஸ் உள்ளிட்ட பல்வேறு சமூக சேவை அமைப்புகள் இணைந்து நடத்திய கிறிஸ்மஸ், புத்தாண்டு மற்றும் மாற்றுத் திறனாளிகளுக்கு நலத்திட்ட உதவிகள் வழங்கும் விழா நடைபெற்றது. 

சேலம் மாவட்ட ஆட்சியர் அலுவலகம் அருகே உள்ள ஒய் எம் சி ஏ ஹாலில் நடைபெற்ற இந்த நிகழ்ச்சிக்கு ரோட்டரி கிளப் ஆப் சேலம் விங்ஸ் தலைவர் கர்லின் எபி தலைமையில் நடைபெற்ற விழாவில் சேலம் மாநகர மேயர் ராமச்சந்திரன் மற்றும் துணை மேயர் சாரதா தேவி உட்பட விழாவை இணைந்து நடைபெற சமூக சேவை அமைப்புகளின் நிர்வாகிகள் முன்னிலை வகித்தனர். தொடர்ந்து நடைபெற்ற விழாவை கிறிஸ்மஸ் மற்றும் புத்தாண்டு விழாக்களை கொண்டாடும் வகையில், விழாவை இணைந்து நடத்திய அமைப்புகளின் நிர்வாகிகள் சிறப்பு விருந்தினர்கள் மற்றும் பயனாளிகள் அனைவரும் கிறிஸ்துமஸ் தாத்தா தொப்பியை அணிந்து பங்கேற்ற விழாவில், பிரம்மாண்ட கேக் வெட்டி சிறப்பு விருந்தினர்களுக்கும் பயனாளிகளுக்கும் வழங்கப்பட்டது. 

தொடர்ந்து நடைபெற்ற விழாவில் 300 பயனாளிகளுக்கு கிறிஸ்துமஸ் மற்றும் புத்தாண்டு விழாக்களுக்கான நலத்திட்ட உதவிகளை சேலம் மாநகர மேயர் ராமச்சந்திரன் மற்றும் துணை மேயர் சாரதா தேவி ஒலி டோர் வழங்கி பாராட்டு தெரிவித்தனர். 

இந்த விழாவில் விழாவினை இணைந்து நடத்திய பல்வேறு சமூக சேவை அமைப்புகளின் நிர்வாகிகள் மாற்றுத்திறனாளிகள் என ஏராளமானோர் கலந்து கொண்டனர்.

Read more