தமிழ்நாடு அரசு பொது விநியோகத் திட்டத்தின் வாயிலாக தமிழக முதலமைச்சர் அவர்களால் தொடங்கி வைக்கப்பட்ட தாயுமானவர் திட்டத்தை, முதியவர்களின் இல்லம் தேடி சென்று நிறைவேற்றிய சேலம் கிழக்கு மாவட்ட திமுக செயலாளர் பாரப்பட்டி சுரேஷ் குமார்.

சேலம்.

S.K. சுரேஷ்பாபு.

தமிழ்நாடு அரசு பொது விநியோகத் திட்டத்தின் வாயிலாக தமிழக முதலமைச்சர் அவர்களால் தொடங்கி வைக்கப்பட்ட தாயுமானவர் திட்டத்தை, முதியவர்களின் இல்லம் தேடி சென்று நிறைவேற்றிய சேலம் கிழக்கு மாவட்ட திமுக செயலாளர் பாரப்பட்டி சுரேஷ் குமார்.

தமிழ்நாடு முதலமைச்சர்  அவர்கள் இன்று தொடங்கி வைக்கப்பட்ட பொது விநியோகத் திட்டத்தின் கீழ் 70 வயதிற்கு மேற்பட்டோர் மற்றும் மாற்றுத்திறனாளிகள் இல்லத்திற்கே சென்று ரேஷன் பொருட்கள் விநியோகம் செய்யும் தாயுமானவர் திட்டத்தை பனமரத்துப்பட்டி ஒன்றியத்திற்கு உட்பட்ட கெஜ்ஜல்நாயக்கன்பட்டி ஊராட்சி மற்றும் தாசநாயக்கன்பட்டி ஊராட்சியில்  கூட்டுறவு செயலாற்றியர் சுமதி மற்றும் கூட்டுறவுத்துறை சார் பதிவாளர் முகாம்பிகை அவர்களுடன் சேலம் கிழக்கு மாவட்ட திமுக  துணை செயலாளர் பாரப்பட்டி சுரேஷ்குமார், பனமரத்துப்ப ஒன்றிய திமுக செயலாளர் உமாசங்கர்,  முன்னாள் ஒன்றிய குழு துணை தலைவர் காட்டூர் சங்கர், ஒன்றிய பொருளாளர்  வெங்கடாசலம், முன்னாள் சேர்மன் பழனி, ஒன்றிய மகளிர் அணி துணைத் தலைவர் திருமதி வசந்தி சுப்ரமணி மற்றும் பொதுமக்கள் கலந்து கொண்டனர். சேலம் கிழக்கு மாவட்டத்திற்கு உட்பட்ட பகுதிகளில் வீடு வீடாக தேடிச் சென்று வயது முதிர்ந்தவர்களுக்கும் மாற்றுத்திறனாளிகளுக்கும் குடிமை பொருட்களை வழங்கினர். இதே போல கம்மாளப்பட்டி பனமரத்துப்பட்டி மல்லூர் கஜல் நாயக்கன்பட்டி சின்ன கொண்டலாம்பட்டி மற்றும் பாரப்பட்டி உள்ளிட்ட பகுதிகளில் தமிழக அரசின் சார்பில் வழங்கப்படக் கூடிய  இலவச அரிசி உட்பட பருப்பு சர்க்கரை பாமாயில் உள்ளிட்டவைகள் இளம் தேடி வந்து கொடுத்தது தாங்கள் பெற்றுக்கொண்டது மிகுந்த மகிழ்ச்சியாக உள்ளது என்றும் வீடு தேடி கொடுத்து உதவிய தமிழக முதலமைச்சர் முத்துவேல் கருணாநிதி ஸ்டாலின் அவர்களுக்கு தங்களது மனமார்ந்த நன்றிகளை  முதியவர்கள் மற்றும் மாற்றுத் தறனாளிகள் தெரிவித்துக் கொண்டனர்.

Read more

ஒப்புதலுடன் தேதி கொடுத்தால் சூப்பர் ஸ்டார் ரஜினிகாந்தை வைத்து மிகப் பிரம்மாண்டமான அளவில் திரைபடம் தயாரிக்க சித்தமாக உள்ளேன். திரைப்பட தயாரிப்பாளரும் நடிகருமான சேலத்தை சேர்ந்த வேங்கை அய்யனார் பேட்டி.

சேலம்.

S.K. சுரேஷ்பாபு.

EXCLUSIVE

ஒப்புதலுடன் தேதி கொடுத்தால் சூப்பர் ஸ்டார் ரஜினிகாந்தை வைத்து மிகப் பிரம்மாண்டமான அளவில் திரைபடம் தயாரிக்க சித்தமாக  உள்ளேன். திரைப்பட தயாரிப்பாளரும் நடிகருமான சேலத்தை சேர்ந்த வேங்கை அய்யனார் பேட்டி. 

சேலம் மாவட்டம் மல்லுரை  சேர்ந்தவர் வேங்கை அய்யனார். இவர் அரசியல், பஞ்சாயத்து தலைவர், தொழிலதிபர் என பன்முகம் கொண்டு விளங்கினாலும் திரைப்படங்களை தயாரிப்பதும் அதில் நடிப்பதையும் தொழிலாக கொண்டுள்ளார். இவர் ஏற்கனவே திரைப்பட தயாரிப்பு நிறுவனம் ஒன்றை தொடங்கி வெட்டு என்ற திரைப்படத்தை தமிழ் மற்றும் தெலுங்கு என இரண்டு மொழிகளில் தயாரித்ததுடன் அதில் நடிக்கவும் செய்துள்ளார். இந்த நிலையில் சன் பிக்சர்ஸ் தயாரிப்பில்  லோகேஷ் கனகராஜ்  இயக்கத்தில் p மிகப் பிரம்மாண்டமான முறையில் தயாராகியுள்ள சூப்பர் ஸ்டார் ரஜினிகாந்தின் கூலி திரைப்படம் ஆகஸ்ட் 14ஆம் தேதியன்று தமிழகம் உட்பட உலகம் முழுவதும் வெளியாக உள்ளது. உலக ரசிகர்களால் ஆவலுடன் எதிர்பார்க்கப்படும் கூலி திரைப்படம் குறித்து சேலத்தை சேர்ந்த திரைப்பட தயாரிப்பாளரும் நடிகருமான வேங்கை அய்யனார் அவர்களிடம் கேட்டபோது, சூப்பர் ஸ்டார் ரஜினிகாந்த் நடித்துள்ள கூலி திரைப்படம் மிக பிரம்மாண்ட அளவில் வெற்றி பெறும் என்று நம்பிக்கை தெரிவித்த அவர், திரைப்பட தயாரிப்பாளர் என்ற முறையில், எடுத்த எடுப்பில் ஒப்புக்கொள்வாரா என்பது தெரியவில்லை என்றும் ஒருவேளை சூப்பர் ஸ்டார் ரஜினிகாந்த் சம்மதம் தெரிவித்து தேதி வழங்கினால் அவரை வைத்து மிகப் பிரம்மாண்ட அளவில் திரைப்படம் தயாரிக்க தயாராக உள்ளதாகவும், சேலத்திற்கு பெருமை சேர்க்கும் வகையில் அதாவது சேலத்தை சேர்ந்த தயாரிப்பாளர் சூப்பர் ஸ்டார் ரஜினிகாந்த் வைத்து திரைப்படம் தயாரித்தார் என்ற பெருமையை சேலத்திற்கு உருவாக்கி தருவேன் என்றும் நம்பிக்கையுடன் சூப்பர் ஸ்டாரின் ஒப்புதலுக்காக காத்திருப்பதாக தெரிவித்தார். மேலும் தங்களது தயாரிப்பு நிறுவனத்தின் சார்பில் என்டர் தி டிராகன் என்ற திரைப்படம் தயாரிக்கப்பட்டு வருவதாகவும் தற்பொழுது மழைக்காலம் என்பதால்  வெளிச்சம் பிரச்சனை காரணமாக நிறுத்தப்பட்டுள்ளதாகவும் சீதோசன நிலை மாறிய பிறகு விரைவில் திரைப்படம் தயாரிப்பு பணி தொடங்கும் என்றார்.

அதுமட்டுமல்லாமல் தங்களது நிறுவனத்தின் சார்பில் கிராம கோடாங்கி என்ற திரைப்படம் தயாரிக்கப்பட உள்ளதாகவும் இந்த திரைப்படத்தினை கஸ்தூரிராஜா இயக்கி நடிப்பத்துடன் தானும் அந்த திரைப்படத்தில் நடிக்கப் போவதாக குறிப்பிட்ட வேங்கை அய்யனார், முற்றிலும் கிராம பாங்கான கதை அம்சம் கொண்ட திரைப்படம் இது என்றும் இதற்கான நடிகர் நடிகைகள் தேர்வு நடைபெற்று கொண்டிருப்பதாகவும், இந்தியாவையே புரட்டிப் போடும் வகையில் மிகப்பிரமாண்ட முறையில் தயாரிக்கப்படும் இந்த திரைப்படத்தின் படப்பிடிப்பு  விரைவில் சேலத்தில் பட பூஜையுடன் பட தயாரிப்பு தொடங்க உள்ளதாக தெரிவித்தார். ஏற்கனவே விஜய் நடித்துள்ள சர்க்கார் திரைப்படத்தில் வரும் ஒரு விரல் புரட்சியே பாடலில் தான் நடித்துள்ளதாகவும் அதுமட்டுமில்லாமல் வெட்டு என்ற திரைப்படத்தை தயாரித்து நடித்துள்ளதாகவும், கரா என்ற திரைப்படத்தில் தாதா வேடத்தில் நடித்துள்ளதாகவும் அந்த திரைப்படம் விரைவில் வெளிவர உள்ளதாகவும் தெரிவித்ததோடு, இந்திய அளவில் மிகச்சிறந்த கதை அம்சத்துடன் கூடிய திரைப்படத்தை வெளியிட வேண்டும் என்பது மட்டுமே தனது எதிர்கால லட்சியம் என்றும் திரைப்பட தயாரிப்பாளரும் நடிகருமான சேலத்தைச் சேர்ந்த  வேங்கை அய்யனார் தெரிவித்துள்ளார். சேலத்தைச் சேர்ந்த திரைப்பட தயாரிப்பாளரும் நடிகருமான வேங்கை அய்யனார் அவர்களின் சூப்பர் ஸ்டார் ரஜினிகாந்தை வைத்து இயக்கும் கனவு நனவாக நாமும் வாழ்த்துவோம். 

Read more

சேலத்தில் வீட்டு வசதி வாரிய குடியிருப்பு கழிவுநீர் கால்வாய்களை ஆக்கிரமிப்பு செய்து வாடகை கடைகள். கழிவுநீர் வெளியேற முடியாததால் குடியிருப்பு வாசிகள் கடும் அவதி.

 

சேலம். 

S.K. சுரேஷ்பாபு.

சேலத்தில் வீட்டு வசதி வாரிய குடியிருப்பு கழிவுநீர் கால்வாய்களை ஆக்கிரமிப்பு செய்து வாடகை கடைகள். கழிவுநீர் வெளியேற முடியாததால் குடியிருப்பு வாசிகள் கடும் அவதி. 

சேலம் மாநகராட்சியின் 31 வது கோட்டத்திற்கு உட்பட்டது கோட்டை அண்ணா நகர் அடுக்குமாடி குடியிருப்பு பகுதி. ஆயிரக்கணக்கான மக்கள் வசித்து வரும் இந்த பகுதியில் வாசித்து வரும் குடியிருப்புகளில் இருந்து கழிவு நீர் வெளியேற ஒவ்வொரு பிளாக்குகளிலும் வாய்க்கால்கள் அமைக்கப்பட்டுள்ளன. இந்த நிலையில் இந்த அடுக்கு மாடி குடியிருப்பின் ஒரு சில பிளாக்குகளில் தரைதளத்தில் கழிவு நீர் கால்வாய்களை ஆக்கிரமித்து பீடா கடைகள் பஞ்சர் கடைகள் மளிகை கடை சட்டவிரோதமாக அமைக்கப்பட்டுள்ளன. அதுமட்டுமல்லாமல் அந்த அடுக்குமாடி குடியிருப்பு தரைதள பகுதியில் அந்தப் பகுதியை சேர்ந்த குழந்தைகள் விளையாடுவதற்கான மைதானத்தையும் விட்டு வைக்கவில்லை ஆக்கிரமிப்பாளர்கள் அங்கும் குடோன்களை அமைத்து வசூல் செய்து வருகின்றனர் இந்த நிலையில் கழிவுநீர் கால்வாய்களை ஆக்கிரமித்து கட்டப்பட்ட சட்டவிரோத கடைகளின் காரணமாக கழிவு நீர் வெளியேற முடியாமல் சம்பந்தப்பட்ட குடியிருப்பு பகுதியில் கடுமையான சுகாதார சீர்கேட்டு ஏற்படுத்தியுள்ளது. இதுகுறித்து அந்த பகுதியை சேர்ந்தவர்கள் பலமுறை சம்பந்தப்பட்ட மாமன்ற உறுப்பினரிடமும் மாநகராட்சி நிர்வாகத்திடமும் புகார் தெரிவித்தும் பலன் இல்லாத காரணத்தினால், அதே பகுதியை சேர்ந்த உதயநிதி ஸ்டாலின் மன்றத்தைச் சார்ந்த சேலம் மாவட்ட துணைச் செயலாளர் ஷேக் மதார் என்பவர் அரசு விழா ஒன்றில் கலந்து கொள்வதற்காக அதே பகுதியில் உள்ள கோட்டை ஆண்கள் மேல்நிலை பள்ளிக்கு வந்து சேலம் மத்திய மாவட்ட திமுக செயலாளரும் தமிழக சுற்றுலாத்துறை  அமைச்சருமான வழக்கறிஞர் இராஜேந்திரன் அவர்களை நேரில் சந்தித்து கோரிக்கை மனு ஒன்றினை வழங்கினார்.

மனுவை பெற்றுக்கொண்ட சுற்றுலாத்துறை அமைச்சர் மனு மீது உரிய நடவடிக்கை எடுக்க மாவட்ட ஆட்சியருக்கும் மாநகராட்சி மேயருக்கும் உத்தரவிட்டார். இது குறித்து சேக் மதார் நம்மிடைய கூறுகையில், மனுவில் குறிப்பிட்ட குற்றச்சாட்டுகள் மட்டுமல்லாமல் சட்டவிரோதமாக ஆக்கிரமிப்பு செய்யப்பட்ட வர்த்தக மற்றும் வணிக நிறுவனங்களுக்கு அடுக்குமாடி குடியிருப்புகளுக்கு என்று இலவசமாக வழங்கப்படும் மின்சாரத்தையும் அந்த கடைகளுக்கு வழங்கி பணம் வசூலிப்பதாகவும் இந்த குடியிருப்புக்கு என்று தேர்ந்தெடுக்கப்பட்ட யாரும் இங்கு இருக்கவில்லை என்றும் உள் வாடகைக்கு விட்டு விட்டு கூடுதலாக சம்பந்தப்பட்ட இடத்தையும் ஆக்கிரமித்து சட்ட விரோதமாக மின்சாரத்தையும் வழங்கி வருவதாக குற்றம் சாட்டிய அவர் மாமன்ற உறுப்பினர், சேலம் மாநகர மேயர் ஆகியோர் இடத்தில் புகார் அளித்தும் பயனில்லாத காரணத்தினால் தற்பொழுது சுற்றுலாத்துறை அமைச்சரிடம் புகார் மனு வழங்கப்பட்டுள்ளதாகவும், தங்களது பிரதான இரண்டு கோரிக்கைகளான சம்பந்தப்பட்ட ஆக்கிரமிப்புகளை அகற்றி சுகாதார சீ கேட்டுடன் காட்சியளித்து வரும் சேலம் கோட்டை அண்ணா நகர் அடுக்குமாடி குடியிருப்பு வளாகத்தை சுத்தம் செய்து தர வேண்டும் என்பது மட்டுமே என்றும் சுற்றுலாத்துறை அமைச்சர் அவர்களிடம் வழங்கப்பட்ட புகார் குறித்தும் நடவடிக்கை எடுக்க தவறும் பட்சத்தில், குடியிருப்பு வாசிகளை ஒன்று திரட்டி சேலம் மாவட்ட ஆட்சியர் அலுவலகம் முன்பு மிகப்பெரிய மறியல் போராட்டத்தில் ஈடுபட போவதாகவும், தான் வகுத்து வரும் உதயநிதி ஸ்டாலின் மன்ற சேலம் மாவட்ட துணைச் செயலாளர் பதவியை ராஜினாமா செய்து விட்டு தங்களது பகுதி மக்களுக்கு உதவி செய்யும் கட்சியில் இணைய தயாராக இருப்பதாகவும் எச்சரிக்கை விடுத்தார்.

Read more

அகில இந்திய காங்கிரஸ் கட்சியின் மாநில பொதுக்குழு உறுப்பினர் பச்சைப்பட்டு பழனிச்சாமி அவர்களின் பிறந்தநாள் விழா. காங்கிரஸ் மனித உரிமை துறை சேலம் மாவட்ட தலைவர் இர்பான் உள்ளிட்ட நிர்வாகிகள் மாலை அணிவித்து பொன்னாடை போர்த்தி வாழ்த்துக்கள்.

சேலம். 

S.K. சுரேஷ்பாபு. 

அகில இந்திய காங்கிரஸ் கட்சியின் மாநில பொதுக்குழு உறுப்பினர் பச்சைப்பட்டு பழனிச்சாமி அவர்களின் பிறந்தநாள் விழா. காங்கிரஸ் மனித உரிமை துறை சேலம் மாவட்ட தலைவர் இர்பான் உள்ளிட்ட நிர்வாகிகள் மாலை அணிவித்து பொன்னாடை போர்த்தி வாழ்த்துக்கள். 

சேலம் பச்சப்பட்டி பகுதியை சார்ந்தவர் பழனிச்சாமி, இவர் தனது சிறு வயதிலேயே இந்திய தேசிய காங்கிரஸின் மீது இருந்த ஈர்ப்பின் காரணமாக தன்னை காங்கிரஸ் கட்சியின் இணைத்துக் கொண்டு அடித்தட்டு மக்களின் பிரச்சினைக்காக பல்வேறு போராட்டங்களை மேற்கொண்டு சிறை சென்று வந்து தற்பொழுது தமிழக காங்கிரஸ் கட்சியின் பொதுக்குழு உறுப்பினராகவும், இந்திய தேசிய காங்கிரஸ் கட்சி மனித உரிமை குறையும் மாநில துணைச் செயலாளர் ஆகவும் பச்சைப்பட்டி பழனிச்சாமி திகழ்ந்து வருகிறார். இவர் இன்று தனது 60ஆவது பிறந்தநாள் விழாவை குடும்பத்தாருடன் எளிமையாக கொண்டாடி மகிழ்ந்தார். மேலும் சேலம் மாநகர மாவட்ட காங்கிரஸ் கமிட்டி தலைவர் ஏ ஆர் பி பாஸ்கர் உட்பட கட்சி நிர்வாகிகள் அனைவரும் நேரில் சென்று வாழ்த்து தெரிவித்து வந்த நிலையில், இந்திய தேசிய காங்கிரஸ் கட்சியின் மனித உரிமை துறை சேலம் மாவட்ட தலைவர் இருப்பான் மற்றும் துறை சார்ந்த நிர்வாகிகள் பலரும் பச்சப்பட்டி பழனிச்சாமி அவர்களுக்கு பொன்னாடை போர்த்தியும் மாலை அணிவித்தும் தங்களது பிறந்தநாள் வாழ்த்துக்களை தெரிவித்துக் கொண்டனர்.

Read more

சோனா தொழில்நுட்பக் கல்லூரியில் 2025 முதலாம் ஆண்டு வகுப்புகள்துவக்க விழா. அதிக மதிப்பெண்கள் பெற்ற மாணவ மாணவிகளுக்குரூ4 கோடி மதிப்பில் கல்வி உதவித்தொகை.

சேலம்.

S.K. சுரேஷ்பாபு.

சோனா தொழில்நுட்பக் கல்லூரியில் 2025 முதலாம் ஆண்டு வகுப்புகள்

துவக்க விழா. அதிக மதிப்பெண்கள் பெற்ற மாணவ மாணவிகளுக்கு

ரூ4 கோடி மதிப்பில் கல்வி உதவித்தொகை.

சேலம் சோனா தொழில்நுட்பக் கல்லூரியில் இளநிலை மற்றும் முதுநிலை 2025 முதலாம் ஆண்டு வகுப்புகள் துவக்க விழா கல்லூரியின் வளாகத்தில் நடைபெற்றது. கல்லூரியின் துணைத்தலைவர்கள் திரு.சொக்குவள்ளியப்பா, திரு.தியாகுவள்ளியப்பா  முன்னிலையில் நடைபெற்ற விழாவிற்கு கல்லூரி தலைவர் திரு.வள்ளியப்பா தலைமை வகித்தார். இந்த விழாவில் மெட்ராஸ் மேலாண்மை சங்க நிர்வாக இயக்குநர் விஜயகுமார் சிறப்பு விருந்தினராக கலந்து கொண்டு சிறப்புரையாற்றினார்.

முன்னதாக சிறப்புவிருந்தினர், கல்லூரியின் நிர்வாகத்தினர், முதல்வர் எஸ்.ஆர்.ஆர்.செந்தில்குமார், மற்றும் மாணவ மாணவிகள், பெற்றோர்கள் ஆகியோர் குத்துவிளக்கேற்றி  விழாவை தொடங்கி வைத்தனர். பின்னர் கல்லூரியின் அட்மிஷன் டீன் மற்றும் கணினி அறிவியல் துறைத்தலைவர் சத்தியபாமா விழாவிற்கு வந்திருந்த அனைவரையும் வரவேற்று பேசினார். மேலும் இந்த விழாவில் +2 தேர்வில் அதிக மதிப்பெண்கள் பெற்ற மாணவ மாணவிகளுக்கு ரூ4 கோடி மதிப்பிலான கல்வி உதவித்தொகையை சோனா கல்வி நிறுவனங்களின் தலைவர் திரு.வள்ளியப்பா வழங்கினார். இதனைத்தொடர்ந்து பேசிய கல்லூரியின் துணை தலைவர்கள் சொக்குவள்ளியப்பா மற்றும் தியாகுவள்ளியப்பா ஆகியோர் மாணவ மாணவிகளுக்கு ஏராளமான வாய்ப்புகளை வழங்க சோனா கல்லூரி காத்திருப்பதாகவும், அவற்றை முழுமையாக பயன்படுத்தி சிறந்த மாணவர்களாக அவர்கள் உருவாகவேண்டுமென்று கேட்டுக்கொண்டனர். பின்னர் சிறப்பு விருந்தினர் விஜயகுமார், பேசும் பொழுது, மாணவர்கள் எந்த சூழ்நிலையிலும் தங்கள் முக்கியத்துவத்தையும், தனித்துவத்தையும் இழந்து விடாமல் இருக்க  வேண்டுமென்றும் இதற்கு தன்னம்பிக்கையும், விடாமுயற்சியும் மிக அவசியம் என்றார். மேலும் சிறந்த உள் கட்டமைப்பு, நல்ல பேராசிரியர்கள், மாணவர்களை சிறந்தவர்களாக தயார்படுத்துதல், ஆராய்ச்சி உள்ளிட்ட துறைகளில் சோனா கல்லூரி சிறந்து விளங்குவதால்தான் அகில இந்திய அளவில் சிறந்த கல்லூரிகளில் ஒன்றாக விளங்கி வருகிறது என்றும் இத்தகைய கல்லூரியில் பயிலும் வாய்ப்பு கிடைத்ததற்கு மாணவர்கள் நீங்கள் பெருமை பெற வேண்டும் என்றும் தெரிவித்தார். சோனா கல்வி குழுமத்தின் தலைவர் திரு.வள்ளியப்பா பேசும்பொழுது, வாழ்வின் முக்கியத்தருணமான இந்த காலக்கட்டத்தில் படிப்பில் முழுக்கவனம் செலுத்தி மாணவர்கள் சிறந்து விளங்க வாழ்த்து தெரிவித்தார். பின்னர் மாணவ மாணவிகளுக்கான வழிகாட்டுதல்கள், பல்வேறு கல்வி உதவித்தொகை, பிற வசதிகள் அவற்றை பயன்படுத்திக்கொள்வது பற்றி கல்லூரியின் முதல்வர் எஸ்.ஆர்.ஆர்.செந்தில்குமார் எடுத்துரைத்தார். இந்த விழாவில் சோனா கல்வி குழுமத்தின் இயக்குனர் கார்த்திகேயன், முதல்வர்கள் காதர்நவாஷ், கனகராஜ், கவிதா, பேராசிரியர்கள் மாணவ மாணவிகள், பெற்றோர்கள் என பலர் பங்கேற்றனர். இந்த விழாவிற்கான ஏற்பாட்டினை துறைத்தலைவர் ரேணுகா மற்றும் பேராசிரியர்கள் சிறப்பாக செய்திருந்தனர். இறுதியாக எம்.பி.ஏ துறைத்தலைவர் அஞ்சனி நன்றியுரையாற்றினார்.

Read more

வெள்ளக்கோவில் - சங்ககிரி வரை நான்கு வழி சாலை திட்டம் மக்களுக்கு எந்தவித பாதிப்பின்றி செயல்படுத்தப்படும் என மத்திய அமைச்சர் நிதின் கட்காரி உறுதி என பாஜகவின் ஈரோடு மாவட்ட தலைவர் எஸ்.எம் செந்தில் பேட்டி

ஈரோடு பாரதிய ஜனதா கட்சியின் அலுவலகத்தில், பாஜக மாவட்ட தலைவர் எஸ்.எம் செந்தில் தலைமையில், ஆலோசனைக் கூட்டம் நடைபெற்றது, 

இந்த ஆலோசனைக் கூட்டத்தில் மொடக்குறிச்சி சட்டமன்ற உறுப்பினர் டாக்டர் சி.கே சரஸ்வதி,  பாஜக தேசிய செயற்குழு உறுப்பினர் பழனிச்சாமி எம்.பி, முன்னாள் மாவட்ட தலைவர் வேதாந்தம் உள்ளிட்ட பாஜக நிர்வாகிகள் ஏராளமானோர் பங்கேற்றனர்.

தொடர்ந்து, மாவட்டத் தலைவர் எஸ்.எம் செந்தில் செய்தியாளர்களை சந்தித்தார்....

வெள்ளகோவில் முதல் சங்ககிரி வரை புதிதாக போடப்படுகிறது நான்கு வழி சாலைக்கு நிலம் ஆர்ஜிதம் செய்யப்படுவதாக திருப்பூர் மாவட்டத்திலிருந்து அறிக்கை வெளியாகி இருந்தது,

அதேபோல் ஈரோடு, சேலம், நாமக்கல் மாவட்டங்களில் இந்த நான்கு வழிச்சாலை அமைப்பதற்காக நிலம் எடுப்பதாக பொதுமக்கள், விவசாயிகள் எங்களிடம் கோரிக்கை விடுத்தனர்,  

மக்களின் கோரிக்கையைடுத்து டெல்லி சென்று மத்திய தரை மற்றும் சாலை போக்குவரத்து துறை அமைச்சர் நிதின் கட்கரியை சந்தித்து, மக்களின் கோரிக்கைகளை கொடுத்துள்ளோம், அந்தக் கோரிக்கையை ஏற்றுக் கொண்ட மத்திய அமைச்சர் அவர்கள், மக்களுக்கு பாதிப்பு ஏற்படாத வகையில் நான்கு வழி சாலை பணியை மேற்கொள்ள மாட்டோம் என உறுதியளித்துள்ளார், 

மேலும், சாலையை சீரமைப்பதற்கான 2000 கோடி ரூபாய் செலவில், பாரத பிரதமர் பாரத் மகா திட்டத்தின் கீழ் இப்பணிகளை மேற்கொள்வதாக கூறியிருந்தார்கள், பொதுமக்களின் தேவைக்கும், நாட்டு மக்களின் நன்மைக்கும் இந்த சாலை தேவை தேவைப்படுகிறது என்பதையும் மத்திய அமைச்சர் கூறினார்,

இந்த சாலை பணிகளில், மொடக்குறிச்சி தொகுதியை பொருத்தவரை வணிக நிறுவனங்கள் வீடுகள் என அதிகளவில் பாதிப்பு ஏற்படும் என்ற காரணத்தினால், மொடக்குறிச்சி சட்டமன்ற உறுப்பினர் டாக்டர் சி கே சரஸ்வதி அவர்கள் கேட்டு கேட்டுக்கொண்டதின் அடிப்படையில், மக்களின் நலனுக்காக நாங்கள் டெல்லி சென்று கோரிக்கை விடுத்திருக்கிறோம், இதற்கு மத்திய அமைச்சர் இசைவு தெரிவித்துள்ளார், 

மத்திய இணை அமைச்சர் எல் முருகன் இன்னும் பத்து நாட்களுக்குள் ஈரோடு வந்து இந்த சாலை பணிகள் குறித்து ஆய்வு செய்து அதற்கான அறிக்கையும் தாக்கல் செய்ய உள்ளதாகவும் தெரிவித்துள்ளார், 

வருகின்ற ஆகஸ்ட் 15ஆம் தேதி தேசிய ஒற்றுமையையும் தேசப்பற்றையும் வலியுறுத்தும் விதமாக அனைத்து வீடுகளிலும் தேசிய கொடியை ஏற்றி வைத்து, அனைத்து மக்களையும் ஒருங்கிணைத்து தேசிய விழிப்புணர்வு பேரணையையும் நடத்த இருக்கிறோம், 

அதேபோல் பவானி ஆற்றில் குறுக்கே கட்டப்பட்ட மேம்பாலத்தின் மணல் தீட்டுக்களை அகற்ற வலியுறுத்தியிருந்தோம் தமிழக பொதுப்பணித்துறை இந்த விஷயத்தில் மிகவும் மெத்தனமாக செயல்படுகிறது எனவும் குற்றம் சாட்டினார்.

Read more

சேலம் கோட்டை மாரியம்மன் கோவில் தெரு தேரோட்டத்திற்கு வந்த லட்சக்கணக்கான பக்தர்களுக்கு இனிப்பு மற்றும் குடிநீர் வழங்கி மகிழ்ந்த தமிழக வெற்றி கழகத்தைச் சார்ந்த இஸ்லாமிய சகோதர சகோதரிகள். பக்தர்கள் நெகிழ்ச்சி.

  

சேலம். 

S.K. சுரேஷ்பாபு.

சேலம் கோட்டை மாரியம்மன் கோவில் தெரு தேரோட்டத்திற்கு வந்த லட்சக்கணக்கான பக்தர்களுக்கு இனிப்பு மற்றும் குடிநீர் வழங்கி மகிழ்ந்த தமிழக வெற்றி கழகத்தைச் சார்ந்த இஸ்லாமிய சகோதர சகோதரிகள். பக்தர்கள் நெகிழ்ச்சி. 

சேலத்தில் பிரசித்தி பெற்ற கோட்டை ஸ்ரீ பெரிய மாரியம்மன் திருக்கோவிலில் ஆடி பெருவிழா முகூர்த்த கால் நடுதலுடன் வெகு விமர்சையாக தொடங்கியது. இதனை அடுத்து முக்கிய நிகழ்வுகளாக அம்மனுக்கு பூச்சாடுதல், கம்பம் நடுதல், சக்தி அழைத்தல், பொங்கல் மற்றும் உருளுதண்டம் உள்ளிட்ட வைபவங்களுடன் வழக்கமான உற்சாகத்துடன் கொண்டாடப்பட்டு வருகிறது. விழாவில் முக்கிய நிகழ்வாக 1000 ஆண்டுகளுக்கு மேல்  பழமை வாய்ந்த, பல்வேறு வரலாறுகளுக்கு சொந்தமான சேலம் கோட்டை மாரியம்மன் திருக்கோவிலுக்கு சுமார் ஒரு கோடி ரூபாய் மதிப்பீட்டில் தமிழக அரசால் புதிதாக பிரம்மாண்டமான தேர் வடிவமைக்கப்பட்டு வெள்ளோட்டம் நடைபெற்றது. ஆடி பெருவிழாவில் முக்கிய நிகழ்வாக முதன் முறையாக நடப்பாண்டு நடைபெற்றுக் கொண்டிருக்கும் ஆடி பெருவிழாவில் புதிய திருத்தேரில் அம்மனின் உற்சவர் படியமர்த்தப்பட்டு சிறப்பு பூஜைகளுக்கு பிறகு திருவீதி விழா தொடங்கியது.

ஆயிரக்கணக்கான பக்தர்கள் வடம்பிடித்து இழுத்து அம்மனை வழிபட்டனர். இதனிடையே தமிழக வெற்றி கழகத்தின் சேலம் மாநகர் மாவட்ட செயலாளர் தமிழன் பார்த்திபன் அறிவுறுத்தலின் பேரில், 32வது கோட்ட தமிழக வெற்றி கழகத்தைச் சார்ந்த இஸ்லாமிய சகோதரர்கள் மற்றும் சகோதரர்கள் தங்களுக்கு சொந்த செலவில் லட்சக்கணக்கான பக்தர்களுக்கு தங்களது சொந்த செலவில் இனிப்புகள் மற்றும் குடிநீர் பாட்டில்களை விநியோகித்து தங்களது மகிழ்ச்சியை பகிர்ந்து கொண்டனர். த.வெ.க 32 வது கோட்ட செயலாளர் சைபுல்லா தலைமையில் நடைபெற்ற இந்த நிகழ்வில் 32 வது கோட்ட மகளிர் அணி அமைப்பாளர் ரிஹானா பேகம், துணைச் செயலாளர் ரேஷ்மா, பகுதி செயலாளர் ரிஜ்வான், இணை செயலாளர் முகமது அர்ஷத் மற்றும் பொருளாளர் மோகன் ஒலியிட்டோர் கலந்து கொண்ட  லட்சக்கணக்கான பக்தர்களுக்கு தங்களது சொந்த செலவில் குடிநீர் மற்றும் இனிப்புகளை  வழங்கினார்.

தங்களது பங்களிப்பை வெளிப்படுத்தியது மனிதநேயம் மிக்கதாக அங்கு வந்த இந்து பக்தர்கள் அனைவராலும் தமிழக வெற்றி கழகத்தைச் சார்ந்த இஸ்லாமிய சகோதரர் மற்றும் சகோதரிகளை போற்றப்பட்டது என்பது குறிப்பிடத்தக்கது.

Read more