சின்னசேலத்தில் மாபெரும் இலவச சிறுநீரக மாற்று அறுவை சிகிச்சை முகாம்.

சேலம்,

S.K. சுரேஷ்பாபு.

சின்னசேலத்தில் மாபெரும் இலவச சிறுநீரக மாற்று  அறுவை சிகிச்சை முகாம்.

டயாலிசிஷிலிருந்து விடுதலை பெற வேண்டும் என்பதை வலியுறுத்தி சேலம் சீரகாப்பாடி விம்ஸ் மருத்துவமனை மற்றும் சின்னசேலம் ரோட்டரி சங்கம் ஆகியவை இணைந்து நடத்திய ஏதும் இலவச சிறுநீரக மாற்று அறுவை சிகிச்சை முகாம்  கள்ளக்குறிச்சி மாவட்டம் சின்னசேலத்தில் நடைபெற்றது. ரோட்டரி சங்க நிர்வாகிகள் முன்னிலையில் நடைபெற்ற சிறப்பு மருத்துவ முகாமினை, விம்ஸ் மருத்துவமனையின் நிர்வாக இயக்குனரும், மருத்துவருமான மீனாட்சி சுந்தரம் அறிவுறுத்தலின் பேரில்,

மருத்துவமனையின் நிர்வாக அதிகாரி வெங்கடேஷ் வழிகாட்டுதலின்படி, மருத்துவமனையின் முதன்மை நரம்பியல் நிபுணர் மருத்துவர் மோகன்பாபு துவக்கி வைத்த இந்த சிறப்பு முகாமில், மருத்துவமனையன் சிறுநீரக மாற்று அறுவை சிகிச்சை சிறப்பு மருத்துவர்கள் மற்றும் மருத்துவ குழுவினர் கலந்து கொண்டு, ரத்த அழுத்தம், ரத்தத்தில் சர்க்கரை அளவு, இசிஜி, சிறுநீரக மற்றும் சிறுநீரக மாற்று அறுவை சிகிச்சைகளுக்கான ஆலோசனைகளை வழங்கினார்.

இந்த முகாமில், நீண்ட காலமாக நீரிழிவு நோய்க்கு மருந்து உட்கொள்பவர்கள், அதிக உடல் பருமன் கொண்டவர்கள்,  உயர் இரத்த அழுத்தம் உள்ளவர்கள்,  கை கால்கள் மற்றும் உடலில் வீக்கம் உள்ளவர்கள், அடிக்கடி சிறுநீர் தொற்று ஏற்படுபவர்கள், சிறுநீரக கல் பிரச்சனை உள்ளவர்கள், சிறுநீர் கழிப்பது எரிச்சல் வலி அல்லது இரக்கம் காண்பவர்கள் மற்றும் குடும்பத்தில் சிறுநீரக நோய் வரலாறு உள்ளவர்கள் கலந்து கொண்டு இலவச சிகிச்சை மற்றும் ஆலோசனைகளை பெற்றுச் சென்றனர். 

இந்த சிறப்பு மருத்துவ முகாமில் சின்னசேலம் மற்றும் அதன் சுற்று வட்டார பகுதிகளில் சேர்ந்த 500 க்கும் மேற்பட்டோர் கலந்துகொண்டு பயன் பெற்றனர். 

Read more

இறைதூதர் பேரன்களின் தியாகத்தை போற்றும் வகையில், சேலத்தில் இஸ்லாமியர்கள் புலி நடனமாடி நேர்த்திக்கடன்.

சேலம்.

S.K. சுரேஷ்பாபு.

இறைதூதர் பேரன்களின் தியாகத்தை போற்றும் வகையில், சேலத்தில்  இஸ்லாமியர்கள் புலி நடனமாடி நேர்த்திக்கடன்.

இஸ்லாமியர்களின் முக்கிய திருவிழாக்களில் ஒன்றான மொஹரம் திருநாள் உலக இஸ்லாமியர்களால் கடைபிடிக்கப்பட்டு  வருகிறது. இறைதூதர் நபிகள் நாயகத்தின் பேரர்களான ஹசேன் மற்றும் உசேன் கொல்லப்பட்டதை நினைவு கூறும் விதமாகவும், அவர்களது தியாகத்தை போற்றும் வகையில்  கொண்டாடப்படும் இந்த திருநாளையொட்டி சேலத்தில் இஸ்லாமியர்களால் மிரட்சியுடன் கடைபிடிக்கப்பட்டது. 

தியாகத் திருநாளாக கருதப்படும் இந்த மொகரம் விழாவையொட்டி சேலம் கோட்டை சுன்னத் ஜமாத் சார்பில் 80 ஆண்டுகளுக்கும் மேலாக புலி ஆட்டம் நிகழ்ச்சி நடைபெற்றது. ஆண்டுதோறும் சேலத்தில் கலைக்கட்டும் இவ்விழாவானது கோட்டை பகுதியில் உள்ள ஃபிரண்ட்ஸ் மஹாலில் துவங்கிய இந்த புலி ஆட்ட நிகழ்வில் சிறியவர்கள் முதல் பெரியவர்கள் வரை புலிடமிட்டு மேளதாள இசைக்கு ஏற்றவாறு புலி நடனமாடி இறைத்தூதர் நபிகள் நாயகம் அவர்களின் பேரர்கள் தியாகத்தை போற்றினர்.

கோட்டை மற்றும் அதன் சுற்றுவட்டார பகுதிகளின் முக்கிய வீதிகள் வழியாக சென்ற இந்த புலி நடன ஊர்வலமானது இறுதியில் ஃபிரண்ட்ஸ் மஹாலில் நிறைவு பெற்றது. சேலம் கோட்டை சுன்னத் ஜமாத் தலைவர் காதர் தலைமையில் நடைபெற்ற இந்த நிகழ்வில் நிர்வாகிகள் பண்டு, ஷேக் மதார், ஆரிப், பாஷா, அஜீம், யூசுப் மற்றும் ஆசிப் உள்ளிட்ட பலர் கலந்து கொண்டு விழாவிற்கான ஏற்பாடுகளை சிறப்பாக செய்திருந்தனர். இதனை அடுத்து சேலம் கோட்டை சுன்னத் ஜமாத் சார்பில் பிற்பகல் சுமார் ஆயிரத்திற்கும் மேற்பட்டோருக்கு அன்னதானமும் வழங்கப்பட்டன.

Read more

தமிழக விவசாயிகளின் நலன் கருதி 2026 2027 ஆம் ஆண்டு இடைக்கால நிதிநிலை அறிகையில் தென்னை மற்றும் பனை மர கள்ளுக்கு அனுமதி அளிக்க வேண்டும். தவறும் பட்சத்தில் தமிழகம் முழுவதும் உள்ள அரசு டாஸ்மாக் மதுபான கடைகளை அவர்கள் செப்டம்பர் மாதம் 15 ஆம் தேதி தனது தலைமையில் பூட்டு போடும் போராட்டம். தமிழக அரசுக்கு தமிழக விவசாயிகள் சங்க மாநில தலைவர் வேலுச்சாமி எச்சரிக்கை.

சேலம், 

S.K. சுரேஷ்பாபு. 

தமிழக விவசாயிகளின் நலன் கருதி 2026 2027 ஆம் ஆண்டு இடைக்கால நிதிநிலை அறிகையில் தென்னை மற்றும் பனை மரத்தில் இருந்து இரக்கும் கள்ளுக்கு அனுமதி அளிக்க வேண்டும். தவறும் பட்சத்தில் தமிழகம் முழுவதும் உள்ள அரசு டாஸ்மாக் மதுபான கடைகளை  செப்டம்பர் மாதம் 15 ஆம் தேதி தனது தலைமையில் பூட்டு போடும் போராட்டம். தமிழக அரசுக்கு  உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநில தலைவர் வேலுச்சாமி எச்சரிக்கை. 

உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் சார்பில் தமிழக முதலமைச்சர் ஜோசப் விஜய் அவர்களுக்கு அவசர எச்சரிக்கை கடிதம் ஒன்று எழுதப்பட்டுள்ளது. இதில் சங்கத்தின் மாநில தலைவர் வேலுச்சாமி எழுதியுள்ளதாவது, தமிழக விவசாயிகள் தங்களது நிலத்தில் சாகுபடி செய்துள்ள தென்னை மற்றும் பனை மரத்தில் இருந்து இயற்கையான முறையில் கலப்படம் இல்லாமல் பெறப்படும் கள்ளானது உணவில் ஒரு பகுதியாகும். மக்கள் தினமும் பருகி வருகின்றனர்.

அத்தகைய கள்ளுக்கு தமிழக அரசு விதித்துள்ள தடையை நீக்க கோரி பலமுறை உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் சார்பில் தமிழக அரசுக்கு கோரிக்கை வைத்தோம். ஆனால் தமிழக அரசு இதுவரை கள்ளுக்கு உண்டான தடையை நீக்க எந்த விதமான நடவடிக்கையும் எடுக்கவில்லை.‌ தமிழக அரசின் நாட்டுக்கும் மனித உயிருக்கும் ஆபத்தை விலை விக்கும் மதுபானத்தை டாஸ்மாக் கடைகள் மூலமாக  வருவாயை பெருக்கி வருவதில் தான் அதிகப்படியான ஆர்வம் காட்டி வருகிறது. தென்னை மற்றும் மற்றும் பனை மரத்திலிருந்து இறக்கும் கள்ளு மனிதனின் உடலுக்கு ஆரோக்கியமான உணவுப் பொருளாகும். இது ஒரு போதை பொருள் அல்ல தமிழக அரசு கள்ளுக்கு உண்டான கடையை நீக்கினால் பல லட்சம் விவசாயிகள் விவசாய குடும்பங்கள் வாழ்வாதாரம் ஏற்றம் பெறும். 

இதனால் தென்னை மற்றும் பனை மரம் ஏறும் தொழிலாளர்களின் வாழ்வாதாரமும் மேம்படும். தமிழக விவசாயிகளின் நலன் கருதி தென்னை மற்றும் பனை மரத்திலிருந்து இறக்கும் கள்ளுக்கு உண்டான தடையை தமிழக அரசு உடனடியாக நீக்க வேண்டும். தமிழகத்தை சுற்றியுள்ள அண்டை மாநிலங்களில் கள்ளுக்கு தடை இல்லை. தமிழகத்தில் மட்டும் கடந்த 1.1.87 ஆம் ஆண்டு முதல் தமிழக அரசு கள்ளில் கலப்படம் என்று கூறி தடை செய்துள்ளது. எனவே டி வி கே அரசு தமிழக விவசாயிகளின் கோரிக்கையை ஏற்று 2026 - 2027 ஆம் ஆண்டு இடைக்கால நிதிநிலை அறிக்கையின் போது அறிவிப்பு வெளியிட வேண்டும். இது சம்பந்தமாக அறிவிப்பு வெளியிடாவிட்டால், உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் சார்பில் மாநில தலைவர் வேலுச்சாமி ஆகிய எனது தலைமையில் தமிழக முழுவதும் முழுவதும் தமிழக அரசால் நடத்தப்பட்டு வரும் அரசு மதுபான கடைகளுக்கு வரும் செப்டம்பர் 15ஆம் தேதி பூட்டு போடும் போராட்டம் நடத்தப்படும் என உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் சார்பில் இந்த அவசர கடிதம் வாயிலாக தெரிவித்துக் கொள்வதாக மாநில தலைவர் வேலுச்சாமி தமிழக முதலமைச்சர் ஜோசப் விஜய் அவர்களுக்கு போராட்ட எச்சரிக்கை விடுத்துள்ளார். தமிழக முதலமைச்சருக்கு அனுப்பப்பட்ட கடிதத்தின் நகல் மதுவிலக்கு மற்றும் ஆயத்திருவை அமைச்சருக்கும் அனுப்பப்பட்டுள்ளதாகவும் அந்த அவசர கடிதத்தில் வேலுச்சாமி குறிப்பிட்டுள்ளார்.

Read more

சேலம் ஓமலூரில் பணி ஓய்வு பெற்று 13 ஆண்டு காலம் ஆகியும், தாழ்த்தப்பட்ட சமுதாயத்தைச் சேர்ந்த கிராம உதவியாளர் பணி ஓய்வு பெற்று 13 ஆண்டுகளாகியும் ஓய்வூதிய பலன்களை வழங்காமல் ஏமாற்றும் மேட்டூர் சார் ஆட்சியர் மற்றும் ஓமலூர் வட்டாட்சியர். மத்திய மாநில அரசு ஊழியர்கள் கூட்டமைப்பு மற்றும் தேசிய ஒடுக்கப்பட்ட மக்கள் குடியரசு கடும் கண்டனம்.

சேலம், 

S.K. சுரேஷ்பாபு. 

சேலம் ஓமலூரில் பணி ஓய்வு பெற்று 13 ஆண்டு காலம் ஆகியும், தாழ்த்தப்பட்ட சமுதாயத்தைச் சேர்ந்த கிராம உதவியாளர் பணி ஓய்வு பெற்று 13 ஆண்டுகளாகியும் ஓய்வூதிய பலன்களை வழங்காமல் ஏமாற்றும் மேட்டூர் சார் ஆட்சியர் மற்றும் ஓமலூர் வட்டாட்சியர். மத்திய மாநில அரசு ஊழியர்கள் கூட்டமைப்பு மற்றும் தேசிய ஒடுக்கப்பட்ட மக்கள் குடியரசு கடும் கண்டனம். 

சேலம் மாவட்டம் ஓமலூர் சேர்ந்தவர் கோவிந்தராஜ். தாழ்த்தப்பட்ட சமுதாயத்தைச் சார்ந்த இவர் ஓமலூரில் கிராம உதவியாளராக பணியாற்றி கடந்த 2013 ஆம் ஆண்டு பணி ஓய்வு பெற்றார். இவர் பணி ஓய்வு பெற்று 13 ஆண்டு காலம் ஆகியும் தற்பொழுது வரை ஓய்வூதிய பலன்கள் வழங்காமல் மேட்டூர் சார் ஆட்சியரும், ஓமலூர் வட்டாட்சியர் உட்பட வருவாய்த் துறையினர் தொடர்ச்சியாக கோவிந்தராஜை அலைகழித்து வருவதாக குற்றச்சாட்டு எழுந்துள்ளது. இது குறித்து பலமுறை மாவட்ட ஆட்சியர் அலுவலகத்தில் புகார் மற்றும் கோரிக்கை மனு வழங்கியும் தற்போது வரை பாதிக்கப்பட்ட கோவிந்தராஜுக்கு எந்த ஓய்வூதிய பலனும் கிடைக்கவில்லை என்பதால் மத்திய மாநில அரசு ஊழியர் கூட்டமைப்பு மற்றும் தேசிய ஒடுக்கப்பட்ட மக்கள் குடியரசின் தேசிய ஒருங்கிணைப்பாளரான சரஸ்ராம் ரவிராமசாமி அவர்களை கோவிந்தராஜ் சேலம் அஸ்தம்பட்டியில் உள்ள அவரது அலுவலகத்தில் அணுகினார். 

பாதிக்கப்பட்ட கோவிந்தராஜிற்கு தாழ்த்தப்பட்ட சமுதாயத்தினை சேர்ந்தவர் என்ற ஒரே காரணத்திற்காக 13 ஆண்டுகளாக மனப்பலன்கள் ஏதும் கொடுக்காமல் அலைக்கழிக்கப்பட்ட சம்பவம் குறித்து முழுமையாக கேட்டு அறிந்த சரஸ்ராம் ரவிராமசாமி நம்மிடம் கூறுகையில், தமிழகம் முழுவதும் அரசு துறைகளில் பணியாற்றும் எஸ்சி / எஸ்டி, சீர் மரபினர் மற்றும் பட்டியலின சமுதாயத்தை சார்ந்த ஊழியர்களுக்கு பணி பாதுகாப்பு என்பது கேள்விக்குறியாக உள்ளதாகவும், அவர்களுக்கான ஓய்வூதிய பலன் மற்றும் பண பலன்கள் ஏதும் முழுமையாக சென்று சேருவதில்லை என்று குற்றம் சாட்டிய அவர், சேலம் மாவட்டம் ஓமலூர் சேர்ந்த தாழ்த்தப்பட்ட சமுதாயத்தைச் சேர்ந்த கோவிந்தராஜ் என்பவர் கடந்த 2013 ஆம் ஆண்டு கிராம உதவியாளராக பணியாற்றி பணி ஓய்வு பெற்றார். இவருக்கு கிடைக்க வேண்டிய ஓய்வூதிய பலன்கள் முழுவதும் தற்பொழுது வரை கொடுக்காமல் மேட்டூர் சார் ஆட்சியரும் ஓமலூர் வட்டாட்சியரும் தொடர்ச்சியாக அலைகழித்து வருவதோடு மட்டுமல்லாமல் வேண்டுமென்றே பல்வேறு காரணங்களை சுட்டிக்காட்டி இழுத்தடிப்பதாகவும் இதனை தேசிய ஒடுக்கப்பட்ட  மக்கள் குடியரசு வன்மையாக கண்டிப்பதாகவும் தெரிவித்தார். தொடர்ந்து பேசிய சரஸ்ராம் ரவிராமசாமி, இது சம்பந்தமாக சேலம் மாவட்ட ஆட்சியர்,  தேசிய ஒடுக்கப்பட்ட மக்கள் பிரதிநிதிகள் மற்றும் நேஷனல் கமிஷன் ஐ சேர்ந்த ரவிவர்மன்  ஆகியோருக்கு இன்று காலை புகார் கடிதம் அனுப்பப்பட்டுள்ளதாக தெரிவித்த அவர், இதே போல் சேலம் மாவட்டம் மேச்சேரியில் 34 தாழ்த்தப்பட்ட சமுதாயத்தைச் சேர்ந்த வாட்டர் மேன்களுக்கு பாதிப்பு ஏற்பட்டுள்ளதாகவும் இந்த சம்பவங்கள் தொடர்பாக தாழ்த்தப்பட்ட ஆணையத்திற்கு புகார் மனு அனுப்பப்பட்டுள்ளதாக தெரிவித்த அவர், சம்பந்தப்பட்ட தேர்தல் ஆணையம் கடந்த 13 ஆண்டுகளாக தாழ்த்தப்பட்ட சமுதாயத்தை சேர்ந்த ஓய்வு பெற்ற கிராம உதவியாளருக்கு ஓய்வூதிய பலன்களை கொடுக்காமல் ஏமாற்றிய மேட்டூர் சார் ஆட்சியர், ஓமலூர் வட்டாட்சியர் மற்றும் வருவாய் துறை அதிகாரிகள் மீது கடுமையான நடவடிக்கை எடுத்து அவர்கள் மீது வன்கொடுமை தடுப்பு சட்டத்தின் கீழ் நடவடிக்கை எடுக்க வேண்டும் என்றும் கேட்டுக்கொண்டார்.

அப்போது நிர்வாகி அடைக்கலம், பாதிக்கப்பட்ட உட்பட  கோவிந்தராஜ் அவரது  குடும்பத்தார் என பலரும் உடன் இருந்தனர்.

Read more

இளம் தலைவர் ராகுல் காந்தியின் பிறந்தநாள் விழா மாபெரும் இலவச பொது மருத்துவ முகாம். சேலம் மாநகர துணை மேயர் துவக்கி வைத்த இந்த சிறப்பு முகாமில் ஏராளமான ஏழை எளிய மக்கள் கலந்து கொண்டு பயன்.

சேலம், 

S.K. சுரேஷ்பாபு. 

இளம் தலைவர் ராகுல் காந்தியின் பிறந்தநாள் விழா மாபெரும் இலவச பொது மருத்துவ முகாம். சேலம் மாநகர துணை மேயர் துவக்கி வைத்த இந்த சிறப்பு முகாமில் ஏராளமான ஏழை எளிய மக்கள் கலந்து கொண்டு பயன். 

அகில இந்திய தேசிய காங்கிரஸ் கட்சியின் இளம் தலைவரும், நாடாளுமன்ற எதிர்க்கட்சித் தலைவருமான ராகுல் காந்தியின் பிறந்தநாள் விழா காங்கிரஸ் கட்சியினரால் நாடு முழுவதும் இளைஞர்களின் எழுச்சி திருநாளாகவும், ஏழை எளிய மக்களுக்கு பல்வேறு நலத்திட்ட உதவிகள் வழங்கியும் கொண்டாடி மகிழ்ந்து வருகின்றனர். இதன் ஒரு பகுதியாக சேலம் மாநகர் மாவட்ட காங்கிரஸ் கமிட்டியின் சார்பில் கமிட்டியின் பொருளாளர் சஞ்சய் காந்தி ஏற்பாட்டில் மாபெரும் இலவச பொது மருத்துவ முகாம் சேலத்தில் இன்று நடைபெற்றது.

சேலம் விநாயகா மிஷன் கிருபானந்த வாரியார் மருத்துவக் கல்லூரி மருத்துவமனை மற்றும் லோட்டஸ் கண் மருத்துவமனை இன்ஸ்டிடியூட் ஆகியவை இணைந்து நடத்திய இந்த சிறப்பு மருத்துவ முகாமினை சேலம் மாணவர் மாவட்ட காங்கிரஸ் கமிட்டியின் தலைவரும் சேலம் மாநகராட்சி எதிர்க்கட்சித் தலைவருமான திருமதி சாரதா தேவி மாணிக்கம் சிறப்பு அழைப்பாளராக கலந்து கொண்டு முகாமினை துவக்கி வைத்தார். முகாமினை இணைந்து நடத்திய அமைப்புகளின் சிறப்பு மருத்துவர்கள் கலந்து கொண்ட இந்த மாபெரும் இலவச பொது மருத்துவ முகாமில், பார்வை குறைபாடுகள், கண்புரை பரிசோதனை, கண் சர்க்கரை நோய், கண்புரை அறுவை சிகிச்சை உட்பட கண் தொடர்பான அனைத்து பிரச்சனைகளுக்கும், இதே போல ரத்த அழுத்தம், தோல் நோய் பிரச்சனைகள், காது மூக்கு தொண்டை பிரச்சனைகள், இதயம் தொடர்பான பிரச்சனைகள், கர்ப்பகால சிகிச்சை ஆலோசனைகள் உட்பட பொது மருத்துவம் தொடர்பான அனைத்து பிரச்சனைகளுக்கும் சிகிச்சைகளும் ஆலோசனைகளும் வழங்கப்பட்டன. இந்த சிறப்பு மருத்துவ முகாமில் லைன்மேடு, குகை மற்றும் அன்னதானப்பட்டி உட்படு சுற்று பகுதிகளை சேர்ந்த ஏராளமான பொதுமக்களும் ஏழை எளியவர்களும் கலந்து கொண்டு பயன் பெற்று சென்றனர். 

இந்த சிறப்பு முகாம் துவக்க விழாவில், சேலம் மாநகர் மாவட்ட காங்கிரஸ் கமிட்டி நிர்வாகிகள் ராஜ்குமார், கந்தசாமி, நடராஜ், ராஜா, சரவணன்,  வெங்கட்ராஜ், கோபி குமரன், பச்சப்பட்டி பழனிச்சாமி மற்றும் உடையாபட்டி பிரகாஷ் என கட்சியின் முக்கிய நிர்வாகிகளும் தொண்டர்களும் என ஏராளமான கலந்து கொண்டனர்.

Read more

கர்நாடக அரசு மேகதாதுவில் அணை கட்டும் கர்நாடகா அரசின் முயற்சிக்கு எதிராக, தமிழக சட்டப்பேரவையில் கடும் எதிர்ப்பு தெரிவித்து அனைத்துக் கட்சி முழு ஆதரவுடன் தனி தீர்மானம் நிறைவேற்றம்.உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநில தலைவர் வேலுச்சாமி வரவேற்பு.

சேலம்,

S.K. சுரேஷ்பாபு.

கர்நாடக அரசு மேகதாதுவில் அணை கட்டும்  கர்நாடகா அரசின் முயற்சிக்கு எதிராக, தமிழக சட்டப்பேரவையில் கடும் எதிர்ப்பு தெரிவித்து அனைத்துக் கட்சி முழு ஆதரவுடன் தனி தீர்மானம் நிறைவேற்றம்.உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநில தலைவர் வேலுச்சாமி வரவேற்பு. 

தமிழகத்தின் 11 டெல்டா மாவட்டங்களில் ஜீவாதாரமாக விளங்கி வரும் மேட்டூர் அணைக்கான நீர் வரத்தை தடுத்து நிறுத்தும் வகையில், கடந்த பல வருடங்களாக கர்நாடக அரசு மேகதாது பகுதியில் அணைக்கட்டும் முயற்சியில் தீவிரம் காட்டி வருகிறது. இந்த விவகாரம் தொடர்பாக உச்ச நீதிமன்ற தீர்ப்பை ஒரு பொருட்டாகவே எடுத்துக் கொள்ளாமல் கர்நாடகா அரசு தொடர்ந்து தன்னிச்சையாகவே செயல்படுவதற்கு எதிர்ப்பு தெரிவித்து ஏற்கனவே அதிமுக மற்றும் திமுக அரசு களின் சார்பில் பல்வேறு தடுப்பு நடவடிக்கைகளும் அதற்கான முயற்சிகளும் மேற்கொள்ளப்பட்டதோடு அவ்வப்போது சட்டப்பேரவையில் தீர்மானமும் நிறைவேற்றப்பட்டு வந்தன. 

இதனிடையே தமிழக விவசாயிகளின் நலனுக்காக பல்வேறு நடவடிக்கைகளை மேற்கொண்டு வரும் உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் கர்நாடக அரசின் இந்த மேகதாது அணை விவகாரம் தொடர்பாக பல கட்ட போராட்டங்கள் அறிவித்து அதனை முழுமையாக செயல்படுத்தியும் வந்துள்ளது மேலும் இந்த விவகாரம் தொடர்பாக சமீபத்தில், தமிழக விவசாயிகளின் ஒட்டுமொத்த எதிர்ப்பையும் மீறி மேகதாட்டில் அணை கட்டினால் தகர்த்தெறிவோம் என்றும் தமிழகத்தில் விவசாயிகள் போராட்டம் புரட்சி புயலாக உருவாகும் என்று தமிழக விவசாயிகள் சங்கத்தின் மாநிலத் தலைவர் வேலுச்சாமி ஏற்கனவே எச்சரிக்கையை  வெளியிட்டு இருந்தார் என்பது குறிப்பிடத்தக்கது. 

இந்த நிலையில், கர்நாடக அரசின் தமிழகத்தை வஞ்சிக்கும் வகையில் மேகதாட்டில் அணைக்கட்டும் முயற்சியை ஏற்க முடியாது, இதன் காரணமாக காவிரி படுகைகளில் தமிழக அரசால் எந்த ஒரு திட்டப் பணிகளையும் மேற்கொள்ள இயலாது, கர்நாடக அரசின் அணைக்கட்டும் விவகாரத்திற்கு இந்த திட்ட அறிக்கைகளுக்கு மத்திய அரசு ஒப்புதல் வழங்க கூடாது  உள்ளிட்ட பல்வேறு முன்மொழிவுகளை முன்வைத்து தமிழக முதலமைச்சர் ஜோசப் விஜய் இன்று தமிழக சட்டப்பேரவையில் கர்நாடக அரசுக்கு எதிரான தீர்மானத்தை முன்மொழிந்தார். இதனை அடுத்து சட்டப்பேரவையில் இருந்து அனைத்து கட்சி சட்டமன்ற உறுப்பினர்களின் ஒப்புதலுக்கு விடுக்கப்பட்டது. அப்பொழுது பிரதான எதிர்க்கட்சியான திமுக உட்பட அதிமுக என பல்வேறு அரசியல் கட்சி தலைவர்களும் தங்களது கருத்துக்களையும் கோரிக்கைகளையும் முன் வைத்ததோடு தமிழக அரசால் கொண்டுவரப்பட்ட இந்த கர்நாடக அரசுக்கு எதிரான தனி தீர்மானத்திற்கு முழு ஆதரவினை தெரிவித்தனர். இதனை அடுத்து பேசிய தமிழக முதலமைச்சர் ஜோசப் விஜய் தீர்மானம் முன்மொழிந்ததற்கு முழு ஒப்புதல் வழங்கிய அனைத்து சட்டமன்ற உறுப்பினர்களுக்கும்  நன்றியினை தெரிவித்துக் கொண்ட அவர், எதிர்கட்சித் தலைவர் உதயநிதி ஸ்டாலின் அவர்கள் முன்வைத்த பிரத்தியேக தனி நடுவர் மன்றம் அமைக்கும் கோரிக்கையையும் இணைத்து தீர்மானம் நிறைவேற்ற சட்டப்பேரவை தலைவருக்கு பரிந்துரைத்தார். இதனை அடுத்து சட்டப்பேரவை தலைவரால் மேகதாட்டில் அணை கட்டும் விவகாரத்திற்கு எதிராக தமிழக சட்டப்பேரவையில் ஒரு மணமாக தீர்மானம் நிறைவேற்றப்பட்டதாக தெரிவித்தார். 

தமிழக அரசால் இன்று முன்மொழிக்கப்பட்ட  மற்றும் நிறைவேற்றப்பட்ட கர்நாடக அரசுக்கு எதிரான தனி தீர்மானத்திற்கு உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் மாநில தலைவர் வேலுச்சாமி தனது வரவேற்பினையும் ஆதரவணையும் தெரிவித்தார்.

Read more

சோனா கல்வி நிறுவனங்களின் சார்பில் ஆரோக்கியமான முதுமைக்கான யோகா என்ற உலகளவிய தலைப்பை மையமாக கொண்டு சர்வதேச யோகா தின விழா. 1000 கணக்கான மாணவ மாணவிகள் பங்கேற்று அசத்தல்.

சேலம்,

S.K. சுரேஷ்பாபு.

சோனா கல்வி நிறுவனங்களின் சார்பில் ஆரோக்கியமான முதுமைக்கான யோகா என்ற உலகளவிய தலைப்பை மையமாக கொண்டு 

சர்வதேச யோகா தின விழா. 1000 கணக்கான மாணவ மாணவிகள் பங்கேற்று அசத்தல்.

ஆண்டுதோறும் ஜூன் 21ம் தேதி சர்வதேச யோகா தின விழா கடைப்பிடிக்கப்பட்டு வருகிறது. நிகழ்வாண்டு சர்வதேச யோகா தின விழாவை மத்திய அரசின் ஆயுஷ் அமைச்சகம் ஏற்பாடு செய்து வருகிறது. ஆரோக்கியமான முதுமைக்கான யோகா என்ற கருப்பொருளை மையமாக கொண்டு நிகழ்வாண்டு யோகா தின விழா கடைபிடிக்கப்படுகிறது.  இதனைபோற்றும் வகையில் சேலம் சோனா கல்லூயின் விளையாட்டு மைதானத்தில் கொண்டாடப்பட்டது. 

சோனா கல்வி நிறுவனத்தின் துணைத்தலைவர் தியாகுவள்ளியப்பா தலைமையில் நடைப்பெற்ற விழாவில் கல்லூரியின் இயக்குநர் கார்த்திகேயன் சோனா கல்வி நிறுவனங்களின் முதல்வர்கள் செந்தில்குமார், கனகராஜ், காதர்நவாஷ், கவிதா, தர்மசம்வர்த்தினி மற்றும் பேராசிரியர்கள்மற்றும் 1000-த்துகும் மேற்பட்ட  மாணவ மாணவிகள் கலந்து கொண்டனர். ஒவ்வொரு ஆண்டும் ஜூன் 21-ம் தேதி உலகமே ஒன்று சேர்ந்து சர்வதேச யோகா தினத்தை கொண்டாடுகிறது. இந்த உலகளாவிய நிகழ்வு யோகாவின் பண்டைய இந்திய பயிற்சி மற்றும் உடல், மனம் மற்றும் உணர்ச்சி நல்வாழ்வை மேம்படுத்தவும், சுறுசுறுப்பான முதுமையை உறுதிப்படுத்தவும் யோகாவின் பங்கினை இது வலியுறுத்துகிறது என்று சோனா கல்வி நிறுவனத்தின் துணைத்தலைவர் தியாகு வள்ளியப்பா தெரிவித்தார்.

இந்த விழாவில் சோனா கல்வி நிறுவனங்களின் மாணவர்களின் யோகா நடன நிகழ்ச்சி வெகு விமர்சையாக நடைப்பெற்றது. இதனை தொடர்ந்து கல்லூரியின் மாணவ மாணவிகளுக்கு பரிசுகள் மற்றும் சான்றிதழ்களையும் வழங்கி பாராட்டுகளை தெரிவித்தனர்.

Read more