காவிரி நீர் மற்றும் மேகதாது அணை விவகாரம் தொடர்பாக கர்நாடக அரசை கண்டித்து ஆகஸ்ட் 13 முதல், தொடர் போராட்ட அறிவிப்பு எதிரொலி. மயிலாடுதுறை மைசூர் எக்ஸ்பிரஸ் ரயிலை மரிக்க முயன்ற தமிழக விவசாயிகள் சங்கம் மாநிலத் தலைவர் ஆர். வேலுச்சாமி மயிலாடுதுறை தங்கும் விடுதியிலேயே அதிரடி கைது. விவசாயிகளிடையே கொந்தளிப்பை ஏற்படுத்திய இந்த சம்பவத்தை அடுத்து நாகை விவசாயிகளுக்கும், காவல்துறையினருக்கும் இடையே மயிலாடுதுறை ரயில் நிலையத்தில் கடுமையான வாக்குவாதம் ஏற்பட்டதால் பரபரப்பு.

நாமக்கல்,

S.K. சுரேஷ்பாபு.

காவிரி நீர் மற்றும் மேகதாது அணை விவகாரம் தொடர்பாக கர்நாடக  அரசை கண்டித்து ஆகஸ்ட் 13 முதல், தொடர் போராட்ட அறிவிப்பு எதிரொலி. மயிலாடுதுறை மைசூர் எக்ஸ்பிரஸ் ரயிலை மறிக்க முயன்ற தமிழக விவசாயிகள் சங்கம் மாநிலத் தலைவர் ஆர். வேலுச்சாமி மயிலாடுதுறை தங்கும் விடுதியிலேயே அதிரடி கைது. விவசாயிகளிடையே கொந்தளிப்பை ஏற்படுத்திய இந்த சம்பவத்தை அடுத்து நாகை விவசாயிகளுக்கும், காவல்துறையினருக்கும் இடையே  மயிலாடுதுறை ரயில் நிலையத்தில் கடுமையான வாக்குவாதம் ஏற்பட்டதால் பரபரப்பு.

தமிழர்களின் வாழ்வாதாரத்தைப் பெரிதும் பாதிக்கும் வகையில் தொடர் நடவடிக்கையில் ஈடுபட்டு வரும் கர்நாடக அரசுக்கு எச்சரிக்கை விடுக்கும் வகையில், உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநில தலைவர் வேலுச்சாமி அறிக்கையின் வாயிலாக தொடர் போராட்டங்கள் அறிவித்து அறிக்கையின் வாயிலாக கர்நாடக அரசிற்கு தலைவர் வேலுசாமி பகிரங்க எச்சரிக்கை விடுத்து இருந்தார். 

அதில்  கர்நாடகா அணைகளில் தற்போது போதிய தண்ணீர் இருப்பு வைத்துக்கொண்டு தண்ணீர் திறந்து விடாமல் துரோகம் விளைவித்ததற்கு கர்நாடகா அரசுக்கு பதிலடி கொடுக்கும் வகையில் உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் எனது தலைமையில் வருகின்ற 13 ந் தேதி அன்று முதல் கர்நாடகாவில் இருந்து தமிழகம் மற்றும்  கேரளா செல்லும் சரக்கு மற்றும் பயணிகள் இரயில்கள் மேலும்  தமிழகம் மற்றும் கேரளாவில் இருந்து கர்நாடகாவிற்கு செல்லும் சரக்கு மற்றும் பயணிகள் இரயில்கள் போக்குவரத்தை முற்றிலும் முடக்குவோம். மேலும் தமிழகம் வழியாக கர்நாடகா செல்லும் எரிவாயு மற்றும் தமிழகத்தில் இருந்து உற்பத்தி செய்து கர்நாடகா செல்லும் மின்சாரம் உட்பட அத்தியாவசிய தேவைகள் அனைத்தும் உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் சார்பில் தமிழகத்தில் பலகட்ட தொடர் போராட்டம் வாயிலாக கர்நாடகாவில்  உள்ள தொழில்வளம் பாதிக்கும் வகையில் முடக்கி காட்டுவோம் என்பதை கர்நாடகா அரசுக்கு இந்த அறிக்கையின் வாயிலாக எச்சரிக்கை  என்று இந்த அறிக்கையின் வாயிலாக கர்நாடக அரசுக்கு பகிரங்க எச்சரிக்கையினை வேலுசாமி அறிவித்து இருந்தார். 

அதனை செயல்படுத்தும் விதமாக முதற்கட்ட போராட்டமாக மயிலாடுதுறையில் இருந்து மைசூர் செல்லும் எக்ஸ்பிரஸ் ரயிலை மறிக்க நடவடிக்கை எடுத்து இருந்த நிலையில்  நேற்று மயிலாடுதுறை தங்குமிடுதியில் தங்கி இருந்த தமிழக விவசாயிகள் சங்க மாநில தலைவர் வேலுச்சாமி தலைமையிலான விவசாயிகளை இது குறித்து தகவல் அறிந்த காவல்துறையினர் தங்கும் விடுதியிலேயே சிறை பிடித்தனர். மேலும் தமிழக விவசாயிகள் சங்கத் தலைவர் வேலுச்சாமி உள்ளிட்ட விவசாயி சங்க பிரதிநிதிகள் கைது செய்யப்பட்டது குறித்து வெளியில் தகவல் கசியாமல் இருக்க விவசாய பெருங்குடி மக்களின் கைபேசிகளையும் காவல்துறையினர் பறிமுதல் செய்ததாக தெரிகிறது. என்றாலும் இது குறித்து தகவல் அறிந்த மயிலாடுதுறை மற்றும் நாகை விவசாய சங்க பிரதிநிதிகள் மயிலாடுதுறை ரயில் நிலையத்தை முற்றுகையிட்டு போராட்டம் மேற்கொண்டனர். 

மேலும் மயிலாடுதுறை மைசூர் எக்ஸ்பிரஸ் ரயிலை மறிக்க ரயில் நிலையம் உள்ளே நுழைய முயன்ற போது காவல்துறையினருக்கும் விவசாய பெருங்குடி மக்களுக்கும் இடையே கடுமையான தள்ளுமுள்ளு மற்றும் கடுமையான வாக்குவாதம் ஏற்பட்டதால் மயிலாடுதுறை ரயில் நிலையத்தில் மிகப்பெரிய பரபரப்பு காணப்பட்டது. இதனை எடுத்து எக்ஸ்பிரஸ் ரயிலை மறிக்க முயன்ற மயிலாடுதுறை மற்றும் நாகை விவசாயிகளையும் ஏற்கனவே முன்கூட்டியே முன்னெச்சரிக்கையின் நடவடிக்கையாக கைது செய்யப்பட்டு இருந்து தமிழக விவசாயிகள் சங்க மாநிலத் தலைவர் வேலுச்சாமி உள்ளிட்ட முக்கிய நிர்வாகிகளும் மாலை ஏழு மணிக்கு பிறகு விடுவிக்கப்பட்டனர். தமிழக விவசாய பெருங்குடி மக்களின் நலனுக்காகவும் அவர்களது உரிமைகளுக்காகவும் போராட்டம் அறிவித்து காவல்துறையினரால் சிறைபிடிக்கப்பட்ட தமிழக விவசாயிகள் சங்க தலைவர் உள்ளிட்ட சங்க நிர்வாகிகள் கைது செய்யப்பட்ட விவகாரம் தமிழக விவசாயிகளிடையே மிகப் பெரிய கொந்தளிப்பை ஏற்படுத்தி உள்ளது என்பது மட்டும் நிதர்சனம். என்றாலும் உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் முன் எடுத்துள்ள கர்நாடக அரசுக்கு எதிரான தொடர் போராட்டம் திட்டமிட்டபடி நடந்தே தீரும் என்று தமிழக விவசாயிகள் சங்க மாநிலத் தலைவர் வேலுச்சாமி திட்டவட்டமாக தெரிவித்துள்ளார்.

Read more

அரசு ஊழியர்களுக்கு இணையான சலுகைகள் வழங்கிட வேண்டும் என்பன உள்ளிட்ட 14 அம்ச கோரிக்கைகளை வலியுறுத்தி சேலம் மாவட்ட டாஸ்மாக் தொழிலாளர் முன்னேற்ற சங்கத்தினர் கவன ஈர்ப்பு ஆர்ப்பாட்டம்.

சேலம், 

S.K. சுரேஷ்பாபு. 

அரசு ஊழியர்களுக்கு இணையான சலுகைகள் வழங்கிட வேண்டும் என்பன உள்ளிட்ட 14 அம்ச கோரிக்கைகளை வலியுறுத்தி சேலம் மாவட்ட டாஸ்மாக் தொழிலாளர் முன்னேற்ற சங்கத்தினர் கவன ஈர்ப்பு ஆர்ப்பாட்டம். 

14 அம்ச கோரிக்கைகளை வலியுறுத்தி டாஸ்மாக் ஊழியர்களின் கோரிக்கைகளை வலியுறுத்தி தமிழக அரசு மற்றும் டாஸ்மாக் நிர்வாகத்தை கண்டித்து மாபெரும் கவன ஈர்ப்பு கோரிக்கை ஆர்ப்பாட்டம் சேலம் மாவட்டம் சந்தியூரில் உள்ள டாஸ்மாக் மாவட்ட மேலாளர் அலுவலகம் முன்பு நடைபெற்றது. 

மாவட்ட கவுன்சில் செயலாளர் பொன்னி பழனியப்பன் ஏடிசி தொழிற்சங்க செயலாளர் மற்றும் டாஸ்மாக் கூட்டுக் குழு சார்பாக LPF CIt VC பாட்டாளி மக்கள் கட்சி விற்பனையாளர் தொழிற்சங்கம் ஆகிய தொழிற்சங்க பிரதிநிதிகள் கலந்து கொண்ட இந்த ஆர்ப்பாட்டத்தில், மதுபான சில்லறை விற்பனை பணியாளர்களுக்கு பணி நிரந்தரம் காலமுறை ஊதியம் அரசு பணியாளர்களுக்கு இணையான சலுகைகள் வழங்கிட வேண்டும், மதுபான விற்பனையை தனியார் மயமாக்கும் முயற்சியை தமிழக அரசு கைவிட வேண்டும் மற்றும் ஆன்லைன் மது விற்பனை முறையை தமிழக அரசு கைவிட வேண்டும் என்பன உள்ளிட்ட 14 முக்கிய கோரிக்கைகளை வலியுறுத்தி முழக்கங்களை எழுப்பினர். தொடர்ந்து தங்களது 14 அம்ச கோரிக்கைகள் குறித்தும் நடைபெற உள்ள சட்டமன்ற கூட்டத் தொடரிலேயே அறிவிக்க வேண்டும் என்ற கோரிக்கை படிவத்தை சங்கத்தின் முக்கிய நிர்வாகிகள் டாஸ்மாக் மாவட்ட மேலாளரிடம் வழங்கினார்.

இந்த போராட்டம் குறித்து சேலம் மாவட்ட டாஸ்மாக் தொழிலாளர்கள் முன்னேற்ற சங்கத்தின் மாவட்ட தலைவரும், தொ.மு.ச தலைமை செயற்குழு உறுப்பினருமான ஜம்பு செய்தியாளர்களிடம் கூறும்போது, தமிழக அரசின் டாஸ்மாக் பணியாளர்களின் 14 முக்கிய அம்ச கோரிக்கைகளை வலியுறுத்தி தற்பொழுது ஆர்ப்பாட்டம் நடத்தப்பட்டுள்ளதாகவும், தங்களது பல்வேறு கோரிக்கைகளை நடைபெற்றுக் கொண்டிருக்கும் சட்டமன்ற கூட்ட தொடரிலேயே நிறைவேற்ற தமிழக அரசையும் டாஸ்மாக் நிர்வாகத்தையும் வலியுறுத்துவதாக கூறினார்.  இந்த கவன ஈர்ப்பு கோரிக்கை முழக்க ஆர்ப்பாட்டத்தில் சேலம் மாவட்டத்தில் உள்ள அனைத்து டாஸ்மாக் பணியாளர்கள் மற்றும் அனைத்து சங்க நிர்வாகிகள், உறுப்பினர்கள் திரளானோர் கலந்து கொண்டனர்.

Read more

ஆகஸ்ட் 15, சுதந்திர தினத்தன்று மாபெரும் தொடர் வந்தே பாரத் இரயில் மறியல் போராட்டம். காவிரி உரிமையை மீட்டெடுக்க கர்நாடகா அரசுக்கு தமிழக விவசாயிகள் சங்கம் மாநிலத் தலைவர் வேலுச்சாமி அதிரடி எச்சரிக்கை.

நாமக்கல்,

S.K. சுரேஷ்பாபு.

ஆகஸ்ட் 15, சுதந்திர தினத்தன்று மாபெரும் தொடர்  வந்தே பாரத்  இரயில் மறியல் போராட்டம். காவிரி உரிமையை மீட்டெடுக்க கர்நாடகா அரசுக்கு தமிழக விவசாயிகள் சங்கம் மாநிலத் தலைவர் வேலுச்சாமி அதிரடி எச்சரிக்கை.

மேகதாது அணை விவகாரம் மற்றும் காவிரி நீர் பங்கிட்டு பிரச்சினை தொடர்பாக பல்வேறு போராட்டங்களை முன்னெடுத்து வருகின்றது உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம். அந்த வகையில் இந்திய திருநாட்டின் சுதந்திர தினமான ஆகஸ்ட் 15ஆம் தேதி வந்தே மாதரம் ரயில் மறியல் போராட்டத்தினை பகிரங்கமாக அறிவித்துள்ளார் அந்த சங்கத்தின் மாநில தலைவர் வேலுச்சாமி செய்திக் குறிப்பின் வாயிலாக. அதில்,.

கர்நாடகா அரசு தமிழ்நாட்டிற்கு உண்டான காவிரி உரிமை உயிர் பங்கீட்டு தண்ணீரை ஆண்டுதோறும் தொடர்ந்து காவிரியில் திறந்துவிட மறுத்து வருகிறது.மேலும்  தமிழ்நாடு விவசாயிகளின் வாழ்வாதாரத்தை முற்றிலும் பாதிப்பை ஏற்படுத்தும்  நோக்கத்தோடு  கர்நாடகா அரசு காவிரி ஆற்றின் குறுக்கே மேகதாட்டில் அணை கட்டும் முயற்ச்சி தொடர்ந்து மேற்கொண்டு வருகிறது. கர்நாடகா அரசு தமிழ்நாட்டிற்கு எதிராக செயல்பட்டு வருவதை அதை  முறியடிக்கும் வகையில் தமிழ்நாடு மற்றும் கர்நாடகா பகுதியில் இருந்து இருமார்கமாக வரும் வந்தே பாரத் அதிவிரைவு ரயிலை வருகின்ற ஆகஸ்ட் 15 ந் தேதி சுந்திர தினத்தன்று உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் சார்பில் எனது தலைமையில் தமிழக விவசாயிகளை மிகப்பெரிய அளவில் ஒன்று திரட்டி ‌தமிழகத்தில் ரயில் மறியல் தொடர் போராட்டம் நடைபெறும் என உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் சார்பில் கர்நாடகா அரசுக்கு இந்த அறிக்கையின் மூலம் எச்சரிக்கை விடுக்கிறேன் என்று அந்த சங்கத்தின் மாநில தலைவர். வேலுச்சாமி எச்சரித்துள்ளார்.

Read more

பெருந்தலைவர் காமராஜர் உணவு திட்டம் என்று அறிவித்த தமிழக முதல்வருக்கு நன்றி. இலட்சோப லட்ச நன்றிகளை தெரிவித்து சேலம் மாநகரம் முழுவதும் காங்கிரஸ் கட்சியின் மாநில பொதுக்குழு உறுப்பினர் பச்சைப்பட்டி பழனிச்சாமி சுவரொட்டிகள்.

சேலம்,

S.K.சுரேஷ்பாபு.

பெருந்தலைவர் காமராஜர் உணவு திட்டம் என்று அறிவித்த தமிழக முதல்வருக்கு நன்றி. இலட்சோப லட்ச நன்றிகளை தெரிவித்து சேலம் மாநகரம்  முழுவதும் காங்கிரஸ் கட்சியின் மாநில பொதுக்குழு உறுப்பினர் பச்சைப்பட்டி பழனிச்சாமி சுவரொட்டிகள். 

முதல்வரின் காலை உணவு திட்டத்தை பெருந்தலைவர் காமராஜர் அவர்களின் காலை உணவு திட்டம் என்று பெயர் மாற்றி பெருந்தலைவர் கல்வி சேவைக்கு உரிய மதிப்பளித்து இந்த திட்டத்தை அறிவித்த தமிழக முதல்வர் மாண்புமிகு திரு ஜோசப் விஜய் அவர்களுக்கு லட்சோப லட்ச காங்கிரஸ் தொண்டர்கள் சார்பாக நெஞ்சம் நிறைந்த நன்றிகளையும் வாழ்த்துகளையும் தெரிவித்து  நன்றி போஸ்ட் தமிழ்நாடு காங்கிரஸ் கமிட்டி மாநில பொதுக்குழு உறுப்பினர் பச்சப்பட்டி பழனிசாமி மற்றும் சேலம் மாநகர் மாவட்ட காங்கிரஸ் 40 வது டிவிசன் தலைவர் P.வெங்கடேஷ் ஆகியோர் இணைந்து, சேலம் மாநகரம் முழுவதும் போஸ்டர் விளம்பரங்கள் அடித்து ஒட்டி உள்ளார். 

அந்த சுவரொட்டிகளில் 

பசி இல்லா காலை...

கல்வி நிறைந்த நாளை...

பெருந்தலைவர் காமராஜர் வழியில், எதிர்காலம் நம்முடையதாக இருக்கட்டும் என்றும் அச்சிடப்பட்டிருந்தது. 

Read more

சேலம் மாவட்ட தன்னார்வலர்கள் அறிமுக விழா மற்றும் சுற்றுச்சூழல் விழிப்புணர்வு நிகழ்ச்சி. விழாவில் சுற்றுச்சூழல் மாதத்தை முன்னிட்டு 3000 மரக்கன்றுகள் பொதுமக்களுக்கு வழங்கப்பட்டது.

சேலம்,

S. K.சுரேஷ்பாபு.

சேலம் மாவட்ட தன்னார்வலர்கள் அறிமுக விழா மற்றும் சுற்றுச்சூழல் விழிப்புணர்வு நிகழ்ச்சி. விழாவில் சுற்றுச்சூழல் மாதத்தை முன்னிட்டு 3000 மரக்கன்றுகள் பொதுமக்களுக்கு வழங்கப்பட்டது.

சேலம் மாவட்டம் கருப்பூரில் அமைந்துள்ள பெரியார் பல்கலைக்கழகத்திற்கு எதிரில் உள்ள பத்மவாணி மகளிர் கலை மற்றும் அறிவியல் கல்லூரியில் வி த லீடர்ஸ் சார்பில்  சேலம் மாவட்ட தன்னார்வலர்கள் அறிமுக விழாவும் சுற்றுலா சூழல் விழிப்புணர்வு நிகழ்ச்சியும் நடைபெற்றது. நிகழ்ச்சியில் சிறப்பு விருந்தினர்களாக வீத லீடர்ஸ் கோவை தன்னார்வலர் பாலாஜி உத்தம ராமசாமி, கோவை குளங்களின் பாதுகாவலர் மணிகண்டன், அத்திக்கடவு அவிநாசி திட்டம் சுப்பிரமணியன், நொய்யல் ஆறு அறக்கட்டளை அரசூர் அசோகன், சிப்காட் எதிர்ப்பு போராட்ட குழு மகேஸ்வரி, சத்தியமங்கல காடுகள் ஆராய்ச்சி மாணவி செல்வி ஹரி ராஜஸ்ரீ, அனாதை பிணங்களின் பிதாமகன் மேட்டூர் கணேசன் ஆகியோர் கலந்து கொண்டனர். முன்னதாக தமிழ்த்தாய் வாழ்த்தோடு சேலம் எஸ் கே எஸ் மருத்துவமனை வழங்கிய இலவச பொது மருத்துவ முகாம் துவக்க விழாவும், மாருதி ரத்த வங்கி வழங்கிய இலவச ரத்ததான முகாமும், அரவிந்த் கண் மருத்துவமனை வழங்கிய இலவச கண் பரிசோதனை முகாமும், வள்ளி மருத்துவமனை வழங்கிய எலும்பியல் மருத்துவ முகாமும் நடைபெற்றது.

அதைத்தொடர்ந்து குத்து விளக்கு ஏற்றல் நிகழ்வும், பாரம்பரிய கலை நிகழ்ச்சிகளும் நடைபெற்றது. வீ த லீடர்ஸ்-ன் தலைமை சேவகர்  திரு. அண்ணாமலை அவர்களின் அறிவுறுத்தல் படி ஆகஸ்ட் மாதத்திற்கான சுற்றுச்சூழல் விழிப்புணர்வு உறுதிமொழியினை தன்னார்வலர்கள் அனைவரும் ஏற்றுக் கொண்டனர். தொடர்ந்து தீர்மானங்களை முன்மொழிந்து அதை நிறைவேற்றினர். விழாவில் சிறப்பு விருந்தினர்களாக கலந்து கொண்ட பாலாஜி உத்தம ராமசாமி, கோவை குளங்களின் பாதுகாவலர் மணிகண்டன்  ஆகியோர் சிறப்புரை ஆற்றினர்.

இந்த நிகழ்ச்சியில் சேலம் மாவட்டத்தைச் சேர்ந்த தன்னார்வலர்களும் பொதுமக்களும் சுமார் 900 பேர் கலந்து கொண்டனர். நிகழ்வில் கலந்து கொண்ட அனைத்து தன்னார்வலர்கள் பொது மக்களுக்கும் இலவச மதிய உணவு வழங்கப்பட்டது. நிகழ்ச்சிக்கான ஏற்பாடுகளை சேலம் மாவட்ட தன்னார்வலர்கள் சிறப்பாக செய்திருந்தனர்.விழாவில் சுற்றுச்சூழல் மாதத்தை முன்னிட்டு 3000 மரக்கன்றுகள் பொதுமக்களுக்கு வழங்கப்பட்டது.

Read more

காவிரி நீர் மற்றும் மேகதாது அணை விவகாரம் தொடர்பாக கர்நாடக அரசை கண்டித்து ஆகஸ்ட் 13 முதல், கர்நாடகாவில் உள்ள தொழில் வளங்களைப் பாதிக்கும் வகையிலான தீவிர தொடர் போராட்டம். தமிழக விவசாயிகள் சங்கம் மாநிலத் தலைவர் ஆர். வேலுச்சாமி கடும் எச்சரிக்கை.

நாமக்கல், 

S.K. சுரேஷ்பாபு.

காவிரி நீர் மற்றும் மேகதாது அணை விவகாரம் தொடர்பாக கர்நாடக  அரசை கண்டித்து ஆகஸ்ட் 13 முதல்,  கர்நாடகாவில் உள்ள தொழில் வளங்களைப் பாதிக்கும் வகையிலான தீவிர தொடர் போராட்டம். தமிழக விவசாயிகள் சங்கம் மாநிலத் தலைவர் ஆர். வேலுச்சாமி கடும் எச்சரிக்கை.

தமிழர்களின் வாழ்வாதாரத்தைப் பெரிதும் பாதிக்கும் வகையில் தொடர் நடவடிக்கையில் ஈடுபட்டு வரும் கர்நாடக அரசுக்கு எச்சரிக்கை வெடிக்கும் வகையில், உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநில தலைவர் வேலுச்சாமி அறிக்கையின் வாயிலாக தொடர் போராட்டங்கள் அறிவித்து அறிக்கையின் வாயிலாக கர்நாடக அரசிற்கு தலைவர் வேலுசாமி பகிரங்க  எச்சரிக்கை விடுத்துள்ளார். 

அந்த அறிக்கையில், கர்நாடகா அரசு தமிழ்நாட்டிற்கு உண்டான காவிரி உரிமை உயிர் பங்கீட்டு தண்ணீரை தர தொடர்ந்து மறுத்துள்ளது. காவிரி  உரிமை உயிர் பங்கீட்டு தண்ணீரை தமிழ்நாட்டிற்கு    உச்சநீதிமன்றம் ஏற்கனவே உத்தரவு பிறபித்தும் மற்றும் காவிரி மேலாண்மை ஆணைய நடத்திய 54 கூட்டம் நடத்தப்பட்டதில் அதில் தமிழ்நாட்டிற்கு உண்டான காவிரி உரிமை உயிர் பங்கீட்டு தண்ணீரை கர்நாடகா அரசு திறந்துவிட வேண்டும் என பலமுறை உத்தரவு பிறப்பித்தும் உச்சநீதிமன்றம் மற்றும் காவிரி மேலாண்மை ஆணையம் பிறப்பித்த உத்தரவையும் மதிக்காமலும் அதேபோல் தமிழ்நாட்டின் உரிமையை பரிக்கும் வகையில் காவிரியின் குறுக்கே மேகதாட்டில் அணை கட்டும் முயற்சியை  மேற்கொள்ளும் அடாவடி தனமாக கர்நாடகா அரசு  தமிழ்நாட்டிற்கு எதிராக செயல்படுகிறது.

இந்த ஆண்டு தமிழ்நாட்டில் கடுமையான வறட்சி ஒருபுறம் கர்நாடகா அணைகளில் தற்போது போதிய அளவு தண்ணீர் இருப்பு வைத்துக்கொண்டு தமிழ்நாட்டிற்கு உண்டான காவிரி உரிமை உயிர் பங்கீட்டு தண்ணீரை கர்நாடகா அரசு காவிரியில் தண்ணீர் திறந்து விடாததால் காவிரி டெல்டாவில் குறுவை சாகுபடி இந்தாண்டு முற்றிலும் பாசன வசதி இல்லாமல் பொய்த்து விட்டது.  தமிழ்நாட்டிற்கு உண்டான காவிரி உரிமை உயிர் பங்கீட்டு தண்ணீரை கர்நாடகா அணைகளில் தற்போது போதிய தண்ணீர் இருப்பு வைத்துக்கொண்டு தண்ணீர் திறந்து விடாமல் துரோகம் விளைவித்ததற்கு கர்நாடகா அரசுக்கு பதிலடி கொடுக்கும் வகையில் உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் எனது தலைமையில் வருகின்ற 13 ந் தேதி அன்று முதல் கர்நாடகாவில் இருந்து தமிழகம் மற்றும்  கேரளா செல்லும் சரக்கு மற்றும் பயணிகள் இரயில்கள் மேலும்  தமிழகம் மற்றும் கேரளாவில் இருந்து கர்நாடகாவிற்கு செல்லும் சரக்கு மற்றும் பயணிகள் இரயில்கள் போக்குவரத்தை முற்றிலும் முடக்குவோம். மேலும் தமிழகம் வழியாக கர்நாடகா செல்லும் எரிவாயு மற்றும் தமிழகத்தில் இருந்து உற்பத்தி செய்து கர்நாடகா செல்லும் மின்சாரம் உட்பட அத்தியாவசிய தேவைகள் அனைத்தும் உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் சார்பில் தமிழகத்தில் பலகட்ட தொடர் போராட்டம் வாயிலாக கர்நாடகாவில்  உள்ள தொழில்வளம் பாதிக்கும் வகையில் முடக்கி காட்டுவோம் என்பதை கர்நாடகா அரசுக்கு இந்த அறிக்கையின் வாயிலாக எச்சரிக்கை விடுக்கிறேன் என்று இந்த அறிக்கையின் வாயிலாக கர்நாடக அரசுக்கு எச்சரிக்கை விடுவதாக பகிரங்க எச்சரிக்கையினை வேலுசாமி அறிவித்துள்ளார்.

Read more

மத்திய சட்டக் கல்லூரியில் நடைபெற்ற நிறைவு விழாவுடன் 2026 உள்ளக மாதிரி நீதிமன்ற சாம்பியன்ஷிப் போட்டி நிறைவடைந்தது. மூத்த சட்ட வல்லுநர்கள் வெற்றிபெற்ற நீதிமன்ற உத்திகளைப் பகிர்ந்துகொண்டதோடு, சிறப்பாகச் செயல்பட்ட மாணவர்களுக்குப் பரிசுகளையும் வழங்கினர்.மூத்த வழக்கறிஞர் திரு. ஏ. துரைசாமி அவர்களைக் கௌரவிக்கும் வகையிலும், அவரது நினைவாகவும் மொத்தம் ரூ. 22,500 ரொக்கப் பரிசு வழங்கப்பட்டது.

சேலம்,

S.K.சுரேஷ்பாபு.

மத்திய சட்டக் கல்லூரியில் நடைபெற்ற நிறைவு விழாவுடன் 2026 உள்ளக மாதிரி நீதிமன்ற சாம்பியன்ஷிப் போட்டி நிறைவடைந்தது. மூத்த சட்ட வல்லுநர்கள் வெற்றிபெற்ற நீதிமன்ற உத்திகளைப் பகிர்ந்துகொண்டதோடு, சிறப்பாகச் செயல்பட்ட மாணவர்களுக்குப் பரிசுகளையும் வழங்கினர்.

மூத்த வழக்கறிஞர் திரு. ஏ. துரைசாமி அவர்களைக் கௌரவிக்கும் வகையிலும், அவரது நினைவாகவும் மொத்தம் ரூ. 22,500 ரொக்கப் பரிசு வழங்கப்பட்டது.

சேலம் மத்திய சட்டக் கல்லூரியில் கடந்த இரண்டு நாட்களாக நடைபெற்று வந்த சி.எல்.சி உள்ளக மாதிரி நீதிமன்ற சாம்பியன்ஷிப் போட்டிக்கான பரிசளிப்பு விழா இன்று கல்லூரி அரங்கில் நடைபெற்றது. கடந்த இரண்டு நாட்களாகப் பல்வேறு சுற்றுகளாக நடத்தப்பட்ட இந்தப் போட்டியில், கல்லூரியின் 49 அணிகளிலிருந்து சுமார் 147 மாணவர்கள் பங்கேற்றனர்.  பரிசளிப்பு விழாவிற்கு கல்லூரியின் தலைவர் திரு. சரவணன் தனபாலன் தலைமை தாங்கினார். சென்னை உயர் நீதிமன்றத்தின் சிறப்பு அரசு வழக்கறிஞர் திரு. இளம்வழுதி, சென்னை உயர் நீதிமன்றத்தின் மூத்த வழக்கறிஞர் திரு. டி. சிவகுமார் மற்றும் வழக்கறிஞர் திரு. ஆர். ராமசுந்தர் ஆகியோர் சிறப்பு விருந்தினர்களாக இந்நிகழ்வில் கலந்து கொண்டனர். சேலம் மத்திய சட்டக் கல்லூரியின் தலைவர் திரு. சரவணன் தனபாலன் தலைமைரை ஆற்றினார். இப்போட்டிக்கான மாதிரி வாத முன்மொழிவு, கட்சித் தாவல் தடைச் சட்டம், மக்கள் பிரதிநிதித்துவச் சட்டம் மற்றும் இந்திய அரசியலமைப்புச் சட்டம் ஆகியவற்றின் விதிகளை உள்ளடக்கித் தயாரிக்கப்பட்டதாக அவர் குறிப்பிட்டார். சமீபத்திய அரசியல் நிகழ்வுகள் மற்றும் அவற்றுடன் தொடர்புடைய சட்ட விதிகள் குறித்த புரிதலை உருவாக்கும் நோக்கில் நடத்தப்பட்ட இப்போட்டியில், பெருமளவில் (147 மாணவர்கள்—84 பெண் மற்றும் 63 ஆண் மாதிரி வாதப் போட்டியாளர்கள்—குறிப்பிடத்தக்க வகையில் 86 பேர் முதல் முறையாகப் பங்கேற்றவர்கள்) பங்கேற்ற மாணவர்களைப் பாராட்டி அவர் தனது உரையைத் தொடர்ந்தார்.  மேலும், மாணவர்கள் நாளை வழக்கறிஞர்களாகப் பதிவுசெய்து நீதிமன்றங்களில் வாதிடும்போது, ​​நீதிபதிகள் கேள்விகள் எழுப்பும் போது அமைதியாக இருக்கும் குணத்தையும், தெளிவாகப் பதிலளிக்கும் பண்பையும் வளர்த்துக் கொள்ள வேண்டும் என்றும், எதிர்காலச் சிறப்பை உறுதிசெய்ய இது போன்ற மாதிரி நீதிமன்றப் போட்டிகள் மூலம் இப்பண்பை வளர்த்துக் கொள்ள வேண்டும் என்றும் அவர் அறிவுறுத்தினார்.

நிறைவுரை ஆற்றிய சென்னை உயர் நீதிமன்றத்தின் சிறப்பு அரசு வழக்கறிஞர் திரு. இளம்வழுதி, மாணவர்கள் சட்டப் பாடங்களை நடப்பு நிகழ்வுகளுடன் தொடர்புபடுத்திப் படிப்பது அவசியம் என்று கூறித் தனது உரையைத் தொடங்கினார். சட்டப் புத்தகங்களைப் படிப்பதால் மட்டுமே ஒருவர் முழுமையான வழக்கறிஞராக ஆகிவிட முடியாது என்றும், இந்தத் தலைமுறை தினமும் செய்தித்தாள்களைப் படிப்பதன் அவசியத்தை உணர வேண்டும் என்றும் அவர் வலியுறுத்தினார். மனுநீதி சோழனின் கதை மற்றும் கம்பராமாயணம் போன்ற இதிகாசங்களை மேற்கோள் காட்டி, தமிழர்களின் அறநெறி வாழ்க்கைக் கொள்கைகளை மாணவர்களுடன் சுவாரஸ்யமாகப் பகிர்ந்துகொண்டார். ஒரு வழக்கறிஞருக்கு, நீதிபதியின் கேள்வியைத் தெளிவாகப் புரிந்துகொள்வது, இரண்டு வினாடிகளுக்குள் உடனடியாகச் சிந்திப்பது, மற்றும் இரண்டு நிமிடங்களுக்குள் நீதிபதிக்கு விளக்கம் அளிப்பது ஆகியவை முக்கியமான திறன்கள் என்றும் அவர் கூறினார். இக்கலையில் தேர்ச்சி பெறுவது அவர்களைப் பெரும் உயரங்களை அடைய உதவும் என்று குறிப்பிட்டு, மாணவர்களை வாழ்த்தி அவர் தனது உரையை நிறைவு செய்தார்.

சட்டப் பயிற்சிக்கான முக்கியத் திறன்கள் குறித்துப் பேசிய திரு. ராம்சுந்தர், வாய்மொழி வாதத்தில் உள்ள பொதுவான குறைபாடுகளைச் சுட்டிக்காட்டினார். குறிப்பாக, மாணவர்கள் தங்கள் வாதங்களின் போது, ​​உச்ச நீதிமன்றம் மற்றும் உயர் நீதிமன்றங்களின் முன்னுதாரணங்களை வெறுமனே மேற்கோள் காட்டக்கூடாது என்று அறிவுறுத்தினார். அதற்குப் பதிலாக, அவர்கள் ஆழ்ந்த ஆராய்ச்சி செய்து, தாங்கள் கற்றவற்றைத் தொகுத்து, தங்களது சொந்த பாணியில் சுதந்திரமாக வாதங்களை முன்வைக்க வேண்டும்.

வழக்கறிஞர் திரு. சிவகுமாரன், பெண்களின் அதிகப் பங்கேற்பை, பெண்கள் அதிகாரமளித்தலின் ஓர் அடையாளமாகப் பாராட்டினார். விவாதப் போட்டிகள், கல்விசார் கோட்பாட்டையும் நீதிமன்ற நடைமுறையையும் இணைப்பதாகவும், நீதிபதிகளின் கேள்விகளுக்குப் பதிலளிப்பது, முதல் 30 வினாடிகளுக்குள் தாக்கத்தை ஏற்படுத்துவது, ஆங்கிலத்தில் தேர்ச்சி பெறுவது மற்றும் நெறிமுறைகளைப் பேணுவது போன்ற முக்கியப் பாடங்களை வழங்குவதாகவும் அவர் வலியுறுத்தினார். விருதுகள் மற்றும் நிறுவன ரொக்கப் பரிசுகள் வழங்குதலுடன் விழா நிறைவடைந்தது.  

சிறப்பு அரசு வழக்கறிஞர் திரு. இளம்வலூதி, (கிருத்திகா எஸ், லலித் கே எஸ், மற்றும் ரிஜு எஸ் வி) ஆகியோரை வெற்றியாளர்களாகவும் (₹15,000 ரொக்கப் பரிசு), (சீதா எஸ், முகமது சஃபி எம், மற்றும் அஞ்சுஸ்ரேயா ஜி) ஆகியோரை இரண்டாம் இடத்தைப் பிடித்தவர்களாகவும் (₹7,500 ரொக்கப் பரிசு) அறிவித்தார். இந்தப் ரொக்கப் பரிசுகள், வழக்கறிஞர் திரு. சிவகுமாரன் அவர்களால், அவரது தந்தையும், சேலம் மற்றும் நாமக்கல் மாவட்டத்தின் சிரேஷ்ட வழக்கறிஞரும், முன்னாள் அரசு வழக்கறிஞருமான காலஞ்சென்ற திரு. ஏ. துரைசாமியின் நினைவாக நிறுவப்பட்ட அறக்கட்டளை நிதியிலிருந்து வழங்கப்பட்டன.

தனிநபர் விருதுகளில், முகமது சஃபி எம் மற்றும் லலித் கே எஸ் ஆகியோர் சிறந்த மற்றும் இரண்டாம் சிறந்த ஆண் வழக்கறிஞராகவும் இளவரசி கே மற்றும் ரித்திகா டி ஆகியோர் சிறந்த மற்றும் இரண்டாம் சிறந்த பெண் வழக்கறிஞராகவும்; அஞ்சுஸ்ரேயா ஜி மற்றும் நிதின் கே ஆகியோர் சிறந்த மற்றும் இரண்டாம் சிறந்த மனுதாரராகவும் தேர்ந்தெடுக்கப்பட்டனர். மேலும் பிருந்தா எஸ், லத்திகா கே.எம், சதாந்த் ஏ மற்றும் ரித்திகா ஹர்ஷிதா சிவகுமார், காந்திமதி நிதின் கே ஆகியோர் மிகவும் மற்றும் இரண்டாவது மிகவும் ஒழுக்கமான அணிகளாகத் தேர்ந்தெடுக்கப்பட்டனர்.

உதவிப் பேராசிரியர் திருமதி. ஐஸ்வர்யா லட்சுமி வரவேற்புரை வழங்கினார். பிரியதர்ஷினி வழங்கிய முறைப்படியான நன்றியுரையுடன் நிகழ்ச்சி நிறைவடைந்தது.

Read more