தமிழ்நாடு பாஜக நெசவாளர்பிரிவு சார்பாக 100 நெசவாளர்களுக்கு பொங்கல் தொகுப்பு வழங்கல்.....

சேலம்.

S.K. சுரேஷ் பாபு.

தமிழ்நாடு பாஜக நெசவாளர்பிரிவு சார்பாக 100 நெசவாளர்களுக்கு பொங்கல் தொகுப்பு வழங்கல்.....

சேலம் மாநகர் மாவட்ட நெசவாளர் பிரிவு செயற்குழு கூட்டம் சேலம் அன்னதானபட்டியில் உள்ள தனியார் திருமண மண்டபத்தில் நெசவாளர் பிரிவின் மாநிலத்தலைவர் அண்ணாதுரை தலைமையில நடைபெற்றது. இந்த கூட்டதில் ஏழை நெசவாளர்கள் 100 பேருக்கு பொங்கல்பரிசு வழங்கப்பட்டது.

சேலம் மாவட்டம் முழுவதும் பாஜக நெசவாளர் பிரிவு சார்பாக நவம்பர் ,டிசம்பர் மாதங்களில் நெசவாளர்களுக்கு 25 இலவச கண் சிகிச்சை முகாம்கள் நடத்தி 4 ஆயிரம் பேருக்கு கிட்ட பார்வை கண்ணாடிகளும் 1325 பேருக்கு இலவச  பவர் கண்ணாடிகளும் வழங்கப்பட்டது. நெசவாளர்கள் மற்றும் ஜவுளித்துறைக்கு  மத்திய  அரசின் திட்டங்கள் மற்றும் சாதனைகள்  புத்தகம் வெளியிடப்பட்டது. மத்திய அரசின் e Pachaan கார்டுகள் நெசவாளர்களுக்கு வழங்கப்பட்டது. இந்த் கார்டை கொண்டு நெசவாளர் குடும்பத்தில் உள்ள குழந்தைகள் ஜவுளி சம்மந்தமான படிப்பவர்களுக்கு ஆண்டுக்கு 2 லட்ச ரூபாய் மானியம் கிடைக்கும். 

நெசவாளர்களுக்கு மேலும் ஓய்வூதியம்  கிடைக்கும் எண்ணற்ற பயன் உள்ள கார்டு

நெசவாளர் பிரிவு சார்பாக ,YouTube சேனல் துவக்கப்பட்டது. மேலும்  முன்னாள் பாரதப்பிரதமர் பாரத ரத்னா திரு அட்டல் பிஹாரி வாஜ்பாஜ் அவர்களது வாழ்க்கை பயணம் புகைப்பட தொகுப்பு.  கண்காட்சி திறந்து வைக்கப்பட்டது. 

நிகழ்ச்சியில் மாநில சுற்றுசூழல் தலைவர் கோபிநாத், நெசவாளர் பிரிவு மாநிலதுணைத்தலைவர்கள் செல்வராஜ், வஜ்ஜிரவேல், செயலாளர்கள் மணிகண்டன்,ஐயப்பன், மாவட்டதலைவர் தங்கமணி , காளிமுத்து உட்பட நூற்றுக்கும் மேற்பட்ட நிர்வாகிகள் பலர் கலந்து கொண்டனர்.

Read more

தமிழக கட்டுமான தொழிலாளர் நல வாரியத்துடன் ஒலிபெருக்கி மின் அலங்காரம் மற்றும் ஜெனரேட்டர் அமைப்பாளர்களையும் இணைக்க வேண்டும். சேலம் மாவட்ட ஒலிபெருக்கி மின் அலங்காரம் மற்றும் ஜெனரேட்டர் அமைப்பாளர்கள் முன்னேற்ற நலச் சங்கத்தின் 53 வது ஆண்டு பொதுக்குழு கூட்டத்தில் தமிழக அரசுக்கு கோரிக்கை.

 

சேலம். 

S.K. சுரேஷ்பாபு. 

தமிழக கட்டுமான தொழிலாளர் நல வாரியத்துடன் ஒலிபெருக்கி மின் அலங்காரம் மற்றும் ஜெனரேட்டர் அமைப்பாளர்களையும் இணைக்க வேண்டும். சேலம் மாவட்ட ஒலிபெருக்கி மின் அலங்காரம் மற்றும் ஜெனரேட்டர் அமைப்பாளர்கள் முன்னேற்ற நலச் சங்கத்தின் 53 வது ஆண்டு பொதுக்குழு கூட்டத்தில் தமிழக அரசுக்கு கோரிக்கை. 

சேலம் மாவட்ட ஒலிபெருக்கி மின் அலங்காரம் மற்றும் ஜெனரேட்டர் அமைப்பாளர்கள் முன்னேற்ற நலச் சங்கத்தின் 53வது ஆண்டு சங்க உறுப்பினர்கள் பொதுக்குழு கூட்டம் சேலம் அன்னதானப்பட்டி பகுதியில் நடைபெற்றது. சங்கத்தின் தலைவர் அர்ஜுனன் தலைமையில் நடைபெற்ற இந்த பொதுக்குழு கூட்டத்தில் செயலாளர் வினோத் பாபு மற்றும் பொருளாளர் பாஸ்கரன் முக்கிய நிர்வாகிகள் முன்னிலை வகித்தனர். சங்கத்தின் செயல்பாடுகள் குறித்தும் மேற்கொள்ளப்பட வேண்டிய நடவடிக்கைகள் குறித்தும் ஆலோசிக்கப்பட்ட இந்த பொதுக்குழு கூட்டத்தில் இந்த தொழிலையே நம்பி உள்ள பல்லாயிரக்கணக்கான தொழிலாளர்கள் நலன் பெற வேண்டி பல்வேறு முக்கிய முடிவுகளும் எடுக்கப்பட்டன.

தொடர்ந்து நடைபெற்ற கூட்டத்தில் ஒலிபெருக்கி மின் அலங்காரம் மற்றும் ஜெனரேட்டர் அமைப்பாளர்கள் மற்றும் தொழிலாளர்களின் நலன் கருதி நல சங்கத்திற்கு என புதிதாக நிலம் வாங்கி அதில் நல சங்கத்திற்கான ஒரு கட்டிடம் கட்டி அந்த கட்டிடத்தில் இனி வரும் நாட்களில் சங்க கூட்டங்களை நடத்துவது என்றும் தமிழகத்தில் கட்டுமான தொழிலாளர்களுக்கு தனி நல வாரியம் உள்ளதை போன்று அதே கட்டுமான தொழிலாளர்கள் நல வாரியத்தில் ஒலிபெருக்கி மின் அலங்காரம் மற்றும் ஜெனரேட்டர் அமைப்பாளர்கள் மற்றும் தொழிலாளர்களையும் இணைக்க தமிழக அரசு நடவடிக்கை எடுக்க வேண்டும் என்று கோரிக்கை விடுக்கப்பட்டது. மேலும் நலச் சங்கத்திற்கு என்று தனியாக ஒரு அறக்கட்டளையை தொடங்கி அறக்கட்டளைக்கு என பெறப்படும் நன்கொடைகளை சங்கத்தின் முன்னேற்றத்திற்காகவும் தொழிலாளர்களின் நலனுக்காகவும் பயன்படுத்துவது என்றும் முடிவு செய்யப்பட்டது. 

இது தவிர பல்வேறு முக்கிய தீர்மானங்களும் நிறைவேற்றப்பட்டன. இந்த பொதுக்குழு கூட்டத்தில் சேலம் மாநகரம் உட்பட மாவட்ட முழுவதும் இருந்து ஆயிரக்கணக்கானோர் கலந்து கொண்டனர்.

Read more

த.வெ.க உயர் மட்ட குழு மாநில ஒருங்கிணைப்பாளர் செங்கோட்டையன் அவர்களை மரியாதை நிமித்தமாக சந்தித்த தேசிய மக்கள் கட்சி நிர்வாகிகள்.

சேலம். 

S.K. சுரேஷ்பாபு. 

த.வெ.க உயர் மட்ட குழு மாநில ஒருங்கிணைப்பாளர் செங்கோட்டையன் அவர்களை மரியாதை நிமித்தமாக சந்தித்த தேசிய மக்கள் கட்சி நிர்வாகிகள்.

தமிழக சட்டப்பேரவைக்கான தேர்தல் விரைவில் நடைபெற உள்ளது. இதனை ஒட்டி தற்பொழுது தமிழக தேர்தல் களம் தற்பொழுதே சூடு பிடிக்க தொடங்கியுள்ளது. இந்த நிலையில் தமிழக வெற்றிக் கழகத்தின் உயர்மட்ட குழு மாநில ஒருங்கிணைப்பாளரும் முன்னாள் தமிழக அமைச்சருமான செங்கோட்டையன் அவர்களை ஈரோடு மாவட்டம் கோபிசெட்டிபாளையத்தில் உள்ள அவரது இல்லத்தில், தேசிய மக்கள்  கட்சியின் மாநிலத் தலைவர் சீனிவாசன், தேசிய செயலாளர் அசோக் சாமி மற்றும் தமிழ்நாடு மாநில செயலாளர் ராம்ஜி மற்றும் ஈரோடு மாவட்ட தலைவர் தங்கவேல் உள்ளிட்ட நிர்வாகிகள்  மரியாதை நிமித்தமாக சந்தித்தனர்.

அப்போது செங்கோட்டையன் அவர்களுக்கு பொன்னாடை போர்த்தியும் பூங்கொத்து கொடுத்தும் மரியாதை செய்த தேசிய மக்கள் கட்சி நிர்வாகிகளுக்கு, பதிலுக்கு செங்கோட்டையன் அவர்களும்  அவர்களுக்கு பொன்னாடை போர்த்தி தனது மரியாதையை திரும்ப செலுத்தினார். மரியாதை நிமித்தமாகவும் எதிர்வரும் சட்டமன்றத் தேர்தலை கருத்தில் கொண்டு கூட்டணி அமைப்பது தொடர்பாகவும் நடைபெற்ற சிறிய ஆலோசனை கூட்டத்தில்,

இரு கட்சிகளின்  செயல்பாடுகள் குறித்தும் மேற்கொள்ளப்பட வேண்டிய நடவடிக்கைகள் குறித்தும் ஆலோசிக்கப்பட்டதாகவும், இதுபோக பல்வேறு முக்கிய முடிவுகள் எடுக்கப்பட்டதாகவும் தெரிகிறது. இந்த மரியாதை நிமித்த நிகழ்வின் போது தேசிய மக்கள் கட்சியின் கிழக்கு மாவட்ட செயலாளர் தர்மன் உள்ளிட்ட மாநில மற்றும் மாவட்ட நிர்வாகிகள் பலரும் உடன் இருந்தனர்.

Read more

தமிழக காங்கிரஸ் சிறுபான்மையினர் துறை மாநில ஒருங்கிணைப்பாளராக சேலம் இர்ஃபான் நியமனம்.

சேலம். 

S.K. சுரேஷ்பாபு. 

தமிழக காங்கிரஸ் சிறுபான்மையினர் துறை மாநில ஒருங்கிணைப்பாளராக சேலம் இர்ஃபான் நியமனம். 

தமிழ்நாடு காங்கிரஸ் கமிட்டி சிறுபான்மை துறையின் மாநில ஒருங்கிணைப்பாளராக சேலம் இர்ஃபான் இப்ராஹீமை சிறுபான்மை துறையின் மாநில தலைவர் முகமது ஆசிப் நியமித்துள்ளார். 

இந்த செய்தியை சிறுபான்மை  துறை மாநிலத் தலைவர் வெளியிட்டுள்ள நியமன கடிதத்தில் குறிப்பிட்டுள்ளார். இந்த பொறுப்பிற்கு தன்னை பரிந்துரை செய்த சிறுபான்மையினர் துறை மாநில முதன்மை துணைத் தலைவர் பர்மா பஜார் நாகூர் கனி அவர்களுக்கு சேலம் இர்ஃபான் தனது மனமார்ந்த நன்றியினை தெரிவித்துக் கொண்டுள்ளார்.

Read more

த.வெ.க உயர் மட்ட குழு மாநில ஒருங்கிணைப்பாளர் செங்கோட்டையன் அவர்களை மரியாதை நிமித்தமாக சந்தித்த தமிழ்நாடு மக்கள் உரிமை கட்சியின் மாநில தலைவர் வழக்கறிஞர் பூமொழி.

சேலம். 

S.K. சுரேஷ்பாபு. 

த.வெ.க உயர் மட்ட குழு மாநில ஒருங்கிணைப்பாளர் செங்கோட்டையன் அவர்களை மரியாதை நிமித்தமாக சந்தித்த தமிழ்நாடு மக்கள் உரிமை கட்சியின் மாநில  தலைவர் வழக்கறிஞர் பூமொழி. 

தமிழக சட்டப்பேரவைக்கான தேர்தல் விரைவில் நடைபெற உள்ளது. இதனை ஒட்டி தற்பொழுது தமிழக தேர்தல் களம் தற்பொழுதே சூடு பிடிக்க தொடங்கியுள்ளது. இந்த நிலையில் தமிழக வெற்றிக் கழகத்தின் உயர்மட்ட குழு மாநில ஒருங்கிணைப்பாளரும் முன்னாள் தமிழக அமைச்சருமான செங்கோட்டையன் அவர்களை ஈரோடு மாவட்டம் கோபிசெட்டிபாளையத்தில் உள்ள அவரது இல்லத்தில், தமிழ்நாடு மக்கள் உரிமை கட்சியின் மாநில தலைவரும் வழக்கறிஞருமான சேலம் பூமொழி,  நிர்வாகிகளுடன் மரியாதை நிமித்தமாக சந்தித்தார். 

அப்போது செங்கோட்டையன் அவர்களுக்கு பொன்னாடை போர்த்தியும் பூங்கொத்து கொடுத்தும் மரியாதை செய்த பூமொழிக்கு பதிலுக்கு செங்கோட்டையன் அவர்களும் பூமொழி  அவர்களுக்கு பொன்னாடை போர்த்தி தனது மரியாதையை திரும்ப செலுத்தினார். 

தொடர்ந்து எதிர்வரும் சட்டமன்ற தேர்தலை கருத்தில் கொண்டு செயல்பாடுகள் குறித்தும் மேற்கொள்ளப்பட வேண்டிய நடவடிக்கைகள் குறித்தும் ஆலோசிக்கப்பட்டதாகவும், இதுபோக பல்வேறு முக்கிய முடிவுகள் எடுக்கப்பட்டதாகவும் தெரிகிறது. இந்த மரியாதை நிமித்த நிகழ்வின்போது தமிழ்நாடு மக்கள் உரிமை கட்சியின் நிர்வாகிகள் பலரும் உடன் இருந்தனர்.

Read more

தமிழக விவசாயிகளின் பிரதான கோரிக்கையினை நிறைவேற்ற தவறிய தமிழக அரசனை கண்டித்து வரும் 29ஆம் தேதி மாநில மற்றும் தேசிய நெடுஞ்சாலைகளில் கரவை மாடுகளுடன் மறியல் போராட்டம் நடத்திட வேண்டும். தமிழக அரசை கண்டித்து உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநிலத் தலைவர் வேலுச்சாமி அறிக்கையின் வாயிலாக அறிவிப்பு.

சேலம். 

S.K. சுரேஷ்பாபு. 

தமிழக விவசாயிகளின் பிரதான கோரிக்கையினை நிறைவேற்ற தவறிய தமிழக அரசனை கண்டித்து வரும் 29ஆம் தேதி மாநில மற்றும் தேசிய நெடுஞ்சாலைகளில் கரவை மாடுகளுடன் மறியல் போராட்டம் நடத்திட வேண்டும். தமிழக அரசை கண்டித்து உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநிலத் தலைவர் வேலுச்சாமி அறிக்கையின் வாயிலாக அறிவிப்பு.

தமிழக விவசாயிகள் சங்கத்தின் மாநிலத் தலைவர் வேலுச்சாமி அறிக்கையின் வாயிலாக பசு மற்றும் எருமை பால் இருக்கு கொள்முதல் விலையை உயர்த்தி வழங்காத தமிழக அரசை கண்டித்து போராட்ட அறிவிப்பு ஒன்றினை அறிகையின் வாயிலாக வெளியிட்டுள்ளார்.

அந்த அறிக்கையில், தமிழ்நாடு அரசு ஆவின் கூட்டுறவு ஒன்றியம் மூலம் விவசாயிகள் மற்றும் பால் உற்பத்தியாளர்களிடம் இருந்து  கொள்முதல் செய்யும் பசும் பால் மற்றும் எருமைப்பால் ஆகியவற்றுக்கான விலையை தற்போதைய விலையில் இருந்து லிட்டர் ஒன்றுக்கு ரூ.15 உயர்த்தி வழங்காததை கண்டித்து உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்கம் தலைமையில்  வருகின்ற 29.12.2025 காலை 10 மணிக்கு தமிழகம் முழுவதும் உள்ள விவசாயிகள் சங்க அமைப்புக்கள் மற்றும் பால் உற்பத்தியாளர்கள் அனைவரும் ஒன்றிணைந்து கால்நடைகளுடன் மாநில நெடுஞ்சாலை மற்றும் தேசிய நெடுஞ்சாலையில் மறியல் போராட்டத்தில் ஈடுபட வேண்டும் என உழவர் பெருந்தலைவர் நாராயணசாமி நாயுடுவின் தமிழக விவசாயிகள் சங்க மாநிலத் தலைவர் வேலுசாமி கேட்டுக் கொண்டுள்ளார்.

Read more

சேலத்தில் வெள்ளி வியாபாரியிடம் 55 கிலோ மதிப்புடைய வெள்ளியை தராமல், சுமார் 85 லட்சம் ரூபாய் மோசடி செய்து வெள்ளி வியாபாரி. பாதிக்கப்பட்ட வெள்ளி வியாபாரி சேலம் மாநகர காவல் ஆணையர் அலுவலகத்தில் புகார் மனு.

சேலம். 

S.K. சுரேஷ்பாபு. 

சேலத்தில் வெள்ளி வியாபாரியிடம் 55 கிலோ மதிப்புடைய வெள்ளியை தராமல், சுமார் 85 லட்சம் ரூபாய் மோசடி செய்து வெள்ளி வியாபாரி. பாதிக்கப்பட்ட வெள்ளி வியாபாரி சேலம் மாநகர காவல் ஆணையர் அலுவலகத்தில் புகார் மனு. 

இந்தியாவில் தங்கத்திற்கு நிகராக வெள்ளி விளையும் ஜெட் வேகத்தில் உயர்ந்து வருகின்றது என்பது அனைவரும் அறிந்ததே. இந்த நிலையில் தங்கம் மற்றும் வெள்ளி உள்ளிட்ட வியாபாரங்களில் ஈடுபட்டு வருபவர்களிடையே மோசடி புகார்களும் அவ்வப்போது எழுந்த வண்ணம் உள்ளது. அந்த வகையில் சேலம் சீலநாயக்கன்பட்டி பகுதியை சார்ந்த வெள்ளி ஆபரண வியாபாரி சந்தோஷ்குமார் தனது வழக்கறிஞர் இம்தியாஸ் அவர்களுடன் புகார் மனு அளிப்பதற்காக சேலம் மாநகர காவல் துறை ஆணையர் அலுவலகத்திற்கு வந்திருந்தார். அந்த மனுவில், தனது தந்தை தொடங்கிய ஸ்ரீ மகாலட்சுமி சில்வர்ஸ் என்ற நிறுவனத்தை தொடர்ந்து தானே நடத்தி வருகிறார். 

வெளி மாநிலங்களுக்கு அரசு விதித்துள்ள வரியை முறையாக செலுத்தி வெள்ளி ஆபரண வியாபாரம் செய்து வரும் தன்னிடம் சேலம் செவ்வாய்பேட்டை பகுதியைச் சார்ந்த சுபம் சில்வர்ஸ் நிறுவனத்தின் உரிமையாளர் வேணுகோபால் என்பவர் தொழில் ரீதியாக கடந்த மூன்று ஆண்டுகளாக பழகி தன்னிடம் வெள்ளி வியாபாரம் செய்து வந்ததாகவும் மனுவில் குறிப்பிட்டிருந்தார். இந்த நிலையில் கடந்த ஏப்ரல் மாதம் 17ஆம் தேதி வெள்ளி வாங்குவதற்காக ஸ்ரீ மகாலட்சுமி சில்வர்ஸ் நிறுவனத்தின் வங்கி கணக்கில் இருந்து, சம்பந்தப்பட்ட சுபம் சில்வர்ஸ் நிறுவன வங்கி கணக்கிற்கு 17. 4 , 12. 7 , 11. 9 மற்றும் 4. 12 ஆகிய நான்கு தேதிகளில் 1 கோடியே 75 லட்சத்து 16 ஆயிரத்து 200 ரூபாய் மொத்தமாக செலுத்தப்பட்டதாகவும், இந்தத் தொகையில் 91 லட்சத்து 66 ஆயிரத்து 200 ரூபாய் மதிப்பிலான வெள்ளியை மட்டும் பெற்றுக் கொண்டதாகவும், மீதமுள்ள 83.50 லட்ச ரூபாய் மதிப்பிலான 55 கிலோ மதிப்புள்ள வெள்ளிக்கட்டி பெறவில்லை என்றும் குறிப்பிட்டிருந்த மனுவில் மீதமுள்ள வெள்ளியை சுபம் சில்வர்ஸ் நிறுவன உரிமையாளர் வேணுகோபாலிடம் கேட்டபோது நான் தொடர்ச்சியாக அலை கழித்து ஏமாற்றி வருவதாகவும், சம்பந்தப்பட்ட வேணுகோபால் என்பவர் மீது நடவடிக்கை எடுத்து மீதமுள்ள 83 லட்சத்து 50 ஆயிரம் மதிப்புடைய 55 கிலோ வெள்ளியை மீட்டு தர வேண்டும் என்று அந்த மனுவில் குறிப்பிட்டிருந்தார். 

மனுவினை பெற்றுக் கொண்ட சேலம் மாநகராட்சி காவல் ஆணையர் மனு மீது உரிய நடவடிக்கை எடுத்து மீதமுள்ள வெளியே மீட்டு தருவதாகவும் உறுதியளித்துள்ளார்.

 

Read more