தமிழகத்தில் பூரண மதுவிலக்கை அமுல்படுத்திட வலியுறுத்தியும், போதை ஒழிப்பு தீர்மானம் நிறைவேற்ற கோரியும், உடையாபட்டி கிராம சபை கூட்டத்தில் பாட்டாளி மக்கள் கட்சியின் மாணவர் சங்கம் சார்பில் கோரிக்கை மனு.

சேலம். 

S.K. சுரேஷ்பாபு. 

தமிழகத்தில் பூரண மதுவிலக்கை அமுல்படுத்திட வலியுறுத்தியும், போதை ஒழிப்பு தீர்மானம் நிறைவேற்ற கோரியும், கிராம சபை கூட்டத்தில் பாட்டாளி மக்கள் கட்சியின் மாணவர் சங்கம் சார்பில் கோரிக்கை மனு.

காந்தி பிறந்தநாளை ஒட்டி சேலம் மாவட்டத்தில் உள்ள அனைத்து ஊராட்சிகளிலும் கிராம சபை கூட்டங்கள் நடைபெற்றன. அந்த வகையில் சேலம் மாவட்டம் அயோத்தியாபட்டணம் ஊராட்சி  ஒன்றியத்திற்கு உட்பட்ட உடையாபட்டி ஊராட்சி  அலுவலகத்திலும் கிராம சபை கூட்டம் நடைபெற்றது. இந்த கிராம சபை கூட்டத்தில் உடையாபட்டி ஊராட்சிக்கு உட்பட்ட பல்வேறு பகுதிகளை சேர்ந்த பொதுமக்கள் தற்பொழுது வரை தீர்க்கப்படாமல் உள்ள பல்வேறு அடிப்படை பிரச்சனைகள் குறித்து தீர்த்து வைக்க கோரிக்கையாக மனுக்களை வழங்கினர். 

அந்த வகையில், பாட்டாளி மக்கள் கட்சியின் தலைவர் பசுமை நாயகர் மருத்துவர் அன்புமணி ராமதாஸ் அவர்களின் கட்டளைப்படியும், தலைமை ஒருங்கிணைப்பாளர் கார்த்தி EX MLA, மாநில மாணவர் சங்க ஒருங்கிணைப்பாளர் கீர்த்திரதன் அவர்கள் வழிகாட்டுதல்படியும்,

தேசத்தந்தை காந்தியடிகளின் பிறந்தநாளில் அயோத்தியபட்டினம் ஊராட்சி ஒன்றியத்திற்கு உட்பட்ட உடையாபட்டி கிராம சபை கூட்டத்தில், தமிழ்நாட்டில்

பூரண மதுவிலக்கு அமல்படுத்திடவும், போதை ஒழிப்பு  தீர்மானம்  நிறைவேற்றிட வலியுறுத்தி பாட்டாளி மக்கள் கட்சியின் மாணவர் சங்க மாநிலத் தலைவர் வழக்கறிஞர் விஜயராசா தலைமையில் மனு வழங்கினர். 

நிகழ்ச்சியில் சட்டக் கல்லூரி மாநிலத் துணைத் தலைவர் ஹரி சுதன், முன்னால் ஒன்றிய செயலாளர் நாகராஜன் ,சேலம் மாவட்ட சட்டக் கல்லூரி பிரிவு அமைப்பாளர் பாலகிஷோர், மற்றும் மேற்கண்ட தீர்மானத்திற்கு  ஆதரவாக அனைத்திந்திய அண்ணா திராவிட முன்னேற்றக் கழகத்தின் ஒன்றிய துணைச் செயலாளர் பாலகிருஷ்ணன், முன்னாள் ஊராட்சி மன்ற துணைத் தலைவர் குமார்  மற்றும் திரளான பாட்டாளி மக்கள் கட்சி மற்றும்  பொதுமக்கள் பங்கேற்றனர்.

Read more

தமிழக அரசின் வழிகாட்டுதலின்படி பள்ளிப்பட்டி ஊராட்சியில் உள்ள 9 வார்டுகளுக்கும் வார்டு வாரியாக பெயர்களை சூட்ட வேண்டும். பள்ளிப்பட்டி ஊராட்சியில் நடைபெற்ற கிராம சபை கூட்டத்தில் தீர்மானமாக நிறைவேற்றி பொதுமக்களின் பார்வைக்கு வைக்க தமிழ்நாடு தேசிய மக்கள் கட்சி கோரிக்கை.

சேலம். 

S.K. சுரேஷ்பாபு. 

தமிழக அரசின் வழிகாட்டுதலின்படி பள்ளிப்பட்டி ஊராட்சியில் உள்ள 9 வார்டுகளுக்கும் வார்டு வாரியாக பெயர்களை சூட்ட வேண்டும். பள்ளிப்பட்டி ஊராட்சியில் நடைபெற்ற கிராம சபை கூட்டத்தில் தீர்மானமாக நிறைவேற்றி பொதுமக்களின் பார்வைக்கு வைக்க தமிழ்நாடு தேசிய மக்கள் கட்சி கோரிக்கை. 

காந்தி பிறந்தநாளை ஒட்டி சேலம் மாவட்டத்தில் உள்ள அனைத்து ஊராட்சிகளிலும் கிராம சபை கூட்டங்கள் நடைபெற்றன. அந்த வகையில் சேலம் மாவட்டம் அயோத்தியாபட்டணம்  ஒன்றியத்திற்கு உட்பட்ட பள்ளிப்பட்டி ஊராட்சியிலும் கிராம சபை கூட்டம் நடைபெற்றது. அங்குள்ள சமுதாய கூடத்தில்  நடைபெற்ற கிராம சபை கூட்டத்திற்கு பள்ளிப்பட்டி ஊராட்சியின் கிளர்க் சோபியா தலைமை வகித்தார். அயோத்தியாபட்டணம் ஒன்றிய அலுவலக அதிகாரிகள் மற்றும் வீராணம் காவல் துறையினர் முன்னிலை வகித்த இந்த கிராம சபை கூட்டத்தில் பள்ளிப்பட்டி ஊராட்சியில் உள்ள ஒன்பது வார்டுகளை சேர்ந்த பொதுமக்கள் கலந்து கொண்டு, சாலை வசதி, குடிநீர் வசதி, தெரு விளக்கு உள்ளிட்ட தற்பொழுது வரை தீர்க்கப்படாமல் உள்ள பல்வேறு பிரச்சனைகளை குறித்து கோரிக்கை மனுக்களாக வழங்கினர். 

இந்த கூட்டத்தில் தேசிய மக்கள் கட்சியின் தமிழ்நாடு மாநில செயலாளர் ராம்ஜி தலைமையிலான நிர்வாகிகள் சம்பந்தப்பட்ட கிராம சபை கூட்டத்தில் கலந்து கொண்டு பள்ளிப்பட்டி ஊராட்சியில் நிலவி வரும் பல்வேறு பிரச்சனைகள் குறித்து பேசியதோடு, தமிழகத்தில் உள்ள குடியிருப்புகள் தெருக்களின் பெயர்கள், சாலைகள் மற்றும் நீர் நிலைகளில் வைக்கப்பட்டுள்ள பெயர் பலகைகளில் ஜாதிப் பெயர்கள் இருந்தால் நீக்க வேண்டும் என வழிகாட்டு நெறிமுறைகளை தமிழக அரசு அண்மையில் வெளியிட்டதாகவும், தமிழக அரசின் வழிகாட்டு நெறிமுறைகளை சுட்டிக்காட்டி சேலம் மாவட்டம் பள்ளிப்பட்டி  ஊராட்சியில் உள்ள ஒன்பது வார்டுகளில் இரண்டுக்கும் மேற்பட்ட வார்டுகளில் ஜாதிகளின் பெயர்கள் இடம் பெற்றுள்ளதாகவும் அதாவது ஆதிதிராவிடர் ஏடி காலனி, அண்ணா நகர் உடையார் தெரு என்பன போன்ற ஜாதிகளின் பெயர்கள் குறிப்பிடப்பட்டுள்ளதாக தெரிவித்து, அதனை மாற்றி இங்குள்ள ஒன்பது வார்டுகளிலும் வார்டு வாரியாக பெயர்களை சூட்டி அதனை கிராம சபை கூட்டத்தில் தீர்மானமாக நிறைவேற்றி பொது மக்களின் பார்வைக்கு வைக்கப்பட வேண்டும் என்று கோரிக்கை மனு தேசிய மக்கள் கட்சியின் மாநில செயலாளர் ராம்ஜி வழங்கினார். 

இது குறித்து அவர் நம்மிடையே கூறுகையில், ஜாதிகளின் பெயர்களை நீக்கிவிட்டு தலைவர்களின் பெயர்களை வைக்க அதிகாரிகள் யூகித்து வருவதாகவும் ஒருவேளை தலைவர்களின் பெயர்களை சூட்டினால் பிற்காலத்தில் ஜாதிகளின் பெயர்கள் இடம் பெற வாய்ப்புள்ளதாக கூறியதோடு, இங்குள்ள ஒன்பது வார்டுகளிலும் வார்டுகள் வாரியாக பெயர்களை சூட்ட வேண்டும் என்பது மட்டுமே தமிழ்நாடு தேசிய மக்கள் கட்சியின் கோரிக்கையாக உள்ளது என்று தெரிவித்தார். அப்போது கட்சியின் சேலம் கிழக்கு மாவட்ட செயலாளர் தர்மன் உள்ளிட்ட பலர் உடன் இருந்தனர்.

Read more

சேலம் 44வது கோட்டத்தில் 55 லட்சம் ரூபாய் மதிப்பீட்டில் புதிய நூலக கட்டிடம். SMC காலனிக்கு கலைஞர் நகர் என்று பெயர் சூட்டி மகிழ்ந்த அமைச்சர்.

சேலம். 

S.K. சுரேஷ்பாபு. 

சேலம் 44வது கோட்டத்தில் 55 லட்சம் ரூபாய் மதிப்பீட்டில் புதிய நூலக கட்டிடம். SMC காலனிக்கு கலைஞர் நகர் என்று பெயர் சூட்டி மகிழ்ந்த அமைச்சர். 

60 கோட்டங்களை உள்ளடக்கியது சேலம் மாநகராட்சி. இதில் 44-வது கோட்டம் என்பது தனித்துவமாக விளங்கி வருகிறது என்பது நிதர்சனம். காரணம்...... 44 வது கோட்டத்தின் மாமன்ற உறுப்பினரும் குற்றவியல் வழக்கறிஞருமான ஜெ.மு. இமயவரம்பன், தான் பதவியேற்ற காலத்தில் இருந்து தற்பொழுது வரை சுமார் 44 கோடி ரூபாய் அளவிற்கு திட்டப் பணிகளை மேற்கொண்டார் என்பது இதற்கு காரணம். நகர்ப்புற அரசு ஆரம்ப சுகாதார நிலையம் கட்டியது, இரண்டு பாலடைந்த கிணறுகளை தூர்வாரியது மற்றும் அந்தப் பகுதியில் கரும்புள்ளியாக இருந்த குப்பைமேடு சீர்மிகு சுற்றுலாத்தலமாக மாற்றியது என்பன போன்ற பல்வேறு திட்ட பணிகள் இதில் அடங்கும். 

அந்த வகையில் சேலம் மாநகராட்சியின் 44-வது கோட்டத்திற்கு உட்பட்ட கிச்சிபாளையம் பகுதியில் சுமார் 55 லட்சம் ரூபாய் மதிப்பீட்டில் கட்டி முடிக்கப்பட்ட புதிய நூலகத் திறப்பு விழா இன்று நடைபெற்றது. மாமன்ற உறுப்பினரும் வழக்கறிஞருமான இமயவரம்பன் தலைமையில் நடைபெற்ற இந்த விழாவில், சேலம் மாநகர மேயர் இராமச்சந்திரன், ஆணையாளர் டாக்டர் இளங்கோவன், அம்மாபேட்டை மண்டல குழு தலைவர் தனசேகரன் உள்ளிட்டோர் முன்னிலை வகித்தனர். விழாவில் தமிழக சுற்றுலாத் துறை அமைச்சர் வழக்கறிஞர் இராஜேந்திரன் சிறப்பு விருந்தினராக கலந்து கொண்டு புதிதாக கட்டி முடிக்கப்பட்ட நூலகத்தினை பொதுமக்களின் பயன்பாட்டிற்காக ரிப்பன் வெட்டியும் குத்து விளக்கு ஏற்றியும் அற்பணித்தார்.

விழாவில் கலந்துகொண்ட சுற்றுலாத்துறை அமைச்சர் செய்தியாளர்களிடம் பேசும் போது 44வது கோட்ட  மாமன்ற உறுப்பினர் இமயவரம்பன் மேற்கொண்டு தீவிர முயற்சியின் காரணமாக 44 வது கோட்டத்திற்கு உட்பட்ட தேசிய புனரமைப்பு காலனி என்று அழைக்கப்படும் எஸ் எம் சி காலனியை கலைஞர் நகர் என்று பெயர் மாற்றப்பட வேண்டும் என்று பல வருடங்கள் மாநகராட்சி நிர்வாகத்திடம் கோரிக்கை வைத்ததன் அடிப்படையில் சேலம் மாமன்ற கூட்டத்தில் தேசிய புனரமைப்பு காலனியை கலைஞர் நகர் என்று பெயர் மாற்றம் செய்யப்படும் என்று தீர்மானமும் நிறைவேற்றப்பட்டது. இதனை அடுத்து தமிழக அரசு கெஜட்டில் இது குறித்த தகவல் வெளியானதை அடுத்து விழாவில் கலந்து கொண்ட சுற்றுலாத்துறை அமைச்சர் வழக்கறிஞர் இராஜேந்திரன் தேசிய புனரமைப்பு காலனியை கலைஞர் நகர் என்று பெயர் சூட்டில் மகிழ்வதில் மகிழ்ச்சி அடைவதாக பெருமையுடன் குறிப்பிட்டார். அப்பொழுது குடியிருந்த மாமன்ற உறுப்பினர் உட்பட அனைவரும் தங்களது கரகோஷங்களை எழுப்பி தங்களது மகிழ்ச்சியையும் வெளிப்படுத்தினர். 

விழாவில் பேசிய ஜெ. மு. இமயவரம்பன் எஞ்சியுள்ள பணிகளை விரைந்து முடித்து விட்டால் 60 கோட்டங்களை உள்ளடக்கிய சேலம் மாநகராட்சியில் 44-வது கோட்டம் மட்டும் தன்னிறைவு பெற்ற கோட்டமாக விளங்கும் என்று பெருமைப்படவும் தெரிவித்தார்

இதனை அடுத்து மாமன்ற உறுப்பினர் இமயவரம்பன் முயற்சியின் பேரில் வரும் தீபாவளி பண்டிகையை முன்னிட்டு 44வது கோட்டத்தில் பணியாற்றும் துப்புரவு தூய்மை காவலர்களுக்கு புத்தாடைகளையும் அமைச்சரின் வாயிலாக வழங்கி மகிழ்கிறார். இந்த நிகழ்வில் அரசு துறை அதிகாரிகள் ஒருதலை சிறுத்தைகள் கட்சி நிர்வாகிகள் திமுக நிர்வாகிகள் பொதுமக்கள் என ஏராளமானோர் கலந்து கொண்டனர்.

Read more

சேலம் பேளூர்பேருந்து நிலையத்தில் ஆதிதிராவிடர் மற்றும் பழங்குடியினர் பயன்பெறும் வகையில் கட்டப்படும் புதிய கடைகளுக்கு எதிர்ப்பு. ஆதிக்க சக்தியினர் மீது நடவடிக்கை எடுக்க சேலம் மாவட்ட ஆட்சியரிடம் பகுஜன் சமாஜ் கட்சியின் கிழக்கு மாவட்ட நிர்வாகிகள் மனு.

சேலம். 

S.K. சுரேஷ்பாபு. 

சேலம் பேளூர்பேருந்து நிலையத்தில் ஆதிதிராவிடர் மற்றும் பழங்குடியினர் பயன்பெறும் வகையில் கட்டப்படும் புதிய கடைகளுக்கு எதிர்ப்பு. ஆதிக்க சக்தியினர் மீது நடவடிக்கை எடுக்க சேலம் மாவட்ட ஆட்சியரிடம் பகுஜன் சமாஜ் கட்சியின் கிழக்கு மாவட்ட நிர்வாகிகள் மனு. 

பகுஜன் சமாஜ் கட்சியின் சேலம் கிழக்கு மாவட்ட தலைவர் செல்லம்மாள் தலைமையில் அதன் முக்கிய நிர்வாகிகள் சேலம் மாவட்ட ஆட்சியரை சந்தித்து கோரிக்கை மனு அளிப்பதற்காக வந்திருந்தனர். அந்த மனுவில், சேலம் மாவட்டம் பேளூர் பேருந்து நிலையத்தில் கடந்த 30 ஆண்டுகளுக்கு முன்பு  ஆதிதிராவிடர் மற்றும் பழங்குடியினர் பலன் பெறும் வகையில் வணிகத்திற்கான கடைகள் கட்டப்பட்டது. கட்டி முடிக்கப்பட்டு தற்பொழுது வரை உரியவர்களுக்கு ஒப்படைக்காமல் காலம் தாழ்த்திய காரணத்தினால் கட்டிடங்கள் முழுவதும் பால் அடைந்து இடிந்து விடும் அபாயத்தையும் இருந்து வந்தது. தற்பொழுது அந்த பாழடைந்த கட்டிடங்களை இடித்து விட்டு புதிய கடைகள் கட்டுவதற்காக தாட்கோ வங்கியின் மூலம் நிதி ஒதுக்கீடு செய்யப்பட்ட நிலையில் சில ஆதிக்க சக்திகள் புதிதாக ஆதிதிராவிடர்களுக்கு என்று கடைகளை கட்டுவதற்கு எதிர்ப்பு தெரிவித்து வருகின்றனர். தமிழக முதல்வர் அவர்கள் சமதர்மம், சமூக நீதி, சனாதனம், அனைத்து சமூகமும் ஒன்று என்று பேசி வரும் நிலையில் தாட்கோ வங்கியின் மூலம்  கடைகள் கட்டி தொழில் தொடங்குவதற்கு உண்டான சூழல் இங்கு இல்லை என்றும், இந்த நிலையை தமிழக முதலமைச்சரின் கவனத்திற்கு கொண்டு செல்ல வேண்டும் என்ற நோக்கிலும், உடனடியாக சேலம் மாவட்ட ஆட்சித் தலைவர் அவர்கள் இந்த கடைகளை  கட்ட உரிய அனுமதி வழங்க வேண்டும் என்றும் அந்த மனுவில் குறிப்பிடப்பட்டிருந்தது. மேலும் மாவட்ட ஆட்சியர் அவர்கள் நடவடிக்கை எடுக்க தவறும் பட்சத்தில் இந்த சமூக மக்கள் அதாவது ஆதிதிராவிடர் மற்றும் பழங்குடியினர் ஆகியோரை ஒன்று திரட்டி சேலம் மாவட்ட ஆட்சியர் அலுவலகம் முன்பு போராட்டம் நடத்தப்படும் என்றும் பகுஜன் சமாஜ் கட்சியின் கிழக்கு செல்லம்மாள் மனுவில் குறிப்பிட்டுள்ளார். அப்போது பகுஜன் சமாஜ் கட்சியின் கிழக்கு மாவட்ட நிர்வாகிகள் பாலகிருஷ்ணன் பழனியம்மாள் மற்றும் பானு உள்ளிட்டோர் உடன்  இருந்தனர்.

Read more

வீட்டை காலி செய்ய கூறி சேலத்தில் திமுக 56 கோட்ட மாமன்ற உறுப்பினர் சரவணன் அடியாட்களுடன் கொலை மிரட்டல். பாதிக்கப்பட்ட பெண் தனது இரண்டு பெண்களுடன் திமுக மாமன்ற உறுப்பினருக்கு எதிராக ஆட்சியரிடம் புகார். தவறும் பட்சத்தில் திமுக மாமன்ற உறுப்பினர் சரவணனுக்கு எதிராக குடும்பத்துடன் விஷம் அருந்தி தற்கொலை செய்து கொல்லப் போவதாகவும். முடிவு.

சேலம். 

S.K. சுரேஷ்பாபு. 

வீட்டை காலி செய்ய கூறி சேலத்தில் திமுக 56 கோட்ட மாமன்ற உறுப்பினர் சரவணன் அடியாட்களுடன் கொலை மிரட்டல். பாதிக்கப்பட்ட பெண் தனது இரண்டு பெண்களுடன் திமுக மாமன்ற உறுப்பினருக்கு எதிராக ஆட்சியரிடம் புகார். தவறும் பட்சத்தில் திமுக மாமன்ற உறுப்பினர் சரவணனுக்கு எதிராக குடும்பத்துடன் விஷம் அருந்தி தற்கொலை செய்து கொல்லப் போவதாகவும். முடிவு.

இது தொடர்பாக பாதிக்கப்பட்டுள்ள பெண் செல்வி என்பவர் தனது இரண்டு பெண்களுடன் கொலை மிரட்டல் செய்து வரும் சேலம் மாநகராட்சியின் 56வது கோட்ட திமுக மாமன்ற உறுப்பினர் சரவணன் என்பவரின் புகைப்படத்துடன் அவருக்கு எதிராக புகார் அளிக்க சேலம் மாவட்ட  ஆட்சியர் அலுவலகம் வந்திருந்தார். பெரும் பரபரப்பை ஏற்படுத்தியுள்ள  இந்த சம்பவம் குறித்து ஆட்சியரிடம் வழங்கப்பட்ட அந்த மனுவில், சேலம் கருங்கல்பட்டி களரம்பட்டி பிரதான சாலை இரண்டாவது குறுக்கு தேர்வு பகுதியை சார்ந்தவர்கள் சிவலிங்கம் மற்றும் மாதேஸ்வரி தம்பதியினர். இவர்களது இளைய மகன் ரமேஷ் இவருக்கும் செல்வி என்ற பெண்ணுக்கும் கடந்த 18 வருடங்களுக்கு முன்பு திருமணம் செய்து வைத்தனர் என்றும் இதன் பலனாக கார்த்திகா மற்றும் கனிஷ்கா என்ற இரண்டு பெண் குழந்தைகள் தங்களுக்கு உள்ளதாகவும், கடந்த ஆறு மாதங்களுக்கு முன்பு தனது மாமனார் சிவலிங்கம் மற்றும் மாமியார் மாதேஸ்வரி வீட்டில் குடியிருந்து வருவதாக அந்த மனுவில் குறிப்பிட்டிருந்தது.

இந்த நிலையில் தனது கணவர் சரிவர வேலைக்கு செல்லாமல் வீட்டிலேயே இருந்து வருவதாகவும் இதனால் எனது மாமனாரும் மாமியாரும் மற்றும் கணவரின் சகோதரர் யுவராஜ் மற்றும் தனது கணவரின் அண்ணன் சரவணன் ஆகியோர் வீட்டை காலி செய்ய வேண்டும் என்று 56 வது கோட்ட திமுக மாமன்ற உறுப்பினர் ஏ எஸ் சரவணன் மற்றும் அவருடன் இருக்கும் பம்பாய் முருகேசன் ஆனந்த் விஜி உட்பட பத்துக்கும் மேற்பட்ட நபர்கள் கலந்து ஒன்றாம் தேதி நான் குடியிருக்கும் இந்த வீட்டை வரும் தீபாவளிக்குள் காலி செய்யவில்லை என்றால் என்னையும் எனது இரண்டு பெண் குழந்தைகளையும் பெட்ரோல் ஊற்றி கொளுத்தி விடுவேன் என மிரட்டி சென்றதாக அந்த மனுவில் குறிப்பிடப்பட்டுள்ளது. எனவே சேலம் மாவட்ட ஆட்சித் தலைவர் டாக்டர் பிருந்தா தேவி அவர்கள் வீட்டை காலி செய்ய சொல்லி கொலை மிரட்டல் விடுத்த 56வது கோட்ட திமுக மாமன்ற உறுப்பினர் ஏ எஸ் சரவணன் மற்றும் அவருடன் இருக்கும் பத்துக்கு மேற்பட்ட அடையாளம் தெரியாத நபர்கள் மீது கடும் நடவடிக்கை எடுக்க வேண்டும் என்று பாதிக்கப்பட்ட பெண் செல்வி என்பவர் அந்த மனுவில் குறிப்பிட்டுள்ளார். இந்த புகார் தொடர்பாக காவல் நிலையத்தில் புகார் அளித்தும் தற்பொழுது வரை எந்த நடவடிக்கையும் இல்லாத காரணத்தினால் தற்பொழுது மாவட்ட ஆட்சியரிடம் நேரில் வந்து புகார் மனு அளித்துள்ளதாகவும், தனது கணவருக்கு சொத்துக் கொடுக்கக் கூடாது என்ற நோக்கில் தனது மாமனார்,  மாமியார், கணவனின் அண்ணன் மற்றும் சகோதரர் ஆகியோரிடம் பணத்தைப் பெற்றுக் கொண்டு மாமன்ற உறுப்பினர் சரவணன் அடியாட்களுடன் தங்களை மிரட்டுவது எந்த வகையில் நியாயம் என கேள்வி எழுப்பி உள்ளதோடு, ஒருவேளை மாவட்ட ஆட்சியரும் இந்த புகார் மீது நடவடிக்கை எடுக்க தவறும் பட்சத்தில் எனது இரண்டு பெண் குழந்தைகளுடன் குடும்பமாக சேர்ந்து விஷம் அறிந்து 56வது கோட்டை திமுக  மாமன்ற உறுப்பினர் ஏ எஸ் சரவணன் மற்றும் அவரது கூட்டாளிகள் 10 பேருக்கு எதிராக தற்கொலை செய்து கொள்ளப் போவதாகவும் பகிரங்கமாக எச்சரிக்கை விடுத்துள்ளார். சேலம் மாநகராட்சி 56வது கோட்டை திமுக மாமன்ற உறுப்பினருக்கு எதிராக ஒரு குடும்பமே சேலம் மாவட்ட ஆட்சியர் அலுவலகத்தில் புகார் மனு அளித்ததோடு மட்டுமல்லாமல் நடவடிக்கை எடுக்க தவறும் பட்சத்தில் அவருக்கு எதிராக தங்களது குடும்பமே தற்கொலை செய்து கொள்ளும் என்று மிரட்டி உள்ள சம்பவம் சேலத்தில் மிகப்பெரிய பரபரப்பை ஏற்படுத்தி உள்ளது.

Read more

44வது கோட்ட மாமன்ற உறுப்பினரின் தீவிர முயற்சிக்கு கிடைத்த வெற்றி. அபாயகரமான நிலையில் உள்ள வீட்டினை சொந்த செலவில் சொந்த செலவில் அப்புறப்படுத்த 15 நாள் கெடு.

 

சேலம். 

S.K. சுரேஷ்பாபு. 

44வது கோட்ட மாமன்ற உறுப்பினரின் தீவிர முயற்சிக்கு கிடைத்த வெற்றி. அபாயகரமான நிலையில் உள்ள  வீட்டினை சொந்த செலவில்  அப்புறப்படுத்த 15 நாள் கெடு.

சேலம் மாநகராட்சியின் 44 வது கோட்டத்திற்கு உட்பட்டது கிச்சிப்பாளையம் கஸ்தூரிபாய் தெரு. இங்கு சேலம் அழகாபுரம் பகுதியைச் சேர்ந்த ஜெயஸ்ரீ என்பவருக்கு சொந்தமான சுமார் 800 சதுர அடி பரப்பளவிலான மூன்று அடுக்குகளை  கொண்ட கட்டிடம் பாலடைந்து எந்த நேரத்திலும் விழுந்து விடும் சூழலில் இருப்பதால் இதனை உடனடியாக அப்புறப்படுத்த வேண்டும் என்று அந்த பகுதி பொதுமக்கள் மற்றும் சம்பந்தப்பட்ட 44 வது கோட்ட மாமன்ற உறுப்பினர் இமயவர்மன் அவர்களால் சேலம் அம்மாபேட்டை மண்டல அலுவலகத்திலும் சேலம் மாநகராட்சி இயல்பு கோட்டத்திலும் புகார் தெரிவிக்கப்பட்டு இருந்தது. இந்த நிலையில் சேலம் மாநகராட்சியின் நகரமைப்பு பிரிவு வாயிலாக சம்பந்தப்பட்ட குடியிருப்பு உரிமையாளருக்கு தமிழ்நாடு நகர்ப்புற உள்ளாட்சி சட்டத்தின் கீழ் நோட்டீஸ் அனுப்பப்பட்டுள்ளது. 

அந்த நோட்டீஸில் 44 வது கோட்டத்திற்கு உட்பட்ட கிச்சிப்பாளையம் கஸ்தூரிபாய் தெரு பகுதியில் உள்ள பாலடைந்த நிலையில் உள்ள கட்டிடத்தினை நேரடி ஆய்வு செய்தபோது அபாயகரமான நிலையில் இருந்தது கண்டுபிடிக்கப்பட்டது. மேலும் இந்த நோட்டீஸ் கிடைக்கப்பெற்ற பதினைந்து நாட்களுக்கு உள்ளாக சம்பந்தப்பட்ட கட்டிடத்தினை வீட்டின் உரிமையாளர் தாங்களாகவே தங்களது சொந்த செலவில் முழுமையாக இடித்து அப்புறப்படுத்த வேண்டும் என குறிப்பிடப்பட்டிருந்த நோட்டீஸில் தவறும் பட்சத்தில் ஆணையர் வாயிலாக நடவடிக்கை மேற்கொள்ளப்படும் என்றும் இந்த கட்டிடத்தை இடிக்கும்  தருவாயில் எந்த விதமான அசம்பாவிதங்கள் நிகழ்ந்தாலும் அதற்கு மாநகராட்சி நிர்வாகம் பொறுப்பல்ல என்றும் அந்த நோட்டீஸில் தெரிவிக்கப்பட்டுள்ளது. 

இதன் காரணமாக சம்பந்தப்பட்ட பகுதி பொதுமக்கள் மகிழ்ச்சி அடைந்துள்ளதோடு தங்களது நன்றியினை 44 வது கோட்ட மாமன்ற உறுப்பினர் இமயவரம்பன் அவர்களுக்கு தெரிவித்துள்ளனர்.

Read more

பொதுமக்களின் உயிருக்கு அச்சுறுத்தலாக இருக்கும் பாழடைந்த கட்டிடத்தை இடித்து அகற்றிடுக. மாநகராட்சி நிர்வாகம் மற்றும் இயல்பு கூட்டத்தில் பேசியும் பலன் இல்லை. மாமன்ற உறுப்பினர் ஜெ.மு. இமயவரம்பன் வேதனை.

சேலம்.

S.K. சுரேஷ்பாபு.

பொதுமக்களின் உயிருக்கு அச்சுறுத்தலாக இருக்கும் பாழடைந்த கட்டிடத்தை இடித்து அகற்றிடுக. மாநகராட்சி நிர்வாகம் மற்றும் இயல்பு கூட்டத்தில் பேசியும் பலன் இல்லை. மாமன்ற உறுப்பினர் ஜெ.மு. இமயவரம்பன் வேதனை.

60 கோட்டங்களை உள்ளடக்கியது சேலம் மாநகராட்சி. இதில் 44வது கோட்டத்தின் மாமன்ற உறுப்பினராக இருப்பவர் விடுதலை சிறுத்தைகள் கட்சியைச் சார்ந்த ஜெ.மு. இமயவரம்பன். தேர்தல் காலகட்டத்தில் தான் அறிவித்த வாக்குறுதிகள் மட்டுமல்லாமல் அறிவிக்காத வாக்குறுதிகளையும் செயல்படுத்தி 44வது கோட்ட மக்களிடம் நன்மதிப்பை பெற்ற இமயவரம்பன், சேலம் மாநகராட்சி 44 வது கோட்டம்  கிச்சிப்பாளையம் கஸ்தூரிபாய் தெருவில் பொதுமக்கள் உயிருக்கு அச்சுறுத்தலாக உள்ள பாழடைந்த கட்டிடத்தை உடனடியாக அப்புறப்படுத்தி பொதுமக்களின் உயிரை காப்பாற்றிட வேண்டும் என்று ஒரு மாதத்திற்கு முன்பே காவல் நிலையத்தில் புகார் அளித்திருந்தார். 

மேலும்  வட்டாட்சியரிடமும்,  அம்மாபேட்டை மாநகராட்சி உதவி ஆனையாளரிடமும் புகார் கொடுத்தும்  இது வரை நடவடிக்கை இல்லை என என வேதனைப்படுகிறார் மாமன்ற உறுப்பினர் இமயவரம்பன். இதனிடையே கடந்த 25-9-25 ம் தேதி நடைபெற்ற மாமன்ற கூட்டத்தில் கேள்வி எழுப்பியும் இது வரை நடவடிக்கை இல்லை என குறிப்பிட்டுள்ள அவர் அப்பகுதி பறையர் இன மக்கள் வாழும் பகுதி என்றும் இந்த கட்டிடம் இடிந்து விழுந்து பொதுமக்களுக்கு உயிர் சேதாரம் ஏற்படும் முன்பு காப்பாற்றிட வேண்டுகிறேன் என்ற கோரிக்கையினையும் அவசர மற்றும் அவசியமாக வலியுறுத்தி உள்ளார்.

சேலம் ஜான்சன் பேட்டையை சேர்ந்த செந்தில் என்பவர், அம்மாபேட்டை காவல் நிலையத்தில் காவலராக பணியாற்றி வரும் இவருக்கு சொந்தமான இந்த வீட்டினை இடிக்காமல் இடிந்து விழும் நிலையில் உள்ள தருவாயில் அப்படியே விற்பனை செய்வதற்காக வேண்டுமெனறு கடந்த பல வருடங்களுக்கு மேலாக இழுத்தடித்து வருவதாக அந்தப் பகுதியினரின் ஒட்டுமொத்த குற்றச்சாட்டாகவே உள்ளது. அவர் காவலர் என்பதால் அரசு துறை அதிகாரிகளை நடவடிக்கை எடுக்க விடாமல் தடுத்து வருவதாகவும் ஆதங்கப்படுகின்றனர் அந்த பகுதியினர்.

Read more