காரத்திகாவுக்கு பாராட்டு தீர்மானம். சேலம் மாநகராட்சி கூட்டத்தில் வலியுறுத்திய 44 வது கோட்ட விசிக மாமன்ற உறுப்பினர்

சேலம்.

S.K. சுரேஷ் பாபு.

காரத்திகாவுக்கு பாராட்டு தீர்மானம். சேலம் மாநகராட்சி கூட்டத்தில் வலியுறுத்திய 44 வது கோட்ட விசிக மாமன்ற உறுப்பினர்

சேலம் மாநகராட்சியின் இயல்பு கூட்டம் மாநகர மேயர் இராமச்சந்திரன் தலைமையில் நடைபெற்றது. கூட்டத்தில் மாநகராட்சி ஆணையாளர் டாக்டர் இளங்கோவன் மற்றும் துணை மேயர் சாரதா தேவி மாணிக்கம் உள்ளிட்டோர் முன்னிலை வகித்த கூட்டத்தில்,  

தொடக்கத்திலேயே கபடி வீராங்கணை கார்த்திகாவின் பதாகையை கையெலேந்தி நின்ற 44 ஆவது கோட்ட மாமன்ற உறுப்பினர் இமயவரம்பன் மன்றத்தினரின் கவனத்தை ஈர்த்தார். 

கார்த்திகாவுக்கு அரசு வழங்கிய ஊ கூ மாமன்ற இயல்புக் கூட்இந்தக் கூட்டத்தின் தொடக்கத்திலேயே கபடி வீராங்கணை கார்த்திகாவின் பதாகையை கையெலேந்தி நின்ற 44 ஆவது கோட்ட மாமன்ற உறுப்பினர் இமயவரம்பன் மன்றத்தினரின் கவனத்தை ஈர்த்தார். தொடர்ந்து கூட்டத்தில் பேசிய அவர், தூய்மைப் பணியாளர் குடும்பத்தைச் சேர்ந்த தங்கமங்கை கார்த்திகாவுக்கு அரசு ரூபாய் 25 லட்சம் ஊக்கத்தொகை வழங்கியதற்கு நன்றி தெரிவித்துக் கொண்டு, அந்தத் தொகையை ரூபாய் 5 கோடியாக உயர்த்தி வழங்கிடவும், கார்த்திகாவுக்கு அரசுப்பணி மற்றும் சொந்த வீடு வழங்கிடவும் கோரிக்கை விடுத்தார். தொடர்ந்து நடைபெற்ற கூட்டத்தில் பேசிய சேனாபதி. இமயவரம்பன்  பேசியபோது,  தூய்மைப் பணியாளர் குடும்பத்தைச் சேர்ந்த தங்கமங்கை கார்த்திகாவுக்கு அரசு ரூபாய் 25 லட்சம் ஊக்கத்தொகை வழங்கியதற்கு நன்றி தெரிவித்துக் கொண்டு, அந்தத் தொகையை ரூபாய் 5 கோடியாக உயர்த்தி வழங்கிடவும், கார்த்திகாவுக்கு அரசுப்பணி மற்றும் சொந்த வீடு வழங்கிடவும் கோரிக்கை விடுத்தார்.

Read more

சேலம் சோனா இயற்கை மருத்துவம் மற்றும் யோகா மருத்துவக் கல்லூரி முதலாம் ஆண்டு வகுப்புகள் துவக்க விழா

சேலம்.

S.K. சுரேஷ்பாபு.

சேலம் சோனா இயற்கை மருத்துவம் மற்றும் யோகா மருத்துவக் கல்லூரி 

முதலாம் ஆண்டு வகுப்புகள் துவக்க விழா 

சோனா கல்வி குழுமம், இயற்கை மருத்துவம் மற்றும் யோகா கல்வி ஆகியவற்றில் கவனம் செலுத்தும் விதமாக தமிழ்நாடு டாக்டர் எம்.ஜி.ஆர். மருத்துவ பல்கலைகழகத்துடன் இணைந்து தமிழக அரசின் அங்கீகாரம் பெற்று BNYS இயற்கை மருத்துவம் மற்றும் யோகா அறிவியல் இளங்கலை படிப்பிற்கான முதலாம் ஆண்டு வகுப்புகள் துவக்க விழா கல்லூரியின் வளாகத்தில் நடைப்பெற்றது. சோனா இயற்கை மருத்துவக் கல்லூரியின் மேலாண்மை அறங்காவலர் திரு.தியாகு வள்ளியப்பா  முன்னிலையில் நடைபெற்ற விழாவிற்கு சோனா கல்விக் குழுமத்தின் தலைவர் வள்ளியப்பா தலைமை வகித்தார். கல்லூரியின் முதல்வர் டாக்டர். தர்மசம்வர்த்தினி விழாவிற்கு வந்திருந்த அனைவரையும் வரவேற்று பேசினார். முன்னதாக கல்லூரியின் முதலாமாண்டு மாணவ மாணவிகள், பெற்றோர்கள் மற்றும் சிறப்பு விருந்தினர்கள் குத்துவிளக்கேற்றி விழாவை தொடங்கி வைத்தனர். 

தலைமை விருந்தினராக சென்னை தமிழ்நாடு டாக்டர் எம்.ஜி.ஆர். மருத்துவ பல்கலைகழகத்தின் துணைவேந்தர் டாக்டர் நாரயணசாமி கலந்து கொண்டு மாணவ மாணவிகளுக்கு வாழ்த்துகளை தெரிவித்தனர். சிறப்பு விருந்தினராக சேலம் மற்றும் நாமக்கல் ஆயுஷ் சுகாதாரப் பிரிவுகளின் நிர்வாகத் தலைவர் புகழேந்தி கலந்து கொண்டு சிறப்புரை ஆற்றினார். சோனா இயற்கை மருத்துவக் கல்லூரியின் மேலாண்மை அறங்காவலர் தியாகுவள்ளியப்பா பேசுகையில் சோனா கல்விக் குழுமம் தொழில்நுட்பம், கல்வி, விளையாட்டு, ஜவுளி, கட்டுமானம் போன்றவற்றின் மூலம் சமுதாய வளர்ச்சி, வேலைவாய்ப்பு ஆகியவற்றில் திறன்பட செயல்படுவது போல் இந்திய நாட்டின் பாரம்பரியமிக்க இயற்கை மருத்துவ முறையை ஒவ்வொரு குடிமகனும் பயனடைய இந்த சோனா இயற்கை மருத்துவக் கல்லூரி தொடங்கப்பட்டுள்ளது என்றும் இதன் மூலம் மருத்துவத் துறையில் இந்திய அளவில் ஒரு பெரிய மாற்றத்தை உருவாக்கும் என்றும் மேலும் சேலத்தில் 60 ஆண்டு பராம்பரிய மிக்க எங்களது கல்வி நிறுவனம் தற்போது இயற்கை மருத்துவம் மற்றும் யோகா மருத்துவக் கல்லூரியை தொடங்கி 6 ஆண்டுகளாக சிறப்பாக பணியாற்றி வருகிறது. சமீபகாலமாக இயற்கை மருத்துவம் மற்றும் யோகா கல்வி படிப்புகளுக்கும் நல்ல வரவேற்பு உள்ளது. எனவே இந்த வாய்ப்பினை பயன்படுத்திக்கொண்டு மருத்துவத்துறையில் மாணவர்கள் பல சாதனைகளை புரிய வேண்டும் என கேட்டுக்கொண்டார். இறுதியாக கல்லூரியின் டீன் வசந்திபாலமுருகன் நன்றி உரையாற்றினார். இந்த விழாவில் சோனா கல்வி குழுமத்தின் இயக்குனர் கார்த்திகேயன், முதல்வர்கள் செந்தில்குமார், காதர்நவாஷ், கவிதா, சி.எம்.ஒ சன்சு சந்தீப் பேராசிரியர்கள் மற்றும் மாணவ மாணவிகள் பெற்றோர்கள் என பலர் பங்கேற்றனர்.

Read more

சேலத்தில் இஸ்லாமியர்களை மட்டுமே குறிவைத்து நிகழ்த்தப்பட்ட சுமார் மூன்று கோடி ரூபாய் பண மோசடி. தலைமறைவாக உள்ள இஸ்லாமியர்களை கைது செய்து பணத்தை மீட்டு உரியவர்களுக்கு தரவேண்டி சேலம் மாநகர காவல் ஆணையரிடம் புகார் மனு.

சேலம். 

S.K. சுரேஷ்பாபு. 

சேலத்தில் இஸ்லாமியர்களை மட்டுமே குறிவைத்து நிகழ்த்தப்பட்ட சுமார் மூன்று கோடி ரூபாய் பண மோசடி. தலைமறைவாக உள்ள இஸ்லாமியர்களை கைது செய்து பணத்தை மீட்டு உரியவர்களுக்கு தரவேண்டி சேலம் மாநகர காவல் ஆணையரிடம் புகார் மனு. 

மாங்கனி மாநகரம் என்ற பெயர் பெற்ற சேலத்தில் சமீபமாக படம் மோசடி புகார்கள் தொடர்ச்சியாக அதிகரித்த வண்ணமே உள்ளன. கடந்த பல மாதங்களுக்கு முன்பு சேலம் அம்மாபேட்டையில் சுமார் 300 கோடி ரூபாய் அளவிற்கு பணம் மோசடி புகார் நடைபெற்று அந்த சுவடு இன்னும் அடங்காத சூழலில், தற்பொழுது மீண்டும் தலை தூக்கி உள்ளது பண மோசடி புகார். 

சேலத்தில் வசதி படைத்த இஸ்லாமிய குடும்பத்தை மட்டுமே குறிவைத்து சுமார் மூன்று கோடி ரூபாய் அளவிற்கு பணம் மோசடி செய்து தலைமறைவாக உள்ள அதே சமுதாயத்தை சேர்ந்த இஸ்லாமிய பிரமுகர்கள். மிகுந்த பரபரப்பு ஏற்படுத்தியுள்ள இந்த சம்பவம் தொடர்பாக பாதிக்கப்பட்டவர்கள் சேலம் மாநகர காவல் ஆணையரிடம் இன்று புகார் மனு ஒன்றினை அளித்தனர். அந்த மனுவில், சேலம் கோரிமேடு பகுதியை சேர்ந்த முகமது இம்தியாஸ், இவரது மனைவி ஆயிஷா, இம்தியாசின் சகோதரர் தஸ்லீம், இம்தியாசின் தங்கை நஸ்ரின் பார்த்திமா, சேலம் கோரிமேட்டை சேர்ந்த யாசர் மற்றும் உளுந்தூர்பேட்டையை சேர்ந்த கப்பல் பாய் என்கின்ற ஜகாங்கீர் ஆகியோர் ஒன்றிணைந்து சேலம் கோரிமேடு பொன் நகரில் ஜாமியா இஹ்ஸானனுல் ஃகனீமீ என்ற பெயரில் மகளிர் அரபிக் கல்லூரி நடத்தி வந்ததாகவும், இதில் அனைத்து மாவட்டங்களை சேர்ந்த ஏராளமான பெண்களுக்கு கல்வி பயிற்றுவித்து வருவதாக தெரிவிக்கப்பட்டிருந்ததாகவும், இதன் மூலம் அறிமுகமான கல்லூரியில் நிர்வாகிகள் கல்லூரியை நடத்தி வருவதோடு தாங்கள் பல்வேறு வியாபாரங்களில் பணத்தை முதலீடு செய்வதாகவும் தங்களிடம் பணம் செலுத்தினால் சில மாதங்களில் இரட்டிப்பாக தருகிறோம் என ஆசை வார்த்தைகளை கூறியதாக அந்த மனுவில் குறிப்பிட்டிருந்தனர்.

இவர்களின் பேச்சை நம்பி இம்தியாஸ் மற்றும் கல்லூரி நிர்வாகிகள்  கல்லூரியில் பயிலும் இஸ்லாமிய நன்கு வசதி படைத்த பிள்ளைகளின் பெற்றோர்களை அழைத்து பேசியதன் அடிப்படையில், சேலம் மாநகரின் பல்வேறு பகுதிகளை சார்ந்த சுமார் 25க்கும் அதிகமான இஸ்லாமியர்கள், தங்களது பிள்ளைகளின்  திருமணம் உள்ளிட்ட இதர செலவுகளுக்காக வைத்திருந்த பெரிய தொகைகள், இவர்களின் ஆசை வார்த்தைகளை கூறி வைத்திருந்த நகைகளை விற்ற பணம், இது மட்டும் இல்லாமல் தங்களது சொகுசு வாகனங்களை விற்று வழங்கிய பணம் என சுமார் 2 கோடியே 85 லட்சம் ரூபாய் அளவிற்கு பணத்தை வசூலித்துள்ளனர்.

இதற்காக பெறப்பட்ட பணத்திற்கு கல்லூரி நிர்வாகத்தின் சார்பில் ஒப்பந்த பத்திரமும் வழங்கப்பட்டதாக குறிப்பிடப்பட்டிருந்த அந்த மனதில் எது நாள் வரை திருப்பி தராமல் ஏமாற்றி வருவதுடன் தற்பொழுது கல்லூரியை காலி செய்துவிட்டு தலைமறை வாங்கி விட்டதாக ஒவ்வொருவரும் தங்களது மனுவில் தனித்தனியாக குறிப்பிட்டிருந்தனர். இதில் சேலம் ஜாதிர் அம்மாபாளையம் பகுதியைச் சேர்ந்த முகமது ஆஜும் என்பவர் அதிகப்படியாக 37 லட்சத்தில் 48 ஆயிரத்து 107 ரூபாய் வழங்கியுள்ளதாகவும் அந்த மனுவில் தெரிவிக்கப்பட்டிருந்தது. எனவே இஸ்லாமியர்களை குறி வைத்து இஸ்லாமியர்களே சுமார் மூன்று கோடி ரூபாய் பணம் மோசடி செய்து தலைமறைவாக உள்ளவர்களை கைது செய்து தங்களது பணத்தை மீட்டுத் தர வேண்டும் என்றும் மனுவில் குறிப்பிட்டிருந்தனர். 

இது குறித்து பாதிக்கப்பட்டவர்களின் வழக்கறிஞர் இம்தியாஸ் நிம்மதியை கூறுகையில், தாங்கள் கல்லூரியில் நடத்தி வருவதுடன் பல்வேறு தொழில்களில் முதலீடு செய்து வருவதோடு, பழைய கப்பல்களை வாங்கி அதனை உடைத்து அதில் கிடைக்கும் பணத்தை தங்களுக்கு இரட்டிப்பாக திருப்பி வழங்குவதாகவும் தெரிவித்ததோடு தற்போது வரை முகமது இம்தியாஸ் உட்பட அவரது கூட்டாளிகள் யாரும் தொடர்பிலேயே இல்லை என்ற காரணத்தினால் முதற்கட்டமாக சேலம் மாநகர காவல் ஆணையரிடம் புகார் மனு  அளிக்கப்பட்டுள்ளதாகவும், காவல்துறையினர் நடவடிக்கையை பொறுத்து நீதிமன்றத்தையும் அணுக உள்ளதாகவும் குறிப்பாக பண மோசடியில் ஈடுபட்ட நபர்களின் சொத்துக்களை முடக்க நடவடிக்கை எடுக்க வேண்டும் என்று கோரிக்கை வைக்க உள்ளதாக நம்மிடையே தெரிவித்தார்.

Read more

சேலம் அருகே அருந்ததியர் வீடுகளுக்குள் புகுந்து வன்முறை தாக்குதல் நடத்திய குண்டர்களை கைது செய்ய வேண்டும். பாதிக்கப்பட்டவர்கள் மீது வழக்கு பதிவு செய்து காவல்துறையின் பாரபட்சமான நடவடிக்கையை கண்டித்து ஆதித்தமிழர் கட்சியினர் சேலம் மாவட்ட ஆட்சியர் அலுவலகத்தில் புகார் மனு.

சேலம். 

S.K. சுரேஷ்பாபு. 

சேலம் அருகே அருந்ததியர் வீடுகளுக்குள் புகுந்து வன்முறை தாக்குதல் நடத்திய குண்டர்களை கைது செய்ய வேண்டும். பாதிக்கப்பட்டவர்கள் மீது வழக்கு பதிவு செய்து காவல்துறையின் பாரபட்சமான நடவடிக்கையை கண்டித்து ஆதித்தமிழர் கட்சியினர் சேலம் மாவட்ட ஆட்சியர் அலுவலகத்தில் புகார் மனு. 

சேலம் மாவட்டம் ஆத்தூர் அருகே உள்ள ஊனத்தூர் அருந்ததி சமூகத்தை சேர்ந்த ஜோதி என்பவரும் சிறுவாச்சூர் பகுதியை சேர்ந்த சக்திவேல் என்பவரும் கடந்த 23ஆம் தேதி பேருந்தில் வரும் போது வாக்குவாதம் ஏற்பட்டுள்ளது. இந்த நிலையில் அன்று இரவு சிறுவாச்சூர் ஆதிதிராவிடர் சமூகத்தைச் சார்ந்த சக்திவேல் என்பவர் மகன் ஸ்ரீகாந்த் மற்றும் அவரது மனைவி ஆகியோரக தலைமையில் சுமார் 30க்கும் மேற்பட்டோர் ஊனத்தூர் ஆதிதிராவிடர் குடியிருப்புகளுக்குள் நுழைந்து இரும்பு பைப் மற்றும் உருட்டு கட்டை போன்ற பயங்கர ஆயுதங்களால் தாக்கியதில் அருந்ததியர் சமுதாயத்தைச் சேர்ந்த ஐயப்பன் முத்து சுசீலா மற்றும் பள்ளி குழந்தைகள் மூன்று பேர் உட்பட ஐந்து பேர் படுகாயம் அடைந்து ஆத்தூர் அரசு மருத்துவமனையில் சிகிச்சை பெற்று வருகின்றனர். இந்த சம்பவம் தொடர்பாக ஆதித்தமிழர் கட்சியின் சேலம் கிழக்கு மாவட்ட செயலாளர் முல்லை பழனிச்சாமி தலைமையில், அம்பேத்கர் இந்திய குடியரசு கட்சியின் மாநில அமைப்பு செயலாளர் விஸ்வநாதன் என்பவருடன் பாதிக்கப்பட்டவர்கள் சேலம் மாவட்ட ஆட்சியர் அலுவலகத்திற்கு புகார் மனு அளிப்பதற்காக வந்திருந்தனர். அந்த மனுவில் இந்த சம்பவம் தொடர்பாக காவல்துறை துணை கண்காணிப்பாளரிடம் புகார் மனு அளித்தும் தலைவாசல் காவல் நிலைய அதிகாரிகள் வன்முறையில் ஈடுபட்டு கொலை வெறி தாக்குதல் நடத்திய நபர்களை கைது செய்யாமல் பாதிக்கப்பட்ட அருந்ததியர் சமூக மக்கள் மீது வழக்கு பதிவு செய்து ஒரு தலைவட்சமாக செயல்பட்டு வருவதாகவும் அதேபோல சம்பவம் நடந்து கிட்டத்தட்ட ஐந்து நாட்கள் ஆகியும் காவல்துறை சார்பில் பாதிக்கப்பட்ட பகுதியை நேரில் பார்வையிடவோ அல்லது விசாரிக்கவும் நடவடிக்கை மேற்கொள்ளாமல் காலம் தாழ்த்தி வருவதாகவும் குற்றம் சாட்டப்பட்டுள்ளது. மேலும் அந்த மனுவில் குற்றவாளிகளை தப்பிக்க செய்வது மட்டுமின்றி வழக்கை நீர்த்துப்போக செய்யும் வழிகளை செய்து தலைவாசல் காவல் துறை அதிகாரிகள் பாரபட்சமாக நடந்து கொள்வதாக குறிப்பிடப்பட்டுள்ள அந்த மனுவில், சேலம் மாவட்ட ஆட்சித் தலைவர் இந்த பிரச்சனையில் தலையிட்டு வன்முறை தாக்குதலில் ஈடுபட்ட ஆதிதிராவிடர் சமூகத்தைச் சேர்ந்த சிறுவாச்சூர் சக்திவேல் ஸ்ரீகாந்த் ஸ்ரீகாந்தின் தாயார் உட்பட வன்முறை கும்பலை சார்ந்த 30 பேரையும் கைது செய்து அருந்ததியர் சமுதாய மக்களுக்கு பாதுகாப்பு வழங்கி உதவிடுமாறு மனுவில் குறிப்பிடப்பட்டிருந்தது. பெரும் பரபரப்பை ஏற்படுத்திய இந்த சம்பவம் குறித்து ஆதித்தமிழர் கட்சியின் கிழக்கு மாவட்ட செயலாளர் முல்லை பழனிச்சாமி செய்தியாளர்களிடம் கூறுகையில் காவல்துறையும் நடவடிக்கை எடுக்காத பட்சத்தில் தற்பொழுது மாவட்ட ஆட்சியரை அணுகி உள்ளதாகவும் ஒருவேளை மாவட்ட ஆட்சித் தலைவரும் நடவடிக்கை எடுக்க தவறும் பட்சத்தில் கட்சியின் தலைமையை ஒப்புதல் பெற்று காவல்துறைக்கு எதிராக பல கட்ட போராட்டங்களை முன்னெடுப்போம் என்றும் எச்சரிக்கை விடுத்தார்.

Read more

சூர வதம் செய்த எம்பெருமான் முருகப்பெருமானுக்கு வள்ளி தெய்வானை சமேதருடன் திருக்கல்யாண உற்சவம். சேலம் ஸ்ரீ ராஜரிஷி ஆசிரமத்தில் நடந்த வைபவத்தில் ஆயிரக்கணக்கான பக்தர்கள் பங்கேற்று சுவாமி தரிசனம்.

 

சேலம். 

S.K. சுரேஷ்பாபு. 

சூர வதம் செய்த எம்பெருமான் முருகப்பெருமானுக்கு வள்ளி தெய்வானை சமேதருடன் திருக்கல்யாண உற்சவம். சேலம் ஸ்ரீ ராஜரிஷி ஆசிரமத்தில் நடந்த வைபவத்தில் ஆயிரக்கணக்கான பக்தர்கள் பங்கேற்று சுவாமி தரிசனம். 

சஷ்டி விழா முருகப்பெருமானின் அறுபடை வீடுகள் உட்பட உலகம் முழுவதும் உள்ள அத்தனை முருகன் ஆலயங்களிலும் கடந்த 22 ஆம் தேதி தொடங்கியது. இதன் ஒரு பகுதியாக சேலத்தில் பிரசித்தி பெற்ற சேலம் பள்ளப்பட்டி ஸ்ரீ ராஜரிஷி ஆசிரமத்தில் உள்ள ஸ்ரீ பழனி பால தண்டாயுதபாணி திருக்கோவிலிலும் கந்த சஷ்டி விழா தொடங்கி வெகு விமர்சையாக நடைபெற்றது. விழாவின் முக்கிய நிகழ்வான சூரசம்ஹார நிகழ்வு பக்தர்களின் சரண கோஷங்களுக்கு இடையே நேற்று நடைபெற்று முடிந்த நிலையில், அசுரனை வென்று சூரவதத்தில் வெற்றிகொண்ட ஆறுமுகப்பெருமானுக்கு திருக்கல்யாண உற்சவம் இன்று வெகு விமர்சையாக நடைபெற்றன. 

அதிகாலை முதல் உற்சவமூர்த்தியான ஸ்ரீ பழனி பால தண்டாயுதபாணி சுவாமிக்கு பல்வேறு விதமான அபிஷேகங்கள் செய்யப்பட்டு பின்னர் பல்வேறு வாசனை மலர்களால் சிறப்பு அலங்காரம் மேற்கொள்ளப்பட்டு ராஜா அலங்காரம் செய்யப்பட்ட நிலையில் மகா தீபாராதனைகள் நடைபெற்றன. இதனை தொடர்ந்து ஆசிரமத்தில் நிறுவனர் சிவனடியார் பாபு தலைமையில், திருக்கோவில் வளாகத்தில் ஆகம விதிமுறைப்படி அமைக்கப்பட்டிருந்த யாகசாலையில் வள்ளி தெய்வானை சமேத ஸ்ரீ பழனி பால தண்டாயுதபாணி சுவாமிக்கு கலச பூஜையும் தொடர்ந்து யாக பூஜையும், வேத மந்திரங்கள் முழங்க திருக்கயிலாய வாத்தியம் இசைக்க பக்தர்கள் முன்னிலையில் மாங்கல்யதை காண்பித்து திருக்கல்யாண வைபவம் நடைபெற்றது. 

பின்னர் மாலை மாற்று நிகழ்ச்சியும், நலங்கு வைபவமும் நடைபெற்றது. இதனை தொடர்ந்து ஹோமங்கள் செய்யப்பட்டன. இந்த கண்கொள்ளா காட்சியை காண பல்வேறு பகுதியில் இருந்து ஆயிரக்கணக்கான பக்தர்கள் வருகை புரிந்து கந்த பெருமானின் கோஷங்கள் முழங்கி வணக்கி மகிழ்தனர். இறுதியாக வள்ளி தெய்வானை சமேத ஸ்ரீ பழனி பால தண்டாயுதபாணி சுவாமிக்கு திருமண கோலத்தில் மஹா தீப ஆராதனைகளும் நடைபெற்றன.

மணமக்களுக்கு மொய் எழுதும் நிகழ்வு நடைபெற்றதை அடுத்து திருக்கல்யாண வைபவத்தில் கலந்து கொண்ட அனைத்து  பக்தர்களுக்கும் ஆசிரமத்தின் சார்பில் அன்னதானம் வழங்கப்பட்டது. சஷ்டி விழா திருக்கல்யாணம் உற்சவ நிகழ்வுக்கான ஏற்பாடுகளை ஆசிரம நிர்வாகிகள் தேவகி சுதன் வசியா மற்றும் சுப்பிரமணி உள்ளிட்டோர் செய்திருந்தனர்.

Read more

சேலத்தில் ஸ்ரீ ராஜரிஷி ஆசிரமத்தில் நடைபெற்று சூரசம்ஹார திருவிழா. வானில் முருகப்பெருமான் தோன்றிய அற்புதக் காட்சி.

சேலம். 

S.K. சுரேஷ்பாபு.

சேலத்தில் ஸ்ரீ ராஜரிஷி  ஆசிரமத்தில் நடைபெற்று சூரசம்ஹார திருவிழா. வானில் முருகப்பெருமான் தோன்றிய அற்புதக் காட்சி. 

சஷ்டி விழாவின் முக்கிய நிகழ்வான சூரசம்ஹாரத் திருவிழா அனைத்து முருகன் ஆலயங்களிலும் வெகு விமர்சையாக நடைபெற்றன. இதன் ஒரு பகுதியாக சேலத்தில் உள்ள அனைத்து முருகன் ஆலயங்களிலும் சம்ஹாரப் பெருவிழா வழக்கமான உற்சாகத்துடன் கொண்டாடப்பட்டன. குறிப்பாக சேலத்தில் பிரசித்தி பெற்ற சேலம் பள்ளப்பட்டி ஸ்ரீ ராஜரிஷி ஆசிரமம் ஸ்ரீ பால தண்டாயுதபாணி சுவாமி திருக்கோவிலிலும் எம்பெருமான் முருகப்பெருமான் சூரனை வதம் செய்யும் வெகு விமர்சையாக நடைபெற்றன. காலை முதலே மூலவரான ஸ்ரீ பால தண்டாயுதபாணிக்கு சிறப்பு அபிஷேக மகா தேவாரதனைகள் நடைபெற்றன. தொடர்ந்து மாலை நான்கு மணி அளவில் திருக்கோவில் வளாகத்தில் எம்பெருமான் ஸ்ரீ பால தண்டாயுதபாணி எழுந்தருளி சூரனை வதம் செய்யும் சம்ஹாரப் பெருவிழா பக்தர்களின் சரண கோஷங்களுக்கு இடையே வெகு சிறப்பாக நடந்தேறியது. ஆசிரமத்தின் நிறுவனர் சிவனடியார் பாபு முன் நின்று நடத்திய இந்த சம்ஹார பெருவிழாவின் போது எதிர்பாராத விதமாக வானில் எம்பெருமான் முருகப்பெருமாள் தோன்றிய அற்புத நிகழ்வும் நடைபெற்றன. அப்பொழுது திருக்கோவில் வளாகத்தில் திரண்டு இருந்த ஏராளமான பக்தர்கள் முருகப்பெருமானின் சரண கோஷங்களை முழங்கியது விண்ணை பிளக்கும் வகையில் அமைந்திருந்தது.

விழாவிற்கான ஏற்பாடுகளை திருக்கோவில் நிர்வாகிகள் வாசுகி சுதன் வசியா சுப்ரமணி மற்றும் சிவகேசவ மூர்த்தி உள்ளிட்டோர் சிறப்பாக செய்திருந்தனர்.

Read more

சேலம் 9 வது கோட்டத்தில் வார்டு சபா சிறப்பு கூட்டம். இதில் பெறப்பட்ட கோரிக்கை மனுக்கள் மீது ஒரு மாத காலத்திற்குள் நடவடிக்கை எடுக்கப்படும். மாமன்ற உறுப்பினர் தெய்வலிங்கம் உறுதி.

சேலம்.

S.K. சுரேஷ் பாபு. 

சேலம் 9 வது கோட்டத்தில் வார்டு சபா சிறப்பு கூட்டம். இதில் பெறப்பட்ட கோரிக்கை மனுக்கள் மீது ஒரு மாத காலத்திற்குள் நடவடிக்கை எடுக்கப்படும். மாமன்ற உறுப்பினர் தெய்வலிங்கம் உறுதி.

தமிழகம் முழுவதும் உள்ள மாநகராட்சி, நகராட்சிகள், பேரூராட்சிகள் ஆகிய வார்டுகளில் சிறப்பு வார்டு சபா கூட்டம் நடத்தப்பட வேண்டும் என்று தமிழக முதலமைச்சர் முத்துவேல் கருணாநிதி ஸ்டாலின் அவர்கள் உத்தரவின் பேரில், 60 கோட்டங்களை உள்ளடக்கிய சேலம் மாநகராட்சி முழுவதும் உட்பட அனைத்து பகுதிகளிலும் வார்டு சபா சிறப்பு கூட்டம் நடைபெற்றது. வரும் 29ஆம் தேதி வரை நடைபெற உள்ள இந்த சிறப்பு கூட்டத்தின் அடிப்படையில், சேலம் மாநகராட்சி 9 வது கோட்டத்திற்கு உட்பட்ட வாய்க்கால் பட்டறை தண்ணீர் டேங்க் பகுதியில் நடைபெற்ற கிராம சபை கூட்டத்திற்கு 9 வது கோட்ட மாமன்ற உறுப்பினரும், வழக்கறிஞரும் சிறந்த சமூக சேவகர்மான வழக்கறிஞர் தெய்வலிங்கம் தலைமையில் நடைபெற்றது. 

மாநகராட்சி அதிகாரிகள் பலரும் முன்னிலை வகித்த இந்த சிறப்பு வார்டு சபா கூட்டத்தில் 9 வது கோட்டத்தில் மேற்கொள்ளப்பட்ட நடவடிக்கைகள் மற்றும் மேற்கொள்ளப்பட்டு வரும் நடவடிக்கைகள் குறித்தும் ஆலோசிக்கப்பட்டது. தொடர்ந்து நடைபெற்ற கூட்டத்தில் கூட்டத்திற்கு உட்பட்ட பல்வேறு பகுதிகளை சார்ந்த பொதுமக்கள் தங்களின் தீர்க்கப்படாத கோரிக்கைகளை மாநகராட்சி அதிகாரிகள் முன்னிலையில் மாமன்ற உறுப்பினர் தெய்வலிங்கத்திடம் வழங்கினர். தனது கோட்டத்திற்கு உட்பட்ட மக்களுக்கு அவர்களின் தேவைகளை அறிந்து முன்கூட்டியே நிறைவேற்றி தந்த மாமன்ற உறுப்பினராக இருந்தாலுமே கூட, இந்த சிறப்பு கூட்டத்தில் பெறப்பட்ட மனுக்கள் சம்பந்தப்பட்ட மாநகராட்சி அதிகாரிகளிடம் வழங்கி துறை ரீதியாக அனுப்பப்பட்டு எதிர்வரும் ஒரு மாத காலத்திற்குள் இந்த சிறப்பு கூட்டத்தில் பெறப்பட்ட மனுக்களின் மீது நடவடிக்கை எடுத்து  பொதுமக்களின் தேவைகள் அனைத்தும் பூர்த்தி செய்து தரப்படும் என்றும் உறுதி அளித்தார். இந்த சிறப்பு வார்டு சபா கூட்டத்தில் கட்சி நிர்வாகிகள் பலரும் உடன் இருந்தனர். வரும் 29ஆம் தேதி வரை இதுபோன்று பகுதி சபா சிறப்பு கூட்டம் அனைத்து பகுதிகளிலும் நடைபெற உள்ளது என்பது குறிப்பிடத்தக்கது. 

Read more